Morgunblaðið - 07.04.1983, Side 34

34
MORGUNBLAÐIÐ, FIMMTUDAGUR 7. MARZ 1983
Framleiðni starfs-
manna Flugleiða mikil
miðað við önnur félög
MEÐFYLGJANDI töBu er aö
finna í ársskýrslu Flugleiða, þar
sem fjallaö er um starfsmanna-
mál félagsins. Á töflunni sést, að
Flugleiðir eru í 2. sæti flugfélaga í
Evrópu, þegar skoðaðir eru seldir
tonn-km á hvern starfsmann, þ.e.
það magn af framboðnum tonn-
km, sem greitt er fyrir. Aðeins
hollenzka flugfélagið KLM stend-
ur sig betur á þessu sviði.
í öðrum dálki eru skoðaðir far-
þegar í áætlunarflugi á hvern
starfsmann og kemur þar ennfr-
emur í ljós, að Flugleiðir eru í öð-
ru sæti með 474 farþega. í þessu
efni er það aðeins skandinavíska
flugfélagið SAS, sem kemur betur
úr með 523 farþega á hvern
starfsmann.
Loks eru skoðaðir arðbærir far-
þega-km á hvern starfsmann og
kemur þá í ljós, að Flugleiðir eru í
1. sæti með 1.052.639 arðbæra far-
þega-km í áætlunarflugi. í 2. sæti
kemur síðan brezka flugfélagið
British Airways með 866.208 far-
þega-km.
Heildarvelta Búvöru-
deildar SÍS jókst um
43,9% á síðasta ári
UM 942 þúsund fjár var slátrað
á landinu á síðasta ári, að því er
segir í nýjasta hefti Sambands-
frétta. Þar af var slátrað um 679
þúsund fjár í sláturhúsum kaup-
félaganna eða um 72%.
í Sambandsfréttum segir, að
heildarvelta Búvörudeildar Sam-
bandsins hafi numið um 602,3
milljónum króna á síðasta ári, og
hafi aukizt um í kringum 43,9%.
Umboðslaun deildarinnar námu
um 1,87% á síðasta ári, borið sam-
an við 2,03% árið á undan, og
hækkuðu þau um 32,3%, eða mun
minna en veltan.
Útflutningur minnkaði í magni
á milli áranna, en útflutnings-
magn deildarinnar nam 4.440 lest-
um á móti 6.640 lestum á árinu
1981. Var því um liðlega 32% sam-
drátt að ræða milli ára. Munar
þar mestu um útflutning á dilka-
kjöti, sem dróst saman um 36%.
í Sambandsfréttum segir, að
áfram sé stöðugt unnið að mark-
aðsleit erlendis fyrir dilkakjötið,
og eru nokkrar vonir bundnar við
markaðsmöguleika í Bandaríkjun-
um og Japan. Áætluð útflutnings-
þörf af haustframleiðslunni 1982
nemur 3.000—3.300 lestum, og fer
það eftir því hvemig sala á heima-
markaði gengur.
Dilkalifur hefur um árabil verið
seld til Bretlands, en sá markaður
lokaðist nú í ár. Talsverðar birgðir
eru því af henni í landinu, og verð-
ur af þeim sökum efnt til söluher-
ferðar á næstunni hér innanlands
og reynt að vekja áhuga fólks á
hollustu þessarar fæðutegundar,
jafnframt því sem gefnar verða
leiðbeiningar um matreiðslu
hennar.
Útflutningur til EFTA-
landa hefur farið stöð-
ugt vaxandi síðustu ár
ÚTFLUTNINGUR íslendinga til
landa innan EFTA hefur farið stöð-
ugt vaxandi síðustu árin, en á síðasta
ári var útflutningur til þeirra, sem
hlutfall af heildarútflutningi lands-
manna, 19,07%. Hafði vaxið úr
17,60% árið 1981. Hlutfallið var
15,18% árið 1980 og 13,64% árið
1979.
Útflutningur til landa innan
EBE hefur hins vegar heldur farið
minnkandi á síðustu árum. Á
síðasta ári var hlutfall útflutnings
til EBE-landa 32,68%. Það var
31,32% árið 1981, 37,42% árið 1980
og 38,6% árið 1979.
Útflutningur til landa í Austur-
Evrópu hefur verið nokkuð stöðug-
ur sem hlutfall af heildinni. Á síð-
asta ári var hlutfallið 8,42%, árið
1981 var það 7,93%, árið 1980
8,86% ogárið 1979 8,11%.
Útflutningur íslendinga til
Norður-Ameríku, Bandaríkjanna
og Kanada, hefur verið nokkuð
breytilegur sem hlutfall af heild-
inni. Á síðasta ári var hlutfallið
26,35%, en var 21,5% árið 1981, ár-
ið 1980 22,17% og árið 1979 var það
28,51%.
