Morgunblaðið - 14.05.1982, Side 30

Hættir England við þátttöku í HM?
HUGSANLEGT er ad knattspyrnu-
landslið Englands, Skotlands og
N-írlands taki ekki þátt í heims-
meistarakeppninni í knattspyrnu
sem fram fer á Spáni, færist Falk-
landseyjadeilan í aukana. íþrótta-
fulltrúi breska ríkisins hefur frestað
útgáfu á handbók sem ætluð var
enskum ferðamönnum sem ætluðu á
IIM-keppnina. I»á hefur fyrirliði
enska landsliðsins sagt að sé það
vilji bresku stjórnarinnar að lands-
liðið fari ekki, þá muni landsliðs-
mennirnir taka undir þá ósk. ,,1’að
eru sumir hlutir mikilvægari en
knattspyrna," lét Trevor Brooking
hafa eftir sér.
Rúmlega tíu þúsund Englend-
ingar hafa nú þegar pantað sér
ferð til Spánar til þess að sjá HM
í knattspyrnu. Að sögn ferða-
skrifstofa munu þeir ekki fá ferðir
sínar endurgreiddar hætti Eng-
land við þátttöku. Þeir verða bara
að sætta sig við að sjá það lið sem
myndi taka sæti Englendinga í
keppninni.
I Idrótlir l
MORGUNBLAÐIÐ, FÖSTUDAGUR 14. MAÍ1982
Þarf Stjarnan að fá undan-
þágu fyrir heimavöllinn?
Félagið leggur fram undanþágubeiðni á
ársþingi HSI sem fram fer um helgina
Aðstandendur Stjörnunnar í
Garðabæ standa nú frammi
fyrir því að verða að sækja um
undanþágu á ársþingi HSÍ um
helgina fyrir því að fá að leika
heimaleiki sína f 1. deild á
næsta keppnistímabili á heima-
velli félagsins, i íþróttahúsinu
Ásgarði. Undanþágu þarf félag-
ið vegna þess að sú fyrirhyggja
var ekki sýnd á sínum tíma, er
húsið var byggt, að bjóða þar
upp á löglegan keppnisvöll fyrir
I. dcild. Er oft talað um þrönga
salinn í Ásgarði.
„Stjarnan er ungt félag á
mikilli uppleið og leikur nú í
fyrsta skipti í 1. deild. Það
væri gífurlegt áfall fyrir fé-
lagið ef við yrðum að flytja
leiki okkar til Selfoss, Kefla-
víkur eða Hafnarfjarðar ,*
sagði stjórnarmaður hand-
knattleiksdeildarinnar i sam-
tali við Mbl. í gær. Hann
bætti við, að miklu skipti
fyrir Stjörnuna að byggja
upp stemmningu fyrir hand-
knattleik í bænum og það
væri útilokað ef heimavöllur
liðsins yrði tekinn af því. „Þá
er það gífurlega mikið fjár-
hagslegt mál fyrir hand-
knattleiksdeildina eins og
hægt er að ímynda sér. Jafn-
an mætir mikill fjöldi fólks á
heimaleiki okkar í Ásgarði,
en ólíklegt er að það fólk
myndi vera að eltast við leiki
austur fyrir fja.ll eða út á
Suðurnes. Fjárhagsgrund-
völlur deildarinnar myndi
bresta,“ sagði viðmælandi
blaðsins einnig.
Stjörnumenn munu leggja
fram tillögu á HSÍ-þinginu
sem inniheldur undanþágu-
beiðni. En vegna þess hve
seint tilllaga félagsins er^
ferðinni verður % hluti þing-
heims að samþykkja umfjöll-
un hennar. Mikilvægi hennar
er slíkt fyrir Sjörnuna að
ótrúlegt er annað en að það
hafist í gegn. Tilllöguna
sjálfa þarf svo hreinn meiri-
hluti þingfulltrúa að sam-
þykkja.
