Morgunblaðið - 16.05.1979, Blaðsíða 29

MORGUNBLAÐIÐ, MIÐVIKUDAGUR 16. MAÍ 1979
29
Fegurðarskyn er afstætt. Lág-
markskröfur um hirðusemi og
snyrtimennsku líka, allt eftir því
hver miðar hvað við hvað. En ef
hægt er að finna eina sál í Reykja-
vík, sem er svo umburðarlynd og
nægjusöm, að hún sætti sig við að
hafa þessa hryggðarmynd fyrir
augunum, án þess að sjá rautt,
„væri vænt að vita um það“.
Svo ekkert fari á milli mála skal
tekið fram að hér er ekki verið að
mælast til að endurbætur fari
fram á klukkunni. Henni og borg-
arbúum verður ekki sómi sýndur
með öðru en að hún verði fjarlægð
í eitt skipti fyrir öll, en gjarnan
mætti önnur koma í staðinn.
Nostalgísku fólki til hugarhæfð-
ar skal bent á það að allir áþreif-
anlegir hlutir hafa eitt sinn verið
nýir — meira að segja klukkan á
Lækjartorgi, — og það getur ékki
verið erfiðara að taka ástfóstri við
fallega klukku en ljóta.
- Á.R.
• Um skemmtun
Lionsmanna á
Norðfirði
og þögn
Austurlands
Laugardaginn 5. maí sl. héldu
Lionsmenn á Norðfirði kabar-
ett-skemiptun í Egilsbúð. Var
aðsókn slík að fólk varð frá að
snúa, en þó höfðu Lionsmenn
haldið þessa sömu skemmtun 3
vikum áður, einnig við góða að-
sókn.
Skemmtun þessi tókst mjög
vel í alla staði og höfðu sýningar-
gestir hina mestu skemmtun af,
og eiga Lionsmenn þakkir skilið
fyrir góða skemmtun í frekar
tíðindalitlum bæ. Einn besti þátt-
urinn í sýningu þessari var þegar
einn Lions-manna ól af sér barn í
fullri mannstærð, og átti þar að
vera kominn tannlæknir, en þar
var verið að gera góðlátlegt grín
af ritstjóra Austurlands. Forsaga
þess máls er sú, að Lionsmenn
höfðu ákveðið að safna fyrir tann-
lækningatækjum, en hér á Norð-
firði er enginn starfandi tann-
læknir, en hins vegar er hér
tannsmiður. Reit þá ritstjóri
Austurlands grein eina mikla, þar
sem hún hneykslaðist mjög á
framtaki Lionsmanna, því ekki
væri nóg að eignast tannlækn-
ingatækin, það þyrfti líka að
eignast tannlækni, sem ætti að
beita þeim. Þess vegna settu
Lionsmenn þennan þátt á svið, því
auðvitað var það ekki þeirra að
útvega lækninn. Einnig var grín
nokkurt gert var vatnsleysinu hér
í bæ, en því hefur verið keyrt
innan úr sveit í margar vikur.
Vegna þessara tveggja þátta sá
Austurland sér ekki fært að minn-
ast einu einasta orði á skemmtun
þessa, sen setti í þess stað „frétt"
um að á næstunni yrði sýnd
soveskja stórmyndin Spartacus.
Ekki býst undirritaður við að
plássleysi hafi verið um að kenna,
því fyrir nokkru vogaði fréttarit-
ari Morgunblaðsins hér á staðnum
að gagnrýna göturnar á Neskaup-
stað, en allar eru eins og börn
gjarnan teikna yfirborð tunglsins,
og viti menn, ekki vantaði plássið í
Austurlandi þá. Smári nokkur
Geirsson, einn af helstu halle-
lúja-postulum Alþýðubandalags-
ins hér, og ein mesta málpípa
Austurlands, sem situr í Bergen
og veit ekkert hvað er að gerast
hér heima, reit dálk einn mikinn
út af þessum orðum fréttaritarans
og var hneykslaður mjög að
fréttaritarinn „skyldi gefa skít í
heimamenn", en af skít er meira
en nóg á Neskaupstað, og til að
kóróna þetta leiðindaþrugl sitt
kallaði hann það Noregs-pistil.
Neskaupstað 11. maí 1979.
Rúnar Jón Árnason.
P.S. Svar birtist sennilega í
þrem næstu tbl. af Austurlandi.
Þessir hringdu . .
