Morgunblaðið - 16.04.1982, Blaðsíða 10

10
MORGUNBLAÐIÐ, FÖSTUDAGUR 16. APRÍL 1982
Nígería:
Sendinefnd farin að
ræða skreiðarmálin
NU KR farin til Nígeríu sendinefnd
frá íslandi til að ræða við þarlenda
um kaup á skreið. Formaður sendi-
nefndarinnar er Stefán Gunniaugs-
son deildarstjóri í viðskiptaráðuneyt-
inu, þá fara fulltrúar allra helstu
skreiðarútflytjenda í ferðina og full-
trúar frá Seðlahankanum og Lands-
bankanum.
Stefán Gunnlaugsson sagði í
samtali við Morgunblaðið í gær,
að gert væri ráð fyrir að viðræð-
um við Nígeríumenn lykju um
miðja næstu viku, en þó gætu þær
dregist eitthvað. Að öðru leyti
sagði hann að lítið væri hægt að
segja um fyrirhugaðar viðræður,
menn yrðu aðeins að vona að þær
myndu ganga vel.
Flóamarkaður í Laugarneskirkju
Næstkomandi laugardag efnir
Kvenfélag Laugarnessóknar til flóa-
markaðar í kjallarasal Laugarnes-
kirkju. A boðstólum verða ónotuð
föt í miklu úrvali og á góðu verði.
Auk fata verður ýmislegt annað á
boðstólum. Markaðurinn hefst kl.
14.00.
Flóamarkaðurinn er liður í fjár-
öflun Kvenfélagsins til ágóða fyrir
byggingu safnaðarheimilisins,
sem nú rís við Laugarneskirkju. Á
þessu ári er stefnt að því að gera
húsið tilbúið undir tréverk og
málningu. Kvenfélagskonur hafa
öflugt félagsstarf innan safnaðar-
ins og verður safnaðarheimilið
mikill fengur fyrir starfsemi fé-
lagsins svo og annarra safnaðarfé-
laga.
Jón D. Hróbjartsson
sóknarprestur.
Formannaskipti hjá Fáki
Mikið er um dýrðir hjá Hesta-
mannafélaginu Fáki um þessar
mundir, en félagið verður 60 ára 24.
april nk. Afmælishóf var haldið á
Hótel Sögu 26. mars sl. en á sjálfan
afmælisdaginn stendur til aö fara
mikla hópreið uppí Hlégarð og
drekka þar afmæliskaffi. I»ar verða
skemmtiatriði, ávörp o.fl. Síðan
verður riðið heim, hestunum sleppt
og því næst verður dansleikur að
Hlégarði um kvöldið.
Á kappreiðasviðinu er fyrst á
döfinni í vor deildarmót íþrótta-
deildar Fáks og er það um næstu
helgi, þ.e. heigina 17. til 18. apríl.
Firmakeppni félagsins verður svo
8. mai nk. og vorkappreiðarnar 15.
maí. Starfinu á þessu sviði lýkur
svo með hinum árlegu Hvíta-
sunnukappreiðum Fáks um hvíta-
sunnuhelgina 28. til 31. maí.
Eins og Morgunblaðið hefur
skýrt frá urðu formannsskipti á
nýafstöðunum aðalfundi félagsins.
Guðmundur Ólafsson, sem gegnt
hefur formennsku um árabil,
hætti að eigin ósk en við for-
mennsku tók Valdimar K. Jóns-
son. Er hann til vinstri á mynd-
inni. Ljósm.: G.T.K.
„Þetta er nýjasti bíllinn, en hann var tekinn í notkun 15. febrúar sl. í dag erum við með 3 bíla í notkun en sá
fjórði ketnur í haust.“ Helgi Haraldsson forstöðumaður ferðaþjónustu fatlaðra.
„Um hundrað ferðir daglega“
— segir Helgi Már Haraldsson forstöðumaður ferðaþjónustu fatlaðra
„FASTAR ferðir hjá ferðaþjón-
ustu fatlaðra eru um 60 á virkum
dögum og fólk þá aðallega keyrt
í vinnu og skóla. Meðalferða-
fjöldinn er hinsvegar um 100. Við
reynum að samræma ferðirnar
eins og við getum, en það er oft
langt á milli staða, þar sem um
70% af farþegum okkar búa í
heimahúsum og því oft fáir sem
eiga samleið," sagði Helgi Már
llaraldsson sem veitir ferðaþjón-
ustu fatlaðra forstöðu, en hún er
til húsa í Hátúni 12.
„Þeir sem eru í vinnu eiga
sínar föstu ferðir árið um
kring, en aðrar ferðir þarf að
panta fyrir klukkan fjögur
daginn fyrir akstur, skrifstof-
an er ekki opin á laugardögum
og sunnudögum, þannig að
pöntun þarf að koma fyrir
fjögur á föstudögum ef fólk
óskar eftir akstri um helgar
eða á mánudag.“
„Eru farþegarnir á öllum
aldri?"
„Já, yngsti farþeginn er
11—12 ára, en elsti er minnir
mig faeddur 1891."
Helgi sagði að ferðaþjónust-
an hefði hafið akstur fyrir
blinda í desember sl., en eigin-
lega vantaði herslumuninn á
að hægt væri að þjóna blindu
fólki sem skyldi, en það stend-
ur þó til bóta. „Margar af föstu
ferðunum hætta er skólum lýk-
ur í vor, og getum við þá sinnt
þessu fólki betur."
„Hvað er langt síðan ferða-
þjónustan tók til starfa og hver
var aðdragandi hennar?"
