Morgunblaðið - 16.04.1982, Blaðsíða 27

MORGUNBLAÐIÐ, FÖSTUDAGUR 16. APRÍL 1982
27
ast við mælitæki, sem dregin hafa
verið í kerrum aftan í bílum. Þessi
bíll getur mælt bremsuskilyrði á
flugbrautum mun nákvæmar, en
hægt var að gera með gömlu að-
ferðinni. Þegar hafa verið seldir
liðlega 80 bílar og margir eru í
pöntun, m.a. hefur komið til tals
að fá svona bíl á Keflavíkurflug-
völl. Ákvörðun þar að lútandi hef-
ur þó ekki verið tekin.
Á ísbrautinni fór í lokin fram
keppni gestanna, en hver maður
átti að aka fimm hringi á ísbraut-
inni á sem skemmstum tíma og
var ekið á þremur nákvæmlega
eins útbúnum SAAB 900 Turbo-
bílum. Undirrituðum tókst heldur
óhönduglega upp og ók einum
hring of mikið og var þar með
kominn með óheyrilegan refsi-
tíma. Var raunverulega úr keppni.
Félagi minn frá íslandi, Sveinn
Óskarsson, sölustjóri SAAB á ís-
landi, stóð hins vegar fyrir sínu og
lenti í þriðja sæti í keppninni. Að-
eins tveir Norðmenn voru á undan
honum og þess ber að geta, að báð-
ir voru þeir þaulvanir rallöku-
menn, en við Sveinn voru hins veg-
ar algerir nýgræðingar í faginu.
Eftir aksturinn á ísnum voru
menn paraðir niður tveir og tveir
til þess, að taka þátt í tæplega 170
km löngu ralli um þjóðvegi og
sveitavegi í nágrenni Rovaniemi.
Þetta var þó ekki keppni um tíma,
heldur einfaldlega, að komast
rétta leið eftir leiðarbók.
Við Sveinn, sem lentum saman í
bíl voru rétt lagðir af stað, þegar
við urðum vitni af heldur spaugi-
legum hlut. Tveir danskir blaða-
menn fóru á bíl á undan okkur.
Allt í einu tókum við eftir því, að á
móti okkur kom stór flutningabíll
á ofsaferð og var aftanívagninn
eins og vængjataska aftan í hon-
um. Hinir dönsku vinir okkar urðu
svo skelfingu lostnir við þessa
sjón, að þeir tóku sig til og snar-
beygðu útaf veginum í skyndingu.
Það tókst hins vegar ekki hönd-
uglegar til en svo, að þeir stöðvuð-
ust á snjóbakka við veginn þvers-
um, þannig að við máttu hafa
okkur alla við, að stöðva okkar bíl.
„Það var alveg á hreinu, að frekar
ætlaði ég að svífa útaf en að lenda
fyrir þessum flutningabíl, því það
hefði ekki þurft að fjölyrða um
endanlok okkar hefðum við lent
fyrir honum, sagði danski bílstjór-
inn. Eftir þessa uppákomu má
segja, að rallið hafi gengið vel
fyrir sig. SAAB-bíllinn, sem við
ókum reyndist hinn ágætasti, var
mjög stöðugur á íslögðum vegun-
um. Allir þátttakendurnir komust
á leiðarenda án teljandi vand-
ræða.Eftir, að „alvöru lífsins„
lauk, þ.e. reynsluakstrinum, var
brugðið á léttari strengi og farin
stórskemmtileg snjósleðaferð um
landssvæðið í kringum Rovaniemi.
Hver fékk eigin snjósleða til um-
ráða og ekið var um mjög fallegt
landssvæði. Er ekið hafði verið um
nokkra stund fengu menn hress-
ingu og ákveðið var að efna til
snjósleðakeppni, sem allir tóku
þátt í. Langflestir, sem þarna
voru, fóru sína fyrstu ferð á
snjósleða og var því mjög
skemmtilegt að fylgjast með
mönnum. Það var hreinlega eins
og menn fengju horn upp úr höfð-
inu, þegar þeir tóku að þenja sleð-
ana á íslögðu vatni. Jafnvel hinir
rólegustu menn, eins og Hilding
Johnson vinur okkar fengu hina
mestu útrás í öllum hamagangn-
um.
