Morgunblaðið - 21.09.1982, Blaðsíða 40

Síminn á afgreiöslunni er
83033
jwgfflntlirifofrife
ÞRIÐJUDAGUR 21. SEPTEMBER 1982
Sími á ntstjórn og sknfstofu:
10100
^rxjnnblntiiíá
Útgerðarmenn á Norðurlandi:
Láta ekki úr höfn
enn sem komið er
MIKIL slvsaalda reið yfir í Reykjavík í gær. Ellefu ára drengur beið
bana þegar hann varð fyrir strætisvagni á leið til skóla laust eftir
klukkan 10 í gærmorgun. Slysið átti sér stað 1 Breiðholti. Strætisvagni
var ekið austur Skógarsel og drengurinn hjólaði norður Stokkasel, en
þar er biðskylda.
Ökumaður strætisvagnsins varð
drengsins ekki var fyrr en hann
skall á hægri framhlið vagnsins og
mun hann hafa dregist aftur með
hliðinni áður en hann féll í göt-
una. Hann lést skömmu eftir kom-
una í sjúkrahús. Þeir sem kunna
að hafa orðið vitni að þessu
hörmulega slysi eru vinsamlega
beðnir að gefa sig fram við lög-
regluna í Reykjavík.
Klukkan 16.04 varð þriggja ára
gömul telpa fyrir bifreið á Greni-
mel. Hún var flutt í slysadeild,
hlaut höfuðmeiðsl og mun hafa
fótbrotnað. Aðeins fimm mínútum
síðar vafraði drukkinn maður
fyrir bifreið á Hringbraut fyrir
framan Þjóðminjasafnið. Hann
meiddist lítillega.
Klukkustundu síðar var ekið á
sextuga konu á Sundlaugarvegi,
skammt frá Laugarnesvegi, þegar
hún var á leið yfir gangbraut. Hún
hlaut höfuðhögg, en mun ekki al-
varlega slösuð. Skömmu fyrir
klukkan sjö varð harður árekstur í
Safamýri, fyrir framan barna-
heimili þar. BMW-bifreið var ekið
yfir á öfugan vegarhelming, fram-
hjá bifreið sem var lagt ólöglega.
BMW-bifreiðin lenti beint framan
á Hornet-bifreið og voru báðir
ökumenn fluttir í slysadeild, ann-
ar mikið slasaður. Löng bremsuför
voru eftir báðar bifreiðirnar og
ljóst að þær voru á miklum hraða.
Þetta gerðist fyrir framan barna-
heimili og skammt frá einum fjöl-
mennasta grunnskóla borgarinn-
ar. ökumaður bifreiðarinnar, sem
lagt var ólöglega, ók þegar í stað
af vettvangi.
Á milli 20—30 árekstrar urðu í
Reykjavík í gær. Þar af bílvelta á
gatnamótum Flókagötu og Löngu-
hlíðar eftir árekstur. Einn maður
var fluttur í slysadeild. „Mikil
slysaalda hefur nú síðustu daga
dunið yfir Reykvíkinga og afleið-
ingarnar eru hörmulegar. Vegfar-
endur — gangandi sem akandi —
gæta ekki að sér. Það er eins og
fólk hugsi ávallt — þetta kemur
ekki fyrir mig. En enginn veit
hvar harmleik ber niður næst. Því
verður hver og einn — við öll — að
sýna gætni í umferðinni. Gera
sameiginlegt átak til þess, að þess-
um hörmungum linni,“ sagði
Óskar Ólason yfirlögregluþjónn í
samtali við Mbl.
Tveir togarar hafa haldið til veiða
TÍXÍAKI.VN Sigurfari frá Lrundarfirði hélt til veiða í ga’r þrátt fyrir samþykkt
stjórnar og trúnaðarráðs LÍli um að fiskiskip héldu ekki úr höfn eftir 10. september.
Kr Sigurfari annar togarinn, sem lætur úr höfn eftir þann tíma, en hinn er Þorlákur
frá 1‘orlákshöfn. litgerðarmenn á Norðurlandi komu saman til fundar á Akureyri i
ga r og að sögn Sverris lamssonar, formanns félags þeirra, kom fram samstaða á
meðal fundarmanna, að skip þeirra létu ekki úr höfn fyrr en í fyrsta lagi eftir annan
fund á miðvikudag. Sagði hann, að menn væri bjartsýnir á að lausn vandans væri í
sjónmáli og hefðu þvi verið sammála um að rjúfa ekki samstöðuna að svo stöddu.
Auk þessara tveggja togara eru ör-
fáir dagróðrarbátar að veiðum og í
dag munu útgerðaraðilar á Vestfjörð-
um taka ákvörðun um hvort skip
þeirra sigli eða ekki, en fundur verður
hjá Útvegsmannafélagi Vestfjarða í
dag. Nú er nánast allur bátaflotinn í
höfn og meirihluti skuttogara.
Ekki hafa verið boðaðir fundir með
fulltrúum útgerðarinnar og stjórn-
völdum, en á vegum sjávarútvegsráðu-
neytisins hefur verið unnið í málinu.
