Morgunblaðið - 27.07.1982, Blaðsíða 18

18
Stuttfréttir...
Atvinnuleysi
vex í EBE
LuxembourK. 26. júlí. AP.
ATVINNIJLEYSI jókst í ríkjum
Efnahagsbandalagsins í júní-
mánuði og nemur nú 9,1%. IVIest
varð aukningin í Hollandi en í
nokkrum löndum minnkaði það
aðeins.
í ríkjunum 10 eru nú 10,3
milljónir manna atvinnulaus-
ar, 155.000 fleiri en í maímán-
uði þegar atvinnuieysið var
8,9%. í Hollandi eru nú 9,7%
vinnufærra manna án atvinnu,
en 9,1% í maí sl. Á Ítalíu
10,4%, var 10,2%, í Bretlandi
11,9%, var 11,5%, og í írlandi
12,3%, var 12,1%. í Frakklandi
minnkaði atvinnuleysi, 8,3% í
8,2%, í Danmörku úr 8,3% í
8% og í Grikklandi 1% í 0,9%.
Óbreytt atvinnuleysi er í
Vestur-Þýskalandi, 6,2%,
Belgíu, 12,6%, og í Luxem-
bourg, 1,1%. 39% atvinnu-
lausra í júní voru undir 25 ára
aldri.
Tala látinna
hækkar í Japan
Tókýó, 26. júlí. ASP.
FJÖLDI þeirra, sem fórust í
stórrigningum, flóðum og skriðu-
röllum í Japan í fyrri viku er nú
kominn í 230 en 133 er enn sakn-
að. 89 manns a.m.k. slösuðust.
Borgin Nagasaki varð harð-
ast úti í hamförunum en þar
var úrkoman aðfaranótt sl.
föstudags 55 sm og hafði num-
ið 100 sm síðustu 10 dagana
þar áður. Ófremdarástand er í
borginni, þriðjungur íbúanna
er án vatns og eldsneytis og
rotnandi sorp flýtur um götur
og torg. Skriður féllu á borgina
og af þeim sökum er búist við
að nokkrar vikur líði þar til
manntjónið verður endanlega
Ijóst.
Dali aðlaður
Madrid, 26. júlí. AP.
TILKYNNT var á Spáni í dag,
að Juan Carlos, Spánarkonung-
ur, ætlaði að sæma málarann
Salvador Dali aðalstign og
gera hann að markgreifa „af
Dali af PuboI“. Titillinn er
settur saman úr fyrsta eftir-
nafni hans og þorpinu þar sem
hann á sér kastala. Dali er nú
78 ára að aldri. Kona hans,
Gala, lést í júní sl., 89 ára göm-
ul.
Veður
Akureyri
Amtterdam
Aþena
Barcetona
Bertin
BrUaael
Chicago
Dyflínni
Feneyjar
Frankfurt
Genf
a t.i
Hong Kong
Jerúealem
Jóhanneearborg
Kairó
Kaupmannahöfn
Laa Palmaa
Liaaabon
London
Lœ Angeiee
Madrtd
Wfelaga
Mallorca
Miami
Mexikóborg
Mœkva
Nýja Delhi
New York
Oelð
Parle
Perth
Rio de Janeiro
Reykjavík
Rómaborg
vantar
19 ekýjað
33 heiðekkrt
vantar
26 ekýjað
18 ekýjað
32 ekýjað
20 heiðekírt
vantar
25 rigning
16 rignlng
22 heiðekirt
32 heióakírt
29 heiðakfrt
19 heiðekírt
33 heiðekirt
23 ekýjað
vantar
31 heiðakirt
22 heiöekfrt
27 heiðeklrt
33 heiðakin
vantar
vantar
31 ekýjað
22 ekýjað
20 heíöekfrt
29 rigning
34 skýjað
22 skýjað
21 skýjað
20 heiðskirt
32 heiðekirt
11 ekýjað
26 heiðsklrt
MORGUNBLADIÐ, ÞRIÐJUDAGUR 27. JÚLÍ 1982
Farþegar drápu tvo ræningja
með flöskum og regnhlífum
Pekinj;, 26. júlí, AP.
