Morgunblaðið - 19.05.1982, Blaðsíða 29
MORGUNBLAÐIÐ, MIÐVIKUDAGUR 19. MAÍ1982
69
\^L?AKANDI
SVARAR í SÍMA
10100 KL. 10—12
FRÁ MANUDEGI
TIL FÖSTUDAi
J TIL FÖSTUDAGS
Þessir hringdu
Er ekki kominn
tími til að
hjúkrunarstörf
verði endurmetin?
4396-4348 hringdi og hafði eftir-
farandi að segja: — Til forna voru
sjúkrahús rekin af klaustrum.
Þeir, sem unnu þar hjúkrunar-
störf, fengu viðurgjörning þar og
ekki önnur laun. Allar götur síðan
hafa hjúkrunarstörf verið van-
metin til launa. Þjóðfélagið hefur
um flest breytt um háttu frá því
sem áður var, og því er orðið nauð-
synlegt að greiða fyrir hjúkrun-
arstörf á annan hátt en klaustrin
gerðu til forna. Þessar gömlu
hefðir og sú staðreynd, að þettar
er fyrst og fremst kvennastétt,
hafa hamlað því, að þessi störf
hafi verið metin að verðleikum.
Enn þann dag í dag lifir hjúkr-
unarstéttin á sultarlaunum, þrátt
fyrir síauknar kröfur um menntun
og meiri menntun. Þetta hefur
valdið flótta úr stéttinni og þar
með skorti á hjúkrunarfræðing-
um, en auknu álagi á þá sem
þrauka. Er ekki tími til kominn,
að þessi störf verði endurmetin og
gerð aðlaðandi greindu, menntun-
arfúsu og góðu fólki?
Að hafa það
heldur er sann-
ara reynist
„Kæri Velvakandi
Jón hristvin Margeirsson fil. lic.
skrifar:
Sunnudaginn 16. maí sl. birtir
þú bréf í dálkum þínum frá sr.
Kolbeini Þorleifssyni um kristni-
tökuárið. Hér er þess getið, að ég
hafi boðið tímaritinu Skírni rit-
dóm um doktorsritgerð Ólafíu
Einarsdóttur, Studier i kronolog-
isk metode. Þar eð sagnfræðingum
er skylt að fara eftir boðorði Ara
fróða, að hafa það heldur er sann-
ara reynist, þykir mér rétt, að það
komi hér fram, að ég minnist þess
ekki, að ég hafi boðið Skírni þenn-
an ritdóm. Hann varð til með
þeim hætti, að ég hafði fengið
leyfi til að skrifa svonefnda
„trebetygsritgerð" um aðferðina í
ritgerð Ólafíu, og var þessi ritsmíð
mín síðan rædd í þrjár klukku-
stundir á „seminari" í háskólanum
í Lundi. Svo vel vildi til, að Ólafía
hafði nokkru áður varið þessa rit-
gerð til doktorsgráðu í Lundi, en
ekki í Ósló eins og segir í Velvak-
andabréfi sr. Kolbeins, og sá mað-
ur sem stjórnaði áðurnefndu
„seminari" hafði tekið mikinn þátt
í því að dæma ritgerð Olafíu. Það
var því um margt að tala á þessu
„seminari" og stjórnandinn (sem
þá var settur prófessor við háskól-
ann í Lundi) var mér ósammála í
veigamiklum atriðum. Ekki stóð
samt á því, að ég fengi ágæta ein-
kunn fyrir þessa ritgerð.
Ég hafði ekki í hyggju að sinna
bók Ólafíu frekar, en Stefán
Karlsson handritafræðingur taldi
mig á það að skrifa grein um bók-
ina og gerði ég það. En þetta
reyndist óþarfa tímasóun, þar eða
tímaritið SAGA vildi ekki taka
hana til birtingar. Skírnir var um
þetta leyti hættur að sinna
sagnfræði á sama hátt og áður
hafði tíðkazt, og grein mín hentaði
varla til birtingar annars staðar
en í SÖGIJ.
