Morgunblaðið - 19.05.1982, Blaðsíða 19
MORGUNBLAÐIÐ, MIÐVIKUDAGUR 19. MAÍ1982
59
Guðlín Jóhannes-
dóttir - Minning
Fædd 30. júní 18%
Diin 10. maí 1982
Látin er tengdamóðir mín Guð-
lín Jóhannesdóttir. Guðlín eða
Lína eins og hún var ávallt kölluð
fæddist í Reykajvík 30. júní 1896,
dóttir hjónanna Sólveigar Bjarna-
dóttur og Jóhannesar Þórðarson-
ar. Lína ólst upp hjá foreldrum
sínum, þar til að hún giftist 21.
desember 1918 Einari B. Hall-
dórssyni verzlm. Lína varð fyrir
þeirri þungu sorg, að Einar maður
hennar lézt eftir aðeins tíu mán-
aða sambúð. Þeim varð ekki barna
auðið. 1924 giftist Lína Eyjólfi
Kristjánssyni verzlm. síðar spari-
sjóðsgjaldkera í Hafnarfirði. Þau
bjuggu sín fyrstu hjúskaparár í
Reykjavík, 1927 fluttu þau til
Hafnarfjarðar og bjuggu þar síð-
an.
í janúar 1947 misstu þau hjón
son sinn Einar í sjóslysi og í maí
sama ár lést Eyjólfur, maður
hennar, á bezta aldri.
Það má nærri geta, að áföll
þessi höfðu mikil áhrif á líf Línu,
en eiginleikar hennar voru ávallt
að ganga hljóðlega um og flíka
ekki tilfinningum sínum.
Eg á þessari ljúfu konu svo
margt að þakka á langri samleið.
Mér eru sérstaklega minnisstæðir
þeir tímar, er ég var að gera hosur
mínar grænar fyrir dóttur þeirra
hjóna, Guðnýju, og hvað þessi
góðu hjón tóku mér vel, mér var
svo sannarlega tekið sem syni.
Heimili Línu og Eyjólfs í Hafnar-
firði var eitt af þessum íslenzku
rausnarheimilum, reglusemi og
ljúfmennska sat í fyrirrúmi, enda
ávallt mjög gestkvæmt hjá þeim
og þau bæði mjög vinsæl. Allt er
Lína tók sér fyrir hendur var gert
af ljúfmennsku og samviskusemi,
enda bera börn hennar þess merki.
Eftir að Lína missti mann sinn,
Eyjólf, bjó hún í Hafnarfirði til
ársins 1956, en þá flutti hún til
okkar Guðnýjar og bjó hjá okkur
til ársins 1972, að hún fór að Elli-
heimilinu Ás í Hveragerði og síðar
að Elliheimilinu Grund í Reykja-
vík. Síðustu árin var Lína að
mestu rúmföst.
Eg vil með línum þessum þakka
þessari ljúfu konu samfylgdina og
Fimmtán ára japönsk skólastúlka
sendir af sér mynd. Hefur mikinn
áhuga á íslandi:
Youku Kinomura,
413—1 Hashiramoto,
Kitagata-cho,
Motosu-gun,
Gifu,
501-04 JAPAN
Fimmtán ára japönsk skólastúlka,
segist hrifin af söng „Þú og ég“-
flokksins, sem hún heyrði syngja í
Japan. Óskar eftir pennavinum á
Islandi, einkum vill hún komast
yfir myndir og greinar um söng-
flokkinn:
Kikumi Kobayashi,
1032—2 Misawa,
Shimobe-cho,
NishiyaLsushiro-gun,
Yamanashi,
409—31 JAPAN
Danskur frímerkjasafnari óskar
að skiptast á frímerkjum við ís-
lendinga. Segir ekki til um aldur.
Skrifar hingað á dönsku:
Peer Seeberg,
Knvaldsvoj 24,
8600 Silkeborg,
DANMARK
þá ekki síst umhugsun hennar um
börnin okkar sex. Það var ómet-
anlegt að hafa Linu á heimilinu.
