Morgunblaðið - 04.03.1983, Síða 22
22
MORGUNBLAÐIÐ, FÖSTUDAGUR 4. MARZ 1983
M/S Edda:
Nýr þáttur í
samgöngumálum
okkar íslendinga
Úr diskótekinu um borft ( skipinu.
í TÍU ár eða allt frá því að m/s
Gullfoss var seldur úr landi 1973
hefur ekkert farþegaskip á veg-
um íslendinga verið í fórum til
meginlands Evrópu. En nú verð-
ur breyting á. Skipafélögin Eim-
skip og Hafskip hafa stofnað
með sér félag, Farskip hf, um
flutninga á farþegum og bflum
til Englands og meginlands Evr-
ópu og í þeim tilgangi tekið á
leigu skip fyrir sumarið 1983,
sem mun verða í vikulegum
áætlunarferðum milli íslands,
Englands og l'ýskalands. Þarna
er að sögn skipafélaganna til-
raun á ferðinni og ræðst fram-
haldið af því hvernig til tekst.
Breytingar á
farþegaflutningum
Siglingar í höndum íslendinga
er einn þáttur í sjálfstæði ís-
lensku þjóðarinnar; og ekki sá
ómerkasti, eins og dæmi úr sög-
unni sanna ótvírætt. Það að
samgöngur og flutningar á sjó
skyldu færast í hendur okkar,
samhliða aukinni sjálfstjórn,
var einn liðurinn i sjálfstæðis-
baráttu þjóðarinnar eins og iðu-
lega hefur verið bent á og
kannski ekki sá þeirra, sem
minnst er um vert.
Það að rekstur farþegaskips í
íslenskri eigu skyldi á sínum
tíma leggjast af, er í raun ekki
séríslenskt fyrirbæri, heldur
þáttur alþjóðlegrar þróunar eða
öllu heldur hnignunar á hefð-
bundnum siglingum með farþega
milli landa og heimsálfa, sem
verður með þróun flugsins og
aukinni hlutdeild þess í farþega-
flutningum á sjöunda áratugn-
um. Um þessa þróun fjallar Jón-
as Guðmundsson, rithöfundur á
skilmerkilegan hátt í grein sem
hann ritar í Sjómannadagsblað-
ið 1978. Hin stóru og glæsilegu
farþegaskip, sem þjónuðu fyrr á
tíð í raun sama hlutverki og
flugið gerir í dag, lögðu upp
laupanna eitt af öðru, en ferjur,
sem gátu flutt bæði farþega, bíla
og járnbrautalestir tóku við.
Ferjurnar hafa það einnig sér til
ágætis, að mjög fljótlegt er að
ferma þær og afferma og þær
þurfa þvi ekki nema stutta
viðdvöl í höfnum.
Frá sundlauginni.
Farþegaflutningar á sjó aðlög-
uðust þannig ríkjandi ástandi í
samgöngumálum/ferðamálum
og farþegaskipin tóku að sér
hlutverk, sem flugið var ekki
fært um. Með tilkomu ferjunnar
Eddu er þessi þróun að halda
innreið sína á Islandi, undir
stjórn íslendinga og í tengslum
við aðalþéttbýlissvæði landsins
hér á suðvesturhorninu, því að
ferjan Smyrill, sem hefur um
nokkur undanfarin ár haldið
uppi samgöngum um Færeyjar
við Skotland og Norðurlöndin,
hefur gert það frá Seyðisfirði.
M/S Edda
Skipið, sem hlotið hefur nafn-
ið m/s Edda, er smíðað í Frakk-
landi 1972. Það hét áður m/s All-
otar og var í ferðum milli Sví-
þjóðar og Finnlands. Ms Edda
verður stærsta skip islenska
flotans, þvf það er 7.800 rúmlest-
ir að stærð, og getur flutt 900
farþega og 160 bíla í hverri ferð.
Það getur gengið 20 sjómílur og
er búið sérstökum tölvustýrðum
stöðugleikauggum, sem minnka
Úr móttökunni, þar sem einnig er bæfti banki og upplýsingaþjónusta.
velting. Farþegaklefar eru 200
talsins, 2, 3 og 4 manna og í þeim
geta alls rúmast 440 farþegar.
Eru þeir af öllum stærðum og
gerðum og í flestum þeirra er
hreinlætisaðstaða. Pláss er fyrir
120 farþega í þotustólum og auk
Þriggja manna klefi.
Verð
HÉR FER á eftir kostnaðurinn af að ferðast aðra leiðina með
m/s Eddu, eins og hann var miðað við gengi 21.01. 1983.
Eftirgreint verð er háð skráningu gengis á hverjum tíma.
