Morgunblaðið - 23.10.1979, Blaðsíða 45

MORGUNBLAÐIÐ, ÞRIÐJUDAGUR 23. OKTÓBER 1979
45
VELVAKANDI
SVARAR í SÍMA
0100KL 10—11
FRÁ MANUDEGI
vísuna „Róðu betur knár minn
karl.“
Vísu þessa lærði ég barn og hef
heyrt hana á tvo vegu, þ.e. síðasta
hendingin ýmist „á norðan
gróinn" eða „á morgun gróinn".
Ekki veit ég hver þessi frú er
sem Jón er að gagnrýna enda hef
ég ekki fylgst með umsögnum um
vísu þessa í dálkum þínum.
En ég tel að hendingin eins og
frúin hefur hana (á morgun
gróinn) sé síður en svo fáránleg.
Hver sem einhvern tímann hefur
róið báti veit að við hvert áratog
myndast eins og sár í sjóinn og því
stærra eftir þýi sem fastara er
lagst á árina. í logni sjást þessi
sár sitthvoru megin varsímans en
í stormi gróa þau fljótt.
Eftir vísunni að dæma finnst
mér því endirinn falla vísunni vel.
Hinn endirinn (á norðan gróinn)
getur svo sem átt við líka. Ég
kannast mjög vel við þetta orða-
lag, gróinn í norðanátt eða sunn-
anátt. En þá er átt við stöðugt
veðurfar eða einsýnt veður.
Virðingarfyllst,
Rögnvaldur Steinsson.
• Rafmagns-
sparnaður
Að spara rafmagn jafngildir
því að spara gjaldeyri í dollurum.
Hér í þéttbýlinu við Faxaflóa er
miklu rafmagni eytt í hugsunar-
leysi til óþarfa. Nú vantar raf-
magn bæði í verksmiðjuna í
Straumsvík og á Keflavíkurflug-
völl. Bæði Bæði þessi fyrirtæki
greiða með dollurum sem hér
vantar til að greiða skuldir af
raforkuverum og daglegum þörf-
um í innflutningi.
Eyðslan er víða ofboðsleg og
algjörlega óþörf. Hugsunarleysið
er svo almennt að erlent fólk sem
hér hefur komið getur ekki orða
bundist og heyrst hefur orðið
siðleysi í meðferð rafmagns. Þegar
sólin baðar öll húsakynni eru
Ijósin á „fullu" um alla ganga og
skrifstofur. Þetta er algengt bæði
á opinberum stöðum sem og hjá
einkafyrirtækjum. Og nokkuð víða
má sjá útidyraljósið loga sólar-
hringinn út með 100 kerta peru
(flott skal það vera) þótt götuljós
ið sé nokkra metra frá og lýsi vel
upp allt svæðið í kring.
Margar ágiskanir eru um það
hvað stórar upphæðir megi eðli-
lega spara viðvíkjandi rafmagni.
Svæðið er stórt og ljósin eru mörg
sem loga að óþörfu. En satt að
segja hrökk ég við þegar nefnt var
að spara mætti jafngildi eins
togarafarms á mánuði, þ.e. verð-
mætis þess fisks í sölu erlendis.
Þá datt mér í hug að beina
þessu til þín Velvakandi þar sem
fróðlegt væri og gagnlegt að heyra
álit annarra á rafmagnssparnaði
því víst þarf að spara á erfiðum
tímum. Ög ekki síst þegar það er
svo auðvelt að ýta bara á takka og
slökkva ljósin þegar ekki þarf á
þeim að halda. Nestor
• Farið fyrr
af stað
Kona í Reykjavík hringdi til
Velvakanda:
„Mig langað til að beina því til
þeirra sem ferðast um á bifreiðum
að taka sér örlítið meiri tíma til
aksturs þegar hált er á götunum.
Öll þessi óhöpp sem verða í hálku
eru vegna þess að allir eru að flýta
sér.
Þá væri ekki úr vegi að lögregl-
an tæki okkar ágætu leigubíl-
stjóra í kennslustundir. Þegar
atvinnubílstjórar geta ekki keyrt
samkvæmt reglum er varla hægt
að ætlast til þess af öðrum.“
SKÁK
Umsjón:
Margeir Pétursson
í fyrstu deildar keppni sovézka
meistaramótsins, sem hófst nú í
októberbyrjun kom þessi staða
upp í skák stórmeistarans Makar-
ichevs, sem hafði hvítt og átti leik,
Dolmatovs, sem varð heimsmeist-
ari unglinga í fyrra.
