Morgunblaðið - 16.04.1982, Blaðsíða 14

14
MORGUNBLAÐIÐ, FÖSTUDAGUR 16. APRÍL 1982
Spánverjar ætla sér ekki að tapa:
250 milljónir
peseta í hagnað
Burgow, Spáni. Frá Helgu Jónsdóttur, frétUriUra Mbl.
HEIMSMEISTARAKEPPNIN í knattspyrnu mun verða ein stórkostleg-
ustu viðskipti í efnahagssögu Spánar. Mun keppnin verða bágstöddum
efnahag landsins gífurleg lyftistöng, og afsanna kenningar þeirra sem frá
upphafi hrelldu spaensku þjóðina með að halda því fram að keppnin yrði
til þess að leggja efnahag landsmanna í rúst. Það, að halda þennan
íþróttaviðburð, mun hafa meiri þýðingu fyrir Spánverja en þátttaka í
lokakeppninni án þess að hafa þurft að keppa í undanriðlum.
í byrjun var undirbúningur
keppninnar erfiður. Því var helst
að kenna gagnrýnendum sem
byrjuðu að mótmæla harðlega
án þess að vilja bíða eftir
árangri.
Núna, þegar aðeins eru 3 mán-
uðir til setningar keppninnar, og
brátt verða liðin 4 ár síðan byrj-
að var í alvöru á undirbúningi
hennar, hefur mjög athyglis-
verður árangur komið í Ijós.
Samkvæmt útreikningum mun
heimsmeistarakeppnin færa
spænsku þjóðinni í aðra hönd
250 milljónir peseta. Yfir 1,5
milljónir manna munu fylgjast
með gangi hennar.
Ef til vill fer vel á því núna að
minnast orða sjálfs forseta und-
irbúningsnefndar HM, Rai-
mundo Saporta, sem sagt hefur
frá byrjun: Hafið engar áhyggj-
ur, Spánverjar munu ekki þurfa
að leggja fram einn peseta til
heimsmeistarakeppninnar. Og
það sem meira er, fyrsta kenning
Saporta og samstarfsmanna
hans er að undirbúningurinn
yrði ekki kostnaðarsamur fyrir
spænska ríkið. Frá upphafi hef-
ur ráðum verið þannig háttað að
peninga til þess að standa
straum af kostnaði hefur ekki
verið aflað með opinberum
styrkjum eða með aðstoð ríkis-
sjóðs.
Fjórir milljarðar peseta er sú
upphæð, sem nauðsynlegt hefur
verið að afla til að ljúka undir-
búningi fyrir keppnina. Og þess-
ir 4 þúsund milljón pesetar hafa
aldrei verið þyrnir í augum
ríkisins né hins almenna borg-
ara. Þótt þátttaka hins síðar-
nefnda hafi verið mikilvæg frá
upphafi og án hennar hefði ekki
verið mögulegt að afla þessara
tekna, er það sanna, að ekki hef-
ur verið lagður neinn aukaskatt-
ur á Spánverja.
Helstu útgjaldaliðir skipu-
lagsnefndar hafa verið skipulag,
bygging og lagfæringar leik-
vanga.
Sá kafli er viðvíkur hreinu
skipulagi keppninnar hefur kost-
að 1,7 milljónir peseta. Þessara
peninga hefur verið aflað með
sérstökum happdrættum. Á
þennan hátt hefur ekki aðeins
tekist að ná tilgreindri upphæð,
heldur miklu meira, þar eð í öðru
happdrættinu kom fyrsti vinn-
ingur upp á óseldan miða og fór
því beint í féhirslu skipulags-
nefndar.
Geyislegur hagnaður
Þessar tekjur renna, eins og
eðlilegt er, í ríkissjóð að keppni
Raimundo Saporta, forseti undir-
búningsnefndar HM.
lokinni. Þær munu sanna frá-
bært starf skipulagsnefndar, er
hefur ekki aðeins unnið stórvirki
án halla, heldur mun skila miklu
hærri fjárupphæð en nauðsyn-
legt er til að koma vel frá fjár-
hagshlið keppninnar.
Það þarf að taka tvennt fram
viðvíkjandi framkvæmdum á
leikvöngum: þær viðgerðir sem
sjálfir eigendur leikvanganna
sjá um að framkvæma og þau
verk sem skipulagsnefnd er
ábyrg fyrir. Hvað viðvíkur fyrri
framkvæmdum greiða borgarráð
brúsann eða sjálf knattspyrnu-
félögin með töku bankalána.
Endurgreiðsla lánanna mun
fara fram á 11 árum með 11%
árlegum vöxtum.
Heildarupphæð vegna lagfær-
inga á leikvöngum nemur 5
milljónum peseta. Skipulags-
nefnd HM leggur ekki til einn
peseta til þessara framkvæmda
þar sem allar endurbætur og
breytingar á leikvöngunum
verða eftir keppnina eigendum
þeirra, þ.e.a.s. knattspyrnufélög-
unum, til góðs. Samt sem áður er
líklegt að félögin og borgarráðin
taki á móti fjárupphæð frá get-
raunum, þannig að félögin geti
greitt skuldir sínar án nokkurra
erfiðleika.