• Góð erindi
Dagrúnar
Húsmóðir hringdi og sagðist
vilja koma á framfæri sérstöku
þakklæti fyrir rabb Dagrúnar
Kristjánsdóttur húsmæðrakenn-
ara í þættinum Um daginn og
veginn í útvarpi á mánudagskvöld.
Húsmóðirin sagðist oft hafa hlust-
að á Dagrúnu í útvarpi og jafnan
dáðst að flutningi hennar og
efnistökum. „Þáttur Dagrúnar í
gær er það mesta og bezta sem ég
SKAK
Umsjón:
Margeir Pétursson
Á alþjóðlegu skákmóti í Jur-
maia í Sovétríkjunum í fyrra kom
þessi staða upp í skák alþjóðlegu
meistaranna Nogueiras, Kúbu,
sem hafði hvitt og átti leik, og
Ligterinks, Hollandi.
hef heyrt í langan tírna," sagði
húsmóðirin er hún hringdi í gær-
morgun.
• Hvar er
bjórinn
Borgari hringdi og sagðist
vera langeygður eftir bjórnum.
Kvaðst hann vilja hvetja alþingis-
menn til að koma því til leiðar að
sala bjórs yrði leyfð hér á landi.
Kvað hann hróplegt misrétti í því
að leyfa mönnum að drekka sig
blekfulla af sterkum drykkjum á
götum úti, en banna fólki að lepja
öl úr krús, t.d. á krá eða í
heimahúsi.
Borgarinn sagði einnig að seint
yrðu menn varaðir nægilega við
Rússum. Þeir ykju sífellt umsvif
sín á heimssvæðunum og færu
Islendingar ekki varhluta af þeirri
útþenslustefnu, þeir væru að jafn-
aði með stóran flota af skipum við
strendur landsins.
Að lokum kvaðst borgari þessi
óánægður með ríkisstjórnina og
hvernig hún hefði tekið á kjara-
málunum frá því hún komst tii
valda. „Hér er það hástéttin sem
ríður öllum húsum og heimtar það
sem ekki er hægt að fá, og er sem
valdhafarnir ýti undir þessar
kröfur. Það ætti aðeins að hækka
kaupið við Dagsbrúnarkalla og
aðra smákarla, hinir ættu að eiga
sig,“ sagði borgarinn.
83? SlGGA V/GGÁ í Á/LVERAW
Öllu mínu skyldfólki og vinum sem heiöruöu
mig meö gjöfum og skeytum á áttatíu ára
afmæli mínu þann 8. maí færi ég innilegt
þakklæti og óska þeim gæfu og gengis.
Sigurjón Eiríksson.
Hlutafélag.
Starfandi iönfyrirtæki á stórreykjavíkursvæð-
inu hefur áhuga á aö auka hlutafé sitt. Þeir
sem áhuga hafa aö leggja fram hlutafé
vinsamlegast sendi nafn og símanúmer á
afgreiöslu Morgunblaösins í umslagi merkt:
„Beggja hagur — 5858“ fyrir 20. maí.
Áskorun um greiöslu fasteignagjalds til
fasteignaskattsgreiðenda í Reykjanes-
umdæmi frá Samtökum sveitarfélaga í
Reykjanesumdæmi.
Hér meö er skorað á alla þá sem eigi hafa
lokiö greiöslu fyrri hluta fasteignagjalds
fyrir áriö 1979 aö Ijúka greiöslu alls
fasteignagjalds innan 30 daga frá birtingu
áskorunar þessarar. En óskaö veröur
nauöungaruppboös hjá þeim sem enn
hafa eigi lokiö greiöslu gjaldsins 15. júní
n.k.
Samtök eftirtalinna sveitarfélaga i Reykjanesumdæmi:
Bessastaðahrepps, Garóabæjar, Kópavogs, Seltjarnarness,
Mosfellshrepps og Kjalarneshrepps
29. Bxh6! - gxh6, 30. Dg4 -
Bg5, 31. h4 - Hg8, 32. De4+ -
Kh8, 33. hxg5 — Hxg5, 34. Hxg5
— hxg5, 35. Dg4. Hér féll svartur
á tíma, en staða hans er hvort sem
er gjörsamlega vonlaus. Gamla
kempan, David Bronstein, sigraði
á mótinu. Hann hlaut 10 v. af 15
mögulegum. Næstir komu Knaak,
A-Þýzkalandi, og Gufeld, Sovét-
ríkjunum með níu vinninga.
'TfMsí)
\ÁV0Al$^/
m\
#1
tP^ I