Morgunblaðið - 19.05.1982, Side 1

Midvikudagur 19. mai - Bls. 41-72
Árið 1982 er ár aldraðra. Af þeim sökum
hafa málefni aldraðra verið ofarlega á baugi
að undanförnu og málsmetandi menn og konur
haldið allmargar ræður um efnið og sitthvað
verið gert í þá veru að bæta ástand í þessum
málum. En staðreyndirnar eru m.a. þær að nú
nýverið var úthlutað 28 einstaklingsíbúðum og
fjórum hjónaíbúðum á nýju vistheimili fyrir
aldraða við Snorrabraut. Tæplega 300 um-
sóknir bárust og margar eldri umsóknir lágu
fyrir þess utan.
Á síðasta ári fengu 1260 aldraðir heimilis-
hjálp frá Félagsmálastofnun Reykjavíkur-
borgar, allt frá einu sinni í hálfum mánuði og
upp í átta tíma á hverjum degi og um 550
fengu heimilishjúkrun. Má ljóst vera að nokk-
uð af þessu fólki þarfnast í raun fremur að fá
inni á vistheimili en heimilishjálpar.
Vitaskuld eru hagir aldraðs fólks misjafnir,
en ljóst er að almennt eru lífskjör gamals
fólks í velferðarsamfélaginu hér á landi til
lítils sóma og í sumum tilfellum til hreinnar
skammar. Morgunblaðið ákvað að kanna þessi
mál og átti samtöl við nokkra aldraða í höfuð-
borginni um kjör þeirra og aðstöðu. Það kom
fljótlega í ljós að ákaflega torvelt var að ná til
þeirra sem við verst kjör búa og fá þá til að
segja frá sínum högum. Var því líkast sem
fólki fyndist minnkun að bágindum sínum og
neituðu margir alfarið að ræða við blaðamenn.
Það má því slá því föstu að þau viðtöl sem hér
birtast gefa þegar á heildina er litið heldur
fegurri mynd af aðstæðum gamals fólks í
borginni en raunveruleg efni standa til.
Á næstu bladsídum er rætt
við aldrað fólk í Reykjavík
Bjami
Guðmundsson
Björg
Guðmundsdóttir
Birna
Ellingsen
Guðni
Jónsson
Jakob
Loftsson
Kristján
Sveinbjörnsson
Þorsteinn
Jónasson