Morgunblaðið - 25.05.1982, Blaðsíða 48
28
MORGUNBLAÐIÐ, ÞRIÐJUDAGUR 25. MAÍ1982
Tottenham — QPR á Wembley á laugardaginn:
Fenwick jafnaði fyrir QPR á
elleftu stundu í framlengingunni
- Kornungur lítt þekktur markvöröur stjarna QPR
EKKI fengust úrslit i fyrstu atrennu 101. bikarúrslitaleiksins á Wembley-
leikvanginum á laugardaginn, er Lundúnaliðin Tottcnham og QPR skildu
jöfn, 1—1, eftir framlengdan leik. Staðan eftir venjulegan leiktíma var 0—0
og það voru ekki nema fimm mínútur eftir af framlengingunni er Terry
Fenwick skoraði glæsilegt jöfnunarmark fyrir QPR. Liðin verða því að reyna
með sér að nýju og eru ýmsar blikur á lofti varðandi þann ieik. Þannig missir
fyrirliði QPR, Glenn Roeder, af leiknum vegna leikbanns og lykilmennirnir
Tony Currie, Clive Allen og Bob Hazell urðu fyrir meiðslum á laugardaginn
sem kynnu að há þeim í aukaleiknum.
Leikurinn byrjaði annars all
frísklega, var opinn og hraður, en
leikmenn Tottenham fengu betri,
fleiri og opnari færi þó svo að
leikmenn 2. deildar liðsins hafi á
köflum leikið prýðilega. Ricardo
Villa iék ekki með Tottenham og
Garry Waddock, skipaður yfir-
frakki Glenns Hoddle, skilaði
hlutverkinu mjög vel, þannig að
enski landsliðsmaðurinn reyndist
ekki eins hættulegur og hann á til.
Engu að síður voru leikmenn Tott-
enham frískir framan af og leik-
urinn var ekki gamall er Garth
Crookes hleypti af glæsilegu skoti
af 25 metra færi. Peter Hucker, 22
ára gamall lítt þekktur markvörð-
ur QPR, varði meistaralega og
hann átti eftir að koma mikið við
sögu. All oft í leiknum kom nefni-
lega upp sú staða að Hucker einn
stóð milli Tottenham og marksins.
Hucker hafði ávallt betur allt
fram undir lok leiksins.
Fjarvera Villa og Ardiles, sem
vitað var reyndar með góðum
fyrirvara að yrði ekki með, veikti
þó greinilega lið Tottenham, það
sást best er á leikinn leið og Tott-
enham náði ekki að skora snemma
leiks. Gæði leiksins fóru þverr-
andi, hann einkenndist af mikilli
baráttu á vallarmiðjunni þar sem
leikmenn QPR neyddu mótherja
sína til þess að berjast fyrir hverj-
um þumlungi. En af markvörðun-
um tveimur er óhætt að segja að
Peter Hucker hafi verið sá er
meira hafði að gera, auk þess að
verja þrumufleyg Crookes í fyrri
hálfleik varði hann einnig snilld-
arlega skot af stuttu færi frá Mike
Hazzard.
í seinni hálfleik háði Hucker
síðan nokkurs konar einkaeinvígi
við Steve Archibald, sem fékk þrí-
vegis dágóð marktækifæri. Fyrst
varði Hucker glæsilega er Archi-
bald var kominn einn í gegn, síðan
mokaði skoski landsliðsmaðurinn
knettinum hátt yfir eftir að hafa
lagt knöttinn annars frábærlega
vel fyrir sig. í þriðja tilvikinu kom
reyndar til kasta þriðja aðilans,
bakvörðurinn Ian Gillard potaði
knettinum frá Archibald á síðustu
stundu. Auk þess varði Hucker vel
skot þeirra Hazzard og Hoddle, og
sérstaklega vel frá Steve Perry-
man, sem geystist einn að marki
QPR rétt fyrir leikslok. Færi fékk
lið QPR ekki teljandi, leikur liðs-
ins var oft efnilegur úti á vellin-
um, en vörn Tottenham afgreiddi
allar þreifingar 2. deildar liðsins
áður en hætta skapaðist. Aldrei
reyndi verulega á Ray Clemence í
markinu.
