Morgunblaðið - 26.01.1983, Blaðsíða 29

MORGUNBLAÐIÐ, MIÐVIKUDAGUR 26. JANUAR 1983
29
Minning:
Asgeir Ragnar Sigurðs-
son útsendingarstjóri
Sú óvænta harmafregn barst
starfsmönnum Sjónvarpsins
sunnudaginn 16. janúar að Asgeir
R. Sigurðsson, útsendingarstjóri,
væri látinn.
Hann var aðeins tæpra 35 ára
gamall, fæddur 27. febrúar 1948 í
Reykjavík, sonur hjónanna Ingi-
bjargar Jónsdóttur og Sigurðar
Kr. Þórðarsonar, gjaldkera. Arið
1973 kvæntist hann Sigrúnu Guð-
geirsdóttur, og áttu þau tvö börn,
Vilhjálm Geir og Asdísi. Þau hjón
slitu samvistum. Að lokinni al-
mennri skólagöngu starfaði As-
geir um tíma hjá Stálumbúðum,
en hóf síðan nám í símvirkjun hjá
Landssíma íslands, sem hann lauk
haustið 1968. Hann starfaði áfram
á radíóverkstæði Landssímans til
októbermánaðar 1970, en hóf þá
störf hjá Sjónvarpinu. í fyrstu
starfaði hann í kvikmyndasýn-
ingadeild. Þar vakti hann þegar
athygli sem mjög glöggur tækni-
maður og áreiðanlegur starfsmað-
ur í hvívetna. Þegar starf útsend-
ingarstjóra varð laust vorið 1973
var honum falið það, og gegndi
hann því með mikilli prýði til síð-
asta ævidags.
Starf útsendingarstjóraf'.ai'^að
sjá til þess að dagskrá Sjónvarps-
ins komist snurðulaust til áhorf-
enda. Ótal hlutir geta farið úr-
skeiðis í þeim margbrotna tækja-
búnaði sem útsendingin krefst.
Óvænt atvik verða sífellt sem
krefjast skjótra viðbragða, með
því að allar tafir og öll mistök ger-
ast fyrir augum alþjóðar. Örugg
dómgreind Ásgeirs, snarræði hans
og fumleysi, ásamt góðum verk-
stjórnarhæfileikum voru eigin-
leikar sem nýttust hér til fulls.
í daglegri umgengni var Ásgeir
mikið prúðmenni. Hann var hlé-
drægur og seintekinn í kynningu
og afar dulur um eigin hagi.
Á þessari stundu er minnst með
þakklæti hinna ágætu starfa hans
í þágu Sjónvarpsins og aðstand-
endum hans votta ég innilega
samúð.
Pétur Guðfinnsson
Birting
afmœlis- og
minningar-
greina
ATHYGLI skal vakin á því, aö
afmælis- og minningargreinar
verða að berast blaöinu með góð-
um fyrirvara. Þannig verður
grein, sem birtast á í miðviku-
dagsblaði, að berast í síðastu lagi
fyrir hádegi á mánudag og hlið-
stætt með greinar aðra daga. í
minningargreinum skal hinn
látni ekki ávarpaöur. Þess skal
einnig getið, af marggefnu til-
efni, að frumort Ijóð um hinn
látna eru ekki birt á minningar-
orðasíðum Morgunblaðsins.
Handrit þurfa að vera vélrituð og
með góöu línubili.
Kveðja frá starfsfélögum
í sjónvarpinu
Deyr fé,
deyja frændr,
deyr sjalfr e( sama.
Kn orðstírr
deyr aldrigi,
hveims sér góöan getr-
(í'r llávamálum)
Félagi okkar, Ásgeir Sigurðs-
son, er horfinn af sjónarsviði
jarðneskrar tilveru, langt um ald-
ur fram. Sunnudaginn 16. janúar
sl. barst samstarfsfólki Ásgeirs
heitins sú harmafregn, að hann
væri látinn. Starf Ásgeirs var að
hluta stjórn útsendingar sjón-
varpsdagskrár. Hann var ávallt
fyrstur til vinnu og það vakti
óljósa undrun okkar að hann var
ekki til staðar á réttum tíma.
Annríkið í sjónvarpinu var að
færast í eðlilegt horf eftir starfs-
þunga árskipta og þennan dag var
jafnvel griður gefinn í stríði vetr-
arveðra. Aðeins ein skýring kom í
hugann — tafir í umferðinni.
