Morgunblaðið - 19.07.1980, Síða 3

Gosinu
lokið
GOSVIRKNI hætti á gosstöðvun-
um i Gjástykki i gærmor)?un og
hefur nú allt hraunrennsli stöðv-
azt.
Þó sér enn í glóð í gígunum, en
fólk er nú farið að fara upp á
gígbarmana. Land rís nú af fullum
krafti, svo sem oft er eftir goshrin-
ur og er risið um 1 cm á dag. Allt
bendir því til að þessi hrina sé um
garð gengin og má þá búast við að
kyrrt verði á þessum slóðum þar til
í septemberlok.
• •
Olvaður
ók útaf
LAUS fyrir klukkan 16 í gær var
fólksbifreið ekið útaf veginum við
Rauðavatn fyrir ofan Reykjavík.
Leikur grunur á því að Bakkus hafi
þar verið með í ferðum. Maðurinn
meiddist lítils háttar en bifreiðin
skemmdist talsvert.
Gæzluvarð-
hald „sölu-
mannanna“
framlengt
GÆZLUV ARÐIIALD sölumann
anna svokölluðu var i gær fram-
lengt til 1. ágúst nk. i sakadómi
Reykjavikur.
Eins og fram hefur komið í fréttum
seldu mennirnir, sem eru tveir,
kaupmönnum víða um land varning,
sem reyndist í flestum tilfellum vera
skran. Fengu þeir í staðinn víxla,
sem þeir notuðu strax til viðskipta,
aðallega bílaviðskipta.
MORGUNBLAÐIÐ, LAUGARDAGUR 19. JÚLÍ1980
3
Slysin í umferðinni:
„Setja þarf krossmark á þá
staði sem banaslysin verða,
vegfarendum til áminningar“
- segir Hannes Þ. Hafstein framkvæmdastjóri SVFI
VEGFARENDUR þurfa alvar
legar áminningar á hverjum
degi og mér finnst það ekki
fráleit hugmynd að setja upp
krossmark við þá staði, þar sem
banaslys verða í umferðinni.
ba>ði úti á þjóðvegum og í bæ og
borg. sagði Hannes Hafstein
framkvæmdastjóri Slysavarna-
félags jslands þegar Mbl. ra ddi
við hann um hin geigvænlega
tiðu slys að undanförnu og hvað
væri til úrbóta.
—Ef litið er til 6 fyrstu
mánaða ársins, janúar til júní-
loka, er fjöldi banaslysa sá sami
og í fyrra, sagði Hannes. Hins
vegar hafa orðið miklar sveiflur
milli flokka, en Slysavarnafélag-
ið flokkar banaslys eftir ákveðn-
um reglum. Sjóslys og drukkn-
anir urðu 19 á móti 24 í fyrra en
banaslys í umferö hafa orðið 16
á móti 5 í fyrra. Banaslysin í
umferð eru því þrefalt fleiri nú
og það sama er uppi á teningn-
um ef litið er til umferðar-
óhappa almennt. Á tveimur
fyrstu vikum júlímánaðar hefur
ástandið verið hrikalegt. Þá urðu
9 banaslys og munar þar mestu
um hinn hörmulegu slys á vötn-
um um síðustu helgi. Sömu tvær
vikur í fyrra urðu samtals þrjú
banaslys.
—Allir Islendingar hljóta að
hrökkva við þegar þeir sjá þess-
ar staðreyndir og ef ekki verður
spyrnt við fótunum og allir
landsmenn taki saman höndum
verður árið 1980 mesta slysaár á
íslandi á seinni árum a.m.k. Það
er sérstök ástæða til þess að
hvetja til stóraukinnar varkárni
í umferðinni eins og tölurnar hér
að framan bera með sér. Allir
vegfarendur gangandi og akandi
verða að virða þær reglur, sem
settar hafa verið í umferðinni.