FARÞEGAR um borð í kínverskri
áætlunarflugvél drápu tvo flugræn-
ingja og réðu niöurlögum þriggja til
viðbótar er fimmmenningarnir
gerðu tilraun til að ræna vélinni. Að
sögn sjónarvotta varð mikið blóðbað
i vélinni þegar farþegar réðust gegn
ræningjunum vopnaðir flöskum,
regnhlifum og öðru tiltæku.
Flugvélin var í áætlunarflugi
frá Xian til Shanghai og tókst að
lenda henni án óhappa tveimur og
hálfri klukkustund á eftir áætlun
eftir að hún var orðin eldsneytis-
laus. Sprengja sprakk á salerni
vélarinnar og skildi eftir sig
tveggja metra langa rifu á hlið
vélarinnar.
Yfirvöld í Kína skýrðu frá þessu
nokkru eftir atburðinn og mun
það vera í fyrsta skipti, sem skýrt
er frá flugráni þar í landi. Fyrstu
fregnir hermdu að ræningjarnir
væru allir á lífi, en keflaðir, en
síðar var sagt að tveir þeirra
hefðu látið lífið eftir að hafa verið
barðir til bana af farþegunum.
Alls voru um 80 farþegar í vél-
inni þar á meðal 20 Bandaríkja-
menn og 10 Japanir. Að sögn
bandarísks sjónarvotts voru allir
ræningjarnir meðvitundarlausir
er þeir voru dregnir aftur eftir
gangi vélarinnar og tveir þeirra
virtust honum vePa látnir.
Að sögn Bandarikjamannsins
virtust ræningjarnir vera undir
stjórn vitfirrings, sem öskraði á
farþegana á milli þess sem hann
otaði að þeim hnífum. Öðrum
flugmanni vélarinnar tókst að
telja ræningjunum trú um að
lenda yrði vélinni í Hong Kong til
að taka eldsneyti áður en flogið
yrði til Taiwan. Flaug hann vél-
inni síðan í hringi fyrir ofan
Shanghai þar til eldsneyti var á
þrotum.
Flugfreyjurnar höfðu búið far-
þegana undir árásina og um leið
og drapst á hreyflunum var ráðist
til atlögu undir stjórn einnar
flugfreyjunnar. Tókst aðgerðin
giftursamlega því áður en varði
voru allir ræningjarnir fallnir í
öngvit, tveir þeirra látnir.
AP símmmynd.
Elízabet drottning og Filipus maður hennar koma til minningarguðs-
þjónustu sem haldin var í Pálskirkjunni f Lundúnum i gær í tilefni af
lyktum Falklandseyjadeilunnar. Mikill fjöldi var viðstaddur athöfnina,
m.a. aðstandendur þeirra brezku hermanna sem féllu í átökum um
eyjarnar. Sérstaka athygli vakti Diana prinsessa sem nú kom fram
opinberlega i fyrsta sinn síðan hún ól Vilhjálm litla. Skarpskyggnir gáfu
skýrslu um að vöxtur prinsessunnar væri kominn í samt lag eftir
barnsburðinn og hefði hún tekið sig einkar vel út í aðskornum bládopp-
óttum kjól með svörtum mittislinda.
Var Calvi
drepinn?
Róm 26. júlí, AP.
ÍTALSKI bankastjórinn Roberto
Calvi var „án efa“ myrtur í London
þann 18. júní segir ítalski fjármála-
maöurinn Michele Sindona, sem nú
situr í fangelsi, í viðtali við sjónvarp.