Staðfesting á fjarveru Ásgeirs
fékkst litlu síðar og hún kom sem
reiðarslag. Hann var látinn. Það
var þögull hópur sem tók til
starfa.
Ásgeir var jarðbundinn per-
sónuleiki. Hann var maður stað-
reynda og rökvísi, maður sannana
og sannleiks. Hann var hnyttinn,
hann var dapur og hann var glað-
ur eins og gerist og gengur, en
dýpstu tilfinningar sínar bar hann
ekki á torg. Ásgeir var félagi í
starfi og leik, ekki sízt þegar leita
þurfti aðstoðar eða álits varðandi
réttindi og skyldur, tölvur eða
gang himintungla.
Hann var traustur liðsmaður í
baráttunni um hagsmuni tækni-
manna og var sjaldan hlutlaus.
Hann var haukur í horni.
Undarleg er sú tilfinning að
eiga eftir að ganga um sali sjón-
varpsins án þess að hitta Ásgeir,
skiptast á skoðunum, ræða starfið
eða spyrja ráða. Eftir stendur
vandfyllt skarð í hópi félaga og
minning um góðan dreng.
Við vottum aðstandendum, ætt-
ingjum og vinum okkar einlægu
samúð í sorg þeirra.
Gunnar Guðmundsson
Selfossi — minning
Fæddur 10. maí 1926
Dáinn 1. janúar 1983
Kveðja frá félögum í Karla-
kór Selfoss.
Þegar Karlakór Selfoss kemur
saraan til æfinga á nýbyrjuðu ári
hefur skarð verið rofið í hópinn,
vinur er horfinn á braut.
Gunnar Guðmundsson var
virkilegur vinur og félagi allra
sem hann umgekkst. Ávallt með
spaugsyrði á vör, reiðubúinn að
lífga upp á hversdagsleikann. Hin
eðlislæga orðhnyttni Gunnars
heitins naut sín vel í glaðværum
hópi og á góðum stundum. Það
þótti því lítil skemmtisamkoma
hjá Karlakórnum ef þar var ekki
eitthvert gamanmál samið eða
flutt af Gunnari heitnum. Frá
þeim tímá sem Karlakórinn var
stofnaður 1965, þótti ávallt sjálf-
sagt að leita til hans þegar þörf
var fyrir gamanefni af einhverju
tagi, enda reyndist Gunnar heit-
inn ætíð reiðubúinn og sá ekki eft-
ir þeim tíma sem hann þurfti
þannig að sjá af. Ein síðasta
minningin af þessum vettvangi er
frá myndakvöldi Karlakórsins á
sl. hausti, þar sem Gunnar sat við
sýningarvélina og fléttaði saman í
máli og myndum, vorferðalagi
kórsins, eins og honum einum var
lagið.
Gunnar heitinn var einn af
stofnendum Karlakórsins og
áhugasamur kórfélagi alla tíð. Af
þeim sökum m.a. gegndi hann
störfum formanns í kórnum árin
1970—1974. Til marks um stöðug-
an áhuga Gunnars heitins má geta
þess að hann var einn fárra sem
verðlaun hlaut fyrir að hafa mætt
á allar æfingar sl. vetur.
Þegar við kórfélagarnir stönd-
um nú svo óvænt frammi fyrir
þeirri staðreynd að sjá á bak þess-
um félaga okkar yfir landamæri
lífs og dauða, þá brennur efst í
huga okkar tregablandinn söknuð-
ur en jafnframt þakklæti fyrir all-
ar þær ánægjustundir sem við
nutum í samvistum við þennan
lifsglaða félaga.
Við vottum aðstandendum
Gunnars heitins okkar innilegustu
samúð.
Kórfélagar og stjómandi
Síðasti skiladagur fyrir einstaklinga með sjálfstæðan atvinnurekstur er 15. mars.
Ríkisskattstjóri J
ITTGLOT TAIJMri
Einn rraml(M<kiMli • Eitt umboð
Viö höfum tekið að okkur umboð fyrir Talbot bifreiðar fyrir Automobiles Peugeot í
Frakklandi. Eftir þessa sameiningu getum við boðið upp á tugi mismunandi gerða bifreiða.
Peugeot bifreiðaverksmiðjurnar eru með elstu bílaframleiðendum heims og hafa lengi
verið í fararbroddi og bjóða nú 6 ára ryðvarnarábyrgö fyrstir manna.
CM
I lf>
mmi 00
ifl
rr <
II o
LL ljl
<1
J. (D
<
>