Morgunblaðið - 03.05.1983, Blaðsíða 17

MORGUNBLAÐIÐ, ÞRIÐJUDAGUR 3. MAÍ 1983
17
Þessar hressu dömur skipuðu aflahæstu kvennasveitina á hvítasunnumóti sjó-
stangaveiðimanna í fyrra. Frá vinstri Elínborg Bernódusdóttir, Alda Harðardótt-
ir, Þuríður Bernódusdóttir og Ester Óskarsdóttir. Með þeim á myndinni er
mótsstjórinn Magnús Magnússon. Ljósm. Sigurgeir Jinasson
Vestmannaeyjar:
Alþjóðlegt sjóstanga-
veiðimót um hvítasunnuna
Vestmannaeyjum, 26. aprfl.
NÚ UM komandi hvítasunnuhelgi
heldur Sjóstangaveiðifélag Vest-
mannaeyja sitt 14. alþjóðlega sjó-
stangaveiðimót. Mót þetta hefur á
undanrórnum árum skipað sér nokkuð
sérstakan sess á meðal sjóstangaveiði-
manna og hefur þátttakan í mótinu
ávallt verið mikil. Á síðasta ári voru
keppendur Ld. 47. Keppendur hafa
aðallega komið frá Akureyri og
Reykjavík, auk heimamanna og nú er
búist við keppendum frá fleiri stöðum
á landinu.
Bæjarbúar hafa ávallt fylgst vel
með mótinu, mætt á bryggjuna þeg-
ar bátarnir koma að landi og leitað
frétta af aflabrögðum stangaveiði-
mannanna. 1 gegnum mótshald
þetta hafa myndast tengsl milli
manna frá ólíkum landshlutum og
þegar farið er að tala um sjóstanga-
veiðimót þá leitar fiðringur í bakið á
sjóstangaveiðimönnum um land
allt, eða það vildi Magnús Magnús-
son mótsstjóri meina í spjalli við
Mbl. Hann sagðist vonast til að
nýstofnuð vinátta við ísfirðinga yrði
til þess að auka enn á gildi mótsins,
en þeir héldu í fyrra sitt fyrsta mót
og eru nú farnir að undirbúa það
næsta. Til eru félög á Akranesi, i
Hafnarfirði og á Austfjörðum auk
áðurnefndra staða og kannski viðar.
Mótið verður sett föstudaginn 20.
maí og róið verður bæði laugardag
og sunnudag. Þeir hjá SJÓVE hafa
tryggt gististaði fyrir mótsgesti og
aðstöðu til kvöldrabbs og allur ann-
ar undirbúningur er kominn á loka-
stig. Send hafa verið auglýsinga-
spjöld út um allt land og á þeim eru
veittar allar upplýsingar um móts-
haldið.
Magnús Magnússon mótsstjóri
sagði að þátttökutilkynningar i
mótið þyrftu að hafa borist fyrir 10.
maí nk.
HKJ
Fjölnismenn afhenda forráðamönnum SÁÁ gjöfina. Frá vinstri: Viggó Maack,
Borgþór Úlfarsson, Guðmundur Pálsson (formaður Fjölnis), Björgólfur Guð-
mundsson (formaður SÁÁ), Ólafur Flygering, Vilhjálmur Vilhjálmsson, Guð-
mundur Baldvinsson, Ólafur Briem og Gunnlaugur Ragnarsson.
Gaf herbergi í ^
sjúkrastöð SÁÁ
Lionsklúbburinn Fjölnir í Reykja-
vík hefur gefíð í söfnun SÁÁ vegna
byggingar sjúkrastöðvar við Graf-
arvog upphæð, sem nægir til að út-
búa eitt fjögurra manna herbergi í
sjúkrastöðinni. Upphæð gjafarinnar
er 82.000 kr., segir í fréttatilkynn-
ingu, sem Morgunblaðinu hefur bor-
izt.
Fjölnir er fyrsti aðilinn, sem
gefur til ákveðins verkþáttar i
sjúkrastöðinni og mun gjöfin
verða sérstaklega merkt gefand-
anum í sjúkrastöðinni, þegar hún
verður fullbúin í október nk. Öðr-
um aðilum stendur til boða að
gefa til ákveðinna verkþátta bygg-
ingarinnar, en auðvelt er að finna
þar verkþætti, sem falla að getu
hvers og eins. Sjúkrastöðin verður
fokheld á næstu dögum. Framund-
an er nú kostnaðarsamt tímabil,
þegar stöðin verður innréttuð og
fullkláruð.
