Morgunblaðið - 25.03.1981, Qupperneq 2
2
MORGUNBLAÐIÐ, MIÐVIKUDAGUR 25. MARZ 1981
Tilboð í smíði útvarpshússins:
Lægsta tilboð 7,4
milljónir króna
Framkvæmdir hef jast 15. apríl
LÆGSTA tilboð sem barst í fyrsta
áfanga smíði nýja útvarpshússins
er frá Þorsteini Sveinssyni og
Pétri Einarssyni, 7.437.606 kr., er
það 11% undir áa'tluðu verði. en
það var 8.308.144 kr. Alls bárust
18 tiiboð. Framkvæmdir eiga að
hefjast 15. apríl. Reiknað er með
að verkinu ljúki 15. desember
næstkomandi.
Tilboðin voru opnuð í gærmorgun
á skrifstofu útvarpsráðs í útvarps-
húsinu við Skúlagötu. Annað
lægsta tilboðið var frá Vörðufelli
hf., 7.449.000 kr., og þriðja lægsta
frá Sveini V. Jónssyni, 7.587.446 kr.
Hæsta tilboðið hljóðaði aftur á
móti upp á 9.418.925 kr. og er það
um 13% yfir áætluðu verði.
Fyrsti áfangi byggingarinnar fel-
ur í sér sökkla, leiðslugöng og plötu
fyrstu hæðar hússins, sem er 7.100
fermetrar að grunnfleti. Heimilt er
að taka og hafna hvaða tilboði sem
er. Akvörðunar um hvaða tilboði
verður tekið er að vænta í byrjun
aprílmánaðar.
Mat á eignum Arnar-
flugs er á lokastigi
VIÐRÆÐUR um mat á eignum
Arnarflugs milli fulltrúa Arn-
arflugs og Flugleiða, vegna
hugsanlegrar solu hlutabréfa
Flugleiða i Arnarflugi i hendur
starfsmanna Arnarflugs. eru
nú á lokastigi.
Aðallega er verið að ræða um
uppgjör á varahlutalager og við-
MR rauf 10 ára
sigurgöngu MH
SKÁKKEPPNI framhaldsskóla
lauk sl. mánudagskvöld og þar
gerðust þau tíðindi að sveit
Menntaskólans i Reykjavík rauf
10 ára sigurgöngu sveitar
Menntaskólans við Hamrahlíð.
Sveit MR hlaut 20'2 vinning en
sveit HM, sem sigrað hafði i
keppninni frá upphafi, þ.e. frá
1971. hlaut 20 vinninga. I þriðja
sæti kom sveit Flensborgarskól-
ans.
Taflfélag Reykjavíkur annaðist
framkvæmd keppninnar og mættu
13 sveitir til leiks. Tefldar voru 7
umferðir eftir Monrad-kerfi. Sveit
MR skipuðu þessir skákmenn: Jó-
hannes Gísli Jónsson, Sveinn Ingi
Sveinsson, Björn Óli Hauksson,
Vigfús Vigfússon, Lárus Ársælsson
og Birgir Örn Steingrímsson. Sveit
MH var einnig mjög sterk með
Islandsmeistarann, Jóhann Hjart-
arson, á fyrsta borði.
Beztum árangri á fyrsta borði
náði hins vegar Karl Þorsteins,
sem tefldi fyrir Verzlunarskólann
en hann vann allar sínar skákir og
hlaut 7 vinninga. Hann vann m.a.
Jóhannes Gísla og Jóhann Hjartar-
son. Á öðru borði hlaut Sveinn Ingi
Sveinsson MR bezta útkomu, 6%
vinning af 7 mögulegum.
Tónlistarskólinn
í Reykjavík:
Þriðju nem-
endatónleik-
arnir í kvöld
NÆRRI 30 nemendur Tónlist-
arskólans í Reykjavík munu í
kvöld kl. 21 koma fram á tónleik-
um á Kjarvalsstöðum. Eru tón-
leikarnir i kvöld þeir þriðju i
röðinni af fimm á tónlistardögum
skólans, sem nú er efnt til i
tilefni 50 ára afmælis hans sl.
haust.
Á tónleikunum í kvöld verða
flutt verk eftir ýmsa höfunda, m.a.