Því miður er víða pottur brotinn
í þeim efnum og einna hryggi-
legastar eru þær fréttir, sem
berast eftir hverja helgi af
drukknum ökumönnum. Þeir eru
teknir svo tugum skiptir í hverri
viku og það var ömurlegt að lesa
fréttir um það eftir eina helgina
að fámennt lögreglulið í Árnes-
sýslu skyldi hafa handsamað 23
Hin hrikalegu slys i umferðinni hafa vakið óhug hjá fólki. Þannig leit
bifreið út eftir árekstur i sumar. t þessu slysi beið ungur maður hana.
Ljósm. Mbl. Kristinn
drukkna ökumenn um eina helgi.
Ég vil segja það að lokum, að
það ætti að verða okkur íslend-
ingum umhugsunarefni að á
sama tíma og fjöldi banaslysa í
umferðinni eykst hér á landi -
fækkar þeim verulega í ná-
grannalöndunum. Mér kæmi
ekki á óvart að til þess liggi tvær
meginástæður, hámarkshraði
hefur verið lækkaður og því fylgt
eftir með miklu eftirliti að hann
sé virtur og hin ástæðan er
lögleiðing bílbelta. Það er löngu
kominn tími til þess að við
íhugum í fullri alvöru hvort ekki
sé rétt að lögleiða notkun bíl-
belta hér á landi. Samkvæmt
nýútkominni skýrslu frá land-
læknisembættinu hafa 28 ríki
lögleitt skyldunotkun öryggis-
belta við akstur. Þar er því
haldið fram að almenn notkun
öryggisbelta við akstur gæti
fækkað dauðaslysum og alvar-
legum umferðarslysum um 65—
80% og minni háttar meiðslum
um 40—60%. Hér er mikiö í húfi,
því talið er að kostnaður vegna
umferðarslysa á íslandi 1977
hafi numið 4—5 milljörðum
króna svo maður tali ekki um
allar þjáningarnar og það and-
lega álag, sem umferðarslysin
valda. Það er ekki hægt að meta
til peninga, sagði Hannes Þ.
Hafstein að lokum.
Takast samningar milli
Sambandsins og ASI?
VeRna þeirrar stöðu, sem upp^r komin í samningamálunum haíði Morgunhlaðið
í gærkvöldi samhand við Ilallgrím Sigurðsson, formann Vinnumálasambands
SamvinnufélaRanna, Snorra Jónsson, forseta Alþýðusamhands fslands og
Þorstein Pálsson. framkvæmdastjóra Vinnuveitendasambands íslands.
Ilallgrímur Sigurðsson
hafði þetta um málið að segja:
„Það er ekki rétt að ég hafi
átt í viðræðum við ASÍ, en hins
vegar eins og gengur í öllum
samningum, eiga sér stað
óformlegar viðræður milli
funda. Hins vegar hefur komið
í ljós að VSÍ og ASÍ áttu fund í
vikunni, þar sem fjallað var
um B-hlutann. VSÍ lýsti því
yfir að viðræður væru gagns-
lausar nema að ASÍ gæfi eftir í
B-hlutanum.
Við vorum með ákveðnar
tillögur áður en VSÍ kom með
sinn kjarnasamning. Við erum
sammála VSÍ í mörgum atrið-
um eins og t.d. að fækka
launastigum. Við höfum hins
vegar talið að tillögurnar væru
ekki raunhæfar að mörgu leyti.
Þetta er mjög flókið mál og það
þarf að gefa sér góðan tíma til
að fjalla um það.
Á fundi ASÍ og VMSS lagði
ég því fram tillögu um að öllum
samningum væri frestað um
eitt ár með ákveðnum forsend-
um. Hverjar þær forsendur eru
get ég ekki tjáð mig um á þessu
stigi. Hins vegar yrði kannaður
á meðan samræmdur samning-
ur og hvað hann kostaði. Síðan
yrði reynt að koma honum á í
áföngum ef hann yrði of dýr.
