Morgunblaðið - 21.12.1980, Síða 30

MORGUNBLAÐIÐ, SUNNUDAGUR 21. DESEMBER 1980
70
5. umferð Ólympíumótsins:
Naumur sigur yfir
skæðri sveit Mongóla
EFTIR mótlætið í íjórðu um-
ferð voru meólimir islensku
sveitarinnar að vonum feKnir
því að fridagur var fyrir
fimmtu umferð, hinn fyrsti á
mótinu. Ilann var notaður til
þess að slappa af í veðurbiíð-
unni, því fyrstu vikuna, sem
skákmótið stóð yfir. var oft
sólskin og hlýtt í veðri.
Þrátt fyrir að við værum nú
komnir töluvert frá toppnum,
voru andstæðingar okkar i
fimmtu umferð þó engir ný-
græðingar. Það voru Mongólar,
sem hafa um langa hríð verið
seigir skákmenn. í umferðinni
áður höfðu þeir lagt Braziliu-
menn óvænt að velli, 3—1, og
hugðust nú áreiðanlega höggva
fleiri skörð í raðir andstæðinga
sinna eins og Gengis Khan til
forna.
Rússar hafa sem kunnugt er
mikil ítök í Mongólíu og hafa
m.a. gert skáklistina fremur
vinsæla þar. Ekki hefur þeim þó
tekist að kenna Mongólunum
réttu aðferðirnar við hægfara
stöðubaráttu, en hins vegar eiga
þeir það sameiginlegt með
grönnum sínum Kínverjum að
nýta sér hvert tækifæri til að
flækja taflið.
Helgi - Mjagmasuren 0-1
Jón - Tumurbaatar 1-0
Jóhann - Zigzidsuren '/i-'/2
Ingi - Lhagva 1-0
Þegar upp var staðið vorum
við mjög ánægðir með að sigur
hafði þrátt fyrir allt unnist, því
lengi leit út fyrir að staða
Jóhanns væri töpuð.
Fyrsta áfallið dundi yfir eftir
að aðeins hafði verið teflt í rúma
þrjá tíma. Helgi hafði saumað
jafnt og þétt að andstæðingi
sínum, alþjóðameistaranum
Mjagmasuren, en eins og á móti
Búlgörum var hann of bráður á
sér. I þessari stöðu hefur svart-
ur, sem sjá má, „eilífðarveik-
leika" á c6 sem hann losnar
aldrei við. Hvítum liggur því
ekkert á, en ætti t.d. einfaldlega
að vinna að því að skipta upp á
liði.
Svart: Mjagmasuren
Hvítt: Helgi Ólafsson
26. IIb6?! (Öruggast og bezt var
26. Ra4 og síðan Racð.) — Dc7,
27. Ra4? (Nú var 27. Db3 nauð-
synlegt.) — Bxd4! (Nú hefði
hvítur átt að sætta sig við 27.
Hxc6 — Da7, 28. Hxe6 — Hxe6,
Skák
eftir Margeir
Pétursson
29. exd4 — Dxd4, því þeirri stöðu
tapar hann a.m.k. ekki.) 28. exd4
- Rxd4. 29. Dc5 - Re2+, 30.
Khl — He4! (Hótun Mongólans
er einfaldlega 31. — Dxh2+, 32.
Kxh2 - Hh4 mát.) 31. Hb4 -
Hxb4, 32. Rxb4 - He4!, 33. g3
(33. h3 veitti eitthvað meiri
mótstöðu.) — Hc4, 34. Ra6 —
Dc8, 35. Da5 - Dh3, 36. Del -
Hh4! og hvítur gafst upp. Þessi
skák sýnir mjög vel hve stór-
hættulegir Asíubúarnir eru þeg-
ar þeir ná sóknarfærum.
A öðru borði hagnýtti Jón sér
vel með svörtu ráðleysislega
byrjanataflmennsku andstæð-
ingsins og vann örugglega. And-
stæðingur Inga R. á fjórða borði
dreymdi greinilega stóra
drauma um sókn lengst af skák-
arinnar, en er hann vaknaði var
mikið lið farið fyrir lítið sprikl.
Öruggur sigur hjá Inga.
Jóhann Hjartarson lék af sér
peði í jöfnu endatafli og er skák
hans fór í bið virtist ekkert
annað en tap blasa við. Jóhann
bjargaði aftur á móti sigri ís-
lensku sveitarinnar í höfn með
snjallri vörn. Þannig var staðan,
er skákin fór í bið:
Svart: Zigzidsuren
Hvítt: Jóhann Hjartarson
47. — Kf5? (Biðleikur Mongól-
ans. Betra var 47. — Rc7, sem
heldur hvíta kóngnum frá peð-
unum á drottningarvæng og ætti
að tryggja auðveldan sigur.) 48.
