Morgunblaðið - 28.02.1979, Blaðsíða 23

MORGUNBLAÐIÐ, MIÐVIKUDAGUR 28. FEBRÚAR 1979
23
Daníel
Kristjánsson
Hreðavatni
heiðraður
Hvanneyri, 24. febrúar
NÚVERANDI og fyrrverandi
skólastjórum og skólanefndum
Varmalandsskóla í Borgarfirði
og fleiri gestum var boðið til
veizlu í húsakynnum skólans í
dag. Heiðursgestur samkomunn-
ar var Daníel Kristjánsson,
Hreðavatni, en hann varð
sjötugur á síðastliðnu ári.
Daníel hefur verið í skólanefnd
Varmalandsskóla frá upphafi
1954, þar af formaður frá 1960 til
vors 1978 er hann gaf ekki lengur
kost á sér. I þakklætisskyni var
honum í tilefni þessara tímamóta
færð gjöf, málverk af Varma-
landsskóla eftir Benedikt
Gunnarsson listmálara. Davíð
Aðalsteinsson Arnbjargarlæk
formaður skólanefndar afhenti
gjöfina og þakkaði Daníel fyrir
mikið óeigingjarnt og fórnfúst
starf í þágu þeirra sem aðild eiga
að skólanum, en það eru öll
sveitarfélögin í Mýrasýslu utan
Borgarness. Skólastjóri Varma-
landsskóla nú er Vígþór
Jörundsson.
ófeigur.
Davíð Aðalsteinsson formaður skólanefndar Varmalandsskóla og
Daníel Kristjánsson. Ljósm. Mbl. ófeigur.
Davíð Aðalsteinsson formaður skólanefndar Varmalandsskóla og
Daníel Kristjánsson. Ljósm. Mbl. ófeigur.
Málverkið af Varmalandsskóla sem Daníel var gefið.
Radlóviti br ann
á Raufarhöfn
Raufarhöfn. 26. febrúar.
RADÍÓVITINN á Raufarhöfn
brann til kaldra kola á föstudags-
kvöld. Vitinn stendur á ásnum
ofan við þorpið og varð því
enginn eldsins var fyrr en bjarm-
ann frá bálinu bar við himin. Þá
var vitinn alelda og fékk slökkvi-
lið við ekkert ráðið. Eldsupptök
eru ókunn.
Menn frá Vitamálastofnuninni
eru væntanlegir hingað til að setja
upp bráðabirgðavita. Byggt verður
yfir nýjan radíóvita á rústum þess
sem brann um helgina.
Radíóvitinn á Raufarhöfn er
mikið notaður af skipum og flug-
vélum á Norðaftstursvæðinu.
Einnig er hann mikilvægur fyrir
flugsamgöngur til Raufarhafnar.
Fréttaritari.
FÍR um efnahagsfrumvarp Ólafs:
Mótmælir þeirri háska-
íegu samdráttarstefnu
sem felst í frumvarpinu
EFTIRFARANDI tillaga var sam-
þykkt samhljóða á félagsfundi í
Félagi íslenzkra rafvirkja á laugar-
daginn:
„Félagsfundur í Félagi íslenzkra
rafvirkja, haldinn í Félagsmiðstöð
rafiðnaðarmanna laugardaginn 24.
febrúar 1979, mótmælir harðlega
þeim tillögum sem settar eru fram í
efnahagsfrumvarpi forsætisráð-
herra, um stórfellda skerðingu á
umsömdum kjörum verkafólks, með
takmörkun á greiðslu verðbóta á
vinnulaun, töku óbeinna skatta og
niðurgreiðslna út úr vísitölunni, auk
annarra aðgerða sem mundu leiða til
versnandi afkomu launþega.
Þá mótmælir fundurinn þeirri
háskalegu samdráttarstefnu sem
frumvarpið felur í sér, sem hlýtur, ef
framkvæmd yrði, að auka verulega
það atvinnuleysi sem þegar er
staðreynd í fjölmörgum starfsgrein-
um.
Fundurinn heitir á verkalýðssam-
tökin að slá skjaldborg um kjör og
atvinnuöryggi félaga sinna og beita
samtakamætti sínum til þess að
koma í veg fyrir að ríkisvaldiö rýri
kaupmátt launa og geri atvinnuleysi
að varanlegu ástandi á íslandi.
ÞESSAR telpur, Laufey Guðmundsdóttir og Áslaug Þorfinnsdóttir, efndu til
hlutaveltu fyrir nokkru til ágóða fyrir Styrktarfél. lamaðra og fatlaðra.
Söfnuðu þær alls 10.600 krónum til féiagsins.
TÆPLEGA 8900 krónum söfnuðu þessir krakkar, sem eiga heima vestur á
Seltjarnarnesi, til Styrktarfél. vangefinna með þvf að efna til hiutaveltu í
Bakkavör 3 þar í bænum fyrir nokkru. Krakkarnir heita Sunna
Gunnlaugsdóttir, Hjalti V. Hjaltason og Stefán Halldórsson.
ÞESSAR telpur, sem eiga heima suður í Hafnarfirði, efndu til hlutaveltu á
Hverfisgötu 52b þar f bænum til ágóða fyrir Blindravinafélagið. — Söfnuðu
bær rúmlega 4440 krónum.
VESTUR á Seltjarnarnesi á Lindarbraut 11, efndu krakkar til hlutaveltu til
ágóða fyrir Styrktarfél. vangefinna. Söfnuðust þar alls um 11.240 krónur. Á
myndinni eru þeir Guðni Þór Jónsson og Þorsteinn Þorsteinsson. — En á
myndina vantar þann þriðja úr hlutaveltukompaníinu, Höskuld Friðriksson.