Morgunblaðið - 06.11.1980, Blaðsíða 19

MORGUNBLAÐIÐ, FIMMTUDAGUR 6. NÓVEMBER 1980
19
Nýir menn
og framboð
PÉTUR Rafnsson. formaður
Ueimadallar. hefur óskað eftir
þvi, að Morcunbiaðið birti i
heild kafla úr álitsgerð um
framboðsmál Sjálfstæðisflokks-
ins, sem samin var af honum.
sem fulltrúa i nefnd á vegum
stjórnar Sambands un«ra sjálf-
stæðismanna. þar sem frásögn
á Umhorfssiðu 30. október sl.
Kefi ekki rétta mynd af þessum
kafla álitsgerðarinnar. Kaflinn
fer hér á eftir í heild:
Hlutur ungra manna
á framboðslistum
Sjálfstæðisflokksins
Eins og öllum sjálfstæðis-
mönnum er kunnugt af reynslu
undanfarinna áratuga, á sér stað
mjög hæg endurnýjun í þingliði
flokksins. Þessi hæga endurnýj-
un er að vissu leyti eðlileg í svo
stórum flokki sem Sjálfstæðis-
flokknum. Auk þess eru engar
reglur viðhafðar í þingliði svo og
á öðrum stöðum innan hans.
Prófkjör í núverandi mynd hefur
frekar litla hvatningu til endur-
nýjunar í för með sér, vegna
lakari stöðu nýrra manna í
mikilli keppni prófkjörs. 1978
komst aðeins einn ungur sjálf-
stæðismaður (36 ára eða yngri) á
þing, þ.e. fyrir Reykjavík. Fyrir
þessar kosningar komu alþýðu-
flokksmenn fram með marga
nýja menn og þar af nokkra úr
röðum ungra jafnaðarmanna. I
kosningunum 1978 unnu jafnað-
armenn mikinn sigur. Að lokn-
um kosningum 1979 var staða
ungra sjálfstæðismanna sú, að
einn ungur sat enn á þingi fyrir
Reykjavík, einn var orðinn vara-
þingmaður Vestfirðinga og ann-
ar varaþingmaður Norður-
landskjördæmis vestra.
I þessum kosningum komu
framsóknarmenn fram með nýja
menn í flestum eða öllum kjör-
dæmum og af þeim nokkrir
ungir framsóknarmenn.
Framsóknarmenn unnu mikið
á í kosningunum 1979, þrátt
Pétur Rafnsson.
fyrir að þeir væru að fara frá
völdum við lítinn orðstír.
Ofantaldar staðreyndir eru
glögg vísbending til flokksins
um hversu stöðug endurnýjun er
mikilvæg til að viðhalda eða
auka fylgi flokksins. Öllum kem-
ur saman um að aukning fylgis
flokksins sé mikilvægari en að
viðhalda völdum einstakra
manna innan hans.
Möguleiki til að fjölga
ungum mönnum á fram-
boðslistum flokksins
Á meðan prófkjör eru viðhöfð
í núverandi mynd, hlýtur hlutur
ungra sjálfstæðismanna í fram-
boði fyrst og fremst að byggjast
á samstöðu þeirra sjálfra.
Ungir sjálfstæðismenn verða
að sýna fram á það í ræðu og riti
innan flokksins að ósamræmj er
orðið í stefnu flokksins annars
vegar og hugmyndum og störf-
um forystuhóps hans hins vegar.
Við getum ekki barist fyrir frelsi
einstaklingsins og einkafram-
taki einn dagin og hálfvelgju
sósíalisma hinn daginn.
Ungir sjálfstæðismenn verða
nú þegar að stilla saman krafta
sína og framboðsáform um allt
land. Með því móti einu geta
ungir hjálpað ungum í öðrum
kjördæmum.
Forystu Sjálfstæðisflokksins
er þegar orðið ljóst, að háttvirtir
kjósendur vilja ákveðnar breyt-
ingar á hinni breiðu forystufylk-
ingu flokksins.
Ungir sjálfstæðismenn mega
ekki aðeins vitna tii orða Jó-
hanns heitins Hafsteins, þegar
hann sagði: „Enginn maður er
svo merkiiegur, að flokkurinn sé
ekki merkilegri", heldur hefjast
handa um samstillingu ungra
sjálfstæðismanna. Lýðræði Is-
lands, frelsi einstaklinganna,
virk andspyrna gegn allri sósí-
alseringu kommúnista byggist
fyrst og fremst á þessum neista
ungra sjálfstæðismanna.
