Morgunblaðið - 10.07.1980, Blaðsíða 3
MORGUNBLAÐIÐ, FIMMTUDAGUR 10. JÚLÍ1980
3
GRJÓTAÞORP:
Nýtt skipulag kynnt í borgarráði
Á Borgarráðsíundi hefur verið kynnt nýtt skipulag af
Grjótaþorpi, en skipulag þetta hefur verið í vinnslu að
undanförnu. Fyrst mun skipulagið verða kynnt borgarfull-
trúum og síðan borgarbúum mun almenningur væntanlega
berja hið nýja skipulag augum eftir u.þ.b. hálfan mánuð.
Ekki hefur verið tekin nein afstaða til þessa skipulags enn,
en það verður væntanlega gert þegar fundir borgarstjórnar
hefjast að loknum sumarleyfum.
Þorsteinn Pálsson:
Neitun ríkisstjórnarinnar
á verðhækkunum leiðir til
uppsagna hjá fyrirtækjunum
— Á ÞVÍ leikur enginn vafi að
útlitið er dökkt eins og horfurnar
eru í dag og Ijóst er að mikil
tvísýna er um allt er varðar
atvinnuástand. sagði Þorsteinn
Pálsson framkvæmdastjóri VSÍ
er Mbl. innti hann áiits á horfum
i atvinnumálum.
— Þetta ástand kemur m.a. til
af því að ríkisstjórnin hefur
ákveðið að koma í veg fyrir
verðhækkanir hjá ýmsum fyrir-
tækjum án tillits til þeirra kostn-
aðarhækkana, sem þau verða að
bera og leiðir það til uppsagnar
hjá þeim. Ljóst er að ástandið í
fiskiðnaðinum er dökkt og hefur
érfitt ástand á erlendum mörkuð-
um sagt strax til sín hérlendis. En
þessi verðlagshöft geta leitt til
fækkunar á starfsfólki fyrirtækj-
anna án þess að ríkisstjórnin geri
tilraun til þess að aðstoða, hún
telur kostnaðinn upp, en verðlagið
niður og við sjáum því ekki fram á
annað en fyrirtækin loki, sagði
Þorsteinn að lokum.
Þotuflugstjórar:
Meðalmánaðarlaun
um 2,2 milljónir
„Á ÞAÐ má minna að einsdæmi
mun í islenskri atvinnusögu, að
tvö stéttarfélög komi fram fyrir
sama starfshóp og enn f jarstseðu-
kenndara að tvö stéttarfélög
komi fram fyrir sama starfshóp
hjá einum atvinnuveitanda,” seg-
ir i frétt frá kynningardeild
Flugleiða, en hún er send út
vegna fyrirspurna um samkomu-
lagið, sem Flugleiðir gerðu við
stéttarfélög flugmanna 6. júli sl.
og um launakjör flugmanna.
Segir í greinargerðinni að verk-
fallið, sem flugmenn boðuðu til,
hafi aðeins verið vegna eins þáttar
í kjaradeilunni. Vinnulöggjöf hér-
lendis sé slík að stéttarfélög geti
boðað til verkfallsaðgerða meðan
á viðræðum standi vegna aðeins
eins þáttar og muni slíkt algjört
einsdæmi. Virðist ekkert því til
fyrirstöðu að verkfall geti verið
boðað um önnur einstök atriði og
síðan koll af kolli. Samningum við
flugmenn var sagt upp í október,
viðræður hófust eftir áramót og
hafa gengið stirðlega m.a. vegna
ósamstöðu flugmannafélaganna
tveggja, segir einnig í greinar-
gerðinni.
„í samkomulaginu frá 6. júlí er
áréttað um forgang flugmanna að
verkefnum hjá Air Bahama, enda
starfi flugmenn eftir þeim reglum
og starfskjörum, sem þar gilda.
Þau eru talsvert frábrugðin því
sem gerist í Norður Atlantshafs-
flugi Flugleiða og næst þar mun
betri nýting á flugliðinu. Þá eru
ákvæði, sem tryggja atvinnutæki-
færi flugmanna og atvinnuöryggi
þeirra eftir því sem hægt er. Þar
sem flugmenn hafa með þessu lýst
sig fúsa til að vinna eftir starfs-
kjörum þeim, sem gilda hjá Air
Bahama, er þess að vænta að
svipaðar starfsreglur og þar gilda
náist inn í samninga þá sem nú
standa yfir.“
Þá segir að mikið sé spurt um
launakjör flugmanna og gefnar
upp tölur um meðalmánaðarlaun
frá 1. júní sl. Meðallaun flugstjóra
erú um 2,2 milljónir króna á
DC—8 og Boeing 727 þotum og
1.780 þús. kr. á Fokker. Meðallaun
flugmanna eru 1300—1400 þús. kr.
á þotunum og rúm milljón á
mánuði á Fokker vélunum. Þá
greiðir félagið 11% af launum í
lífeyrissjóð, slysa- og líftrygg-
ingar o.fl.