Morgunblaðið - 26.01.1983, Qupperneq 21
MORGUNBLAÐIÐ, MIÐVIKUDAGUR 26. JANÚAR 1983
21
Snjóflóðin á Patreksfirði:
Tjónið hleypur á tugum milljóna
Patreksfirdi, 25. janúar. Frá Sigurði Sverrissyni,
blaðamanni Mbl.
ÞAÐ ER óneitanlega sérstök reynsla
að kotna til Patreksfjarðar í kjölfar
þeirrar ógæfu. sem á kauptúninu hef-
ur dunið. I stað þess að sjá
sorgmædd andlit og drúpandi höfuð
mæta manni einarðlegir andlits-
drættir og æðruleysi hvar sem komið
er. Það er erfitt aö gera sér grein
fyrir því ofurafli, sem farið hefur
hendi sinni um þetta þúsund manna
sjávarþorp. Þó má nefna til marks
um kraft flóðsins, að merkisteinn,
sem talinn er vera á þriðja tug lesta
á þyngd og hefur staðið óhaggaður í
fjallshlíðinni svo lengi sem elztu
menn muna, þeyttist langar leiðir
eftir henni.
Ljóst er að eignatjónið á Pat-
reksfirði er gífurlegt. Matsmenn
frá Viðlagatryggingu íslands
komu hingað í dag og er komið var
langt fram á kvöld höfðu þeir enn
ekki lokið störfum. Heimamenn
telja að tjónið hlaupi á tugum
milljóna, en endanlegar tölur
verða ekki ljósar fyrr en mats-
menn hafa lokið störfum sínum.
Björgunarstarfi er haldið áfram
sleitulaust. Það óhapp varð í dag
þegar verið var að hreinsa til með
stórvirkri gröfu að rafmagnskap-
all, sem liggur í hlíðinni, slitnaði.
Varð að fá þyrlu frá ísafirði til að
koma með varahluti til að hægt
væri að ljúka viðgerð. Ekki munu
hafa orðið mikil óþægindi vegna
þessa.
llnnid að hreinsun á ytra flóðasvæóinu.
Símamynd/ Morgunblaðió/ KEE
Séð út eftir Aðalstræti. Billinn er á brúnni yfir Litladalsá, þar sem síðara flóðið féll. Brakið til vinstri eru leyfar hússins
Árbæjar, sem flóðið hreif af grunni og þeytti um 70 metra leið. Símamynd/ Morgunbiaðið/ kee.
^ •'
Þingmenn Vestfjarðakjördæmis komu til Patreksfjarðar i gær, kynntu sér aðstæður og ræddu við hreppsnefnd Patreks-
hrepps. Hér eru þeir staddir í félagsheimilinu og frá vinstri eru á myndinni Þorvaldur (iarðar Kristjánsson, Sighvatur
Björgvinsson, Steingrímur Hermannsson, Karvel Pálmason og Olafur Þórðarson. Auk þeirra var Sigurlaug Bjarnadóttir
varaþingmaður einnig á Patreksfirði í gær. clm .... ,, ,,,
” Simamynd/ Morjfunblaðið/ KEE.
Norðurárdalur í Borgarfirði sem stórt stöðuvatn yfir að líta. Myndin er (ekin
niður dalinn. Morgunblaðið/ HBj.
Flóðin á Suður- og Vesturlandi:
Vatnið farið að síga en
hætta á flóðum ef hlánar
FLÓÐIN á Suður- og Vesturlandi,
sem urðu um helgina, eru nú farin
að sjatna talsvert og lif að færast í
eðlilegt horf. Ljóst er að talsverðar
skeramdir hafa orðið vegna vatna-
gangsins og hafa vegagerðarmenn
þvi átt annríkt síðustu daga. Töldu
viðmælendur Morgunblaðsins, að ef
hlánaði mikið að nýju, væri hætta á
frekari flóðum.
Kristján Fjeldsted, bóndi í
Ferjukoti, sagði í samtali við
Morgunblaðið í gær, að sem betur
færi væru flóðin farin að sjatna,
þó ekki væri nærri fallið út enn.
Miklar skemmdir hefðu orðið á
veginum við síkisbrýrnar, þar
hefði flóðið algjörlega brotið veg-
inn niður, en hægt væri að komast
um Borgarfjarðarbrúna, þannig
að samgöngur væru í lagi. Hann
sagði ennfremur, að talsverðar
skemmdir hefðu orðið á girðingum
og túnum vegna grjót- og jaka-
burðar. Sagði hann, að nú væri
komið 5 stiga frost og snjókoma og
ef frost ykist verulega væri hætta
á að allt frysi saman. Ef hins veg-
ar hlánaði verulega aftur væri
hætta á frekari hlaupum. Kristján
sagði einnig, að nokkuð hefði orðið
um skemmdir á húsum og heyjum,
en þó ekki teljandi.
Eyþór Einarsson, bóndi í Kald-
aðarnesi í Flóa, sagði að flóðin
væru farin að sjatna og vatns-
borðið lækkað mikið. Jakar hefðu
verið hreinsaðir af vegum en enn
flæddi yfir veginn á þremur stöð-
um og væri hann víða illa farinn.