Það sem Stjarnan er í raun
að fara fram á er, að 1. deild-
arliðin leiki aðeins einn af 14
leikjum sínum í umræddu
íþróttahú8i. Það má til gam-
ans geta þess í þessu sam-
bandi, þó svo að það sé
kannski aukaatriði, að
Garðabæjarliðið tapaði
aðeins 7 stigum í 2. deildar
keppninni á nýloknum vetri.
5 af þeim töpuðust í Ásgarði.
..A
Stjarnan og ÍR, lióin sem urðu í tveimur efstu sætunum í 2. deild, eigast við f Ásgarði. Leikir í þeim sal eru
iðulega miklir baráttuleikir og fylgir því góð stemmning á áhorfendapöllunum sem jafnan eru þéttskipaðir.
Jóhannes Eðvaldsson:
' ,.*>K '
y^'V.íA tjtf,
Jóhannes Eðvaldsson fyrrum fyrirliði íslenska landsliðsins í knattspyrnu
hefur staðið sig vel með Hannover % í 2. deildinni í V-Þýskalandi í vetur.
„Eigum möguleika á
sæti í „BundesNgunni“
HANNOVER-liðinu hefur gengið vel
í 2. deildinni í vetur og við erum
núna í 3 sæti í deildinni. Við eigum
þrjá leiki eftir og með því að vinna
þá alla eigum við möguleika á að ná
aukaleik við neðstu lið 1. deildar um
sæti í „Bundesligunni", sagði Jó-
hannes Eðvaldsson, fyrrum fyrirliði
íslenska landsliðsins í knattspyrnu,
en hann hefur í vetur leikið með
Hannover-liðinu og fengið góða
dóma fyrir frammistöðu sína.
Jóhannes sagðist vera í mjög
góðri æfingu, það væri yfirleitt
æft tvisvar á dag og jafnframt
væri hann fastur maður í liðinu og
léki alla leiki. — Það kemst enginn
upp með það að leika ekki vel ef
hann ætlar sér að halda sæti sínu
í liðum hér í V-Þýskalandi, hvort
sem er í 1. eða 2. deild, sagði Jó-
hannes. — Að mörgu leyti hefur
mér líkað vel hér en samt er alveg
óvíst hvað tekur við hjá mér í lok
maí, þegar samningur minn renn-
ur út hjá Hannover-liðinu. Þeir
vilja halda mér en það fer nú eftir
ýmsu hvort ég verð áfram. Ég hef
ennþá gaman af því að leika
knattspyrnu og get því vel hugsað
mér að leika í tvö til þrjú ár til
viðbótar. Það væri gaman að enda
feril sinn heima á Islandi sem
þjálfari og leikmaður með ein-
hverju liði. Enda þar sem maður
byrjaði. Jóhannes sagði að ekkert
hefði verið haft samband við sig
útaf landsleikjum þeim sem fram-
undan eru en hann væri vel til í
slaginn með landsliðinu ef hans
væri óskað. —ÞR.
Hunt til
Cosmos
ENSKA knattspyrnufélagið Cov-
entry City seldi í gær framherja sinn
Steve Hunt, til bandaríska félagsins
New York Cosmos. Söluverðið var
ekki gefið upp, en Hunt lék með
Cosmos hér á árum áður. Hann gekk
þaðan til liðs við Coventry 1978.
Ilann hefur síðan verið einn af lykil-
mönnum Coventry og þótti leika al-
veg sérstaklega vel framan af yfir-
standandi keppnistímabili.
Knaltspyrna)
25 km hlaup
MEISTARAMÓT íslands í 25 kíló-
metra hlaupi verður háð í Keflavík
og nágrenni nk. laugardag, 15. maí,
og verður hlaupin sama leið og i
fyrra. Hefst hlaupið kl. 14 við
íþróttavöllinn í Keflavík, en hlaupið
verður m.a. um Garð og Sandgerði.
Öllum er heimil þátttaka.
I