Aðspurður af fréttaritara sjón-
varpstöðvarinnar ABC hvort hann
hefði þá trú að Calvi sem fannst
hangandi undir brú í London hefði
verið myrtur, sagði hann: Á því
leikur ekki nokkur vafi ... hvers
vegna varð hann að yfirgefa Róm
þar sem hann var einn?“
Síðastliðinn föstudag úrskurðuðu
breskir líkskoðarar að hann hefði
framið sjálfsmorð með þeim hætti
að hengja sig. Vasar hans voru full-
ir af steinum og sementssteypu.
Sindona, sem er að afplána 25 ára
langan dóm í Bandaríkjunum fyrir
bankasvik, kom fram í ofangreindu
sjónvarpsviðtali þann 20. júlí síð-
astliðinn. Hann var sterkur fjár-
málamaður á Ítalíu, en flýði til
Bandaríkjanna eftir að bankaveldi
hans hrundi árið 1974. Árið 1980
var hann ákærður fyrir að hafa
svikið 45 millj. dollara út úr
Franklin National Bank, sem
hrundi gersamlega og er það eitt
stærsta bankahrun í Banda-
ríkjunum frá upphafi sögu þeirra.
Sindona tók ekki fram í viðtalinu
hvern hann teldi vera morðingja
Calvi, en ítölsk blöð hafa haft uppi
getgátur um það að mafían hafi átt
þar hlut að máli eða jafnvel leyni-
leg frímúrararegla sem Calvi og Si-
ndona voru báðir meðlimir í.
Sjá grein á bls. 12.
Meira en 2.000 ættingjar fögnuðu aldarafmælinu
Virginopolis, Brasilíu, 26. júlí. AP.
NÆSTA óvenjulegt ættarmót var
haldið í borginni Virginopolis í
Brasilíu um helginga. Komu þar
rúmlega 2.000 ættingjar saman til
að fagna aidarafmæli móður,
ömmu, langömmu og langalang-
öramu. Komu gestir alls staðar að
úr Brasilíu og jafnvel crlendis frá.
Ættarmótið vakti að vonum
verðskuldaða athygli og var frá
því skýrt í öllum stærstu dag-
blöðum landsins, svo og útvarpi
og sjónvarpi. „Ég er ákaflega
ánægð með þessa samkomu,"
sagði afmælisbarnið, hinn 100
ára gamla Marina Coelho de
Oliveira. „Afkomendur mínir
hafa stofnað til 101 hjónabands
og ekki í einu einasta tilviki hef-
ur verið um skilnað að ræða.“
Á meðal þeirra, sem mættu á
ættarmótið má nefna 14 syni og
dætur frá Oliveira, 101 barna-
barn, 245 barnabarnabörn og 26
barnabarnabarnabörn. Auk þess
voru tæplega 1.700 fjarskyldari
ættingjar saman komnir á mót-
inu.
Lyf gegn drykkjusýki?
AÐ UNDANFÖRNU hefur þeirri skoðun aukizt fylgi meðal ým-
issa brezkra og bandarískra vísindamanna að lífefnafræðilegar
skýringar séu á alkóhólisma, eða drykkjusýki. Þeir vísindamenn
sem aðhyllast þessa kenningu gera sér vonir um að unnt verði að
búa til lyf sem gerir drykkjusjúka ónæma fyrir hinum illu áhrif-
um áfengis, sennilega með þeim árangri að þeir geti neytt áfengis
sér til ánægju, eins og þorri manna er fær um að gera.
Þetta kemur fram í brezka
blaðinu The Observer um síðustu
helgi, og er þar haft eftir Robert
Myers, prófessor við áfengissýki-
miðstöð háskólans í Norður-
Karólínu: „Þegar öll kurl eru
komin til grafar ætti að verða
hægt að búa til lyf sem hreinsar
heilann þannig að fólkið ætti að
verða fært um að neyta áfengis
með eðlilegum hætti.“
Þessi staðhæfing grundvallast
á niðurstöðum rannsókna sem
benda til þess að vegna erfða-
galla myndist sljóvgandi efni í
heila áfengissjúkra þegar þeir
neyta áfengis, og ennfremur að
það sé þetta efni sem hafi hin
alkunnu fíkni- og vanamyndandi
áhrif.