Tæknilegar upplysingar
Steinsteypa er blanda af sandi, möl, sementi, vatni og íblöndunarefnum, er hafa bætandi
áhrif á steypuna. Steinsteypa er flokkuð niður í brotþolsflokka eftir styrkleika. Algengustu
brotþolsflokkar eru í röð eftir vaxandi styrkleika S-120, S-160, S-200, S-250 og S-350, en
þessi flokkun táknar 28 daga brotþol 15 x 30 cm sívalninga, sem steyptir eru úr viðkomandi
steypublöndu. í venjuleg hús er S-200 algengast.
Þykkleiki steinsteypu er mældur eftir því hversu marga cm sérstök keila úr blautri steypu
sígur þegar mótið er fjarlægt. Því hærra sem sigmálið er, því þynnri er steypan. Venjuleg
tregfljótandi steypa er með sigmáli 5-10 cm , þunnfljótandi með meira en 20 cm sigmáli.
Steyþan verður því þynnri sem meira vatni er bætt í hana. Of mikið vatn í steypu hefur
skaðleg áhrif. Aldrei skyldi setja meira vatn í steypu, en minnst verður komist af með.
i steinsteypu er blandað ýmsum efnum til að breyta eiginleikum hennar. Loftblendi- og
þjálniefnið H-Loft frá Woermann er sett í alla steypu frá Steypustöðinni hf til að auka
veðrunarþol steinsteypunnar, draga úr vatnsþörf og auðvelda niðurlögn hennar.
Flotefni eru sett í steypuna, þar sem steyþan þarf að vera fljótandi, léttfljótandi eða
þunnfljótandi við niðurlögn, eða þar sem þarf að fá slétta áferð á steypufleti, án þess að
þau veiki hana, eins og verður við þynningu með vatni.
Eftir ítarlegar samanburðarrannsóknir á hinum ýmsu efnum mælir Steypustöðin hf með
flotefninu Flot 78.
Steinsteypan er burðarás mannvirkisins. Gæta verður vel við niðurlögn steinsteypu að
ekki myndist göt í veggi eða að steypa skilji sig og myndi malarhreiður. Vandið til allrar
meðferðar steinsteypu.
Alkalískemmdir
I þeim mannvirkjum á Reykjavíkursvæðinu, sem notuð hefur verið möl og sandur úr
Hvalfirði hefur borið á skemmdum í steinsteypu, vegna efnabreytinga er eiga sér stað milli
sementsins, saltsins og steinefnanna.
Kísilsýra í steinefnunum myndar með alkalíum sementsinsog saltsins kísilsýruhlaupsem
sprengir steypuna. Til að koma í veg fyrir slíkar skemmdir hefur kísilryki verið bætt út í
sementið, og notkun óvirkra steinefna verulega aukin í samræmi við niðurstöður rannsókna
er Steinsteypunefnd hefur látið gera. Steypustöðin hf hefur ávallt notað og haft á
boðstólum óvirk steinefni.
Steinsteypukaup
Sú hugmynd að dreifa steinsteypu með bifreiðum frá blöndunarmiðstöð þróaðist í
Bandaríkjunum og fyrst slíkra stöðva ÍEvrópu.Steypustöðin hf varreistá Islandiárið1947.
Steypustöðin hf býður húsbyggjendum þjónustu sína. Við reynum að fullnægja óskum
viðskiftavinaokkareftir bestu getu. Skrifstofa okkar er við mynni Elliðaánna að Sævarhöfða
4. Sími okkar er 33600. Hafið samband við einhvern eftirtaldra aðila: Jón Ólafsson
skrifstofustjóra, Svein Valfells verkfræðing, Halldór Jónsson verkfræðing.
Steinsteypupantanir
Verkstjóri okkar, sem tekur við steinsteypupöntunum,heitir Ottó Gíslason, s. 36470 eða
33600. Steypu þarf helst að panta með nokkrum fyrirvara þar eð hana þarf að framleiða
um leið og hún er afhent.
Steypustöðin hf tekur að sér að sjá um pöntun á steypudælu eða krana, ef annars er
ekki óskað.
SÆVARHÖFÐA 4, PÓSTHÓLF 245, 105 REYKJAVÍK, SÍMAR: 33600 - 34845 - 36470
steinsteypu