Morgunblaðið - 09.05.1980, Blaðsíða 25

MORGUNBLAÐIÐ, FÖSTUDAGUR 9. MAÍ1980
25
félk í
fréttum
+ HÉR eru tvö kunn andlit á sviöi balletsins vestur í Bandaríkjunum. Ungi
maöurinn á myndinni er sjálfur Rudolf Nureyev, balletmeistarinn mikli. Konan í
Ijósa kjólnum er balletdansahöfundurinn Martha Graham. Myndin er tekin aö
lokinni balletsýningu í New York-óperunni fyrir nokkru, er Nureyev dansaöi á
frumsýningu balletsins „Equatorial", sem er ballet samninn af fröken Mörthu
Graham. Konan viö hægri öxl balletmeistarans er kvikmyndaleikkonan Liza
Minelli.
Hinn nýi stjórnandi
Boston Pops
• Nýr hljómsveitarstjóri hinnar
heimsfrægu Boston Pops hljóm-
sveitar er John Williams, sem er
47 ára gamall. Tekur hann við sem
hljómsveitarstjóri af Arthur Field-
ler, sem lézt í fyrrasumar, háaldr-
aöur. — Myndin er tekin af John
Williams er hann stjórnaði fyrstu
tónleikum hljómsveitarinnar fyrir
skömmu. Þar var hann mjög ákaft
hylltur af áheyrendum.
+ ÞETTA eru þjóðkunnir bræöur vestur í Bandaríkjunum, Herbert og Nelson Bunker,
auðjöfrar miklir. Þeir voru kallaðir fyrir þingnefnd í VVashington fyrir skömmu til þess að
gera þar grein fyrir hlut sínum á silfurmarkaðinum í Bandaríkjunum, en þeir eiga eitt
stærsta hlutafélagið í heiminum, sem verzlar með silfur. Því hefur verið haldið fram, að
bræðurnir beri mikla ábyrgð á hruni sem varð á silfri í marzmánuöi síðastliðnum í
Bandaríkjunum. Hafa þeir og verið bornir þeim sökum að hafa ætlað að ná til sín
einokunaraöstööu á silfurmarkaðinum í Bandaríkjunum. — Því neituðu þeir báðir
staöfastlega, er þeir komu fyrir þingnefndina. Myndin er tekin af bræðrunum, er þeir
sóru eiöa að framburði sínum fyrir nefndinni. — Mál þetta hefur vakið mikla athygli í
Bandaríkjunum.
Frá blaðamannafundi Finnanna á Hótel Loftleiðum: Tauno Salo frá
Rantasipihótelhringnum lcnirst til vinstri, þá Bo W. Laang frá Finnair.
Risto Hemming frá frá Finlands Turistkontor, Hand Laidwa frá Silja
Line og Einar Candoiin frá Ageba-ferðaskrifstofunni.
Kynna Islending-
um ferðamanna-
landið Finnland
Finnskir ferðamálaaðilar hafa nú ákveðið að leggja áherslu á að kynna
tslendingum Finnland sem ferðamanna- og ráðstefnuland. og voru blaðamenn
boðaðir til fundar að Hótel Loftleiðum fyrr i þessari viku af þessu tilefni. Það
voru fulltrúar frá eftirtöldum fyrirtækum sem til fundarins boðuðu: Finnair.
Rantasipi Hotels-hringurinn, Silja Line-skipafélagið. Finlands Turistkontor
og Ageba-ferðaskrifstofan.
Finnarnir sögðu á blaðamannafundinum, að þeir teldu að i Finnlandi væri
margt það að sjá er tslendingum myndi þykja eftirsóknarvert, og að þangao
væri unnt að ferðast á einfaldan og ódýran hátt. hvort heldur væri i lofti eða á
sjó.
Meðal þess sem Finnland hefur að
bjóða er fagurt landslag og mikið
skóglendi. Er landið að því leyti mjög
frábrugðið íslandi, að hér er um 1%
landsins skógi vaxið, á móti 70%
Finnlands. Þá er talið að í Finnlandi
séu 68 þúsund vötn, og er unnt að
ferðast um þau mörg hver á bátum og
skipum. Finnar leggja mikið upp úr
ferðamannaiðnaðinum, og þangað
koma árlega um það bil þrjár milljón-
ir ferðamanna að því að talið er.