Allir farþegar greiða svonefnt grunngjald. Það fer síðan
eftir því hvers menn óska að auki, hvað menn þurfa að greiða
mikið til viðbótar við það.
GJALDSKRÁ 1983 PER FARÞEGA - ÍSL. KR.
Keykjavík/ Reykjavík/ Newca«tle/
Newcastle Bremerhaven Bremerhaven
Grunngjald/Dekkfarþegar 2069 2882 1220
VIÐBÆTUR
Flugstóll 678 945 400
„Economy“-hvíla 1187 1653 700
4 hvílu klefi 1526 2125 899
3 hvílu klefi 1933 2692 1139
2 hvílu klefi 2306 3212 1359
2 hvílu „semilux“-klefi 3052 4251 1799
3 hvílu lúxus-klefi 3052 4251 1799
Svíta 4069 5668 2399
Salerni/sturta 186 260 110
ÖKUTÆKI (undir 5 m lengd)
Bifreið með 1 farþega 3357 4676 1979
Bifreið með 2 farþegum 2350 3273 1385
Bifreið með 3 farþegum 1343 1870 792
Bifreið með 4 farþegum FRÍTT FRÍTT FRÍTT
Húsvagnar og aukam. bifr./m. 671 935 396
HÓPFERÐABIFR. (bílstj. frítt)
Að 15 farþegum 5006 6973 2951
Yfir 15 farþegar FRÍTT FRÍTT FRÍTT
ÖNNUR ÖKUTÆKI
Mótorhjól m/hliðarvagni 2048 2852 1207
Mótorhjól 1477 2057 871
Reiðhjól/skellinöðrur 186 260 110
„Viðbætur" eru í öllum tilfellum til viðbótar við grunngjald.
Börn milli 2 og 12 ára aldurs fá 50% afslátt af grunngjaldi.
Börn 2 ára og eldri vega til jafns við fullorðna í bifreiðaaf-
slætti.
Gjöld fyrir bifreiðir gilda ekki fyrir bifreiðir með vörum.
Hópferðabifreiðir með færri en 10 farþegum eru fluttar sam-
kvæmt gjaldskrá hinna almennu skipafélaga.
Bifreiðir yfir 2 metra að hæð borga tvöfalt bifreiðagjald.
þess verða farþegum seld þil-
farspláss.
Svo dæmi séu tekin af því sem
boðið er upp á um borð, þá er þar
sundlaug og saunaböð, kvik-
myndahús, verslanir, þar með
talin fríhafnarverslun, veitinga-
hús og veitingabúð, þjónustu-
miðstöð, með banka og símstöð,
þar sem verða veittar upplýs-
ingar. Þá er um borð spilavíti,
dansstaður þar sem hljómsveit
skipsins leikur og diskótek sem
jafnframt er næturklúbbur.
Læknisþjónusta er um borð, sér-
stakt leiksvæði fyrir börn og
barnagæsla verður um borð í
skipinu.
Starfslið alls verður rúmlega
100 manns. íslenskt starfslið sér
um þjónustuna um borð, en
pólskt starfslið verður á þilfari
og í vélarrúmi. Fríverslun sem
selur tollfrjálsan varning er um
borð og hægt er að notast við
íslenskt fé jafnt og erlenda
mynt, þ.e. ensk pund, þýsk mörk
og danskar krónur.
Viðkomustaðir verða Brem-
erhaven í Þýskalandi og New-
castle í Englandi, báðir valdir
með tilliti til auðveldra sam-
gangna áfram um England og
meginland Evrópu. Eins og fyrr
sagði eru ferðirnar vikulegar. Ms
Edda mun leggja upp héðan frá
Reykjavík á hverjum miðviku-
degi klukkan 12 á miðnætti frá 1.
júní til 18. september.
Afgreiðsla m/s Eddu verður
byggð á því að skipið verði und-
anþegið tollskoðun og því ein-
angrað í Sundahöfn, enda fari
toll— og vegabréfaskoðun fram í
landi, bæði fyrir komu— og
brottfararfarþega. Viðdvöl
skipsins í landi hvert sinn er
stutt, ekki nema nokkrar
klukkustundir og er þetta í sam-
ræmi við það sem gerist og geng-
ur við afgreiðslu sams konar
skipa erlendis.
„Hvenær fáum við nýjan
Gullfoss," er spurning sem Jónas
Guðmur.dsson varpaði fram í
fyrrnefndri grein í Sjómanna-
dagsblaðinu. Ekki er ósennilegt
að ætla að Ms Edda sé fyrsta
skrefið í svarinu við þeirri
spurningu.