Þegar snjósleðakeppninni lauk
tók bara næsta keppni við, en það
var keppni á tveimur hreindýra-
sleðum. Þótti mönnum það hin
bezta skemmtun, enda voru menn
að upplifa slíka ferð í fyrsta sinn.
Mönnum gekk mjög mishöndug-
lega að stjórna dýrunum, sem
greinilega voru mjög stygg og létu
illa að stjórn. Urðu oft úr kostu-
lega senur. Menn keyrðu í kross og
kútveltust um ísinn sjálfum sér og
öðrum til ánægju. SAAB-mönnun-
um tókst því einstaklega vel að
blanda saman gamni og alvöru í
þessari ferð blaðamanna frá
Danmörku, Noregi og íslandi, sem
tókst í alla staði einstaklega vel og
þeim til mikils sóma. Eru þeim
hér með færðar þakkir fyrir.
Tveir keppendur Ijúka keppni i keppninni i ísbrautinni, vinstra megin Dan-
inn Ole Poulsen og Sveinn Óskarsson, sölustjóri SAAB hér i landi.
Tveir danskir „kollegar“ tóku það rið að aka útaf þegar þeir mættu stónim
flutningabíl, sem þeim þótti allt eins líklegt, að myndi aka i þi.
Keppnin i ísnum fór fram i þremur nikvæmlega eins SAAB 900 Turbo-
bilum. Hér er beðið eftir merki dómarans, Eriks Carlssonar, rallkappans
fræga.
Hér kemur Erik Carlsson út úr einni S-beygjunni sem hann tók i ofsahraða,
til þess að sýna igæti bílsins.
llndirritaður og Erik Carlsson iður en lagt var upp í ökuferðina „frægu“.
i
Jean Jacqes Annoud, leikstjóri Leitarinnar
að eldinum, sem var frumsýnd á Evrópu-
markaði samtímis í London og Reykjavík:
„Stefni að því að gera
kvikmynd á íslandi“
„ÉG STEFNI hiklaust að því að
koma til íslands aftur og gera
drauminn um að kvikmynda þar að
venileika," sagði Jean-Jacques Ann-
oud, hinn franski leikstjóri kvik-
myndarinnar „Leitin að cldinum", í
stuttu samtali við Mbl. frá London,
en Háskólabíó sýnir myndina um
þessar mundir.
Leitin að eldinum var frumsýnd
á Evrópumarkaði samtímis í
Reykjavík og London. Til tals kom
að Annoud kæmi hingað til lands
til að vera viðstaddur frumsýning-
una en af því gat þó ekki orðið, og
er hann nú staddur í London. „En
ekkert land hefur haft önnur eins
áhrif á mig og ísland og ég vonast
til að geta komið þangað sem fyrst
og gert mynd. Það voru mér mikil
vonbrigði hvernig fór síðast enda
reyndum við allt sem í okkar valdi
stóð til að koma í veg fyrir það,“
sagði Annoud.
Eins og kunnugt er stóð til að
taka hluta af Leitinni að eldinum
á íslandi sumarið 1980 og var öll
undirbúningsvinna hér á landi
langt komin þegar verkfall banda-
rískra leikara og fjárhagsvand-
ræði settu strik í reikninginn á
síðustu stundu. Var myndin því
tekin í Kanada, Skotlandi og
Kenýa.
Leitin að eldinum hefur fengið
geysigóða dóma, hvar sem hún
hefur verið sýnd hingað til, mikið „
hefur verið fjallað um hana í fjöl-
miðlum og hún þykir mikil lyfti-
stöng fyrir leikstjórann. En Ann-
oud vann reyndar óskarsverð-
launin fyrir bestu erlendu mynd-
ina, að dómi Bandaríkjamanna,
„Black and White in Colour", fyrir
nokkrum árum.
Myndir sem fjalla um uppruna
mannkynsins hafa hingað til hlot-
ið heldur misjafna dóma, en Leit-
inni að eldinum hefur verið líkt
við „2001“, sem Stanley Kubrick
gerði á sínum tíma og þótti marka
tímamót í gerð „framtíðarmynda",
með „öfugum tímaformerkjum“.
