Morgunblaðið - 21.09.1982, Blaðsíða 17

MORGUNBLAÐIÐ, ÞRIÐJUDAGUR 21, SEfTEMBER 1982
Vinstri meirihlutinn á
undirvögnunum fjórum
Eftir Magnús L.
Sveinsson borgar-
fulltrúa
Framkvæmdaráð og
sorpbifreiðir
Fyrir nokkru síðan urðu um-
ræður í borgarstjórn, vegna til-
lögu sjálfstæðismanna, um að
leggja Framkvæmdaráð borgar-
innar niður. En eins og menn
minnast, var það stofnað af meiri-
hluta vinstri manna á síðasta
kjörtímabili.
Verksvið Framkvæmdaráðs var
í raun, að fjalla um mál, sem aðr-
ar stjórnir eða nefndir fjölluðu
einnig um. Það varð því aðeins til
þess að auka við kerfið, gera það
óvirkara og þyngra í vöfum.
Enda má segja, að það litla, sem
vinstri meirihlutinn kom í verk af
öllum stóru fyrirheitunum um
endurbætur á stjórnkerfi borgar-
innar, hafi allt miðað að því að
auka við kerfið, gera það enn
flóknara, þyngra og kostnaðar-
samara en áður var.
Við umræðurnar í borgarstjórn,
um að leggja Framkvæmdaráðið
niður, nefndi ég dæmi um yfir-
þyrmandi og flókið stjórnkerfi og
lýsti hvaða leið í gegnum kerfið,
ákvarðanataka um kaup á fjórum
undirvögnum fyrir soprbifreiðir,
árið 1979, hefði farið.
Ferðasagan
Hér fer á eftir ferðasagan af
vinstri meirihlutanum á undir-
vögnunum fjórum.
„Á þessum fímm mánuö-
um, höfðu kaup á þessum
fjórum undirvögnum verið
tekin til umræðu ellefu
sinnum í sex stofnunum
borgarinnar, áður en end-
anleg ákvörðun var tek-
• <<
m.
1) Byrjun maí: Starfsmenn Véla-
miðstöðvarinnar halda fund
og fjalla um kaup á undir-
vögnum undir sorpbifreiðir.
Þeir töldu að þörf væri á að
kaupa fjóra undirvagna.
2) 14. maí: Stjórn Vélamiðstöðv-
ar samþykkir að fara þess á
leit við borgaryfirvöld, að fá
að kaupa fjóra undirvagna.
3) 6. júní: Framkvæmdaráð tek-
ur málið fyrir, samþykkir
kaupin og sendir máiið til
stjórnar Innkaupastofnunar
Reykjavíkur.
4) 11. júní: Málið er tekið fyrir í
stjórn Innkaupastofnunar
Reykjavíkurborgar. Þar er
samþykkt að leita tilboða í
undirvagnana.
5) .18. júní: Auglýst eftir tilboð-
um.
6) .10. sept.: Starfsmaður Véla-
miðstöðvarinnar hefur farið
yfir tilboðin og skilar umsögn
um þau.
7) .12. sept.: Stjórn Vélamið-
stöðvarinnar fer yfir umsögn
starfsmannsins og samþykkir
að mæla með lægsta tilboðinu,
sem er frá Mercedes Benz.
8) .19. sept.: Framkvæmdaráð
tekur málið fyrir og mælir
eins og stjórn Vélamiðstöðv-
arinnar með því, að lægsta til-
boði verði tekið.
9) Nú kemst borgarráð inn í mál-
ið af tilviljun og þótti að galli
hefði verið á málsmeðferðinni
allri, því það hafði ekki verið
leitað heimildar borgarráðs
fyrir kaupum neinna undir-
vagna. Borgarráð stoppaði því
ferðalagið og lét þau boð
ganga, að beiðni yrði að berast
borgarráði, um heimild fyrir
kaupunum. Sú beiðni var send
hið bráðasta til borgarráðs.
10) .25. sept.: Borgarráð tekur
beiðnina fyrir og samþykkir
að heimila kaup á fjórum und-
irvögnum til afgreiðslu á fjár-
hagsáætlun 1980, án þess að
taka afstöðu til, hvaða undir-
vagnar verði keyptir.
11) 1. okt.: Stjórn Innkaupastofn-
unar Reykjavíkurborgar sam-
þykkir að mæla með því við
borgarráð, að lægsta tilboði sé
tekið frá Mercedes Benz.
12) 2. okt.: Borgarráð samþykkir
að taka lægsta tilboði. Áður
höfðu stjórnir þriggja stofn-
ana fjallað um og samþykkt
hið sama, þ.e. Vélamiðstöð,
Framkvæmdaráð og Inn-
kaupastofnunin.
