Morgunblaðið - 16.04.1982, Blaðsíða 2

2
MORGUNBLAÐIÐ, FÖSTUDAGUR 16. APRÍL 1982
Kolmunninn:
Helst kemur til greina
að frysta hann um borð
og herða síðan 1 iandi
ENN ER EKKI ákveðið hvort einhver íslenzk skip fara til kol-
munnaveiða í sumar, en þó er hugsanlegt að eitt til tvö skip fari til
veiðanna, að því er Baldur Jónsson í sjávarútvegsráðuneytinu sagði
í samtali við Morgunblaðið. Samkvæmt þeim upplýsingum, sem
Morgunblaðið hefur aflað sér frá Færeyjum, þá ætla Færeyingar sér
að veiða 300 þúsund lestir af kolmunna á þessu ári og hafa þeir
meðal annars keypt mjög stór og öflug skip til kolmunnaveiðanna.
í fyrra keyptu Færeyingar skip-
ið Giljanes og gengu veiðar þessar
mjög vel. Hafa þeir nú í huga að
kaupa tvö til þrjú skip, sem yrðu
þá stærri en Giljanes, yfir 2.000
tonn, því reynslan virðist sýna, að
til að ná góðum árangri á kol-
munnaveiðum, þurfa skipin að
vera stór og hafa mjög öflugar
vélar.
Kolmunninn kominn á dekkið.
Baldur Jónsson sagði þegar
Morgunblaðið ræddi við hann, að
ekki væri búið að ákveða enn hve
miklu fé yrði veitt til veiða á
kolmunna. Eigendur Eldborgar
hafa sýnt áhuga á að senda skipið
til kolmunnaveiða. Þá þannig, að
kolmunninn yrði frystur um borð
og síðan farið með hann í land til
frekari vinnslu og kolmunninn þá
annaðhvort unnin í skreið fyrir
Nígeríumarkað eða í marning. Að
sögn Baldurs þá kæmi vel til álita
að einhver frystihúsanna á Aust-
fjörðum gerðu frekari tilraunir
með marningsvinnslu, og hefur
verið rætt um að þau yrðu styrkt á
einhvern hátt til þess, til dæmis í
formi lána.
Eigendur skuttogarans, sem nú
er verið að byggja fyrir Hólmavík,
hafa sýnt áhuga á að senda togar-
ann á koimunnaveiðar þegar hann
verður tilbúinn og yrði togarinn
þá látinn fiska kolmunna, sem
færi í kolmunnaskreið þegar í
land kæmi.
Bundið slitlag á þjóðvegi í sumar:
Lagt á 150 km
víða um land
Aætlað er að Vegagerð ríkisins
leggi i sumar um 150 kílómetra af
bundnu slitlagi á þjóðvegi landsins,
að því er Jón Rögnvaldsson yfir-
verkfræðingur hjá Vegagerðinni
sagði í samtali við Morgunblaðið í
gær. Er um að ræða tiltölulega stutta
vegakafla vitt og breitt um landið,
en fyrir eru rösklega 500 km þjóð-
vega lagðir bundnu slitlagi.
Jón Rögnvaldsson sagði, að
meðal þess sem lagt yrði í sumar
væru nokkrir kaflar á Norðurleið-
inni, milli Reykjavíkur og Akur-
eyrar. Þar er um að ræða vegar-
spotta á Kjalarnesi, á Hvalfjarð-
arströnd, í Skagafirði og í Húna-
vatnssýslu. Þá verður lagt slitlag
á alllangan kafla út frá Húsavik
og í Aðaldalshrauni. Enn má
nefna, sagði Jón, að lokið verður
við veginn milli Hellu og Hvols-
vallar i Rangárþingi, lagt verður á
Biskupstungnabraut, á veginn
sunnan Hólmavíkur á Ströndum,
á Sauðárkróksbraut, á veginn
milli Reyðarfjarðar og Eskifjarð-
ar á Austfjörðum og á veginn um
Fagradal.
Lengstu kaflana af þessum
kvaðst Jón telja vera á Hvalfjarð-
arströnd og við Húsavík, meira en
7 km á hvorum stað.
