Morgunblaðið - 01.02.1980, Blaðsíða 11
MORGUNBLAÐIÐ, FÖSTUDAGUR 1. FEBRÚAR 1980
11
Elzta Fokker
flugvélin seld
Stórtjón í bílveltu
FLUGLEIÐIR hafa gengið frá
sölu á Fokker Friendship flug-
vélinni TF-FLP til bandarísks
fyrirtækis og munu flugmenn
félagsins fljúga vélinni til New
York í byrjun febrúar. Véiin er
seld með einum varahreyfli og
er söluverð ein milljón dollara
eða um 400 milljónir íslenzkra
króna.
Eins og fram hefur komið í
fréttum frá Flugleiðum vinnur
félagið nú að stöðlun innanlands-
flugflotans. Liður í þeirri fram-
kvæmd er sala á Friendship-
flugvélinni TF-FLP sem félagið
setti á söluskrá síðast liðið haust.
TF-FLP er elsta flugvél flotans,
var upphaflega smíðuð fyrir flug-
félag Braathens í Noregi en Flug-
Samsöngur
Söngfélags
Skaftfellinga
Söngfélag Skaftfellinga í
Reykjavík efnir til samsöngs
Iaugardaginn 2. febr. ki. 4 e.h. í
Menntaskólanum við Hamra-
hlið.
Á efnisskrá eru lög eftir
innlenda og erlenda höfunda,
þar á meðal 8 lög eftir skaft-
fellska höfunda. Söngstjóri
kórsins er Þorvaldur Björns-
son og undirieikari Ágnes
Löve.
Um þessar mundir á Skaft-
fellingafélagið 40 ára afmæli, og
þar sem söngfélagið starfar sem
deild innan þess þótti stjórnend-
um félagsins full ástæða til að
halda þessa tónleika í tilefni
afmælis félagsins.
Leiðrétting
I frétt Morgunblaðsins í fyrra-
dag var farið rangt með föður-
nöfn þeirra Þuríðar Guðmunds-
dóttur og Elísabetar Eiríksdótt-
ur, sem fram komu á afmælis-
vöku Kvenréttindafélags
íslands. Biðst blaðið velvirð-
ingar á því.
Þá var einnig í fréttinni skýrt
frá söng þriggja stúlkna, en þær
heita Hildigunnur Rúnarsdóttir
og Marta og Hildigunnur Hall-
dórsdætur, en þær systur eru
frænkur Hildigunnar Rúnars-
dóttur.
Aðalræðis-
maður andast
Sven-Erik Byhr, aðalræðis-
maður íslands í Malmö, andaðist
22. þessa mánaðar.
Utanrikisráðuneytið,
Reykjavik, 28. janúar 1980.
leiðir keyptu vélina frá Þýska-
landi í maí 1974.
Póstrán
tvívegis
sviðsett
UNNIÐ hefur verið af fullum
krafti við rannsókn póstránsins í
Sandgerði en sú gáta er þó enn
óráðin. Atburðurinn hefur tvíveg-
is verið settur á svið eins og
póstmeistarinn lýsti honum í þeim
tilgangi að rannsóknarmennirnir
áttuðu sig betur á því hvað gerðist.
Rannsókninni verður haldið
áfram af sama krafti.
Til að draga úr möguleikunum á
því að enn eitt póstrán verði reynt í
Sandgerði hefur umhverfi póst-
hússins verið flóðlýst, og geta
ræningjar því ekki framvegis leynst
þar í myrkrinu.
FYRIR nokkrum dögum varð
það óhapp á Álftanesvegi í
beygju rétt við Hraungarð að
vörubifreið frá Selfossi valt.
Á palli bifreiðarinnar voru
einingar í einbýlishús og
farmurinn var það hár að
þegar mikil vindhviða reið
yfir skipti engum togum að
bifreiðin fauk útaf veginum.
Slys urðu ekki en bifreiðin
skemmdist allmikið, framrúð-
an brotnaði, hús beyglaðist og
einnig mun hafa undizt upp á
pall og grind. Eitthvað mun
hafa brotnað af einingunum,
sem voru úr tré. Meðfylgjandi
mynd var tekin skömmu eftir
að óhappið varð.
Hljómplötu-
útsala
Okkar landsfræga hljómplötuútsala hófst í morgun.
Viö bjóöum popp, íslenskar plötur, létta
tónlist, klassík og kassettur.
Suöurlandsbraut 8 Laugavegi 24
Sími 84670 Sími 18670
Látið þetta tækifæri ekki fram hjá ykkur
fara.
Auðvelt í notkun
Með fjarstýringu og fullkomnu stjórnborði er auðvelt
og þægilegt að skipta um rás á nýja K12 litsjónvarps-
tækinu. Nýja fjarstýringin notar ósýnilega innrauða
ljósgeisla fyrir hraðar og nákvæmar fjarstýringar.
Þú getur skipt um rás eftir vild, stjórnað hljóðinu,
myndgerð og stöðvað hljóðið alveg. Græni hnappurinn
skilar strax samstilltu hljóði. birtu og litstyrk.
K12 tækið hefur líka sjálfvirka stöðvaleit, sem ásamt
AFC kerfi tryggir fullkomna mynd og hljóð. K12 tækið
gefur til kynna með ljósmerki að stilling þess sé rétt og
hárnákvæm.
Philips meö eðlilegum litum
heimilistæki hf
HAFNARSTRÆTI 3 — 20455 — SÆTUN 8 —15655