ASÍ samþykkti á þessum fundi
að taka þátt í viðræðum á
þessum grundyelli. Hvað við-
víkur kröfu ASÍ um 5% grunn-
kaupshækkun, þá viljum við
skoða það mál.“
Snorri Jónsson hafði þetta
um málið að segja:
„Við vorum á þriggja tíma
fundi í vikunni með VSÍ, þar
sem ræddar voru ýmsar sér-
kröfur. Þeir höfðu lofað að
koma með gagntilboð á þessum
fundi gegn því tilboði, sem við
höfðum áður gert um flokka-
skipan kauptaxta. Þeir sögðust
Þorsteinn Pálsson
þá ekki vegna tímaleysis geta
staðið við þau loforð. Á sátta-
fundi í morgun kom ekkert
nýtt fram hjá fulltrúum VSÍ.
Ég er því mjög undrandi á
yfirlýsingum VSÍ núna varð-
andi einhverjar leynilegar við-
ræður okkar og VMSS og tel
þetta vera hreinan fyrirslátt.
Við áttum síðan, samkvæmt
beiðni sáttanefndar, fund með
VMSS í morgun og á þeim
fundi var ákveðið að hittast
aftur á þriðjudaginn. Þar var
rætt um kjarasamninga á
grundvelli þeirra krafna, sem
við höfum lagt fram. Hvað
Snorri Jónsson
fram fór að öðru leyti vil ég
ekki tjá mig um á þessu stigi,
en það get ég sagt að VMSS var
ólíkt jákvæðara en VSÍ hefur
verið. Það er ljóst að VSÍ og
VMSS telja sig ekki geta unnið
saman að samningagerð. Mér
finnst ekki óeðlilegt að sátta-
nefnd boði fulltrúa ASÍ og
VMSS saman til fundar þegar
þessi staða er komin upp.“
Þorsteinn Pálsson hafði
þetta um málið að segja:
„Það kom fram á fundi VSÍ
og VMSS með sáttanefnd í
morgun að Hallgrímur Sig-
urðsson lýsti því yfir að hann
hefði átt þrjá viðræðufundi
með ASÍ að undanförnu. Á
fundi með ASÍ á eftir neituðu
þeir að þessar viðræður hefðu
farið fram, en tilkynntu jafn-
framt að þeir hefðu óskað eftir
Hallgrimur Sigurðsson
sérviðræðum við VMSS og
fyrsti fundur væri ákveðinn á
þriðjudag. Við getum ekki litið
öðruvísi á, en að þeir vilji rjúfa
viðræður ASÍ og VSÍ. Fram að
þessu hefur VMSS engar tillög-
ur lagt fram og aldrei tekið
afstöðu með eða á móti kjarna-
samningatillögum okkar. Þeir
hafa ekki á einum einasta
fundi tekið efnislega afstöðu til
mála. Á siðasta fundi okkar og
ASÍ var rætt um B-hlutann,
þar sem um var að ræða
ákveðnar forsendur fyrir sam-
komulagi um launastiga.
Niðurstöður þess fundar voru
neikvæðar.
Ég er því mjög undrandi á
ummælum Hallgríms Sigurðs-
sonar í útvarpinu í kvöld, því
að hann tók alveg skýrt fram á
viðræðufundi með sáttanefnd
að hann hefði átt þrjá viðræðu-
fundi með ASÍ og ég trúi ekki
öðru en að sáttanefnd geti
staðfest þetta. ASÍ neitaði hins
vegar þessum fundi og við
segjum það í okkar fréttatil-
kynningu að við berum ekki
brigður á það sem ASÍ segir í
þessu sambandi. En eftir
standa orð Hallgríms.
í yfirlýsingu hans kemur nú
fram að hann hafi boðið ASÍ að
framlengja samninga óbreytta
í heilt ár. ASÍ hefur fallist á að
hefja sérviðræður við VMSS á
þessum grundvelli. Við erum
margsinnis búnir að bjóða ASÍ
samninga á þessum grundvelli,
allt frá áramótum og marg-
ítrekað það. Því hefur alltaf
verið hafnað án umhugsunar.
Við getum því ekki dregið aðra
ályktun af þessu en þá, að ASÍ
fari út í þessar sérviðræður
með allt önnur sjónarmið en
þeir hafa haft. Álla vega er
afstaða þeirra til tilboða VMSS
þá allt önnur en til samskonar
tilboða af okkar hálfu."