Með þökk fyrir birtinguna."
Eru kökurnar
sótthreinsaðar?
Magnea Gunnlaugsdóttir hringdi
og hafði eftirfarandi að segja: —
Mig langar að biðja þig að koma á
framfæri fyrirspurn til heilbrigð-
isyfirvalda. Þannig er að börnin
mín eru nýkomin frá Danmörku.
Þau gerðu það svona til gamans að
taka með sér nokkra kökupakka
til að færa mér og datt ekki annað
í hug en það væri í lagi enda þótt
kjötinnflutningur og allt slíkt
væri í banni vegna gin- og klaufa-
veikinnar sem herjar á danskt
búfé. En það gekk ekki. Á flugvell-
inum var allt tekið af þeim, engu
hleypt í gegn. Þegar þau sögðu
mér frá þessu datt mér í hug að
kanna, hvað liði kökuinnflutningi
frá Danmörku. Og viti menn: Allt
er óbreytt að því er hann snertir. I
verslun einni, þar sem ég kannaði
málið, voru þeir nýbúnir að fá
sendingu frá Danmörku. Þess
vegna spyr ég og vonast eftir svari
frá heilbrigðisyfirvöldum: Eru
kökurnar sótthreinsaðar eftir að
þær koma hingað til lands? Og
hvernig er eftirliti með þessum
innflutningi háttað?
Skjóllítið
SVR-skýli
7250—4658 hringdi og hafði eft-
irfarandi að segja: — Mig langar
til að benda þeim hjá SVR á að
skýlið fyrir utan Hagkaupsbúðina
í Lækjargötu er allsendis ófull-
nægjandi. Bæði er það allt of lítið
miðað við ferðatíðni vagna sem
þaðan fara og farþegafjölda sem
með þeim fer, og svo er það skjól-
litið og jafnvel gagnslaust strax
og hreyfir vind. Það er gersamlega
opið fyrir austanátt og sunnan- og
suðaustanátt sem eru rigningar-
áttir, og ég get af hrollkaldri
reynslu vottað að fólk er oft gegn-
drepa og illa haldið loksins þegar
það kemst þaðan inn í vagnana
sína. Það verður að finna ein-
hverja lausn á máli alls þess fólks
sem þarna bíður, þar af margt
daglega, í síðasta lagi áður en
haustar á ný.
Annað kynn-
ingarlag,
þökk fyrir
6410-8344 hringdi og hafði eftir-
farandi að segja: — Viltu koma
því á framfæri við hann Sigmar B.
Hauksson að það yrði vel þegið af
mér og fleirum, ef hann skipti um
kynningarlag með þætti sínum Á
vettvangi. Lagið sem spilað hefur
verið á undan og eftir þættinum er
orðið (og hefur kannski alltaf ver-
ið) óþolandi. Annað kynningarlag,
þökk fyrir.
GÆTUM TUNGUNNAR
lleyrst hefur: Stúlkan varð ekki var við neitt óvenjulegt.
Rétt væri: Stúlkan varð ekki vör við neitt óvenjulegt.
Heyrst hefur: Þeir töluðu við hvorn annan.
Rétt væri: Þeir töluðu hvor við annan. Oft færi best: Þeir
töluðust við (ræddust við, töluðu saman).
S3? SIGGA V/öGA £ VLVtmi
Kynntu þér
Vörumarkaðsverð
á garðhúsuöunum
Bekkur, 2 stólar og borö kr. 1742,-
Sófi, stólar m. sessum og afl. borö kr. 2115,-
Hringlaga borö og 4 stólar meö sessum kr. 2822,-
Borö og 4 stólar meö sessum kr. 4986,-
Athugiö aö viö eigum sjö aörar geröir af garösettum,
en myndirnar sýna — á mjög hagstæöu veröi.
Einnig blómaker og garöbekki.
Bæjarins besta berð
irumarkaðurinn hl.
Sími86112 Sendum um land allt.