Hinn árlegi „peysufatadagur" Verzhmankóla íslands var 1 gær, en hann er hluti þeirra hefða framhaldsskólanna í
höfuðborginni sem setja svo mikinn svip i bæjarlífið um þetta leyti irs. Hér eru nokkrir nemendur í tilheyrandi
búningum, kjól Og hvítt Og peysufötum. Ljósm: Emilí* Bj. Björnsdóttir.
*
Samninganefnd ASI:
Nauðsynlegt að verkalýðsfé-
lögin afli sér nú þegar heimild-
ar til boðunar vinnustöðvunar
72 MANNA samninganefnd ASÍ
samþykkti á fundi sínum í gær,
að hún teldi nauðsynlegt að
verkalýðsfélögin afli sér nú þeg-
ar heimildar til vinnustöðvunar.
Jafnframt taldi hún að samn-
ingum hefði ekkert þokað áfram
þrátt fyrir að viðræður hafi stað-
ið yfir í mánaðartíma. Jafnframt
vítti samninganefndin harðlega
vinnubrögð samningaráðs VSL
Fer samþykkt nefndarinnar hér
á eftir:
„Þar sem eiginlegum samninga-
viðræðum hefur enn ekki þokað
áfram þrátt fyrir að viðræður hafi
að nafninu til staðið í mánaðar-
tíma, lýsir 72 manna samninga-
nefnd Alþýðusambandsins því yf-
ir, að hún telur nauðsynlegt að
verkalýðsfélögin afli sér nú þegar
heimilda til boðunar vinnustöðv-
unar.
Samninganefndin vítir harðlega
vinnubrögð samningaráðs Vinnu-
veitendasambandsins og skorar á
viðsemjendur að þeir gangi til
raunhæfra viðræðna um kröfur
verkafólks í stað þess að búa stöð-
ugt til tækifæri til þess að tefja
viðræður og drepa málum á dreif."
Ályktunin var samþykkt með
öllum greiddum atkvæðum.
Talsvert hefur verið um fundi
hjá sáttasemjara ríkisins að und-
anförnu. Fundi deiluaðila í kjara-
málum ríkisverksmiðjanna lauk
eftir 13 tíma setu á 5. tímanum
aðfaranótt síðastliðins miðviku-
dags og hefur annar fundur verið
boðaður á morgun, laugardag. Þá
verður í dag fundur með ASÍ, VSÍ
og Vinnumálasambandinu og að
undanförnu hafa byggingarmenn
fundað hjá sáttasemjara.
Vaka hefur samþykkt
myndun meirihluta
með umbótasinnum
VAKA hefur nú samþykkt samkomu-
lag samninganefnda Vöku og um-
bótasinna um meirihlutasamstarf
innan stúdentaráös Háskóla íslands
næsta kjörtimabil. Var samkomulag-
iö samþykkt á félagsfundi Vöku í
gær. llmbótasinnar munu greiða at-
kvæði um samkomulagið á félags-
fundi í dag.
Samkvæmt samkomulaginu mun
helztu stöðum skipt þannig að
Vaka fær formann stúdentaráðs og
formann stjórnar Félagsstofnunar
stúdenta, sem jafnframt er fulltrúi
í stjórninni. Umbótasinnar fá aðal-
Máltíðir
í skólum:
„Afrek“ Alþýðubanda-
lagsins varð að prentvillu
Davíð Oddsson borgarfulltrúi
Sjálfstæðisflokksins gerði að um-
talsefni á fundi borgarstjórnar i
gærkvöldi, kosningabækling Al-
þýðubandalagsins, en þar segir m.a.
að næsta haust hefjist dreifing
máltíða í skólum í borginni. Þetta
er eitt þeirra mála sem fullyrt er í
Þjóðviljanum að áunnist hafi á
þessu kjörtímabili. Davið sagði
þennan ávinning m.a. tíundaðan í
leiðara Þjóðviljans.
Davíð óskaði eftir því að upp-
lýst yrði hvar þessi ákvörðun
hefði verið tekin og hvenær, og
benti hann á að ekki hefði verið
gert ráð fyrir fjárveitingu til
þessa á fjárhagsáætlun.
Ragnar Júlíusson borgarfull-
trúi Sjálfstæðisflokksins sagði á
fundinum, að hann sæti í nefnd
sem ætti að athuga möguleika á
matardreifingu í skólum, en eng-
inn fundur hefði verið haldinn í
nefndinni og hún því engar
ákvarðanir tekið en formaður
hennar væri alþýðubandalags-
maðurinn Hörður Bergmann.
