Morgunblaðið - 01.02.1980, Blaðsíða 17
MORGUNBLAÐIÐ, FÖSTUDAGUR 1. FEBRÚAR 1980
17
Morgunblaðið hafði í gærkvöldi
samband við þrjá þingmenn Sjálf-
stæðismanna, þá Eggert Haukdal,
Friðjón Þórðarson og Pálma Jóns-
son, og innti þá eftir því, hvort þeir
myndu styðja ríkisstjórn Gunnars
Thoroddsens, Framsóknarflokks og
Alþýðubandalags undir forsæti hins
fyrstnefnda. Svör þeirra fara hér á
eftir. Morgunblaðinu tókst ekki að ná
sambandi við Albert Guðmundsson.
Pálmi Jónsson:
Reikna ekki
með að ganga
í berhögg við
þingflokkinn
„Þetta mál hlýtur að
bera að í þingflokknum,"
sagði Pálmi Jónsson, al-
þingismaður, er Morgun-
blaðið spurði hann í gær,
hvort hann væri stuðn-
ingsmaður ríkisstjórnar
Gunnars Thoroddsens, ef
þingflokkur Sjálfstæðis-
flokksins hafnaði henni.
„Verði það fellt í þing-
flokknum að eiga aðild að
þessari ríkisstjórn, reikna
ég ekki með að ganga í
berhögg við þingflokk-
inn,“ sagði Pálmi.
Eggert Haukdal:
Vil ríkis-
stjórn með góð-
an málefna-
grundvöll
„ÉG VIL nú ekki tjá mig
um þetta mál,“ sagði Egg-
ert Haukdal, alþingis-
maður, er Morgunblaðið
spurði hann, hvort hann
yrði stuðningsmaður ríkis-
stjórnar Gunnars Thor-
oddsens, ef þingflokkur
Sjálfstæðisflokksins hafn-
aði henni. „Ég vil taka
fram, að ég er ekki í
þingflokknum, þótt ég sé
sjálfstæðismaður ennþá.
Sjálfstæðisflokkurinn hef-
ur í 2 mánuði verið að
reyna að mynda ríkis-
stjórn, og tækist einhverj-
um sjálfstæðismanni að
mynda ríkisstjórn, öðrum
en formanninum, þá held
ég að allir sjálfstæðismenn
fagni því, sé málefna-
grundvöllurinn góður. Þá
vil ég og benda á að þótt ég
sé ekki í þingflokknum, þá
hef ég í vetur oft greitt
atkvæði með Sjálfstæðis-
flokknum.“
„Ég vil fá ríkisstjórn,
myndaða af Alþingi með
góðan málefnagrundvöll,"
sagði Eggert Haukdal. „Ef
tekst að mynda slíka ríkis-
stjórn, þá styð ég hana. Ég
vona að menn skoði þessi
mál í rólegheitum og taki
afstöðu, en láti ekki ein-
hver annarleg sjónarmið
ráða. Verði svo, trúi ég ekki
öðru en takist að mynda
starfhæfa ríkisstjórn."
Friðjón Þórðarson:
Vil engu
svara um
slíka stjórn
„ÉG VEIT ósköp lítið um
þetta, nema hvað að
síðustu daga hafa verið
einhverjar áþreifingar í
þessa átt. Mér skilst að
það sé mikill áhugi bæði
hjá framsóknarmönnum
og alþýðubandalags-
mönnum á stjórn undir
forsæti Gunnars Thor-
oddsen. Sjálfur vil ég
engu svara um slíka
stjórn á þessu stigi."
Aðrar vangavelt-
ur trufla þjóðstjóm-
arviðræðurnar
— segir Geir Hallgrímsson
„ÞAÐ ER of mikið sagt, að
við séum komnir út í
efnisatriði. En menn hafa
rætt saman. Hins vegar
trufla óneitanlega þessar
vangaveltur manna um
aðra stjórnarmyndunar-
möguleika,“ sagði Geir
Hallgrímsson formaður
sjálfstæðisflokksins, er
Mbl. spurði hann í gær-
kvöldi um þjóðstjórnar-
viðræður.
Geir Hallgrímsson, Steingrímur
Hermannsson formaður Fram-
sóknar, Kjartan Jóhannsson vara-
formaður Alþýðuflokksins og
Ragnar Arnalds formaður þing-
flokks Alþýðubandalagsins ræddu
fjögurra flokka stjórnarsamstarf
á fundi í gærmorgun. Þeir munu
hittast aftur í dag.
„Þetta var spjall um málin. Við
fórum svona almennt yfir mynd-
ina, en það er víðs fjarri að
nokkrar ákvarðanir hafi verið
teknar," sagði Ragnar Arnalds í
samtali við Mbl. í gærkvöldi. „Það
er megn andstaða gegn því í öllum
flokkum að þurfa að gefa stjórn-
armyndun frá sér og fá utanþings-
stjórn og þess vegna vilja menn
skoða þennan möguleika, eins og
aðra. Þrífóturinn er vissulega
þungur í skauti og varla er
fjögurra flokka stjórn auðveldari
viðfangs."
Ragnar sagði, að um þjóð-
stjórnarviðræðurnar mætti segja,
að þær væru formlegastar af því,
sem í gangi væri í stjórnarmynd-
unarmálum, en hins vegar stæðu
menn í áþreifingum um ýmsa aðra
möguleika, „bæði velþekkt stjórn-
armunstur og óvæntar lausnir.“
Alþýðuflokksmenn hefja
viðræður um nýsköpun
Alþýðuflokkurinn hóf í
fyrrakvöld viðræður við
Alþýðubandalagið um
samkomulag milli þcssara
flokka í ríkisstjórn, með
Sjálfstæðisflokki eða
Framsóknarflokki. Sam-
þykkt alþýðuflokksmanna
um þessar viðræður var
bundin nýsköpunarstjórn
þar sem þeir telja þegar
fullreynt að ná saman
vinstri stjórn. Upplýs-
ingar úr Alþýðubandalagi
benda þó til að menn þar
telji þessar viðræður allt
eins beinast að vinstri
stjórn.