I kjölfar þessara undirtekta eru
nú uppi áætlanir um að gera
framhald af myndinni. Annoud
kvaðst ekki enn vera búinn að
ákveða hvort hann tæki það verk
að sér og þá e.t.v. á íslandi. „En ef
ekki hana þá aðra,“ sagði hann að
lokum. „Ég er heillaður af íslandi
og bergnuminn af landslaginu,
sem ég sá þegar ég ferðaðist um
landið á sínum tíma í leit að upp-
tökustöðum,” sagði Jean-Jacques
Annoud.
Jcan-Jacques Annoud við tökuna á Leitinni að eldinum.
Aðalfundur Félags leiðsögumanna:
Vigdís Finnbogadóttir
kjörin heiðursfélagi
AÐALFUNDUR Félags leiðsögu-
manna var haldinn 10. febrúar
síðastliðinn. Fundurinn kaus Vigdisi
Finnbogadóttur, forseta íslands,
heiðursfélaga Félags leiðsögu-
manna. Félagið á 10 ára afmæli á
þessu ári og hyggst minnast þess á
ýmsan hátt. Félagsmenn eru nú 230.
í skýrslu stjórnar kom fram, að
fyrstu leiðsögumennirnir fengu
„skráningu" hjá Ferðamálaráði á
síðasta starfsári. Skráningin sam-
svarar því sem kallað er „author-
ization" í öðrum ferðamannalönd-
um og gildir til 5 ára í senn sam-
kvæmt reglugerð. Félagið fékk
nýtt félagsmerki á árinu og hefur
sótt um einkaleyfi á því. Ennfrem-
ur kom fram, að auk útgáfu fé-
lagsblaðs, sem m.a. flytur fræðslu-
efni fyrir leiðsögumenn, er haldið
uppi öðru fræðslustarfi, flutt er-
indi og farnar fræðsluferðir. Ein
slík fræðsluferð að hausti er jafn-
framt farin til að hreinsa til eftir
ferðamenn á einhverjum vinsæl-
um ferðamannastað, en það er við-
urkennd staðreynd, að ferðamenn
með íslenskan starfsmenntaðan
leiðsögumann ganga óaðfinnan-
lega um, meðan þeir, sem eru á
sjálfs sín vegum, ekki síst íslend-
ingar sjálfir, ganga oft sóðalega
um landið.
Árlega hefur félagið haldið
ráðstefnur í Ölfusborgum og boðið
til þeirra ýmsum aðilum ferða-
þjónustunnar og 25. mars sl. hélt
Félag leiðsögumanna ráðstefnu
með Landvernd og Landvarðafé-
laginu, sem fjallaði um ferðamál á
Islandi.
Félag leiðsögumanna er stéttar-
félag, sem gerir samning um kaup
og kjör leiðsögumanna, og eru
engir aðrir samningar gildir milli
vinnuveitenda og leiðsögumanna
en þeir.
Félagið er virkur aðili að sam-
tökum leiðsögumanna á Norður-
löndum, IGC, sem m.a. halda ár-
lega ráðstefnu norrænna leiðsögu-
manna og verður sú næsta í Kaup-
mannahöfn 21.—25. apríl.
I aðalfundarlok var samþykkt
eftirfarandi ályktun, sem varðar
öryggismál farþega, leiðsögu-
manna og bílstjóra: „Aðalfundur
Félags leiðsögumanna, sem hald-
inn var 10. febr. 1982, skorar á
stjórnvöld að fella nú þegar niður
aðflutningsgjöld á fjarskiptatækj-
um langferðabíla, vegna öryggis
farþega og starfsfólks." Ályktun
þessi hefur verið afhent sam-
gönguráðuneyti ásamt greinar-
gerð. í stjórn FL eru: Júlía
Sveinbjarnardóttir formaður,
Ásta Sigurðardóttir, Friðrik Har-
aldsson, Kristbjörg Þórhallsdóttir
og Inga Ingibjörg Guðmundsdótt-
ir. (FrélUtilkynning)