Morgunblaðið - 28.02.1979, Blaðsíða 5

MORGUNBLAÐIÐ, MIÐVIKUDAGUR 28. FEBRÚAR 1979
5
„Tilræði við
afkomu launafólks”
Fundur sambandsstjórnar Iðn-
nemasambands Islands sem haldinn
var laugardaginn 17. febrúar 1979
mótmaelti harðlega öllum tilhneig-
ingum í þá átt að skerða umsamin
kjör launafólks. Taldi stjórnin að
þau ákvæði frumvarpsdraga for-
sætisráðherra er kjaramál snerta
væru beint tilræði vð afkomu launa-
fólks og einnig yrði m.a. stefnt í
stórfellt atvinnuleysi yrðu fram-
varpsdrögin að lögum.
Stjórnin gagnrýndi líka verkalýðs-
forystuna fyrir að ljá máls á að til
greina gæti komið að breyting á
viðskiptakjörum hefði áhrif á
verðbætur á laun. Krafðist stjórnin
þess að verðbótavísitalan mældi
fyllilega hækkun framfærslukostn-
aðar og varaði við þeim ákvæðum
frumvarpsdraga sem'hafa í för með
sér stórfellt atvinnuleysi að mati
sambandsstjórnar Iðnnemasam-
bands íslands.
í FJÖLBRAUTASKÓLA SUÐURNESJA hefur sá siður
komist á að haldinn er svonefndur „furðufatadagur“ á
sprengidag og var hann því í gær. Koma þá nemendur í
alls kyns görmum í skólann og er gefið klukku-
stundar-frí eftir hádegi sem þeir nota til að fara um
bæinn. Um kvöldið er síðan „furðufataball“ og segja
Suðurnesjamenn að ánægjuleg tilbreyting sé að þessu
uppátæki. Ljósm. Árný.
Rasmussen með tón-
leika í Filadelfiukirkju
í KVÖLD kl. 20.30 heldur banda-
ríski organleikarinn Mary Jeane
Rasmussen tónleika f kirkju Ffla-
delfíusafnaðarins í Reykjavík.
Á efnisskránni verða verk eftir
J.S, Bach. Reger og Messiaén.
Mary Jeane Rassmusserr lauk
konsertorganleikaraprófi frá Tón-
listarháskólanum í Vínarborg á
s.l. ári og var prófessor Michael
Radulescu kennari hennar þar.
Hún starfar nú sem aðalorgan-
leikari við eina sögufrægustu
klausturkirkju Evrópu, í Heiligen-
kreuz u.þ.b. 40 km frá Vínarborg.
Hún er á heimleið úr tónleika-
ferð um land sitt.
Aðgangur að tónleikunum er
ókeypis.
W erner Herzog til
íslands í heimsókn
FIMMTUDAGINN 1. mars kemur
þýzki kvikmyndastjórinn Werner
Ilerzog í stutta heimsókn til
íslands á vegum þýzka bókasafns-
ins. Heimsóknin er liður í ferða-
lagi Herzogs um Norðurlönd. og
kemur hann hingað frá Noregi.
Á fimmtudagskvöldið mun
Herzog hitta að máli íslenzka
kvikmyndagerðarmenn, en á
föstudagskvöldið verður sýning í
Tjarnarbíói á mynd hans
„Aguirre — reiði Guðs“ (gerð
1972 í Suður-Ameríku). Sýningin
verður opin almenningi og hefst
kl. 9. Að sýningu lokinni mun
Herzog svara fyrirspurnum áhorf-
enda, og Thor Vilhjálmsson rit-
höfundur stjórnar umræðum.
Werner Herzog er einn þekkt-
asti núlifandi kvikmyndastjóri
Þýzkalands. Allmargar mynda
hans hafa verið sýndar hér á landi,
• •
Oskudags-
brenna í
Kópavogi
Öskudagsbrenna verður á
Smáratúnsvelli í kvöld kl. 20
Það er Björgunarsveitin Stefnir
sem stendur fyrir skemmtun-
inni en sveitin hefir undanfarin
ár staðið fyrir þrettándabrennu
í Kópavogi en til hennar gaf
ekki vegna veðurs um þrettánd-
ann að þessu sinni og verður
því skemmtunin haldin nú.
Stór bálköstur hefir verið
hlaðinn. Þá verður flugelda-
sýning, púkar, tröll og fleira
gott fólk verður á ferð. Þá á að
slá köttinn úr sekknum og
margt fleira verður til skemmt-
unar.
INNLENT
t.d. var myndin „Stroszek“ sýnd
hér á kvikmyndahátíð í fyrra,
„Kaspar Hauser“ var mánudags-
mynd í Háskólabíói og síðar sýnd í
sjónvarpinu, og Fjalakötturinn
hefur sýnt 4 mynda hans. Nýjasta
mynd Herzogs er „Nosferatu" ný
útgáfa af sögunni um Dracula
greifa. Næsta vor verður frumsýnd
í Þýzkalandi mynd sem hann hefur
nú í smíðum og byggir á leikritinu
Woyzeck eftir Georg Biichner,
sem sýnt var í Þjóðleikhúsinu í
fyrra.
Ný bók um
Morgan Kane
Út er komin 13. bókin í Morgan-
Kane bókaflokknum og nefnist hún
„Lög frumskógarins"
Að þessu sinni er lögreglu-
Morgan
m Kane
Log frumskógarins
foringjanum Morgan Kane falið að
leysa verkefni á Yucatan. Verkefnið
er að bjarga vísindamönnum, sem
hafa starfað í frumskóginum, undan
ofsóknum Maya-Indíána sem sagt
hafa hvítum mönnum á skaganum
stríð á hendur.
Á Yucatan giltu lög frumskógarins
og þau þekkti Morgan Kane. Að
drepa eða vera drepinn.
Næsta vasabrotsbók frá Prent-
húsinu verður fyrsta bókin í nýrri
vasabrotsseríu S.O.S. og fjallar hún
um harðsnúinn hóp málaliða sem
taka að sér verkefni um allan heim.
Með tilkomu þessa nýja bóka-
flokks er gert ráð fyrir að út komi ný
bók mánaðarlega frá Prenthúsinu.

■
■V , í