Ákveðin lág-
marksframlög
til almenn-
ingsbókasafna
AUGLÝST hefur verið í Lögbirt-
ingablaðinu hver skuli vera lág-
marksframlög sveitarfélaga til
almenningsbókasafna, en lág-
marksframlög þessi eru endur-
skoðuð árlega og færð til sam-
ræmis við verðlag í landinu
samkvæmt útreikningum Ilag-
stofunnar. Framlög þessi eru sem
hér segir:
Til bæjarbókasafns greiði bæj-
arsjóður kr. 1.300 á hvern íbúa
kaupstaðarins, til bæjar- og hér-
aðsbókasafns greiði bæjarsjóður
1.300 kr. á hvern íbúa hreppsfé-
lagsins. Önnur sveitarfélög í um-
dæminu greiði 130 kr. á hvern
íbúa og stendur sýslysjóður skil á
þessari greiðslu. Til héraðsbóka-
safns greiði sveitarsjóður þar sem
safnið er kr. 1.300 á hvern íbúa
hreppsfélagsins. Önnur sveitarfé-
lög í umdæminu greiði 130 kr. á
hvern íbúa og stendur sýslusjóður
skil á þessari greiðslu. Til hrepps-
bókasafns greiði viðkomandi
hreppssjóðir 1.000 kr. á hvern íbúa
hreppanna.
Akranes:
Mikil vinna í
fiskvinnslu,
síldarsöltun
og loðnubræðslu
Akranesi. 5. nóvember.
AKRANESTOGARARNIR þrir
lönduðu afla sínum hér i vikunni,
Ilaraldur Böðvarsson 140 lestum,
Krossvíkin 150 lestum og óskar
Magnússon 160 lestum. Aflinn
var mestmegnis þorskur og ýsa.
Bjarni ólafsson landaði hér 1000
lestum og Vikingur 1300 lestum
af loðnu i vikunni.
Síldar- og fiskimjölsverksmiðj-
an hf. er nú þegar búin að taka á
móti 12.000 lestum af loðnu á
þessari vertíð. Loðnunni er nú
landað með nýjum tækjum, sem
flytja hana í lokuðum rörum beint
úr skipunum í þrærnar og er
loðnan vegin um leið. Mikill þrifn-
aður fæst með þessari hagræð-
ingu.
Reynir AK kom hingað í dag
með 120 tonn af síld af miðunum
austanlands og fer síldin til sölt-
unar hjá Heimaskaga hf. og Þórði
Óskarssyni hf.
— JúHun
Þrekvirki
tveggja manna
FRÁ ÞVÍ var greint í laugardags-
blaði Morgunblaðsins, að þrír
menn hefðu verið hætt komnir i
vatnavöxtum í Kelduá í Fljótsdal.
í fréttinni sagði, að björgunar-
sveitarmenn hefðu brotizt á ýtu til
hjálpar mönnunum, en hið rétta
er, að það voru tveir starfsmenn
Vegagerðarinnar, sem þrekvirkið
unnu, samkvæmt frásögn eins
mannanna, sem bjargað var. Það
voru þeir Ármann Magnússon,
ýtumaður frá Egilsstöðum, og
Þórhallur Ólafsson, tæknifræð-
ingur á Reyðarfirði, sem fóru á
ýtu í vatnselginn og tókst að koma
kaðli til mannanna, sem voru á
þaki gröfu úti í ánni.
MYNDAMÓT HF.
PRENTMYNDAGERÐ
AÐALSTRETI I - SlMAR: 17152- 17335
Frábær hljómflutningstæki
með tæknilega yfirburði og
hönnun fyrir fagurkera
ATH.: Greiðsluskilmálar eóa staógreiöslukjör
HLJÓMTÆKJADEILD
tifcjil KARNABÆR
LAUGAVEG 66 SIMI25999
Útsölustaðir:
Karnabær Laugavegi 66 — Karnabær Glæsibæ
Eplið Akranesi — Eplið ísafirði
Álfhóll Siglufirði —Cesar Akureyri
Hornabær Hornafirði —
Eyjabær Vestmannaeyjum