í svörum fulltrúa meirihlutans
kom það fram, að þeir vissu lítið
um þetta mál. Kristján Bene-
diktsson formaður fræðsluráðs
sagðist ekki hafa fylgst með
störfum nefndarinnar og gæti því
ekki svarað spurningunni. Sig-
urður Tómasson sagðist hvorki
ritstýra Þjóðviljanum sé skrifa í
það blað. Hins vegar gat hann
þess síðar í umræðunni, að hér
væri um prentvillu í kosninga-
bæklingi að ræða. Sigurjón Pét-
ursson sagði að matardreifing
ætti að hefjast næsta haust,
„næsta haust er ekki liðið, það er
að koma,“ sagði hann. Adda Bára
Sigfúsdóttir sagði að villa texta-
höfundar væri orðinn stór punkt-
ur í málinu. Umræða um þetta
mál væri fyrir neðan virðingu
borgarstjórnar, enda hér aðeins
um „pínulítinn sóðaskap í hönn-
un“ að ræða. Sökin væri sú að því
væri slegið föstu að þetta hefði
gerst, en svo væri ekki.
Albert Guðmundsson gagn-
ryndi að setja ætti á fót mötu-
neyti í skólum, undir slíkum
kostnaði gæti borgin ekki staðið.
Varðandi þetta atriði sagði
Kristján Benediktsson að ekki
ætti að gefa máltíðir í skólana,
heldur að selja börnum matar-
pakka. Borgin myndi ekki greiða
matinn. Albert Guðmundsson
taldi, að í þessari hugmynd fæl-
ist, að opna ætti veitingahús í
skólum fyrir þau börn, sem ættu
peninga.
Davíð Oddsson sagði að Þjóð-
viljinn og Alþýðubandalagið
hefðu haldið því fram að ákvörð-
un um máltíðir í skólum hefði
verið tekin. Hins vegar hefði það
nú komið fram að um prentvillu
hefði verið að ræða! Sömu prent-
villuna í kosningabæklingi Al-
þýðubandalagsins, í leiðara Þjóð-
viljans og í framboðskynningu á
síðum Þjóðviljans. Það væri ljóst
að Þjóðviljinn væri orðinn ein
allsherjar prentvilla.
fulltrúa stúdenta í Lánasjóði ís-
lenskra námsmanna og ritstjóra
Stúdentablaðsins. Varafulltrúar
eru ætíð sömu fylkingar og aðal-
fulltrúar, nema varaformaður
stúdentaráðs, sem verður úr röðum
umbótasinna.
Atli Eyjólfsson, formaður Vöku,
sagði í samtali við Morgunblaðið í
gær, að Vaka teldi þetta samkomu-
lag sanngjarnt og með því væri
ábyrgðinni skipt jafnt milli fylk-
inganna. Hann sagði ennfremur að
allt frá kosningum til stúdenta-
ráðs, hefðu átt sér stað samninga-
viðræður milli Vöku og umbóta-
sinna. Hefðu þær fyrst leitt til þess
samkomulags, sem Vaka hefði áður
fellt, þar eð félagar í Vöku hefðu
ekki talið það byggt á jafnréttis-
grundvelli milli félaganna. Aldrei
hefði slitnað upp úr viðræðunum
milli fylkinganna.
Þá sagði Atli Eyjólfsson, að ekki
hefði verið um stjórnarkreppu að
ræða innan stúdentaráðs þennan
tíma, sem samningaumleitanir
hefðu staðið yfir, þar sem gamli
meirihlutinn hefði starfað áfram á
grundvelli fyrri samninga og hafi
staðið við allar skuldbindingar
fyrir hönd stúdentaráðs.
Eins og áður sagði fjalla umbóta-
sinnar um samkomulagið á fundi í
dag og verði það samþykkt þar,
verður skilafundur og kosningar
formanna og nefnda væntanlega í
upphafi næstu viku.
Litprentuö leiða-
kort SVK komin út
STRÆTISVAGNAR Kópavogs
hafa gefið út leiðakerfi vagnanna,
litprentað kort og tímatöflu, upp-
lýsingar um fyrstu og síðustu
ferðir og ýmsar ábendingar til
farþega. Gildir leiðakerfi þetta frá
28. febrúar 1981.