Morgunblaðið - 12.12.1979, Síða 3

MORGUNBLAÐIÐ, MIÐVIKUDAGUR 12. DESEMBER 1979
3
Ljósm. Rax
Hafnarfjörður:
Raflýsing í 75 ár
í DAG eru Iiðin 75 ár frá því þessi rafall, sem Jónas Guðlaugsson
rafveitustjóri Rafveitu Hafnarfjarðar stendur hjá, veitti birtu
inn í 16 hús í Hafnarfirði með samtals 150 perum. Kostaði 6 kr.
að hafa hverja peru fyrir sig, en upphafsmaður raflýsingarinnar,
sem var fyrsta almenningsrafveita í landinu, var Jóhannes
Reykdal trésmíðameistari og mikill áhugamaður um raflýsingu,
eftir að hann hafði kynnst henni á námsárum sínum erlendis.
Tæring í Twin-Otter
flugvél Arnarflugs
TÆRING hefur fundist í Twin-Otter flugvél Arnarflugs,
sem félagið keypti nýlega af Iscargo, og er nú unnið að
viðgerðum á henni, að því er Magnús Gunnarsson
framkvæmdastjóri Arnarflugs staðfesti í samtali við
blaðamann Morgunblaðsins í gærkvöldi. Sagði Magnús,
að vonir hefur staðið til að unnt yrði að byrja að fljúga
vélinni í byrjun þessarar viku, en ljóst væri að af því
gæti ekki orðið.
Magnús kvað tæringu hafa
komið í ljós í vængbita við
gregnumlýsingu, og hefði reynst
nauðsynlegt að gera við bilunina,
og væri sú viðgerð þegar hafin.
Ekki væri enn ljóst hvenær
þeirri viðgerð lyki, en vonast
væri til að það gæti orðið sem
fyrst. Tæringarinnar varð ekki
vart fyrr en eftir að kaupin höfðu
verið gerð að sögn Magnúsar,
heldur fyrst við skoðun eftir á.
Kvaðst hann ekki eiga von á að
kaupin gengju til baka af þessum
sökum. En ákveðið hefði verið
eftir að kaupin voru gerð að gera
mjög víðtæka skoðun á vélinni til
að tryggja að vélin væri í full-
komnu ástandi, og vonandi
kynnu menn að meta það sjón-
armið Arnarflugs að gera ítrustu
kröfur til öryggis.
Getraun Rauða krossins:
Tveir reyndust
með alla rétta
í GÆR var lokið við að
fara yfir getraunaseðla
Rauða krossins vegna al-
þingiskosninganna, og
kom í ljós að tveir höfðu
haft alla rétta, það er
spáð rétt fyrir um úrslit
kosninganna. Mun hvor
vinningshafi fá í sinn
hlut rösklega þrjár millj-
ónir króna.
Að sögn Vilborgar Lofts-
dóttur hjá Rauða krossinum
skiluðu rúmlega þrjátíu þús-
und seðlar sér, og er „pottur-
inn“ því rösklega þrjátíu
milljónir króna. Af því fá
hinir getspöku sigurvegarar
tuttugu prósent, eða sex
milljónir króna ríflega, er
skiptast í tvennt.
Aður hefur komið fram í
Morgunblaðinu að Pétur Sig-
urðsson húsvörður í Alþingi
hafði alla rétta í getrauninni,
en hinn vinningshafinn vill
ekki láta nafns síns getið, en
hann er búsettur úti á landi.
Rikisstjórnin:
Samþykkti 11.7%
hækkun til bænda
Samþykkti ekki fjórar aðrar hækkunarbeiðnir
RÍKISSTJÓRNIN sam-
þykkti á fundi sínum að
verð til bænda hækkaði
um 11.07%, eins og varð
niðurstaða sex manna
nefndar um hækkun á
launalið og reksturskostn-
aði í verðlagsgrundvelli
búvöru, að því er Bragi
Sigurjónsson landbúnað-
arráðherra staðfesti í sam-
tali við blaðamann Morg-
unblaðsins í gær.
Einnig hafði verið óskað eftir að
vinnslu- og heildsölukostnaður
mjólkur og mjólkurvöru hækkaði
um 8%, að umbúðagjald mjólkur
hækkaði um 15%, að pökkunar-
gjald kartaflna hækkaði um 10.6%
og að smásöluálagning búvöru
hækkaði um um það bil 9.5%, en
að sögn Braga neitaði ríkisstjórn-
in að verða við þeim beiðnum og
samþykkti þær ekki.
Landbúnaðarráðherra sagði, að
nú væri það framleiðsluráðs að
reikna út verðið eftir fyrrnefndri
hækkunarsamþykkt, eða ef ekki
verður fallist á þessa meðferð
mála að notuð verði einhver önnur
afgreiðsla. Sagði Bragi að fram-
leiðsluráð hefði hótað því að birta
sitt verð, en sagöist ekki hafa trú
á að svo yrði gert. Mest hefði verið
um vert fyrir bændur að fá
hækkun viðurkennda á launalið og
rekstrarlið. Hinar hækkunar-
beiðnirnar sneru frekar að
vinnslu- og söluaðilum. Ástæðu
þess að þessum fjórum hækkunar-
beiðnum var hafnað sagði Bragi
vera þá sömu og áður, að reynt
hefði verið eftir föngum að standa
gegn hækkunum almennt. Þætti
ríkisstjórninni vera nokkurt sam-
ræmi í því að hækka þessa liði til
bænda eins og vísitöluhækkun á
laun hefði áður verið samþykkt.
PHILIPS
Philips ryksuga hef-
ur 850 W mótor og
mikinn sogkraft.
Snúningstengsl sem
gera hana lipra og
þægilega í meöför-
um. Hún er hljóðlát
og fyrirferðalítil í
geymslu og þar aö
auki mjög falleg í
útliti.
Fæst í fjórum mis-
munandi gerðum og
litum. Philips ryk-
sugur henta bæði
heimilum og vinnu-
stöðum
mm