Morgunblaðið - 27.11.1982, Blaðsíða 23

MORGUNBLAÐIÐ, LAUGARDAGUR 27. NÓVEMBER 1982
23
Að þora að
vera framsýnn
Nokkur orð um Guðmund H. Garðarsson
Eftir Ólaf Hauksson
Flestir stjórnmálamenn láta sér
nægja á stjórnmálaferli sínum að
glíma við vandamál líðandi stund-
ar. Þeir sjá varla fram úr verkefn-
unum. Framtíðin er nokkuð sem
hugur þeirra hvarflar varla að
nema á hátíðarstundum.
Hins vegar standa svo nokkrir
einstaklingar upp úr, sem vilja
skyggnast fram í tímann. Þeir
skoða verkefni samtímans með
langtímaáhrif í huga. Þeir huga að
nýjungum sem stuðla að uppbygg-
ingu og þróun.
Guðmundur H. Garðarsson er
einn af þessum framsýnu
mönnum. Eitt ljósasta dæmi þess
er brautryðjandastarf hans í þá
átt að fá aflétt einokun ríkisins á
útvarpi og sjónvarpi. Sú barátta
sýndi líka að Guðmundur er mað-
ur sem þorir að vera framsýnn.
Það er nefnilega ekki nóg að
hrópa húrra fyrir nýjungum bara
vegna þess að allir aðrir eru sam-
mála um þær. Þá fyrst reynir á
djörfung og þor þegar þarf að
vinna gegn fordómum og aftur-
haldssemi.
Þegar Guðmundur H. Garðars-
son lagði fram lagafrumvarp um
frjálst útvarp á Alþingi 1976
mætti hann strax mikilli andstöðu
meirihluta þingmanna. Sumir
töldu ríkisútvarp og sjónvarp
nógu gott, aðrir töldu útvarps-
stöðvar í einkaeign þjóðhættu-
legar.
Olafur Hauksson
En Guðmundur H. Garðarsson
hafði þor til að standa við tillögu
sína, og fylgja henni fast eftir.
Hann hafði framsýni um það að
frjáls útvarpsrekstur væri til
heilla. Og það sem meira er, Guð-
mundur fann þann púls hjá þjóð-
inni sem kallaði á heilbrigt rekstr-
arform mikilvægra fjölmiðla.
Nú, mörgum árum síðar, rankar
hver stjórnmálamaðurinn af öðr-
um við sér og viðurkennir nauðsyn
þess að afnema einkarétt ríkisins
til að útvarpa og sjónvarpa. Nú er
auðvelt að vera jábróðir í þessum
efnum.
„Guðmundur H. Garðarsson
er einn af þessum framsýnu
mönnum. Eitt Ijósasta dæmi
þess er brautryðjandastarf
hans í þá átt að fá aflétt ein-
okun ríkisins á útvarpi og
sjónvarpi. Sú barátta sýndi
líka, að Guðmundur er mað-
ur sem þorir að vera fram-
sýnn.“
Sá sem þessar línur ritar hefur
kynnst Guðmundi H. Garðarssyni
í baráttunni fyrir frjálsum út-
varpsrekstri. Þar hefur komið
fram víðsýni Guðmundar, ein-
lægni og festa.
Nú fer fram prófkjör sjálfstæð-
ismanna um það hverjir eiga að
skipa sæti á framboðslista flokks-
ins til Alþingiskosninga. Þar á
lista á að vera stjórnmálamaður
sem sér fram úr vandamálum
dagsins í dag, og þorir að leggja
fram þau úrræði sem duga. Þessi
maður er Guðmundur H. Garð-
arsson.
Jóladagatöl Lions-
klúbbsins Freys
Lionsklúbburinn Freyr í Reykja-
vík og fleiri Lionsklúbbar í ná-
grannabæjunum og viðast hvar um
landið hafa þegar byrjað hina árlegu
sölu sína á jóladagatölum. Eins og
flestir kannast eflaust við, er hér um
að ræða dagatöl með súkkulaðimola
fyrir hvern dag desembermánaðar.
Þetta er tíunda árið, sem klúbbarnir
bjóða þetta skemmtilega dagatal, og
er það orðið fastur þáttur í jólahaldi
margra heimila.
Auk þess að gleðja börnin eru
kaupendur að styrkja klúbbana
ríflega til að sinna ótrúlega fjöl-
þættu og oft viðamiklu hjálpar-
starfi. Stærsta hluta ágóða af söl-
unni fyrir síðustu jól lagði
Lionsklúbburinn Freyr til eins
vistrýmis á hjúkrunardeild
Hrafnistu í Hafnarfirði, auk þess
lagði klúbburinn mörgum öðrum
aðilum lið, svo sem Styrktarfélagi
vangefinna' vegna Lækjaráss,
íþróttafélagi fatlaðra, björgun-
arsveitum í Vestmannaeyjum,
MS-félaginu og ýmsum einstakl-
ingum og félögum.
Meðfylgjandi mynd sýnir börn
Freysfélaga aðstoða feður sína við i
pökkun og merkingu á dagatölun- (
um. Það er líf í tuskunum á pökk-
unarkvöldunum og eru þau eftir-
sótt af yngri kynslóðinni, sem
einnig tekur ríkan þátt í sölustarf-
inu.
Lionsklúbburinn Freyr þakkar
velunnurum sínum stuðninginn og
óskar öllum gleðilegra jóla og far-
sæls komandi árs.
(Frétutilkýnning)
CITROÉNA
BÍLASÝNING
OPIÐ LAUGARDAGINN 27. NÓV. OG SUNNUDAGINN 28. NÓV. KL. 14.00 — 18.00
Verö 172.000.- . Verö 259.500.-
Aldrei fyrr hefur verðid á CITROÉN* verið hlutfallslega jafn hagstætt og nú.
Notið því tækifærið og tryggið ykkur bíl á þessu einstaka verdi.,
Hagstæðir greisöluskilmálar
CITROÉN A ÁVALLT í FARARBRODDI
G/obusi9
LAGMULI 5. SIMI81555