Af hálfu Alþýðuflokksins voru
þeir Karl Steinar Guðnason og
Magnús H. Magnússon í viðræð-
unum og af hálfu Alþýðubanda-
lagsins voru þeir Guðmundur J.
Guðmundsson og Þröstur Ólafs-
son hagfræðingur tilnefndir til
viðræðna. Að sögn alþýðuflokks-
manna gengu viðræður þessar vel
í fyrrakvöld og fram eftir degi í
gær, en skyndiíega birtust í við-
ræðunum þeir Svavar Gestsson og
Ólafur Ragnar Grímsson. Hljóp
þá fljótlega snurða á þráðinn.
Alþýðubandalagið hefur þó ekki
tekið afstöðu til þessara viðræðna
en sjálfstæðismenn hafa lýst sig
fúsa til nýsköpunarviðræðna og
var búizt við því að unnt yrði að
halda þeim áfram í dag.
Jón Sigurðsson þjóðhagsstjóri:
Skylda allra manna að greiða
fyrir myndun ríkisstjórnar
„ÞESSARI hugmynd var hreyft
með minni vitund og samþykki
og ekki meira um það að segja,“
sagði Jón Sigurðsson þjóðhags-
stjóri, er Mbl. ræddi við hann i
gærkvöldi um tilboð Benedikts
Gröndal um samstjórn Alþýðu-
flokks. Framsóknarflokks og
Sjálfstæðisflokks undir forsæti
Jóns.
Mbl. spurði Jón, hvort hann
teldi einsýnt að þingmenn þyrftu
utanaðkomandi aðstoð til að koma
á starfhæfri meirihlutastjórn. „Ég
hef ekki þá skoðun," svaraði Jón.
„Þetta er aðeins ein tilraun á
vegum stjórnmálaflokkanna. Það
er ekkert sem segir, að þingmynd-
uð ríkisstjórn þurfi eingöngu að
vera skipuð alþingismönnum, eins
og sagan geymir reyndar dæmi
um. Ég lít svo á að það sé fyrst og
fremst verkefni þingsins að
tryggja landinu stjórn."
Þá spurði Mbl. Jón, hvort hann
hefði með þessu viljað færa sig
„nær pólitíkinni."
„Ég held að það sé ákaflega
mikilvægt að koma á ríkisstjórn,
sem kemur fram málum á Al-
þingi," svaraði Jón. „Ég tel að það
sé skylda allra manna að greiða
því leið og það eitt bjó á bak við
afstöðu mína.
Það er mörgum steininum velt
upp í þessu sambandi og flestir
falla aftur í sama far og áður enn
sem komið er. Ég sé enga ástæðu
til að draga víðtækari ályktanir af
þessu."
Aðalfundur Bifrastar sam-
þykkir að selja Eimskip
Á AÐALFUNDI Skipafélagsins Bifrastar h/f, sem haldinn var í gær,
var samþykkt að ganga frá samningi um kaup H/F Eimskipafélags
íslands á allt að 100% hlutabréfa i Skipafélaginu Bifröst h/f að
undangengnum samningaviðræðum, sem farið höfðu fram á milli
aðiia og tilboðs H/F Eimskipafélags íslands frá 29. desember sl. Fyrir
aðalfundinn hafði tilboð þetta verið samþykkt af eigendum rúmlega
96% hlutafjárins, segir í frétt frá félögunum.
I fréttinni segir, að ástæður vegar, að trygging væri fengin
fyrir því, að eigendurnir vilja
selja, séu „erfið rekstraraðstaða
og ótryggar horfur, sem forráða-
menn Bifrastar töldu eftir atvik-
um ekki unnt að mæta án verulega
aukins fjármagns og eða sam-
vinnu við önnur skipafélög um
reksturinn. Þegar tilboð Eim-
skipafélagsins barst stjórn Bif-
rastar taldi hún rétt að mæla með
því við hluthafa, að að því yrði
gengið, enda taldi stjórnin að með
því væri tvennt unnið. Annars
fyrir framhaldi þeirrar flutn-
ingatækni, sem félagið beitti sér
fyrir í rekstri sínum til hagræðis
fyrir flytjendur og hins vegar
trygging hluthafa á endurgreiðslu
þess fjár, er þeir höfðu lagt fram
til félagsins.
Af hálfu kaupenda hefur verið
ákveðið að rekstri Skipafélagsins
Bifrastar h/f verði haldið áfram
með svipuðum hætti og verið
hefur. Mun félagið annast áfram
reglubundnar siglingar til Banda-
ríkjanna, og hafa fasta viðkomu í
Portsmouth. Mun m.s. Berglind
annast þessar siglingar, eins og
verið hefur að undanförnu, en
Bifröst hefur hana á leigu. Eins og
fram hefur komið í fréttum mun
m.s. Bifröst hins vegar verða í
siglingum fyrir h/f Eimskipafélag
íslands, einkum til Antwerpen og
Rotterdam og flytja sérstaklega
bifreiðar og gáma.
Það er mat stjórnenda h/f
Eimskipafélags íslands, að með
þessum breytingum fáist betri
nýting skipa, sem leiði af sér
aukna hagkvæmni og bætta þjón-
ustu fyrir viðskiptamenn félagsins
og muni reynast félaginu hag-
kvæm.“