Skipulagsnefnd HM greiðir
2.270 milljónir peseta fyrir
framkvæmdir á knattspyrnu-
leikvöngum í þeim borgum þar
sem keppni mun fara fram. Hér
er um að ræða verk, er ekki
verða notuð að heimsmeistara-
keppni lokinni þar eð þau verða
ekki nauðsynleg starfsemi
spænsku knattspyrnufélaganna.
Þessarar upphæðar hefur
skipulagsnefnd HM aflað með
tekjum af getraunum, en þátt-
taka í þeim hefur aukist gífur-
lega.
Það er, sem sé um að ræða 4
milljarða peseta, sem aldrei hafa
verið nein byrði fyrir ríkið og
alls ekki heldur fyrir hinn al-
menna borgara.
Auk þess mun heimsmeistara-
keppnin þýða stórviðskipti fyrir
Spán, sérstaklega munu stórfyr-
irtæki og hluti spænsks iðnaðar
njóta góðs af öllu saman.
Nú þegar orrustunni er senn
lokið stendur uppi ein hetja: Rai-
mundo Saporta. Maður, sem
unnið hefur bug á allri gagnrýni,
og ef einhverjum þykir það lítið,
tala tölurnar sínu máli.
Nýlega kom á markaðínn nýr Sanitas Safi í nýjum umbúðum.
Sanitas Safinn inniheldur c-vítamín og er án litarefna.
Við bjóðum 3 bragðtegundir af Sanitas Safa, appelsínusafa, sykursnauðan
appelsínusafa og blandaðan ávaxtasafa í nýjum 1 líters og 1,8 líters umbúðum.
„Safttui semerenfum tékur”
Sendir hrossi
árnaðaróskir
Hungerford, 15. apríl. AP.
ANNA Bretaprinsessa hefur sent
árnaðaróskir hrossi, sem slasaðist í
umferðarslysi, og birtu brezk blöð í
dag mjndir af árnaðaróskakorti,
sem Anna og aðrir þáttlakendur í
hestamótinu í Badminton árituðu.
Hesturinn, Pétur mikli, er einn
keppnishesta Sue Benson, sem
þátt tekur í mótinu í Badminton,
og fengu fréttirnar um óhappið
talsvert á hana. Hesturinn er að
hressast, að sögn eigendanna.
Brezka konungsfjölskyldan er
rómuð fyrir hesta- og hundavin-
áttu.
Faye Dunaway
í það heilaga
London, 15. apríl. AP.
LEIKKONAN Faye Dunaway tjáði
fréttamönnum að hún muni hvað úr
hverju ganga í hjónaband. Ætlar
hún að giftast gamla kærastanum og
Ijósmyndaranum Terry O'Neil.
Kvað hún athöfnina munu fara
fram í kyrrþey og væri óákveðið
hvort þau yrðu pússuð saman í
kirkju eða hjá borgarstjóra. Dun-
away fór í dag í tveggja vikna frí
til New York með O’Neil, en fyrir
stafni er taka nýrrar myndar, þar
sem hún leikur aðalhlutverk.
Fay Dunaway
Þriðja hvert
hjónaband mun
enda með skilnaði
l/ondon, 15. apríl. AP.
ÞRIÐJA hvert hjónaband í Bretlandi
mun enda með skilnaði, ef svo heldur
fram sem horfir, að sögn manntals-
skrifstofunnar brezku.
Samkvæmt skýrslu stofnunarinn-
ar endar fjórða hvert hjónaband
með skilnaði innan 15 ára hjúskap-
ar, og á árinu 1980 skildu 12 af
hverjum þúsund hjónum, sem er
hæsta hlutfall hingað til, tvöfalt
hærra hlutfall en árið 1971, og
þrisvar sinnum hærra hlutfall en
1968.
Ef sama þróun heldur áfram mun
þriðjungur brezkra hjóna skilja fyrr
en seinna. Bretar telja það huggun
harmi gegn að þeir standa Banda-
ríkjamönnum að baki í þessum efn-
um, því þar er annað hvert hjóna-
band fyrirfram dæmt til að mis-
lukkast og enda með skilnaði.
Dóttursonur
*
Olafs konungs
í hjónaband
Ríó de Janeiro, 15. apríl. AP.
IIAKON liorentzen, dóttursonur Olafs
Noregskonungs, gekk að eiga brazil-
íska stúlku í dag. Að brúðkaupsdögun-
um loknum halda hjónakornin til Nor-
egs, þar sem Hakon mun starfa hjá
DNC-bankanum, en hann er hagfræð-
ingur að mennt.
Hakon er sonur Ragnhildar Alex-
öndru Lorentzen prinsessu. Hann
hefur verið búsettur í Brazilíu frá
því hann var tveggja mánaða. Hans
helzta áhugamál er svifdrekaflug og
varð hann brazilískur meistari í
svifdrekaflugi í fyrra. Eiginkona
hans, Martha Carvalho de Freitas,
sem er 22 ára, er sálfræðistúdent og
íþróttakona. Hún er sögð af dæmi-
gerðri fjölskyldu í Ríó.