Fært væri þó fyrir stóra bíla og
vonaðist hann til að losna við
mjólkina í dag, miðvikudag, en
síðast hefði mjólk verið flutt frá
honum á föstudag.
Eyþór sagði, að stífian væri enn
í ánni en jakaburður farinn að
minnka en jakahraglið meðfram
veginum væri orðið nokkurra kíló-
metra langt. Færi hins vegar að
hlána aftur væri hætta á frekari
flóðum þar sem stíflan væri um 8
kílómetra löng eða frá Arnarbæli
niður að ósum. Sagði hann, að
hætta gæti verið á túnskemmdum
vegna sandburðar, en það ætti eft-
ir að koma í ljós. Þá sagðist hann
hafa náð hrossum sínum heim á
mánudag, en þau flæddi á hólma
nálægt bænum í flóðunum.
Friðrik vann Seirawan
sannfærandi
FRIÐRIK Olafsson tefdli sína
beztu skák til þessa á Wijk aan
Zee-skákmótinu er hann lagði
unga bandaríska stórmeistarann
Yasser Seiravvan að velli í 35 leikj-
um. Seirawan er sá af ungu stór-
meisturunum sem líklegastur þyk-
ir til að geta veitt Garry Kasparov
keppni á komandi árum og á
Ólympíuskákmótinu á Möltu tefldi
hann á öðru borði fyrir Bandaríkin
á eftir Browne. Siðastliöið sumar
var hann heldur ekki ýkja langt
frá því að komast áfram í áskor-
endakeppnina.
En gegn Friðrik í gærkvöldi sá
hann aldrei til sólar. Friðrik,
sem hafði hvítt, náði snemma
undirtökunum og vann síðan peð
í 23. leik. Stöðuyfirburðir hans
minnkuðu sízt við það og þegar
Seirawan gafst að lokum upp var
mannstap með öllu óumflýjan-
legt.
Hvítt: Friðrik Olafsson
Svart: Seirawan (Bandaríkjunum)
Tarrasch-vörn
1. Rf3 — Rf6, 2. c4 — c5, 3. Rc3 —
e6, 4. e3 — d5, 5. d4 — a6, 6. dxc5
Þetta afbrigði hefur löngum
þótt leiða til jafnteflislegrar
stöðu og 6. cxd5 talið hvassara.
— Bxc5, 7. a3 — 0-0, 8. b4 — Ba7,
9. Bb2 — Rc6, 10. Hcl — De7, 11.
b5!
Mjög athyglisverð hugmynd.
Eftir 11. cxd5 — Hd8 fær svart-
ur þægilega stöðu.
— axb5.
Eftir þetta fær svartur þrönga
stöðu, því í framhaldinu lendir
hann í vandræðum með biskup-
inn á b8 og riddarar hvíts verða
öflugir. 11. ... Ra5 kom því vel
til greina, því eftir 12. cxd5 —
exd5, 13. Rxd5 — Rxd5, 14. Dxd5
— Be6, hefur svartur einhverjar
bætur fyrir peðið. T.d. á hvítur
langt í land með að hróka.
12. Rxb5 - Bb8, 13. cxd5 - Rxd5,
14. Bd3 — Rf6
Þessi og næsti leikur svarts
sýna að eitthvað hefur farið úr-
skeiðis. Betra var líklega 14. ...
Hd8,15. Dc2 - g6.
15. Dc2 — e5, 16. Rd2! — Hd8, 17.
Re4 — Rg4?!
Seirawan reynir að skapa sér
gagnfæri á kóngsvæng, því
hvorki uppskipti á e4, né 17. ...
Rd5, 18. Rc5 leysa vandamál
hans.
18. h3 — I)h4, 19. 0-0 — Rh6, 20.
Rg3 - Kh8, 21. Hfdl — Hf8
Svartur hrökklast stöðugt
undan. Ástæðan fyrir erfiðleik-
um hans er fyrst og fremst sam-
gönguerfiðleikarnir sem gagns-
lausi biskupinn á b8 veldur.
22. Be4
Nú freistar Seirawan þess að
létta á stöðu sinni með því að
gefa peð, en það dugir ekki til að
koma skákinni í jafnvægi.
— Be6, 23. Bxc6 — bxc6, 24. Dxc6
— Da4, 25. Re4 — Ha6, 26. Db7
— Da5, 27. Bc3! — Db6, 28. Dxb6
— Hxb6, 29. Bb4 — Hg8, 30. Rc3
— Rf5, 32. Rc5 — Rh4, 32. Rxe6
Hvítur er peði yfir í endatafli
og sérhver uppskipti færa hann
því nær sigri.
— Hxe6, 33. Hd7! — Hg6, 34. g3
— f5, 35. Rd5 — Hg5
Mannstap var orðið óumflýj-
anlegt. Ef 33. ... he8 þá 34. Re7
— Hg5, 35. Hc8 — Hxc8, 36. Rxc8
og hvítur hótar 37. Hd8 mát og
37. Be7.
36. Be7 — Rf3+, 37. Kg2 og
svartur gafst upp.