Velta KEA um 1.220,8
milljónir króna 1982
HEILDARVELTA Kaupfélags Eyfírð-
inga á Akureyri var á síðasta ári um
1.220,9 milljónir króna og hafði hún
aukizt um 54% frá árinu á undan.
Laun og launatengd gjöld námu 164,7
milljónum og höfðu þau hækkað um
53,25% frá árinu á undan. Þessar upp-
lýsingar koma fram í síðasta hefti
Sambandsfrétta.
Þar segir ennfremur að vöru-
birgðir félagsins hafi aukizt mikið
milli ára, sem stafi bæði af verð-
bólgunni, og einnig af því að magn-
aukning hafi orðið í birgðum í
verzlunardeildum og í sjávarafurð-
um, m.a. vegna sölutregðu á skreið.
Nettó-fjárfestingar félagsins á síð-
asta ári námu um 30,2 milljónum
króna, en miðað við verðbólguþróun
er það heldur minna en árið 1981.
„Vegna þeirrar óvissu, sem ríkir
um þróun efnahagsmála, svo og
óðaverðbólgu, virðist nauðsynlegt
að draga mjög úr fjárfestingum eða
jafnvel að stöðva þær að mestu.
Stjórn félagsins hefur þó heimilað
að unnið verði að verklegum fram-
kvæmdum og fjárfestingum er
kosta munu 14—15 milljónir króna
á verðlagi í ársbyrjun, og verður
unnið að þeim eftir þvf sem aðstæð-
ur leyfa og þróun efnahagsmála
gefur tilefni til. Af sömu ástæðum
mun félagið á næstunni ekki auka
vörubirgðir sínar, og einnig draga
úr útlánum sem aukizt hafa hröð-
um skrefum undanfarin misseri."
Álafoss seldi Sovétmönn-
um fyrir 15,3 milljónir kr.
Uppistaða samningsins 250.000 treflar
SENDINEFND frá Álafossi hf. gekk
á dögunum frá samningi í Moskvu
um sölu á rúmlega 250.000 treflum,
ásamt nokkru magni af ullarflíkum,
segir í fréttatilkynningu frá Álafossi.
Heildarverðmæti samningsins
er um 720.000 Bandaríkjadollarar,
sem jafngildir liðlega 15,3 milljón-
um króna. Með þessum samningi
og samningi, sem gerður var í des-
ember sl., munu viðskipti Álafoss
við Sovétríkin næstum þrefaldast
milli áranna 1982 og 1983.
f frétt Álafoss segir ennfremur,
að íslenzkar ullarvörur njóti mik-
illa vinsælda í Sovétríkjunum og
eftirspurn eftir gæðavörum sé
mjög mikil. Þar á meðal séu ís-
lenzkar ullarflíkur, treflar og
værðarvoðir.
umciriDTi
VllfölVli 11
VIÐSKIPTI - EFNAHAGSMÁL - ATHAFNALÍF
Umsjón: Sighvatur Blöndahl
Portúgalir sýna
í Hannover
HIN árlega iónaðarsýning í Hannover
mun vera hin stærsta sinnar gjörðar í
heimi. Hún verður að þessu sinni hald-
in dagana 13.—20. apríl. Sýningar-
svæðið nær yfír eina milljón fermetra
og á síðustu sýningu voru þátttakend-
ur 5.500 fyrirtæki og gestir urðu um
hálf milljón. Portúgölum hefur nú ver-
ið boðið að taka þátt i sýningunni og
verður sýningardeild þeirra 1.800 fer-
metra stór og 50 portúgölsk fyrirtæki
sýna þar aðskiljanlegar framleiðslu-
vörur sínar. Mest áberandi verða alls
konar rafmagns- og rafeindatæki,
byggingarbúnaður og vélar til notkun-
ar í byggingariðnaði, gerð orkuvera,
auk þess sem nefna mætti samgöngu-
tæki. Einnig verða kynntar ýmsar
rannsóknir og niðurstöður þeirra sem
unnið er að á rannsóknarstofum stór-
fyrirtækja.
Þar sem Portúgalir hafa lagt á
það aukna áherzlu að íslendingar
kaupi meira frá Portúgal, m.a.
vegna saltfiskhagsmuna okkar þar í
landi, er sérstaklega vakin athygli á
þessari sýningu, ef einhverjir aðilar
hérlendis kynnu að hafa áhuga á að
skoða sýningardeild Portúgala. Má
þá hafa samband við portúgalska
viðskiptafulltrúann í Reykjavík eða
Osló til að fá nánari upplýsingar.
Það má taka fram að forsvars-
menn sýningarinnar í Hannover
hafa síðan 1980 boðið þeim ríkjum,
sem hafa þótt sýna miklar framfar-
ir í framleiðslu varnings af þessu
tagi, aðild að sýningunni og er þetta
í fyrsta skipti sem Portúgalir sýna
þar.