Morgunblaðið - 25.05.1982, Blaðsíða 39

MORGUNBLAÐIÐ, ÞRIÐJUDAGUR 25. MAÍ1982
47
BÚSSUR TIL SÖLU
Tel Kvennaframboðið
eiga stærstan þátt í sigri
Sjálfstæðisflokksins
— segir Kristján Benediktsson
„Fyrir hönd okkar framsóknar-
manna er ég tiltölulega ánægður
með þessi úrslit,“ sagði Kristján
Benediktsson þegar Mbl. innti hann
álits í gær. „Við bættum við okkur
atkvæðum og einum borgarfulitrúa,
einum af þessum sex sem bættust
við.“
„Miðað við þessa hægri sveiflu
sem orðið hefur um allt land, held
ég að hlutur okkar framsóknar-
manna hér í Reykjavík megi telj-
ast góður. Við vorum í meiri-
hlutasamstarfi hér sl. fjögur ár
og erum eini flokkurinn í því sam-
starfi sem heldur sínum hlut og
kemur vel út úr þessum kosning-
um.“
— Kemur afstaða til ríkis-
stjórnar fram í kosningaúrslit-
um?
„Ég er ekki viss um að afstaða
til hennar hafi svo mjög komið
fram í þessum kosningum. Hins
vegar getum við ekki neitað þeirri
staðreynd að í hvert skipti sem
Sjálfstæðisflokkurinn hefur verið
í stjómarandstöðu, hefur hann
unnið verulega sigra í borgar-
stjórnarkosningum og stundum
miklu stærri sigra en þennan
núna. Ég nefni sem dæmi árið
1974 þegar hann fékk 58% at-
kvæða og árið 1958 þegar hann
fékk nærri 60% atkvæða."
♦
— Nú endurheimti Framsókn-
arflokkurinn ekki nema örlítið
brot af fylgishruninu 1978.
„Hvernig var hægt að búast við
því, miðað við þessar aðstæður
þegar hægri sveifla er? Við héld-
um okkar og vel það. Alþýðu-
bandalagið tapar hér rúmum 10%
og Alþýðuflokkurinn nærri 7%.
Þegar tekið er tillit til þess að við
vorum í samstarfi með þessum
flokkum, þá tel ég það góða út-
komu að við skyldum bæta við
okkur, þó það séu ekki nema um
þrjú hundruð atkvæði."
— Hvaða áhrif telur þú að
Kristján Benediktsson, borgar-
fulltrúi Framsóknardokksins.
kosningabarátta ykkar, áherslan
á Egil Skúla, hafi haft?
„Hún hlýtur að hafa haft já-
kvæð áhrif, vegna þess að maður-
inn er góður. Sjálfstæðisflokkur-
inn hefur alltaf flaggað með borg-
arstjóraefni í hverjum einustu
kosningum. Það er ekkert undar-
legt að við skyldum leggja til að
það yrði leitað til ákveðins
manns, sem er búinn að vinna sér
álit og hefur fjögurra ára reynslu,
að verða borgarstjóri."
— Hvernig skýrir þú fylgis-
aukningu Sjálfstæðisflokksins?
„Ég held að Kvennaframboðið
eigi stærstan þátt í að Sjálfstæð-
isflokkurinn fékk aukið fylgi.
Fólki leist ekki á að eini valkost-
urinn á móti Sjálfstæðisflokknum
yrði fjögurra flokka stjórn okkar
og Kvennaframboðsins. Viðhorfin
hefðu orðið allt önnur ef Kvenna-
framboðið hefði ekki komið
frarn."
Gleðilegt sumar með sumar-
húsgögnum frá Bláskógum
VANTAR ÞIG VINMJ
VANTAR ÞIG FÓLK
tP
Þl AIGLÝSIR IM ALLT
LAXD ÞEGAR ÞL Al'G-
LVSIR í MORGl-XBLADtXt