„Ferðaþjónustan hefur
starfað frá 1. janúar 1979, en
aðdragandinn var sá að 1974
fluttu fulltrúar Sjálfstæðis-
flokksins tillögu á borgar-
stjórnarfundi um að fela for-
stjóra strætisvagnanna í
Reykjavík að kanna hvort ekki
væri tímabært að hefja rekstur
á sérhönnuðum vögnum sem
gegndu því hlutverki að flytja
fatlað fólk milli heimila og
vinnustaða.
Eiríkur Ásgeirsson forstjóri
Strætisvagnanna hafði þá
kynnt sér þetta lítillega á
Norðurlöndunum og séð að
þessa þjónustu vantaði hér.
Eiríkur skilaði síðan greinar-
gerð 1977. Fyrsti bíllinn var
reyndar gefinn Sjálfsbjörg.
Kiwanisklúbburinn Katla stóð
fyrir söfnun andvirðis bílsins
og honum var ekið af sjálf-
boðaliðum frá því í febrúar
1977. Sjálfsbjörg komst síðan
að raun um að félagið gat ekki
rekið bílinn og tók því Reykja-
víkurborg við rekstrinum í
janúar 1979. Bílarnir taka átta
manns í sæti, eða fimm hjóla-
stóla. Ferðunum hefur fjölgað
töluvert frá upphafi, fyrsta ár-
ið voru farnar 4.400 ferðir,
næsta ár voru þær 12.400 og
15.900 ferðir voru farnar á síð-
asta ári.“
„Hafið þið boðið fötluðu fólki
upp á ferðalög?"
„Við höfum einfaldlega ekki
haft bílakost til þess, og því
ekki getað boðið upp á slíkar
ferðir á undanförnum árum, en
í sumar getum við í fyrsta sinn
farið í dagsferðalög. Okkur
vantar enn fleiri bíla og sér-
staklega finnst mér vanta sam-
vinnu sveitarfélaga á Stór-
Reykjavíkursvæðinu, því mikið
er hringt til okkar frá sveitar-
félögunum í kring og við beðnir
um þessa þjónustu sem við af
eðlilegum ástæðum getum ekki
veitt. Það er um rúmt ár síðan
farið var að ræða um hvort
sveitarfélögin gætu ekki komið
inn í þetta, þau gætu jafnvel
sameinast um að kaupa einn
bíl, og hann yrði síðan rekinn
héðan og rekstrarkostnaður
borgaður af sveitarfélögunum.
Það er búið að taka upp
ferðaþjónustu fatlaðra á Akur-
eyri sem Akureyrarbær og Sól-
borg standa fyrir og full
ástæða til að taka þetta upp á
Stór-Reykjavíkursvæðinu
öllu.“
OQarl óvættanna
Kvikmyndir
Olafur M. Jóhannesson
Ofjarl óvæltanna. Leikstjóri:
Desmond Davis. Tónlist: Laurence
Rosenthal, flutt af Sinfóniuhljóm-
sveit Lundúnaborgar undir stjórn
llerbert W. Spencer. Myndataka:
Ted Moore. (íamla bíó, páskamynd.
Nú er Gamla bíó orðið að óperu-
húsi eins og alþjóð mun kunnugt.
Væntanlega er mönnum einnig
ljóst að enn eru sýndar kvik-
myndir í þessu gamla bíóhúsi
milli þess sem fornar ljósakrónur
þess titra undan voldugum aríum
íslenskra hetjutenóra. Ég veit
ekki hvort einskær tilviljun ræður
því að páskamynd Gamla bíós að
þessu sinni er einmitt um hetjur
slíkar sem gjarnan skreyta óperu-
svið? Ekki eru hetjur þessarar
myndar samt norrænar að upp-
runa, fremur að í æðum þeirra
renni hellenskt blóð hitað í brenn-
andi Miðjarðarhafssól. Þannig er
Perseifur, sem „Ofjarl óvætt-
anna“ snýst um, með logandi
möndlubrún augu og biksvart hár.
Hinsvegar eru guðir Ólympsfjalls,
sem öllu ráða í þeirri goðsögn sem
mynd þessi er spunnin kringum,
afar norrænir ásýndum. Minnir
Seifur þrumuguð (Sir Laurence
Kerr Olivier) á íslenskan sjómann
af Hrafnistu. Og sjálf Afródíta
(Ursúla Andress) er með wagner-
ískan valkyrjusvip. Er freistandi
að álykta að höfundar myndar-
innar líti upp til hins germanska
kynstofns. Hvað um það, þá sýnir
„Ofjarl óvættanna" hina hell-
ensku guði í réttu ljósi. Þeir eru
Hetja myndarinnar, Perseifur (Harry Hamlin), faðmar hina undurfögru
Andrómedu (Judy Bowker).
breyskir og á vissan hátt ekki
ólíkir dauðlegum mönnum. Skýrir
þessi breyskleiki hve náið sam-
band guðs og manns varð í
Grikklandi hinu forna — menn
voru nánast eins og heima hjá sér
á Ólympstindi. Nú eru þessir
heimilislegu guðir bara til í bíói
og á bók.
Nú gæti háttvirtur lesandi álit-
ið sem svo að páskamynd Gamla
bíós ’82 væri eingöngu við hæfi
þeirra sem hafa innsýn og þekk-
ingu á grískum goðheimi. Vissu-
lega er mynd þessi áhugaverð sak-
ir hins goðsögulega efnis. Samt
held ég að hún höfði fremur til
yngstu kynslóðarinnar. Menn
verða nefnilega að hafa gaman af
ævintýrum til að njóta „Ofjarls
óvættanna". Hugarheimur barns-
ins er sveipaður slíkum ævintýra-
ljóma að ekki sakar þótt skrýmsl-
in í bíó séu eins og beint úr
Tómstundabúðinni. Fyrir hina
sem sjá heiminn baðaðan í ís-
bláum geislum raunveruleikans er
býsna lítið varð í plastskrýmsli.