Morgunblaðið - 23.04.1980, Blaðsíða 30

30
MORGUNBLAÐIÐ, MIÐVIKUDAGUR 23. APRÍL 1980
Úrslitin í bikarkeppni HSÍ

Ráða stuðningsmennirnir
úrslitum í leiknum?
í KVÖLD kl. 20.00 fer fram síðasti stórleikurinn á handknattleik-
stímabilinu. KR og Ilaukar mætast i úrslitaleik bikarkeppninnar í
LauKardalshóll. Ekki er nokkur vafi á því að mikil stemmning á eftir
að vera í hollinni í kvöld. Það er mjöx mikið í húfi fyrir bæði liðin að
sigra, þar sem uppskera þeirra hefur verið frekar rýr í íslandsmótinu
í vetur. bá hefur hvorugt liðið ieikið í Evrópukeppni ok því til mikils
að vinna.
Það sem kemur einna helst til
með að ráða úrslitum í leiknum í
kvöld verður sjálfsagt stuðningur
sá sem liðin fá frá áhorfendum.
Liðin eru mjög jöfn að styrkleika
og því ógerlegt að spá um úrslitin
í leiknum. En eitt er víst að hart
verður barist þar. sem bæði liðin
eru þekkt fyrir að vera stemmn-
ingslið og gefa ekkert eftir þegar
mikið er í húfi. Hin minnstu
smáatriði geta ráðið úrslitum í
leiknum í kvöld, en hróp og köll og
hvatning stuðningamanna liðanna
munu sjálfsagt hafa þar mest að
segja.
Stuðningsmenn Hauka, hafa í
gegn um árin verið mjög öflugir,
og fá lið hafa átt jafn trygga
aðdáendur á pöllunum og þeir. Og
það mun alveg ljóst að þeir láta
ekki svo auðveldlega kveða sig í
kútinn í höllinni í kvöld.
KR-andinn er þekktur segja
vesturbæingarnir, og rétt mun það
vera, en spurningin er sú hvort
þeir mæta ekki ofjörlum sínum á
áhorfendapöllunum í kvöld.
KR-ingar ætla sér að vera í
meirihluta, því þeir gera sér grein
fyrir því að annað dugar ekki ef
bikarinn á að nást í KR-heimilið.
Því hefur formaður KR Sveinn
Jónsson sent út orðsendingu i
blöðum þar sem hann hvetur alla
sina menn að sýna hvað í þeim
býr, og úr því fæst skorið í kvöld
hvort nokkur töggur er lengur til í
stuðningsmönnum gamla góða
KR.
Bæði liðin verða með sína bestu
menn i kvöld, fyrir utan það hvað
óvíst er með Hauk Ottesen hjá
KR. Þess í stað hafa þeir hug á að
fá Hilmar Björnsson þjálfara Vals
til liðs við sig. Hann hefur leikið
með 1. flokki KR í vetur og átt
stórleiki að eigin sögn. Lið KR
hefur æft mjög vel að undanförnu
og undirbúið sig af kappi fyrir
leikinn undir stjórn Jóhanns Inga
Gunnarssonar og Jóhannesar
Sæmundssonar.
Lið Hauka, undir stjórn Viðars
Símonarsonar fyrrum landsliðs-
þjálfara, er tilbúið í slaginn. Liðið
hefur verðskuldað að komast í
úrslitin, lagði bæði íslandsmeist-
ara Víkings að velli svo og Vals-
menn sem voru í úrslitum í
meistarakeppni Evrópu. Lið
Hauka getur því greinilega bitið
vel frá sér ætli það sér það, leikið
góða vörn og beittan varnarleik.
KR-ingar verða því að taka vel á
ætli þeir sér að sigra. KR-liðið
getur sýnt af sér ótrúlega mikla
baráttu og hörku sérstaklega í
varnarleik, það hefur það sannað í
leikjum sínum í vetur.
Óhætt er að fullyrða að ekki er
nokkur leið að spá um úrslit
leiksins, en tvísýnn og harður
handknattleikur verður án efa á
boðstólum í kvöld.
- þr.
Rútur fara frá
Haukahúsinu
HAUKAR leika nú í fyrsta skipti
til úrslita í bikarkeppni HSÍ. Á
leið sinni í úrslitin hafa Hauk-
arnir þurft að ryðja Fram,
Víking og síðast Vai úr vegi.
Leiðin hefur því verið grýtt í
meira lagi en nú skal allt lagt í
sölurnar til að sigur megi nást.