Brezkur vísindamaður, Tim-
othy Peters hjá Rannsóknar-
stofnuninni í Harrow, telur sig
hafa komizt að því að margir
alkóhólistar líði af skorti á sér-
stökum en mjög mikilvægum
efnakljúfi sem einmitt hafi þann
eiginleika að leysa upp alkóhól í
lifrinni.
Ef allt er með felldu fer þessi
vinnsla fram í tveimur áföngum.
Alkóhólið breytist í „acetalde-
hýð“ sem síðan breytist í acetic-
sýru. Alkóhólistar hafa miklu
minna en aðrir af þeim efna-
kljúfum sem síðari hluti þessar-
ar vinnslu veltur á.
Afleiðingin verður sú að acet-
aldhýð hleðst upp í líkamanum
og það gæti einmitt haft þau
áhrif að efni sem eru mikilvæg
fyrir taugakerfið fari að fram-
leiða hin sljóvgandi efni sem áð-
ur eru nefnd og talin eru ástæð-
an fyrir óeðlilegri fíkn í áfengi,
segir Peters. Unnt á að vera að
mæla acetaldehýð-magnið í blóði
þeirra sem grunúr leikur á að
séu haldnir alkóhólisma eftir að
þeir hafa neytt áfengis.
Hugsanlega kann skortur á
efnakljúfnum að vera afleiðing
— en ekki orsök — misnotkunar
áfengis, segja ýmsir sérfræð-
ingar, en Peters hefur tekizt að
sýna fram á að efnaklúfunum
fjölgar ekki eðlilega í alkóhólist-
um enda þótt langt sé síðan þeir
neyttu áfengis og líkaminn hafi
jafnað sig eftir drykkjuna að
öðru leyti.
Það eru áhrifin af hinum
sljóvgandi efnum (tetra-
hydraiso-quinalin) sem vísinda-
menn greinir mest á um í þessu
sambandi. Myers, bandaríski
prófessorinn, hefur notað gagn-
virkandi efni í tilraunum með
dýr og segir hann að rottur sem
fái sljóvgandi efnin verði æ
sólgnari í áfengi. Síðan gaf hann
þeim inn Naloxone, sem m.a. er
gefið eiturlyfjasjúklingum þegar
reynt er að venja þá af eitri, og
um leið og rotturnar fengu það
efni dró úr fíkn þeirra í áfengið.
Myers telur þessar niðurstöð-
ur mjög merkilegar. „Ég tel full-
komna ástæðu til að gera ráð
fyrir því að þær geri það að
verkum að okkur takist að finna
lyf sem lækni áfengisfíkn," segir
hann.
Margir vísindamenn leggja
áherzlu á að rannsóknirnar séu
svo skammt á veg komnar að
árangurs sé ekki að vænta í
bráð.
Merton Sandler, prófessor við
Queen Charlotte-sjúkrahúsið í
Lundúnum, hefur vakið athygli á
erfðafræðilegri þróun alkóhól-
isma í Evrópu. Honum finnst
athyglisvert að í Suður-Evrópu,
þar sem gerjun ávaxtasafa svo
úr verði vín og aðrir áfengir
drykkir, á sér stað mun hraðar
en þar sem loftslag er kaldara,
eins og í Norður-Evrópu, hafi
menn vanizt á áfenga drykki
endur fyrir löngu, og að einstakl-
ingar sem ekki hafi þolað áfengi
hafi fyrir löngu helzt úr lestinni.
Þetta telur Sandler hugsanlega
skýringu á því hvers vegna alkó-
hólistmi sé miklu tíðari í N-Evr-
ópu en í S-Evrópu, en svo sem
kunnugt er komust N-Evrópubú-
ar löngu síðar upp á lag með það
en S-Evrópubúar að búa til
áfengi.