Með skapfestu, en þó sömu ljúf-
mennskunni tókst henni að halda
sex æringjum á mottunni, enda
báru þau öll mikla virðingu fyrir
ömmu. Þó að Lína væri hæglát og
dul átti hún líka til galsa, sagði vel
frá og hafði mikla kímnigáfu. Við
Lína ræddum oft saman meðan
hún bjó hjá okkur og þá sérstak-
lega um Reykjvík og gamla Reyk-
víkinga enda Lína Reykvíkingur í
húð og hár og var hreykin af. Línu
og Eyjólfi varð fjögurra barna
auðið. Þau eru: Einar, látinn eins
og áður ritað. Guðný, eiginm. und-
irritaður. Reynir, eigink. Dóra
Guðmundsdóttir. Björg, eiginm.
Vilhjálmur Ólafsson.
Blessuð sé minning þessarar
ljúfu konu.
Kristján Þorvaldsson
Kveðja frá barnabörnum
Margar minningar leita á hug-
ann, þegar komið er að hinstu
kveðjustundinni.
Við áttum öll því láni að fagna
að njóta góðvildar ömmu. Alltaf
virtist hún hafa tíma til að sinna
hugarangri okkar og veita okkur
þá athygli, sem börnum er nauð-
synleg.
Nú þegar við erum orðin full-
orðin minnumst við hennar ein-
stöku mannkosta, prúðmennsku
og hugrekkis.
Amma var orðin lasburða og
rúmföst síðastliðin tvö ár og erum
við sannfærð um, að hún er fegin
hinni hinstu hvíld. Við aftur á
móti berum stóran trega í brjósti
á þessari stundu og þökkum minn-
ingar um góða ömmu með þessum
fátæklegu orðum.
Hún er okkur öllum góð fyrir-
mynd.
Þegar frú Guðlín Jóhannesdótt-
ir verður í dag kvödd hinztu
kveðju hverfur hugur minn aftur í
tímann til þeirra ára, sem hún
gegndi húsfreyjustarfi sínu í
Hafnarfirði.
Hún hafði flutzt ung til Hafnar-
fjarðar en ættir sínar átti hún að
rekja upp í Borgarfjörð og á Kjal-
arnes, dóttir Jóhannesar Þórðar-
sonar frá Mávahlíð í Lundar-
reykjadal og konu hans Sólveigar
Bjarnadóttur frá Ketilsstöðum á
Kjalarnesi, móðuramma hennar
var Ása Magnúsdóttir frá Braut-
arholti, systir Kristins útvegs-
bónda í Engey.
Æskuheimili Guðlínar stóð á
Njálsgötu 38, Rvík, og þar ólst hún
upp í hópi fjögurra systkina. Þar
rak faðir hennar skósmíðaverk-
stæði, en þá iðngrein lærði hann
eftir að hafa orðið fyrir slysi sem
gerði sjómanninum ókleift að
halda sínum fyrri störfum áfram.
Árið 1918 giftist Guðlín, Einari
Bergi Halldórssyni frá Eyrar-
bakka, en samvistir þeirra voru
stuttar því í sept. 1919 andaðist
hann, en glíman við hinn „hvíta
dauða“ var þá víða háð.
Vinkona mín Guðlín hafði þá
skapgerð til að bera að hún efldist
við það mótlæti, sem að höndum
bar. Það sá ég vel þegar við kynnt-
umst. Það var því ekkert hjá henni
að leggja árar í bát. Hún giftist
aftur 19. jan. 1924 Eyjólfi Krist-
jánssyni verzlunarmanni, ættuð-
um austan af Berufjarðarströnd
og með honum fluttist hún til
Hafnarfjarðar þremur árum síð-
ar.