Framlenging var ekki tilhlökk-
unarefni fyrir leikmenn QPR, All-
en var farinn meiddur af leikvelli
og því var varamaðurinn Mick-
elwhite kominn inn á. Þá höfðu
þeir Tony Currie og Bob Hazell
leikið næstum á öðrum fætinum
nær allan leikinn. Leikmenn orðn-
ir þreyttir. Leikmenn Tottenham
voru auðvitað ekki síður þreyttir,
en menn stóðu þar í báða fætur,
auk þess sem varamaðurinn Garry
Brooke beið eitilfrískur eftir tæki-
færi sínu. Ekkert var skorað í
fyrri hálfleik framlengingarinnar,
en Tottenham hafði dálitla yfir-
burði. Brooke kom síðan inn á og
Hucker þurfti fljótlega að verja
glæsilega þrumuskot frá honum.
En svo þegar tíu mínútur voru
eftir af framlengingunni braut
Tottenham ísinn. Hin hetjulega
barátta Rangers virtis á enda.
Glenn Hoddle náði þá knettinum
af Garry Waddock úti á miðjum
vellinum og brunaði að markinu.
Hann skiptist á sendingum við fé-
laga sinn og spyrnti síðan á mark-
ið frá vítateig. Knötturinn breytti
nokkuð um stefnu af fótum Tony
Currie og loks þurfti Hucker að
hirða knöttinn úr netinu. Nú hefði
mátt ætla að allur vindur hefði
verið úr leikmönnum QPR. En það
var öðru nær, þeir flykktust fram
völlinn er færi gafst og gerðu ör-
væntingarfullar tilraunir til að
bjarga málunum. Og það tókst að-
eins fimm mínútum síðar, fimm
mínútum fyrir leikslok. Liðið fékk
þá innkast vinstra meginn og
varpaði Simon Stainrod knettin-
um alveg að nærstönginni hjá
Tottenham. Þar tók Bob Hazell við
knettinum og „nikkaði" honum
fyrir markið þar sem Terry Fen-
wick var á auðum sjó og skallaði
glæsilega í netið. Markið hreint
meistarastykki.
Tottenham veit allt um auka-
leiki, á síðasta keppnistímabili
náðist ekki bikarinn fyrr en eftir
aukaleik gegn Manchester City, en
fyrri leik liðanna þá lauk einnig
1—1. Þá skoraði Ricardo Villa tví-
vegis í aukaleiknum eins og frægt
varð einkum fyrir þær sakir að
hann þótti afar lélegur í fyrri
leiknum og var þá kippt út af.
Loks skulum við líta á skipan lið-
anna:
Tottenham: Clemence, Miller,
Houghton, Price, Perryman, Rob-
erts, Hoddle, Hazzard, Galvin,
Crookes, Archibald. Garry Brooke
kom inn á sem varamaður
snemma í framlengingunni.
QPR: Hucker, Gillard, Fenwick,
Hazell, Roeder, Currie, Gregory,
Waddock, Flannagan, Allen,
Stainrod. Garry Mickelwhite kom
inn á fyrir Clive Allen snemma í
síðari hálfleik.
Aberdeen
burstaði
Rangers og
tók skoska
bikarinn
ABERDEEN sigraði Glasgow Rang-
ers 4—1 í úrslitum skosku bikar-
keppninnar í knattspyrnu á Hamp-
den-leikvanginum á laugardaginn,
staðan að loknum venjulegum leik-
tíma var jöfn, 1—1 og þurfti þvf
framlengingu til að knýja fram úr-
slit Rangers vann bikarinn á síðasta
keppnistímabili, en Aberdeen varð
þá skoskur meistari.
Lið Rangers fékk óskabyrjun er
John McDonald skoraði glæsilegt
skallamark strax á 15. mínútu
leiksins eftir fyrirgjöf frá Gordon
Dalziel. En Aberdeen lék betur og
Alex McLeish jafnaði með lúmsku
skoti á 33. mínútu. Fleiri urðu
mörkin ekki í venjulegum leiktíma
þrátt fyrir mikla yfirburði Aber-
deen. I framlengingunni gerðist
tvennt í senn, úthald leikmanna
Rangers brast og mörkin tóku að
hlaðast upp. Gordon Strachan lék
á als oddi, sendi knöttinn á kollinn
á Mark McGhee sem skoraði og
bætti síðan þriðja markinu við
sjálfur. Neale Cooper, 17 ára gam-
all piltur í liði Aberdeen átti síðan
lokaorðið er hann skoraði fjórða
mark liðsins rétt fyrir leikslok.