30. Dg4 +! Dxg4 (Þvingað, því
30. . .Rxg4 er auðvitað svarað
með 31. e8= D+) 31. hxg4 (Svartur
á nú enga vörn við hótuninni 32.
d4) Hxc5 32. d4 og svartur gafst
upp.
Þeir K. Grigorjan og Lerner voru
efstir eftir fimm umferðir á mót-
inu, höfðu hlotið 3‘/2 vinning af 5
mögulegum. I mótinu, sem er
undankeppni fyrir Skákþing Sov-
étríkjanna taka þátt 18 skákmenn,
þar af sex stórmeistarar.
HÖGNI HREKKVÍSI
„«F» HUílf!"
í Tívoli
DANSKI hljómsveitarstjórinn
Eifred Eckart-Hansen frá Kaup-
mannahöfn er um þessar mundir
gestur Norræna hússins. Hann
mun i kvöld flytja erindi um
tónlistarlifið i Tívolí, þar sem
hann er tónlistarstjóri.
Með fyrirlestri sínum leikur
Eckart-Hansen tóndæmi bæði af
segulbandi og hljómplötum, þar
sem heyra má marga þá tónlist-
armenn sem gert hafa garðinn
frægan í Tívolí.
Fimmtudaginn 25. október n.k.
mun Eckart-Hansen stjórna Sin-
fóníuhljómsveit íslands og verður
þar m.a. leikið verk eftir Vagnr
Holmboe, fimmta sinfónía hans
sem frumflutt var í Tívolí 1945.
Fyrirlesturinn í kvöld hefst
klukkan 20.30 og er öllum opinn.
Humboldt-félag stofnað
FÉLAG þeírra, sem dvalist hafa
við nám og rannsóknir í Þýska
sambandslýðveidinu fyrir at-
beina Alexander von Humboldt-
visindasjóðsins, var stofnað þann
17. september 8.1. Sjóður þessi er
einn helsti visindasjóður
V-Þýskalands og starfar hann
bæði á vettvangi raunvísinda og
hugvisinda. Hefur sjóðurinn veitt
styrk til islenskra náms- og
vísindamanna um mörg undan-
farin ár.
Markmið hins nýja félags er, að
því er segir í tilkynningu frá því,
að kynna starfsemi Humboldt-
stofnunarinnar hér á landi og
margvíslegt liðsinni hennar á
sviði náms og rannsókna, m.a.
kynnisferðir til háskóla og vís-
indastofnana í Sambandslýðveld-
inu. Jafnframt að halda uppi
tengslum við stjórn stofnunarinn-
ar og vinna að gagnkvæmum
kynnum þeirra sem dvalist hafa
erlendis á hennar vegum. Slík
félög starfa víða erlendis.
a„l Formaður Alexander von
Humboldt-félagsins var kjörinn
dr. Oddur Guðjónsson fyrrv.
sendiherra. Aðrir í stjórn eru: dr.
Frosti Sigurjónsson læknir og dr.
Gunnar G. Schram prófessor.
Ein ntvel,
margar
leturgerðir
- Þaö er ekki lengur
spurning um hvaða
rafritvél þú velur, heldur
hvernig letur þú velur í
IBM kúluritvélina.
IBM kúluritvélin hefur
marga kosti umfram
aðrar rafritvélar. Einn er
að geta skipt um letur.
Með einu handtaki má
skipta um leturkúlu og fá
þannig annað letur, sem
kemur að góðum notum
við sérstakar bréfa-
skriftir, skýrslugerðir og
textaskrif.
Nú bjóða SKRIFSTOFUVÉLAR h/f upp á fjórðu leturgerðina í
IBM kúluritvélar. Sú nýja nefnist Courier 10 og bætist þar með í
hóp Advocate, Courier 12 og Scribe, sem þegar eru til með
íslenska stafrófinu.
Biðjið um letursýnishorn.
£
SKRIFSTOFUVELAR H.F.
V-.I/ £s»33
Við byggjum upp framtfð fyrirtaaki* þtns.