Kd5 - Kg4, 49. Kc6 - Rc5, 50.
Rc3! (Að sögn Mongólanna litu
þeir aðeins á 50. a5 í rannsókn-
um sínum, en því ætlaði svartur
að svara með 50. — bxa5. Nú fær
hvítur aftur á móti meiri tíma.)
- Rxa4, 51. Rxa4 — Kxh4, 52.
Kxb6, 53. Kxa6 - Kf4, 54. Kb5
- g5, 55. Kc4 - Ke3, 56. Rc3
- f5, 57. Rd5+ - Ke2, 58. Kd4
- f4, 59. Ke4 - f3, 60. Rc3+ -
Kf2, 61. Rdl+ — Kg3. Jafntefli.
Þar með var íslenska sveitin
komin í 18.—19. sæti með 12 v.
ásamt V-Þjóðverjum og stefndi
enn um skeið upp á við.
Frændur okkar Norðmenn
voru kampakátir eftir fimmtu
umferðina, því þeir sigruðu öfl-
uga sveit Svisslendinga 3 'A — '/2
og komust þannig upp fyrir
okkur í fyrsta sinn.
Ungverjar juku forskot sitt i
einn og hálfan vinning með því
að sigra Bandaríkjamenn 3—1.
Stutt skák úr þeirri viðureign á
milli tveggja stórmeistara:
Hvítt: Ribli (Ungverjal.)
Svart: Seirawan (Bandar.)
Nimzoindversk vörn
1. d4 - Rf6, 2. c4 - e6, 3. Rf3
- b6, 4. Rc3 - Bb4, 5. Bg5 -
h6, 6. Bh4 - g5, 7. Bg3 - Re4,
8. Dc2 - Bb7, 9. e3 - f5, 10.
Bd3 - Bxc3+, 11. bxc3 - d6,
12. d5 - e.xd5, 13. cxd5 -
Bxd5, 14. Rd4 - Df6, 15. f3 -
Rc5, 16. Bxf5 - Rbd7. 17. Rb5
— 0-0-0 (Skákin Gheorghiu-
Speelman í London í vor tefldist
þannig frá þessari stöðu: 18.
Rxa7+ - Kb7, 19. Rb5 - Hde8,
20. 0-0 - Bc4, 21. Bxd7 - Rxd7,
22. Da4 - Bxb5, 23. Dxb5 - Rc5,
24. e3 — Dxc3 og svartur náði
undirtökunum og vann. Ribli
hafði auðvitað séð þessa skák og
hafði endurbót á reiðum hönd-
um:)
18. Hdl! - Be6,19. Be4 - Kb8,
20. Hxd6! - Rc5, 21. Hxd8+ -
Hxd8, 22.0-0 - Bd7, 23. Rd4 -
Ba4?, 24. Bxe5! og svartur gafst
upp.
Staðan í toppnum eftir fimm
umferðir: 1. Ungverjaland 16 v.
2.-4. Búlgaría, England og Sví-
þjóð 14'/i v. 5. Sovétríkin 14 v.
Enda hafði kaupandinn glöggt auga fyrir listrænuni munum
og vissi hvað hentaði best við aðra húsmuni. T.d. við bron-
spottinn undir blómið frá ömmu, stvttuna frá starfsfélögunum
og málverkið sem keypt var fyrir stuttu.
Já, konan keypti svo sannarlega inn fyrir heimilið.
Ekki hara latvæli.
Hún hafði aldrei velt því fyrir sér fyrr en daginn sem hún sá
EVRÓPUEFNIÐ á vegg við hliðina á litríku málverki og
fögrum munum, hve þýðingarmikið það er að hafa allt í sam-
ræmi. „Glöggt er gests augað“ segir máltækið.
EVRÓPUEFNIÐ er nýja línan sem hentar flestum heimilum
og býður valmöguleika í útfærslum á rofum, tenglum og
Ijósastillum.
EVRÓPUEFNIÐ er auðvelt í meðförum og hannað með það
fyrir augum að vera vndisauki á vegg.
EVRÓPUEFNIÐ fæst hjá rafverktökum og í flestum raf-
tækjaverslunum.
Næst þegar innkaup eru gerð fyrir
heimilið ættu flestir að hafa á bak við
eyrað: „Það nýtur sín í fallegu umhverfi
EVRÓPUEFNIÐ frá
Johan Rönning hf.“
HF.
51 Sundaborg
Sfmi 84000 - 104 Raykjavfk
„Það nýtur sín í fallegu umhverfi EVRÓPUEFNIÐ frá Johan Rönning hf.“