Morgunblaðið - 18.12.1981, Blaðsíða 28

28
MORGUNBLAÐIÐ, FÖSTUDAGUR 18. DESEMBER 1981
Samdrátturinn í fbúðabyggingum:
20—25% færri umsóknir
um húsnæðislán í haust
HUSNÆÐISMÁLASTJORN ríkisins höfðu borist 20 til 25% færri umsóknir
um ný lán úr almenna hyggingarsjóðnum fram til 1. október á þessu ári en á
sama tíma í fyrra. I'etta kom fram í ræðu Lárusar Jónssonar, þingmanns
Sjálfstæðisflokksins í Norðurlandskjördæmi eystra, við aðra umræðu fjár
laga á Alþingi. Taldi hann augljóst, að ungu fólki fyndist ekki árennilegt að
ráðast í húsbyggingar, eins og málum væri nú komið.
íbúðabyggingar almennt, bæði
svokallaðar félagslegar byggingar
og á vegum einstaklinga, hafa
dregist saman ár frá ári undan-
farið. Eru framkvæmdir nú um
14% minni en þær voru fyrir
tveimur til þremur árum. Taldi
Lárus Jónsson einsýnt, að þessi
samdráttur stafaði af „algerri kú-
vendingu” frá þeirri grundvall-
arstefnu, sem fylgt hefur verið í
húsnæðismálum, það er að segja,
að í stað þess að greiða fyrir
íbúðabyggingum einstaklinga
væri höfuðáherslan lögð á félags-
legar byggingar.
Sé litið á ráðstöfun fjármagns
til byggingarsjóða hins opinbera
undanfarin ár kemur tvennt í ljós:
í fyrsta lagi hafa fjárveitingar
verið skertar með því að ríkissjóð-
ur sjálfur heimtar til sín stærri
hluta af launaskatti, sem upp-
runalega var á lagður til að fjár-
magna húsnæðiskerfið Er raun-
gildi beinna fjárveitinga til bygg-
ingarsjóðanna samkvæmt fjár-
lagafrumvarpinu fyrir 1982 30 tii
33% minna en 1978.' í öðru lagi
hefur Byggingarsjóði verkamanna
verið veittur algjör forgangur
fram yfir Byggingarsjóð ríkisins,
sem er bakhjarl Húsnæðismála-
stofnunar. Þannig hefur raungildi
fjárveitinga til Byggingarsjóðs
verkamanna hækkað en minnkað
svo mjög til Byggingarsjóðs ríkis-
ins, að raungildi fjárveitinga til
hans er samkvæmt fjárlagafrum-
varpi fyrir 1982 aðeins *A þess sem
það var 1978. Þessi stefnubreyting
varð 1981, þegar ákveðið var, að
1% af launaskatti rynni til Bygg-
ingarsjóðs verkamanna en fjár-
veiting til Byggingarsjóðs ríkisins
var skorin niður um hærri fjár-
hæð en því nam.
Yr - ný gjafavöruverslun
Nýlega var opnuð ný gjafavöruverslun að Laufásvegi 58. Verslunin
heitir Ýr og eru eigendur hér á myndinni í versluninni bau Snorri
Árnason og Kristín Kristinsdóttir.
Kflómetragjald
hækkaði um lið-
lega 17% 1. des.
SVOKALLAÐ kflómetragjald hækk-
aði um liðlega 17% frá og með 1.
desember sl. Almennt gjald fyrir
fyrstu 10 þúsund kílómetrana hækk-
ar úr 2,55 krónum í 3,00 krónur fyrir
hvern ekinn kflómetra. Gjaldið fyrir
næstu 10 þúsund kflómetrana hækk-
ar úr 2,30 í 2,70 krónur fyrir hvern
ekinn kflómetra og gjaldið ef eknir
eru 20 þúsund kflómetrar eða meira
á einu ári hækkar úr 2,00 krónum í
2,35 krónur fyrir hvern ekinn kfló-
metra.
Gjaldið fyrir fyrstu 10 þúsund
kílómetrana, ef ekið er á malar-
vegum, hækkar úr 2,90 krónum í
3,40 krónur fyrir hvern ekinn kíló-
metra. Fyrir næstu 10 þúsund
kílómetrana hækkar gjaldið úr
2,60 krónum í 3,05 krónur fyrir
hvern ekinn kílómetra. Loks
hækkar gjaldið ef eknir eru 20
þúsund kílómetrar eða meira á ár-
inu úr 2,30 krónum í 2,70 krónur
fyrir hvern ekinn kílómetra.
Torfærugjaldið fyrir fyrstu 10
þúsund kílómetrana hækkar úr
3,70 krónum í 4,35 krónur fyrir
hvern ekinn kílómetra. Fyrir
næstu 10 þúsund kílómetrana
hækkar gjaldið úr 3,30 krónum í
3,90 krónur fyrir hvern ekinn kíló-
metra og loks ef eknir eru 20 þús-
und kílómetrar eða meira á einu
ári hækkar gjaldið úr 2,95 krónum
í 3,45 krónur fyrir hvern ekinn
kílómetra.
Sveitarfélög
munu semja
í einu
Iagi framvegis
STOFNFUNDUR launanefndar
sveitarfélaga á vegum Sambands ís-
lenzkra sveitarfélaga var haldinn
17. nóvember sl. með þeim aðilum,
sem hyggjast taka þátt í fyrirhug-
uðu samstarfi sveitarfélaga í kjara-
málum, þ.e. hugmyndin er að Sam-
bandið semji sem einn aðili í stað
þess, að viðkomandi sveitarfélög
sömdu hvert um sig við sína
starfsmenn.
Ekki tókst að ljúka fundinum
og er ákveðið, að boðað verði til
framhaldsaðalfundar innan tíð-
ar, þar sem m.a. verður gengið
endanlega frá skipan launanefnd-
ar Sambandsins. Að sögn Garð-
ars Sigurgeirssonar hjá Sam-
bandi íslenzkra sveitarfélaga
mun þetta nýja fyrirkomulag
ekki koma til álita í yfirstand-
andi samningum, en mpn hins
vegar koma inn við gerð næsta
heildarkjarasamnings.