13) 4. okt.: Borgarstjórn staðfesti
fundargerð borgarráðs frá 2.
okt., og endanleg ákvörðun um
kaup á undirvögnum er tekin.
Kaupin rædd ellefu sinn-
um í sex stofnunum
Þannig lauk þessari ferðasögu
vinstri meirihlutans á undirvögn-
unum fjórum.
Á þessum fimm mánuðum,
höfðu kaup á þessum fjórum und-
irvögnum verið tekin til umræðu
ellefu sinnum í sex stofnunum
borgarinnar, áður en endanleg
ákvörðun var tekin.
Einn starfsmaður borgarinnar
þurfti að fara á milli flestra þess-
ara stofnana og skýra sama málið
fyrir þeim öllum.
Þessi ferðasaga lýsir vel hvernig
kerfið var í reynd.
Öllum ætti að vera ljóst, að
þetta mál, sem getur varla talist
stórmál, hefði fengið ítarlega um-
fjöllun í kerfinu, enda þótt Fram-
kvæmdaráðinu hefði verið sleppt.
Allir sjá, að vinnubrögð sem
þessi við stjórnun borgarinnar,
eru fyrir neðan allar hellur. Kerf-
ið var sannarlega nógu þungt í
vöfum, þó Framkvæmdaráði væri
ekki bætt við, sem gerði ekkert
annað en að fjalla um mál, sem
aðrir fjölluðu ítarlega um.
Þetta er gott dæmi um það
kerfi, sem vinstri menn vilja ekki
aðeins viðhalda, heldur auka við
og gera enn flóknara.
Reyðarfjöröur:
Síldarsöltun
undirbúin af
miklum krafti
Keyóarfírói, 15. september.
Togarinn Snæfell hefur legið hér
við bryggju um tveggja vikna skeið.
Unnið var að því að breyta vél
skipsins til svartolíubrennslu.
Gekk verkið vel.
Snæfell hefur aflað 2.250 tonn
frá áramótum og er hásetahlutur
nú 210 þúsund krónur. Snæfell
fór á veiðar aftur eftir breyt-
ingarnar föstudaginn 10. sept-
ember.
Nú er orðið langt síðan að af-
skipun á saltfiski fór fram síðast
hjá GSR. í húsinu eru nú um 200
tonn af saltfiski sem bíða út-
flutnings. Þá eru einnig tonn af
skreið til hjá fyrirtækinu, sem
ekki hefur fengist markaður
fyrir enn sem komið er. Nú
stendur yfir undirbúningur síld-
arsöltunar hjá fyrirtækinu og
munu 28 konur salta þar í haust.
í heild munu vinna við söltunina
50 manns.
Þriðja söltunarstöðin hér er
verktakar, en þeir hafa stækkað
aðstöðu sína um tvo þriðju. Er nú
pláss fyrir 26 konur að salta, en
var áður fyrir 16. Nú er búið að
byggja 600 fermetra geymsluhús
fyrir síldina, og vinna 40 manns
hjá fyrirtækinu.
Eitt nýtt fyrirtæki var opnað
hér í sumar, er það Véla- og bíla-
verkstæði JPH. Aðeins tveir
menn vinna þar enn sem komið
er, en búist við að starfsmönnum
fjölgi síðar.
Þá má geta þess að togarinn
Snæfell veiddi nýlega þrjá guð-
laxa, og voru þeir reyktir og
þóttu herramannsmatur.
Gréta.
afhverju?
^ Fjöðrunin er slaglöng og mjúk, og sjálfstæð
á öllum hjólum, sem gerir bílinn einstaklega
rásfastan og þýðan á slæmum vegum.
Mjög hátt er undir lægsta punkt og
mismunadrifið er læst, þannig að hann er
óvenju duglegur i ófærð.
•+c Þrautreynd, aflmikil 1971 cc. vél með hemi
sprengirými, meðaleyðsla aðeins 8.91 pr.
100 km.
+ Sæti og búnaður í sérflokki, þannig að
einstaklega vel fer um farþega og ökumann.
Peugeot bjóða einir bilaframleiðenda 6 ára
ryðvarnarábyrgð.
Sérlega hagstætt verð vegna
lágrar gengisskráningar franska
frankans.
Þú færð nýjan Peugot 505 árg. 83
frá kr. 232.000.— og 505 árg. 82
frá kr. 228.000.—
HAFRAFELL
VAGNHÖFÐA 7° 85-2-11