Morgunblaðið - 26.01.1983, Blaðsíða 17

MORGUNBLAÐIÐ, MIÐVIKUDAGUR 26. JANÚAR 1983
17
Borgarfjörður eystri:
Vindhraði komst
upp í 80 hnúta
Borgarfirdi eystri, 21. janúar.
ÞAÐ SEM af er árinu hefur tíð verið
rysjótt og stormasöm og svo um-
hieypingasöm, að segja má að naum-
ast hafi sama veður haldist einn dag,
hvað þá lengur. Nokkrum sinnum
hefur skollið á ofsarok, og er þess
skemmst að minnast, að í gær fauk
bíll hér af veginum, fór l'/j veltu og
staðnæmdist á toppnum. Bílstjórann
sakaði ekki, en bíllinn dældaðist
nokkuð og rúður brotnuðu. Þá
komst vindhraðinn upp í 80 hnúta á
flugbrautinni hérna, en þess má
geta, að 64 hnútar og þar yfir teljast
12 vindstig.
Snjór er hér allmikill, og sem
stendur mun ófært til Héraðs. Oft
hafa flugferðir milli Egilsstaða og
Fyrir bíl og
fótbrotnaði
25 ÁRA gamall maður varð fyrir
bifreið á Laugarásvegi laust eftir
klukkan 21 á laugardagskvöldið.
Hann varð fyrir bifreið, sem ekið
var austur Laugarásveg og mun
hafa fótbrotnað.
Borgarfjarðar fallið niður vegna
veðurskilyrða, og kalla þó flug-
mennirnir okkar ekki allt ömmu
sína. Enn sem fyrr reyna lækn-
arnir á Egilsstöðum að koma til
okkar einu sinni í viku, en í svona
tíðarfari er erfitt að treysta flug-
inu þó ekki sé nema 15 mínútna
flug milli staða. Kom það best í
ljós fyrir skömmu þegar flugvélin
ætlaði að bíða hér á vellinum með-
an læknirinn lyki störfum sínum,
en varð svo að fara í skyndi þar eð
bylur var að skella á og komst hún
með naumindum til Egilsstaða áð-
ur en ólendandi varð þar. Það má
segja að öll atvinna liggi niðri hér
nema hvað byggingarfélagið Vagl
hefur enn verkefni að leysa.
Aðeins einn bátur er á floti,
línubáturinn Högni, sem skrapp á
sjó í fyrradag og aflaði lítið. En
hörðust er lífsbarátta þeirra sem
ekkert þak eiga yfir höfði sér, og
þá finnur maður til með þeim sem
hrekjast um í byljum í leit að
skjóli, eins og hross, smáfuglar og
hrafnar. Sem betur fer eru þeir
margir, sem færa þeim einhverja
lífsbjörg út á kalt hjarnið.
Sverrir
Mývatnssveit:
IHviðri skemmdi hús
— Vel heppnað þorrablót
Mývalnssveil, 24. janúar.
MIKIÐ hvassviðri af suðri gekk hér
yfir sl. laugardag. Á þremur bæjum,
Garði, Grænavatni og Skútustöðum
fuku járnplötur af húsum. Ekki er
vitað um annað tjón hér af þessu
veðri.
Mjög fjölmennt þorrablót var
haldið í Skjólbrekku sl. föstudag,
fyrsta dag þorra. Það var kvenfé-
lagið sem stóð fyrir þessari sam-
komu. Guðrún Jakobsdóttir, for-
maður félagsins, setti blótið
klukkan 20.30. Síðan var sest að
sameiginlegu borðhaldi og að
sjálfsögðu var hinn hefðbundni
þorramatur á borðum. Ýmiss kon-
ar skemmtiatriði voru flutt meðan
snætt var. Aðallega var það í létt-
um dúr, og sumt heimagert. Kynn-
ir var Guðrún Guðnadóttir,
Hrefna Jónsdóttir frá Húsavík
söng gamanvísur eftir Hákon Að-
alsteinsson, undirleikari var
Steingrímur Birgisson. Fjórir
jarðvísindamenn á vegum Nor-
rænu eldfjallastöðvarinnar fóru
með gamanvísur eftir Sigurð Þór-
arinsson við gítarundirleik. Hinn
besti rómur var gerður að þessum
skemmtiatriðum.
Síðan var almennur söngur.
Hljómsveit Finns Eydal frá Akur-
eyri lék fyrir dansi fram eftir
nóttu.
Mikla hláku gerði hér aðfara-
nótt laugardags og mikla hálku á
öllum vegum. Áttu sumir vegfar-
enda sem voru að koma af þorra-
blótinu þessa nótt í miklum erfið-
leikum vegna hálkunnar og
hvassviðris. Ekki er þó kunnugt
um nein alvarleg óhöpp af þeim
sökum. Mjög hefur snjó tekið hér
upp síðustu tvo daga, og er færð
nú orðin allgóð á flestum vegum.