Fjölmennastir eru Svíar og Norð-
menn, en síðan koma Vestur-Þjóðverj-
ar, Rússar og Bandaríkjamenn. Allur
þorri Finna talar finnsku, sem er
erfitt mál og ólíkt íslensku sem
kunnugt er, en einnig eru í landinu um
300 þúsund sænskumælandi Finnar.
Flestir tala sænsku, og tungumála-
erfiðleikar eiga ekki að vera fyrir
hendi fyrir ferðamenn, þar sem hótel-
starfsfólk og fleiri tala bæði ensku og
fleiri evrópumál. Verðlag er talið
fremur hagstætt fyrir ferðamenn í
Finnlandi, og fullyrtu Finnarnir á
blaðamannafundinum að ódýrara
væri fyrir Dani að ferðast til Finn-
lands og halda ráðstefnu, heldur en að
halda hana í Kaupmannahöfn, jafnvel
þó þeir byggju þar. Hið ódýra verðlag
gerði meira en að greiða niður flugfar-
gjaldið.
En um leið og Finnarnir lögðu
áherslu á hve margt væri ólíkt með
Islandi og Finnlandi, þá sögðu þeir að
mjög margt væri líkt með þjóðunum
tveimur. Báðar hefðu þær verið undir
erlendri stjórn fyrr á tímum, og báðar
töluðu þær tungumál sem væri öðrum
þjóðum óskiljanlegt. í skapferli þykja
þjóðirnar líkar, og þær skemmta sér á
svipaðan hátt.
I Finnlandi er að finna fjölbreyti-
legt lista- og menningarlíf, og Finnar
eru kunnir fyrir matargerðarlist sína
sem er eins konar sambland af
skandinavískum, rússneskum og mið-
evrópskum mat, og þykir lostæti.
Meðal þess sem unnt er að fá i
Finnlandi er bjarndýrakjöt, sem mun
vera mjög ljúffengt að sögn Finnanna.
Til Finnlands er unnt að ferðast frá
íslandi um Stokkhólm eða Kaup-
mannahöfn, hvort heldur sem er
loftleiðina eða sjóleiðina frá Dan-
mörku eða Svíþjóð. Unnt er að ganga
frá greiðslu fargjaldanna hér á landi
áður en lagt er af stað, og hægt er að
greiða það í íslenskri mynt. Frá
Finnlandi er síðan unnt að komast í
ferðir til Sovétríkjanna, meðal annars
í eins til þriggja daga ferðir til
Leningrad.
í Finnlandi er meginlandsloftslag,
kaldir vetur en hlý sumur með mjög
stöðugu veðurfari, þar sem rignir
minnst á Norðurlöndunum. Meðal-
árshiti heitasta staðar í Finnlandi er
um 18 gráðu hiti á Celcius, sumar-
mánuðina.
Finnska flugfélagið Finnair, er ekki
nýtt af nálinni, því það var stofnað
árið 1923. Lengi hefur verið samstarf
milli þess og íslensku flugfélaganna,
og er svo enn. Vilji ferðamenn frá
íslandi fara áfram frá Finnlandi er
það auðvelt, því félagið flýgur um
allan heim. í sumar verða til dæmis
opnaðar nýjar flugleiðir til Los Angel-
es og Tokyo svo eitthvað sé nefnt.
Að lokum má geta þess, að í
september í haust verður efnt ti!
Finnlandsviku á Hótel Loftleiðum.
Veður er milt og hlýtt í Finnlandi
á sumrin eins og þessi mynd ber
með sér, en hún er frá banum
Oulu, sem er á sömu breiddar-
gráðu og Reykjavík. Vetur eru
hins vegar kaldir. og er landið
því einnig eftirsótt til vetrar-
iþróttaiðkana.
Sýnikennsla í
safnhaugagerð
Náttúrulækningafélag Islands efnir til sýnikennslu í
safnhaugagerð á Heilsuhælinu í Hveragerði næst-
komandi sunnudag kl. 14.00.
Farið verður í þau fræðilegu atriði sem liggja til
grundvallar safnhaugagerðinni og síðan fer fram
verkleg kennsla.
Áætlunarferöir, frá Umferöamiðstööinni í Reykjavík
kl. 13.00 og frá Heilsuhælinu kl. 16.15 og 18.45.
Allir áhugamenn um garðrækt eru hvattir til aö láta
ekki þetta einstæða tækifæri ganga sér úr greipum.
Stjórnin.