Jón Þórarinsson, Chopin, Debussy,
Saint-Saéns, Bach, Brahms, Fauré
og Mozart. Eru það sinfóníur,
svítur, stef og tilbrigði, sónötur og
kvintett. Næstu tónleikar verða á
föstudagskvöld kl. 21 og þeir
síðustu á laugardag kl. 17 í
Háteigskirkju.
haldsþjónustunni, en þar er um
mjög flókin mál að ræða. Sam-
kvæmt upplýsingum Mbl., er það
sjónarmið beggja aðila, að nálg-
ast mat hvors annars, og sé
hugsanleg lausn í sigtinu.
Eftir að upp úr viðræðum
aðila sauð fyrir áramótin, var
ákveðið að setja á fót nefnd
beggja aðila, sem meta skyldi
eignir Arnarflugs, og var þá
búizt við því, að matið gæti legið
fyrir innan fárra vikna, en
reyndin hefur sem sagt orðið
önnur.
Straumsvík:
Ljósm. Mbl. Kristján.
Súrálsskipið hefur ekki
komizt inn í rúma viku
HOLLENSKT súrálsskip hefur
legið í rúma viku fyrir utan
höfnina i Straumsvik og ekki
komizt inn. Fyrst vegna veðurs
en nú síðast vegna vöntunar á
dráttarbátum.
Skipið kom hingað fyrir rúmri
viku með 42 þúsund tonn af
súráli eftir rúmlega 35 daga
siglingu frá Ástralíu. Vegna
hvassrar norðanáttar var ekki
hægt að koma skipinu að
hryggju fyrstu 5 dagana en á
sunnudagskvöld hafði lægt
nægilega. En þá var dráttarbát-
urinn Magni ekki tiltækur vegna
bilunar og Goðinn vann að
björgun Sigurbárunnar svo súr-
álsskipið )á enn fyrir utan
Straumsvík í gærkvöldi.
Sjómannasanmingam-
ir felldir í Grindavík
Samþykktir með 14 atkvæð-
um gegn 13 í Reykjavík
SJÓMANNASAMNINGARNIR voru felldir í allsherjaratkvæða-
greiðslu í Grindavík fyrir skemmstu með 26 atkvæðum gegn 21. í
Reykjavík voru þeir samþykktir með 14 atkvæðum gegn 13, en víða
hefur verið dræm þátttaka í atkvæðagreiðslum.
Að sögn Kjartans Kristófers-
sonar, formanns Verkalýðs- og
sjómannafélags Grindavíkur,
skrifaði stjórn félagsins strax, er
niðurstaða atkvæðagreiðslunnar
lá fyrir, bréf til Útvegsmannafé-
lags Suðurnesja, Landssambands
íslenzkra útvegsmanna og ríkis-
sáttasemjara þar sem þess var
óskað að samningaviðræður yrðu
teknar upp á ný. Ekki hafa þeim
þó borist nein svör og sagði
Kjartan, að stjórn félagsins hinkr-
aði nú við eftir svari áður en
ákvarðanir yrðu teknar um hvert
næsta skrefið yrði. Kjartan sagði
einnig, að atkvæðagreiðslan í
Grindavík hefði staðið yfir í tvo
daga og að hann teldi að allir þeir
sem yfirleitt hefðu áhuga á þess-
um málum hefðu tekið þátt í
henni.
Aðeins 27 manns tóku þátt í
atkvæðagreiðslu hjá Sjómannafé-
lagi Reykjavíkur um samninga
bátasjómanna og undirmanna á
minni skuttogurum. Atkvæði féllu
þannig, að 14 sögðu já, en 13 sögðu
nei. Samningarnir voru því sam-
þykktir með aðeins eins atkvæðis
meirihluta, en atkvæðagreiðslu
lauk síðastliðinn föstudag.
Guðmundur Hallvarðsson,
formaður Sjómannafélags
Reykjavíkur, var spurður að því í
gær, hver væri ástæðan fyrir
hinni mjög svo dræmu þátttöku í
atkvæðagreiðslunni og hvort sjó-
menn væru yfirleitt óánægðir með
nýgerða kjarasamninga. Guð-
mundur sagði, að þátttakan í
atkvæðagreiðslunni endurspeglaði
almennt áhugaleysi fyrir þessum
málum. „Menn eru því miður
alltof daufir fyrir þessu, en í bland
er þetta óánægja með kjörin
yfirleitt," sagði Guðmundur Hall-
varðsson.