Liðin voru þannig skipuð:
Aberdeen: Leighton, Kennedy,
Rougvie, McMaster, McLeish,
Miller, Strachan, Cooper, McGhee,
Simpson, Hewitt.
Rangers: Stewart, Jardine, Daw-
son, McClelland, Jackson, Bett,
Cooper, Russel, Dalziel, Miller,
McDonald.
Löggan komst
í feitt
LÖGREGLAN í Lundúnum hafði
mikinn viðbúnað vegna úrslitaleiks
Lundúnaliðanna Tottenham og QPR
á Wembley á laugardaginn, enda
eru óeirðir alls konar tíður fylgifisk-
ur viðureigna slíkra nágrannaliöa.
Allt fór þó fram með friði og spekt á
áhorfendapöllunum meðan á leikn-
um stóð, en fyrir og eftir leikinn var
talsvert um ryskingar í neðanjarðar-
lestunum. Lögreglan handtók alls 47
ungmenni vegna slagsmála þessara,
en slys urðu ekki teljandi á fórnar-
lömbum, aldrei þessu vant.
• Tony Currie t.h. barðist vel í leiknum þrátt fyrir þrálát meiðsli á læri.
• Glenn Hoddle. Mark hans tíu minútum fyrir lok framlengingarinnar
nægði Tottenham ekki til sigurs.
Sagt eftir leikinn:
„Ég trúði ekki mínum eigin aug-
um, varð þrumulostinn er QPR
jafnaði þegar aðeins fimm mínútur
voru til leiksloka. Ég hélt að við
myndum hafa það af að sigra, því
það var svo lítið eftir af leiknum er
Hoddle skoraöi,“ sagði Keith
Burkinshaw framkvæmdastjóri
Tottenham eftir leikinn. Hann var
einnig spurður um mál Ricardo
Villa og sagði þá:
„Við ræddum saman á föstu-
dagskvöldið og hann tók ákvörð-
unina miklu fremur en ég, hann
taldi að nærvera sín myndi auka
álagið á leikmenn Tottenham og
það myndi vera í þágu félagsins
að hann héldi sig fjarri. Auðvit-
að er hann niðurbrotinn, hann er
fyrst og fremst knattspyrnu-
maður og ætti ekki að þurfa að
líða fyrir atburði sem gerast úti
í heimi. Það er erfitt að segja
hvort fjarvera hans hafi riðið
baggamuninn. Hann er stórkost-
legur leikmaður, en það er Mike
Hazzard, sem tók stöðu hans,
einnig."
Villa var ekki á Wembley á
laugardaginn, hann kaus að
dvelja hjá eiginkonu sinni þar
sem heimili þeirra var umsetið
fréttamönnum. Áhangendur
Tottenham létu illa yfir fjarveru
hans og sungu ákaft: „Það er að-
eins einn Rikki Villa".
Ricardo Vilia:
„Ég óttaðist alltaf að þetta
yrði ofan á, stríð þjóða okkar er
hreint brjálæðislegt, en ég hef
ekki áhuga á stjórnmálum. Eg er
knattspyrnumaður og mér er
borgað fyrir að leika knatt-
spyrnu. Eg legg metnað í að
standa mig og það var voðalegt
að geta ekki leikið þennan leik.“
Þess má geta, að Burkinshaw,
stjóri Tottenham, sagði enn-
fremur að Villa yrði ekki með í
aukaleiknum og framtíð hans
hjá Tottenham myndi ekki ráð-
ast meðan barist væri á Falk-
landseyjum.
Terry Vennebles:
„Markið hjá Fenwick var frá-
bært, þetta var ein af leikflétt-
unum sem við æfðum sérstak-
lega fyrir leikinn, gaman að sjá
slíka uppskeru. Mér þótti mínir
menn standa sig afar vel, sér-
staklega þeir Peter Hucker,
Glenn Roeder og Garry Wadd-
ock. Við verðum enn sterkari í
aukaleiknum, reynslunni ríkari,
það sást er liðið lék betur og bet-
ur eftir því sem á leikinn leið.“