Morgunblaðið - 01.02.1980, Blaðsíða 32

Sími á ritstjóm og skrifstofu:
10100
FÖSTUDAGUR 1. FEBRÚAR 1980
Gunnar Thoroddsen í við-
ræðum við Framsókn og
Alþýðubandalag
Býður stjórnarsamstarf undir sínu forsæti
Hann var fyrstur! —
Kristinn Benediktsson varð
fyrstur til að notfæra sér
heimild í reglugerð, sem
fjármálaráðherra gaf út í
gær þar sem ferðamönnum
er heimilað að hafa með sér
bjór inn í landið.
Mynd Mbl. Kristján
ÞINGFLOKKUR Framsóknarflokksins samþykkti í
gær, að ganga til stjórnarmyndunar með Gunnari
Thoroddsen og Alþýðubandalaginu á grundvelli við-
ræðna, sem farið hafa fram milli Gunnars og Framsókn-
arflokksins um alllangt skeið, en alþýðubandalagsmenn
urðu aðilar að viðræðunum í fyrrakvöld og í gær, og
yrði slík ríkisstjórn undir forsæti Gunnars. Farið hafa
fram þrír formlegir viðræðufundir á heimili Gunnars að
Víðimel 27, þar af tveir í gær. Alþýðubandalagið hefur
ekki endanlega tekið afstöðu til þessarar stjórnar, en er
jákvætt og bíður eftir að sjá, hvort einstakir þingmenn
Sjálfstæðisflokksins fást til þess að styðja stjórnina,
þannig að hún hafi starfhæfan meirihluta. Gunnar
Thoroddsen hefur ekki fengið umboð þingflokks Sjálf-
stæðisflokksins til þessara viðræðna, og ekkert um þæj
rætt við formann Sjálfstæðisflokksins, Geir Hall-
gnmsson.
Steingrímur Hermannsson,
formaður Framsóknarflokksins
sagói í samtali við Morgunblaðið í
gær: „Þegar þetta tilboð barst frá
Gunnari Thoroódsen til okkar,
höfðum við áhuga á samstarfi við
Alþýðubandalag og Sjálfstæðis-
flokk og við skiptum okkur ekki af
því á hvern hátt Sjálfstæðisflokk-
urinn nálgast okkur í stjórnar-
myndunarviðræðum. Gunnar
kvaðst hins vegar hafa nægan
stuðning í þingflokki sjálfstæö-
ismanna. Eg hefi ekki viljað
blanda mér í innanhússmál sjálf-
stæðismanna, en hins vegar ræddi
ég þetta við Geir Hallgrímsson í
gær. Gunnar Thoroddsen leggur
áherzlu á, að mynduð yrði þing-
ræðisstjórn, og ef þessi stjórn-
armyndun tekst, þarf ekki að
koma til utanþingsstjórnar."
Morgunblaðið reyndi í gærkveldi
að ná tali af Gunnari Thoroddsen,
en árangurslaust.
Steingrímur Hermannsson
sagði, að hann hefði í gær þrisvar
sinnum rætt við Gunnar á heimili
hans að Víðimel. Morgunblaðið
spurði hann, hverja Gunnar hefði
nefnt sem stuðningsmenn sína í
þingflokknum. „Hann nefndi
þessa menn í algjörum trúnaði,
svo að ég vil ekki nefna þá,“ sagði
Steingrímur. Hann kvaðst heldur
ekki hafa rætt við þessa ákveðnu
þingmenn til þess að 'ganga úr
skugga um stuðning þeirra. „Ég
blanda mér ekki í innanhúsmál
Sjálfstæðisflokksins. Slík afskipti
vildi ég ekki að aðrir hefðu af
Framsóknarflokknum og því tók
ég þessa afstöðu. En við fram-
sóknarmenn erum reiðubúnir til
þessarar stjórnarmyndunar,“
sagði Steingrímur Hermannsson.
Olafur Ragnar Grímsson, for-
maður framkvæmdastjórnar Al-
þýðubandalagsins sagði í samtali
við Mbl. í gær, að til viðbótar við
Gunnar Thoroddsen yrði nægilegt
að fá einn eða tvo þingmenn til að
styðja stjórnina. „Síðan yrði gott
ef einn eða tveir aðrir sætu hjá, en
í reynd þurfum við ekki nema einn
til viðbótar Gunnari til þess að
verja slíka stjórn vantrausti."
Fyrsti viðræðufundurinn hófst í
fyrrakvöld. Annar var haldinn
klukkan 10,30 í gærmorgun og
sátu hann ásamt Gunnari Guð-
mundur G. Þórarinsson og Svavar
Gestsson. Á sama tíma fóru fram
þjóðstjórnarviðræður í Þórs-
hamri, þar sem sátu Geir Hall-
grímsson, Steingrímur Her-
mannsson, Kjartan Jóhannsson og
Ragnar Arnalds. í hádeginu sátu
fund hjá Gunnari Pálmi Jónsson,
Friðjón Þórðarson og Eggert
Haukdal og strax á eftir kom
Steingrímur Hermannsson. Síðan
var formlegur fundur viðræðuað-
ila aftur klukkan 16, en þann fund
sátu auk Gunnars Svavar Gests-
son, Hjörleifur Guttormsson,
Steingrímur Hermannsson og
Guðmundur G. Þórarinsson.