— Kristján
Lækurinn var sem straumhörð i þar sem hann beljaði meðfram húsunum.
50 grísir drápust að Lóni
og hætta á frekari búsifjum
50 GRÍSIR drápust i svínahúi Benný
Jensen á Lóni við Akureyri á laug-
ardaginn.
Skyndilega hækkaði mjög í lón-
inu og lækur við bæinn varð sem
straumhörð á. Benný sagði í sam-
tali við Morgunblaðið í gær, að
erfitt væri að segja hvert fjár-
hagslegt tjón væri þar sem grís-
irnir hefðu verið mjög mismun-
andi gamlir og auk þess væri ekki
orðið ljóst hvort gyltum hefði orð-
ið meint af volkinu. Það sagði
hann, að yrði ekki endanlega ljóst
fyrr en eftir mánaðartíma, en
hætta mun vera á ýmsum sjúk-
dómum.
Flóðið stórskemmdi og tók í sundur veginn yfir Miðdalsá, eins og hér sést. Ljósm. s.s.
Strandasýsla:
Miklar vegaskemmdir af völdum flóða
llólmavík, 24. janúar.
MIKIÐ vatnsveður hefur verið hér
nyrðra siðustu daga. Á Hólmavík
flæddi í nokkur hús, meðal annars
útibú Búnaðarbankans og Kaupfé-
lag Steingrímsfjarðar, en engar
skemmdir urðu þó á eignum.
Vegaskemmdir urðu víða í
sýslunni. Þær verstu urðu við
Selá í Hrútafirði, en þar fór veg-
urinn í sundur og miklar
skemmdir urðu á vegarköntum
sunnan árinnar. Vegurinn fór
einnig í sundur við brúna yfir
Miðdalsá og Steindalsá, en þar
seig annar brúarstöpullinn niður
um tæpa 60 sm og er brúin talin
ónýt.
Ár voru hvarvetna vatnsmikl-
ar og voru bæjarhús á Hrófá um
tíma í hættu aðfaranótt sunnu-
dagsins, er Hrófá flæddi yfir
bakka sína.
Þessar leysingar eru taldar
með þeim mestu sem hér hafa
orðið um mjög langan tíma.
— Fréttaritarar.
Séð heim að bænum Hrófá. Jakaruðningurinn í forgrunni.
(Ljósm. I*.K.H.)
Albert Jensen og nokkrir grísanna,
sem drápust i vatnavöxtunum.
Ólafsvík:
Mikil úrkoma
en engin slys
Olafsvík. 24. janúar.
HLAKAN mikla um helgina olli
ekki neinu umtalsverðu tjóni eða
slysum hér svo mér sé kunnugt. Það
varð aldrei mjög mikil veðurhæð hér
í Olafsvík, en úrkoman var geysi-
mikil og samfelld. Aftur á móti var
fárviðri hérna úti á firðinum. Bátur,
sem var á heimleið úr róðri og búinn
er vindmæli, mældi stöðugt 12 vind-
stig hér fyrir utan.
Mikil hætta skapaðist í Ólafs-
víkurrenni og í Búlandshöfða
vegna ofsahálku og grjóthruns.
Ivögreglumaður, sem á laugardag
þurfti að fara Ennisveg, sagði
mér, að full ástæða hefði verið til
að óttast stórlega enda auglýsti
lögreglan þessa vegi lokaða. Hér
var geysimikill snjór, eins og kom-
ið hefur fram í fréttum, en hann
er nú aðeins eftir í sköflum og
þiðnaði án tjóns á vegum og
mannvirkjum hér í grennd.
Snjóflóðahætta er almennt ekki
taiin fyrir hendi hér hvað byggð-
irnar varðar.
Ég get samt ekki orða bundist
og spyr hvers vegna Almanna-
varnir ríkisins sáu ekki til þess, að
útvarp væri haft á aðfaranótt
sunnudagsins, þegar hætta vofði
yfir fólki í bæ og sveit á Vestfjörð-
um og víðar. Nauðsynlegt gat ver-
ið að koma áríðandi tilkynningum
til fólks innan byggðarlaga eða
milli fjarðar og símasamband
ótryggt. Minnisstætt er enn, að
þegar fárviðrið mikla gekk yfir
landið 1981, var hætt að útvarpa
aðvörunum og tilkynningum þegar
harðasta veðrið var komið norður
yfir Holtavörðuheiði. Mönnum
finnst að þarna hafi komið fram
ótrúlegt sinnuleysi um öryggi
fólks og að þeir sem á málum
halda verði að hugsa lengra en
fram fyrir tærnar á sér. Það er
rétt að nota tækifærið og óska eft-
ir skýringu. — Helgi.