Kristján Ragnarsson sagði samtali við
blaðið, að hann vildi ekki tjá sig um
viðræður LIÚ og sjávarútvegsráð-
herra, en undraðist hvers vegna sjáv-
arútvegsráðherra hefði horfið frá
hinu vinsamlega tali, sem átt hefði sér
stað á laugardag. Sagði hann að leki á
Slysaalda í Reykjavík:
fréttum, sem ekki væru réttar, gæti
ekki verið forsenda þess og sagði að
aldrei hefði verið nefnd upphæð varð-
andi skuldfærslur.
Steingrímur Hermannsson vildi
heldur ekki tjá sig um áðurnefndar
viðræður, og taldi miður að fréttir af
þeim hefðu lekið út. Sagði hann að
viðræðurnar hefðu verið gagnlegar, en
taldi að útgerðarmenn ættu að hefja
veiðar á ný áður en frekari viðræður
gætu átt sér stað.
Morgunblaðið/ Júlíus
Þessir bílar skullu saman í Safamýri um sjöleytið í gærkvöldi. Löng hemlaför mældust, sem bentu til að bifreiðirnar
hefðu verið á alltof miklum hraða í nágrenni barnaheimilis og skóla.
Ólympíuskák-
mótið hér á
landi 1984?
FRIÐRIK Olafsson, forseti Al-
þjóðaskáksambandsins, hefur
farið þess á leit við Skáksam-
band íslands, að kannað verði
hvaða möguleikar séu á að
Olympíuskákmótið 1984 verði
haldið hér á landi. Skáksamband
Puerto Rico hefur hætt við að
halda mótið vegna fjárhagsörð-
ugleika og þvi hefur Friðrik
Ólafsson snúið sér til íslendinga.
Á þingi FIDE var á sínum
tíma samþykkt, að Ólympíu-
mótið skyldi haldið á Puerto
Rico. ísland og Líbýa sóttu
einnig um að halda mótið og
var Líbýu stillt upp sem val-
kosti tvö og íslandi sem þriðja
valkosti.
Drengur beið bana -
sex manns slösuðust
Mikil aukning á rjúpnastofninum um land allt:
Rjúpunni fjölgar
um 50% á milli ára
YFIRGNÆFANDI líkur eru á að nú
sé mikil aukning i rjúpnastofninum
um land allt og samkvæmt talningu
sem fram hefur farið í sumum lands-
hlutum er búist við 50% aukningu
rjúpnastofnsins, miðað við árið 1981,
en það á raunar við um árabilið
1966—1981, því rjúpnastofninn hef-
ur verið stöðugur á þessu árabili,
samkvæmt upplýsingum sem Mbl.
fékk hjá Arnþóri Garðarssyni,
náttúrufræðingi hjá Líffræðistofnun
Háskólans í gær.
Arnþór sagði að talning hefði
verið gerð við Reykjavík, á Vest-
fjörðum og á Norðurlandi og alls
staðar væri sömu sögu að segja,
þ.e. verulega fjölgun rjúpunnar.
Vorstofninn, þ.e. varpfuglinn, væri
mun sterkari en áður og benti allt
til þess að sú aukning héldist í
gegn, og kæmi fram í ungafjöldan-
um. Arnþór sagði að ungafjöldinn
sem hvert par ungaði út væri
nokkuð stöðugur, þó um undan-
tekningar hefði verið að ræða,
þannig að stærð rjúpnastofnsins á
hausti væri ákveðið margfeldi
þeirrar stofnstærðar sem væri að
vori.
„í vor var um það bil 50% aukn-
ing, miðað við mælingu í fyrra,“
sagði Arnþór. „Rjúpnastofninn
hefur verið stöðugur árum saman,
en þegar rjúpan fer af stað þá er
það hressilegt," sagði Arnþór. Arn-
þór var spurður um, af hverju
rjúpunni fjölgaði svona nú, hvað
hefði orðið þess valdandi. Hann
svaraði því til, að menn kynnu eng-
ar skýringar á því og ekki væri
heldur víst að þetta væri upphaf að
stórri breytingu, eða sveiflu uppá
við, heldur gæti verið um
tilviljanakennda breytingu að
ræða á milli ára. „Ég læt mér þó
detta í hug að þar sem hún er byrj-
uð að aukast, þá sé þetta illstöðv-
anlegt," sagði Árnþór.
Arnþór gat þess að þegar síðasta
uppsveifla í rjúpnastofninum hefði
átt sér stað hefði mikil aukning
orðið, 50—60% á milli ára, og hefði
hún staðið í 4 ár og náð hámarki
árið 1966. Síðan hefði rjúpunni
fækkað.
„Það er ekki ósennilegt að
um áframhaldandi aukningu verði
að ræða nú, en ég vildi þó sjá ann-
að ár í röð til þess að geta fullyrt
nokkuð um það. En það verður
allavega ekki neinn skortur á rjúp-
um í ár,“ sagði Arnþór Garðarsson.
Morgunblaöið/ Gunnlaugur
Til hægri eda vinstri?
Framhjólin á Willys-jeppa Bjarma Sigurgarðarssonar virðast ekki sammála
um i hvaða átt skuli halda. Myndin er tekin í torfærukeppni, sem fram fór á
Akureyri um helgina. Bergþór Guðjónsson innsiglaði þar íslandsmeistaratit-
ilinn með því að sigra í torfæruakstri eftir jafna og spennandi keppni. — Sjá
nánar á bls. 12.