Alþýðubandalagsmenn halda
því fram, að viðræður hafi átt sér
stað milli Gunnars og Framsókn-
ar í alllangan tíma. Síðan hafi
komið boð á þriðjudag frá Gunn-
ari um framsóknarmenn um
stjórnarmyndun. Sagt er, að mál-
efnagrundvöllur sé í aðalatriðum
fullbúinn og mun í honum fjallað
um efnahagsmál, atvinnumál,
kjaramál, utanríkismál og her-
málið, svo að eitthvað sé nefnt. Er
búizt við því að Gunnar Thor-
oddsen muni á þingflokksfundi
sjálfstæðismanna, sem hefst í dag
klukkan 15 leggja þetta mál fyrir
og óska eftir stuðningi þingmanna
Sjálfstæðisflokksins við þessa
stjórnarmyndun sína.
Framsókn hafnar for-
sæti þjóðhagsstjóra
ÞINGFLOKKUR Fram-
sóknarflokksins hafnaði í
gær tilboði Benedikts
Gröndals formanns Alþýðu-
flokksins um samstjórn Al-
þýðuflokks, Framsóknar-
flokks og Sjálfstæðisflokks
undir forsæti Jóns Sigurðs-
Dýralæknar vilja
leigja Dýraspitala
Watsons í eitt ár
STJÓRN Ilýraspítala Wat-
sons hefur nú til athugunar
tilboð frá þremur dýralækn-
um, sem áhuga hafa á að
leigja dýraspítalann ásamt
tækjum í eitt ár að minnsta
kosti. Dýralæknarnir eru
Brynjólfur Sandholt héraðs-
dýralæknir, Helgi Sigurðsson
og Eggert Gunnarsson. Þeir
höfðu hug á að byrja samstarf
um lækningar smádýra og
hrossa í Dýraspítalanum í
dag, en hafði ekki í gærdag
borizt svar við tilboðinu.
Nú er komið á fimmta ár
síðan Dýraspítalinn var afhent-
ur, en þar hefur fram til þessa
ekki verið starfandi dýralæknir.
Þar hefur þó ýmis starfsemi
farið fram, einkum geymsla á
gæludýrum. Samningaviðræður
hafa lengi átt sér stað um
ráðningu dýralæknis að spítal-
anum, en ekki borið árangur til
þessa. Stjórn spítalans hefur
m.a. kannað möguleika á ráðn-
ingu erlends dýralæknis að
spítalanum.
Sjá biaðsíðu 18:
Þrír dýralæknar ...
sonar þjóðhagsstjóra. Auk
Jóns skyldu vera 8 ráðherr-
ar, tveir frá Alþýðuflokki, 3
framsóknarmenn og 3
sjálf-stæðismenn. „Þá vilj-
um við heldur utanþings-
stjórn, en vera settir á
hvalbeinið undir forystu
embættismanns," sagði
Steingrímur Hermannsson
formaður Framsóknar-
flokksins í samtali við Mbl.
í gær. Samkvæmt heimild-
um Mbl. greiddu aðeins
tveir þingmenn Framsókn-
ar tilboði Benedikts at-
kvæði.
„Þetta mál hefur ekkert verið
rætt í þingflokki Sjálfstæðis-
flokksins, þar sem enginn þing-
flokksfundur var í dag. Þess
vegna vil ég ekki tjá mig um
þetta á þessu stigi," sagði Geir
Hallgrímsson formaður Sjálf-
stæðisflokksins í samtali við
Mbl. í gærkvöldi. „En það skal
fram tekið að Sjálfstæðisflokk-
urinn hefur ekki gert ágreining
um forsætisráðherra í slíkri
ríkisstjórn."
„Steingrímur hefur tilkynnt
mér afstöðu framsóknarmanna
og þar með er þetta úr sögunni,
nema eitthvað breytist. En þetta
var tilraun af minni hálfu til að
losa um þá togstreitu, sem
forystuvandamálið var,“ sagði
Benedikt Gröndal formaður Al-
þýðuflokksins í samtali við Mbl.
í gærkvöldi. „Mér virðist það
vera almenn skoðun í flokkun-
um þremur, að ef forystuvanda-
málið væri ekki fyrir hendi, þá
ættum við að geta náð málefna-
legu samkomulagi.
Jón Sigurðsson er embættis-
maður, sem ekki tengist neinum
flokki, og hefur átt náið sam-
starf við forsætisráðherra úr
öllum þessum flokkum og nýtur
trausts þeirra. Þetta tilboð gerði
ég í trausti þess að minn flokkur
myndi fallast á, að þær hættur,
sem Alþýðuflokknum eru búnar
í stjórnarsamstarfi Við þessa tvo
sterku flokka, yrðu mun minni
með þennan mann á oddinum."
Sjá samtal við Jón Sigurðs-
son miðopnu.
Geir Hallgrímsson
Ekki raunhæf-
ar hugmyndir
MORGUNBLAÐIÐ hafði í gærkvöldi samband við Geir Hall-
grímsson, formann Sjálfstæðisflokksins, og leitaði umsagnar
hans um þær viðræður, sem Gunnar Thoroddsen hefur átt í
síðustu daga um myndun ríkisstjórnar undir hans forsæti. Geir
Ilallgrimsson svaraði á þá leið, að hann hefði í raun ekkert um
þetta að segja, því að Gunnar Thoroddsen hefði ekki kynnt sér
þessar hugmyndir og málið hefði alls ekki verið rætt innan
þingflokksins. Hér væri því um að ræða aðgerðir, sem væru
algerlega fyrir utan svið Sjálfstæðisflokksins. Að sínu mati væri
ekki um að ræða raunhæfar hugmyndir.