Morgunblaðið - 26.01.1983, Blaðsíða 40

^Ayglýsinga-
síminn er 2 24 80
MIÐVIKUDAGUR 26. JANÚAR 1983
—■
,/\skriftar-
síminn er 830 33

4' cþ’) ■ 4L, "0 »
C 2Ef■ I /J"ý * 4r
Frá Óshlíð í gær, ýtur Vegagerðarinnar opna veginn. Morgunblaðið/ Úlfar.
Snjóflóðin á Patreksfirdi:
Húsnæðisvandinn hefur
fengið farsæla lausn
— segir Úlfar B. Thoroddsen, sveitarstjóri
Patreksílrdi 25. janúar. Krá SigurAi Sverrissyni, blaðamanni Mbl.
„BJÖRGUNARSTARFIÐ hófst af fullum krafti í gærmorgun eftir hléið, sem
gert var á sunnudagskvöld vegna hættunnar á frekari flódum," sagði Úlfar B.
Thoroddsen, sveitarstjóri á Patreksfirði, er blaðamaður Mbl. ræddi við hann
í dag.
„Haldið hefur verið sleitulaust
áfram að bjarga því, sem hægt er
eftir föngum. Stórvirk vinnutæki í
eigu fyrirtækja í bænum hafa
komið í góðar þarfir og gekk
björgunarstarfið mjög vel í gær,
þrátt fyrir að í mörg horn hafi
verið að líta.“
I dag voru um 40 manns við
björgunarstörf, en voru 100 í gær
og um 300 á sunnudag, þegar fjöl-
mennast var. Tvö stærstu fyrir-
tækin, Oddi hf. og Hraðfrystihús
Patreksfjarðar lögðu til mikinn
mannafla í gær og önnur fyrirtæki
eftir föngum hvert og eitt. At-
vinnulíf er óðum að færast í fyrra
horf.
Úlfar sagði, að í dag hefði verið
unnið að því að útvega öllu því
fólki, sem missti heimili sín, ann-
að húsnæði. „Sýnt er, að þetta
vandamál hefur leystst farsæl-
lega. Fólk hefur látið eftir lausar
íbúðir og jafnvel gengið úr húsi til
að hlaupa undir bagga.
Það eru skiljanleg viðbrögð að
fólk fyllist ótrú og kjarkurinn lin-
ist. Fólk veit aldrei hvar hættan
er mest og aldrei hægt að segja til
um það fyrr en ógæfan dynur yfir.
Hér leggjast allir á eitt til að
koma daglegu lífi í eðlilegt horf.
Ég vonast til að þetta gangi eins
vel og til þessa og fái farsælan
endi."
37 snjóflóð
í Óshlíðinni
fsarirAj, 25. jinúar.
VEÐUROFSINN hefur nú gengið niður við Djúp og mannlífið er að færast í
eðlilegt horf á nýjan leik. Um kaffíleytið i dag tókst loksins að opna
Óshlíðina milli ísafjarðar og Bolungarvíkur, en 37 snjóflóð höfðu lokað
veginum. Stórvirk snjóruðningstæki höfðu unnið við veginn frá því snemma
í morgun, en stærsta snjóflóðið, sem var innanvert við Krossinn á miðri
hlíðinni, var svo stórt að það þurfti stóra jarðýtu til að ráða við moksturinn.
Á tímabili var þetta snjóflóð
eina haftið á milli byggðanna og
var brugðið á það ráð, þegar jarð-
ýtan kom á staðinn, að láta hana
Berufjörður:
Háhyrninga-
fjölskylda á
síldveiðum
Háhyrningafjölskylda hefur
að undanförnu haldið sig innst í
Berufirði, einn tarfur með
nokkrar kýr og kálfa. Að sögn
Jakobs Jakobssonar fiskifræð-
ings sem verið hefur eystra að
undanförnu, eru háhyrningarnir
þarna í töluverðri síld, sem
þarna er.
„Það var ósköp huggulegt
að sjá dýrin þarna," sagði
Jakob í samtali við blaða-
mann Morgunblaðsins, „og
svo mikið er víst að þessi
háhyrningafjölskylda verður
ekki mögur, hún makar krók-
inn á síldinni þarna."
Háhyrningar eru sem kunn-
ugt er hjarðdýr, og má oft sjá
stóra hópa þeirra, allt að 100
dýr saman, og 10 hvala hópar
eru algengir. Háhyrningurinn
lifir bæði úti á opnu hafi og á
grunnslóð, og hér við land er
hann algengur sumar og haust,
og sést oft á öðrum árstímum,
og fylgir þá venjulega síldar-
göngum.
slétta úr efsta borði snjóflóðsins
og óku bílarnir síðan yfir það eins
og á malbiki væri. Á þessum stað
var vegurinn lagaður verulega
mikið á síðastliðnu hausti og áttu
menn von á að meira þyrfti til en
eitt snjóflóð til að loka honum.