Skömmu eftir að þau Guðlín og
Eyjólfur fluttust til Hafnarfjarð-
ar hóf Eyjólfur störf við Verzlun
Einars Þorgilssonar hf. og þar
áttu þeir samstarf faðir minn og
Eyjólfur í um hálfan annan ára-
tug, eða þar til Eyjólfur réðst sem
gjaldkeri Sparisjóðs Hafnarfjarð-
ar 1946.
Þetta voru beztu ár í ævi Guð-
línar. Börn þeirra Einar, Guðný,
Reynir og Björg uxu úr grasi og
nutu mikillar umhyggju foreldra
sinna. Eyjólfur var afburða dug-
legur maður, eftirsóttur til vinnu
og félagsstarfa og í forystuliði
sjálfstæðismanna meðan hans
naut við. Guðlín var hin styrka
eiginkona og umhyggjusama móð-
ir.
En Guðlín hafði ekki hlotið allt
það mótlæti sem henni var ætlað.
I jan. 1947 drukknaði Einar sonur
hennar frá unnustu og ófæddri
dóttur, og í maímánuði andaðist
eiginmaður hennar, Eyjólfur
Kristjánsson langt fyrir aldur
fram.
Með stillingu sinni og geðprýði
tók Guðlín því sem að höndum
hafði borið og hélt ótrauð áfram
vegferð sinni og naut sambýlis og
umhyggju barna sinna og tengda-
barna.
Hún hélt heimili sínu í Hafnar-
firði á meðan þess var kostur.
Dvaldist síðan hjá dóttur sinni og
tengdasyni í Reykjavík þar til hún
heilsu sinnar vegna fékk vistun á
Elliheimilinu Grund.
Náið samstarf föður míns og
Eyjólfs Kristjánssonar leiddi til
vináttu fjölskyldna þeirra. Ég var
því tíður gestur á heimilinu þar og
naut umhyggju vinkonu minnar
Guðlínar eins og væri ég hennar
eigin sonur.
Mér eru minnisstæðastar þær
stundir þegar á móti blés í lífi
Guðlínar, hversu sterk hún þá var
og veitti börnum sínum mikinn
styrk.
Þegar Guðlín Jóhannesdóttir er
kvödd fylgja henni kveðjur vina
hennar úr Hafnarfirði, sem vita
að hvíldin var henni kærkomin.
Við minnumst þeirra hjóna Guð-
línar og Eyjólfs Kristjánssonar
með virðingu og þakklæti og send-
um börnum þeirra og fjölskyldum
samúðarkveðjur okkar.
Matthías Á. Mathiesen.
Afmælis- og
minningargreinar
ATHYGLI skal vakin á því, að afmælis- og minn-
ingargreinar verða að berast blaðinu með góðum
fyrirvara. Þannig verður grein, sem birtast á í mið-
vikudagsblaði, að berast í síðasta lagi fyrir hádegi á
mánudag og hliðstætt með greinar aðra daga. Greinar
mega ekki vera í sendibréfsformi. Þess skal einnig
getið, af marggefnu tilefni, að frumort ljóð um hinn
látna eru ekki birt á minningarorðasíðum Morg-
unblaðsins. Handrit þurfa að vera vélrituð og með
góðu línubili.
TOYOTA Hl ACE
SENDIFERÐABILL
Bensínbíll með gluggum
Verð til atvinnubílstj.
Dísilbíll með gluggum
Verð til atvinnubílstj.
Bensínbíll án glugga
Verð til atvinnubílstj.
Dísilbíll án glugga ...
Verð til atvinnubílstj.
kr. 176.000.
kr. 130.000.
kr. 197.000.
kr. 145.000.
kr. 132.000.
kr. 127.000.
kr. 149.000.
kr. 141.000.
Lipur og umfram allt hagkvæmur bíll
i rekstri, sem gott er að vinna við.
Vélin bensín 2000cc eða dísil 2,2. 5 dyra.
TOYOTA
P SAMUELSSON & CO HF
UMBOÐIÐ
NYBYLAVEGI 8
KOPAVOGI
SIMI 44144