Haukar hafa tekið þátt í bikar-
keppninni allt frá því hún hóf
göngu sína árið 1974. Erki-
FH hefur
oftast
sigrað
Bikarkeppni HSÍ fór fyrst
fram árið 1974, og það ár sigraði
Valur í keppninni. Næstu þrjú ár
voru ár FH-inga scm sigruðu
þrjú ár í röð. Síðan var komið að
Víkingum sem urðu bikarmeist-
arar árin '78 og ’79 og nú er
spurningin hverjir sigra í kvöld.
fjendurnir, FH, hafa reynst okkur
ákaflega þungir í skauti því eigi
sjaldnar en fjórum sinnum hafa
þeir slegið Hauka út úr bikarnum.
Valsmenn hafa tvívegis orðið til
þess að slá okkur út en í ár eru
Haukar enn ósigraðir í bikarnum.
Haukarnir hafa verið undir
stjórn Viðars Símonarsonar í vet-
ur og þrátt fyrir að bjart væri
framundan hjá hjá félaginu í
haust hefur sól félagsins aldrei
náð að skína að marki, í 1.
deildinni. Áherslan var því lögð á
bikarkeppnina.
Haukar hafa sigrað í íslands-
mótinu utanhúss s.l. tvö ár og eru
núverandi handhafar Reykjaness-
bikarsins. Haukar hafa hins vegar
aldrei unnið bikarkeppnina og
meira en þrír áratugir eru síðan
félagið vann innanhússmótið
síðast. Það er því kominn tími tl
að félagið láti almennilega að sér
kveða. Allir bestu leikmenn liðsins
verða til í slaginn á miðvikudag og
geysilegur áhugi er fyrir úrslita-
leiknum í Hafnarfirði. Rútur
munu fara frá Haukahúsinu auk
allra þeirra er fara á einkabílum.
Allir eru staðráðnir í því að gera
árið 1980 að Hauka-ári.
Fremri röð f.v.
Sigurður P. Óskarsson, 24 ára Hóf að leika með m. mfl. 1973.143 leikir 3 ul. Haukur Ottesen, 26 ára
íþróttakennari. Hóf að leika m. mfl. 1969. 230 leikir 6 ul. Pétur Hjálmarsson, 24 ára gullsmiður. Hóf að
leika m. mfl. 1974.147 leikir 2 ul. Þórir Haraldsson, 21 árs nemi. Hóf að leika m. mfl. 1979. Lék áður með
Gróttu. 10 leikir.
Haukur Geirmundsson, 20 ára skrifstofumaður. Hóf að leika m. mfl. 1975. 83 leikir. Björn Pétursson, 26
ára kennari. Hóf að leika m. mfl. 1969. Lék um tíma með Gróttu. 156 leikir 9 ul. Aftari röð f.v.
Páll Ásmundsson. aðstoðarmaður liðsins. Jóhann Ingi Gunnarsson, þjálfari. Kristinn Ingason, 21 árs nemi.
Hóf að Icika m. mfl. 1975.130 leikir.
Konráð Jónsson 24 ára nemi. Hóf að leika m. mfl. 1979. Lék áður með Þrótti. 17 leikir 3 ul. 1 al. Ólafur
Lárusson, 20 ára nemi. Hóf að leika m. mfl. 1976. 108 leikir. Friðrik Þorbjörnsson, 21 árs nemi. Fyrirliði
liðsins. Hóf að leika m. mfl. 1975.143 leikir. 8 ul. 2 al. Simon Unndórsson, 24 ára nemi. Hóf að leika m. mfl.
1973.157 leikir. 3 ul. 1 al.
Jóhannes Stefánsson, 24 ára matreiðslumaður. Hóf að leika m. mfl. 1977. Lék áður með Val. 70 leikir 11 ul.
Ævar Sigurðsson, form. Handknattleiksdeildar KR.
„Erum með leynivopn
af skæðari gerðinni"
ÞAÐ var mikill hugur í forráða-
mönnum KR-inga er Mbl. ræddi
við þá í gær. — Við erum
staðráðnir í að sigra, en við
vitum að sigur vinnst ekki nema
allir, hver og einn einasti KR-ing-
ur, mæti í höllina og hvetji
strákana, sagði Ævar Sigurðsson
formaður handknattleiksdeildar
KR. — Við ætlum að sanna að
KR-andinn er ekki bara orðin
tóm. Þá erum við með leynivopn
af skæðari gerðinni, við munum
smala i rútur og ætlum að heita
öllum brögðum, sem leyfileg eru
til þess að sigra í leiknum. Þetta
yrði eina rós KR í vetur ef okkur
tekst það, körfuknattleiksmönn-
unum gekk illa og við ætlum að
bæta það upp. Við munum fara
með gjallarhorn um vesturbæinn
og hvetja okkar fólk til að mæta.
Laugardalshöllin verður full af
KR-ingum, sagði Ævar að lokum.
— Þr.
• Meistaraflokkur Hauka í handknattleik er mætir KR í kvöld. Haukar eru núverandi íslandsmeistarar
utanhúss.