Kjarasamningarnir hafa verið
bornir undir atkvæði og sam-
þykktir á Akranesi, í Keflavík og
Þorlákshöfn. Víða var mjög dræm
þátttaka í atkvæðagreiðslum og á
fundum um samningana. Auk
stjórnarmanna mætti t.d. aðeins
einn sjómaður á fund í Sandgerði
þar sem afgreiða átti samningana.
Þá var ákveðið að efna ti) allsherj-
aratkvæðagreiðslu og átti henni
að ljúka í gærkvöldi, en um
kvöldmatarleytið höfðu aðeins
fjórir sjómenn greitt atkvæði af
35, sem skráðir eru í Sandgerði. í
Keflavík var sömuleiðis dræm
þátttaka, en 10—15 manns mættu
á félagsfund, þar sem samning-
arnir voru samþykktir með naum-
um meirihluta.
Nokkuð aðra sögu er að segja
frá Siglufirði. Þar tóku 38 starf-
andi sjómenn þátt í allsherjar-
atkvæðagreiðslu um samningana,
37 þeirra samþykktu þá, en einn
skilaði' auðu. Sagðist Kolbeinn
Friðbjarnarson, formaður Vöku á
Siglufirði, ætla, að yfir 60% þátt-
taka hefði verið í atkvæðagreiðsl-
unni. „Þegar 10 fleiri sjómenn
taka þátt í slíkri atkvæðagreiðslu
á Siglufirði heldur en í Reykjavík,
þá fæ ég ekki betur séð en eitthvað
vanti í félagsstarfið hjá Sjó-
mannafélagi Reykjavíkur. Ég veit,
að samningarnir sem slíkir eru
litnir misjöfnum augum, en þátt-
tökuna í Reykjavík fæ ég ekki
skilið," sagði Kolbeinn Friðbjarn-
arson.
Á Snæfellsnesi hafa kjarasamn-
ingarnir ekki verið bornir undir
atkvæði ennþá. Bárður Jensson,
Jökli, Ólafsvík, sagði í gær að
atkvæðagreiðsla um aðalkjara-
samning færi ekki fram fyrr en
ýmsir sérsamningar hefðu verið
afgreiddir heima fyrir. í gær-
kvöldi var fundur fulltrúa verka-
lýðsfélaga á Snæfellsnesi og full-
trúa Útvegsmannafélags Snæ-
fellsness. Samkvæmt upplýsingum
Mbl. vilja sjómenn á Snæfellsnesi
halda inni í sérsamningum atrið-
um varðandi helgarfrí, laun fyrir
einstaka róðra og fleira.
Gunnar Torfason, Golfklúbbi Reykjavíkur:
Fráleitt og fáheyrt að ráð-
ast gegn útivistarsvæðum
„ÞAÐ KEMUR ekki til greina
að láta taka þetta af okkur.
Við hyggjumst beita öllum
tiltækum ráðum og þrýstingi
til þess að losna við slíkar
hugmyndir í eitt skipti fyrir
öll. Við ætlum ekki að hlusta
aftur á tal um einhvern frest í
20 ár.“ sagði Gunnar Torfa-
son stjórnarmaður í Golf-
klúhbi Reykjavíkur, er Mbl.
spurði hann álits á þeim
hugmyndum sem uppi hafa
verið um að hluti golfvallar-
ins á Grafarholti verði tekinn
undir byggingarframkvæmd-
ir á vegum borgarinnar.
Gunnar sagði, að hann hefði
þó ekki séð þessar hugmyndir á
blaði ennþá. „En okkur finnst
fráleitt og fáheyrt að ráðast
gegn útivistarsvæði borgarinnar
á þennan hátt og einnig þar sem
búið er að leggja mjög mikla
vinnu og fjármuni í byggingu á
þessum velli. í okkar huga hefur
það alltaf verið að svæði þetta
verði með tímanum opnaö meira
fyrir almenningi, til að mynda
með aukinni trjárækt og bygg-
ingu göngustíga inn á milli
golfbrautanna og slíkt kæmi alls
ekki til með að trufla golfíþrótt-
ina. Þarna mætti einnig útbúa
mjög gott svæði til að stunda
skíðagöngu og fleira mætti
nefna."
Gunnar ítrekaði í lokin, að sér
fyndist það ekki ná nokkru tali
að eitt af fáum útivistarsvæðum
á höfðuborgarsvæðinu yrði eyði-
lagt með þessu móti. Þá sagði
hann, að stjórn Golfklúbbs
Reykjavíkur myndi fjalla um
málið fljótlega.