Svo er þó greinilega ekki og var
snjóflóðið átta metra hátt í veg-
arkantinum.
Víða eru snjóhengjur á fjalls-
brúnum og má reikna með áfram-
haldandi snjóflóðum ef veður
breytist eitthvað.
— Úlfar
Þingeyri:
Flugvél
brotlenti á
flugvellinum
Þingeyri, 25. janúar.
UM KLUKKAN fimm i dag brotlenti
9 manna flugvél frá Sverri Þórodds-
syni hér á Þingeyrarflugvelli. í vélinni
voru 7 farþegar ásamt flugmanni.
Enginn mun hafa slasast.
Talið er að vélin hafi komið of
hátt inn til lendingar, lent inn á
miðjum velli og endaði hún ferð
sína í snjóskafli út við brautarenda.
Einhverjar skemmdir munu hafa
orðið á vélinni, þar á meðal brotn-
aði nefhjólið.
Hér hefur verið slæmt ástand í
flugmálum frá því fyrir jól. Aðeins
tvö áætlunarflug eftir áramót og
einungis ein vél hefur komið með
vörur og póst og kom sú vél 14.
janúar.
— Guðbjörg
Snjóflóðin á Patreksfirði:
Get ekki annað en glaðzt
yfir því að vera á lífi
— segir Glynnes Duffin
l’alrtksfjríi, 25. janúar. Krá SijjurAi Svcrrisuyni, hlaúamanni Mbl.
„ÞAÐ ER MEÐ ólíkindum hvað ég hef verið heppin," sagði Glynnes
Duffin, er Mbl. ræddi við hana á heimili tengdaforeldra hennar. Glynnes,
sem er nýsjálenzk og kom fyrst til Patreksfjarðar til að vinna í fiski 1977,
en kennir nú ensku við grunnskólann, lenti í þeirri óvenjulegu lífsreynslu
að fá snjóflóðið inn í miöja stofu hjá sér og í gegnum húsið án þes að
hana sakaði að ráði.
Það er ótrúlegt til þess að
hugsa að Glynnes hafi sloppið
lifandi úr húsi sínu. Stóreflis
grjothnullungar standa nú á
þeim stað, þar sem hún lokaðist
af í einu horni stofunnar. Glynn-
es er aðeins marin og með
nokkrar skrámur og verður það
að teljast vel sloppið með tilliti
til atburða.
„Ég var að hringja í ættingja
mannsins míns og hafði í hyggju
að fara þangað í heimsókn. Það
var tekið að flæða inn í kjallar-
ann hjá okkur og ég var orðin
óróleg. Það svaraði hins vegar
enginn símanum og ég lagði því
tólið á og gekk í átt að suður-
glugga stofunnar. Ég varð einsk-
is vör og var ekki komin nema
nokkur skref er flóðbylgjan,
mestmegnis vatn, kom í gegnum
norðurvegg hússins af miklu
afli.
Ég gat ekki gert mér fulla
grein fyrir atburðarásinni fyrr
en ég var orðin föst og skorðuð
af í horni herbergisins í seil-
ingarfjarlægð frá glugganum. Á
því augnabliki vissi ég ekki hvort
ég hafði haldið höndum eða fót-
um. Fljótlega tókst mér þó að
losa handleggina og þá komst
ekki nema eitt að; að komast út
um gluggann.
Mér tókst að krafla mig að
glugganum, brjóta rúðu og
hrópa á hjálp. Eldri hjón, sem
voru í nærliggjandi húsi, sáu til
mín og veifuðu. Það var uppörv-
andi, en mér létti óskaplega mik-
ið þegar mér var bjargað, þar
sem ég var við gluggann.
Ég get ekki annað en glaðzt
yfir því, að vera á lífi. Að sama
skapi þykir mér sorglegt til þess
að vita, að fjórir aðrir skildu
ekki verða sömu heppni aðnjót-
andi og ég. Ég minnist þess ekki
að hafa grátið eða fengið áfall
eftir að ég kom af sjúkrahúsinu
og í rauninni væri það ósann-
gjarnt af mér að gráta á sama
tíma og aðrir eiga um sárt að
binda," sagði Glynnes.
Sjá nánari fréttir frá Pat-
reksfirði í miðopnu.
Glynnes Duffin slapp i ótrúlegan hitt, er flóðið þeyttist gegnum stofuna
á Aðalstræti 77, Patreksfirði. Símamynd/ Morjjunblaftið/ KEE.