Morgunblaðið - 03.05.1983, Blaðsíða 18

18
MORGUNBLAÐIÐ, ÞRIÐJUDAGUR 3. MAÍ1983
Milljónir manna f kröfugöngum á L maí:
Lögregla skarst í leik-
inn í Póllandi og Chile
VVirL n fl 9 maí AP ^
New York o.fl. 2. raaí. AP.
MILLJÓNIR manna tóku þátt í kröfugöngum á verkalýðsdaginn 1. maí
um heim allan og í Póllandi og Chile lét lögregla hendur standa fram úr
ermum að hleypa upp mannamótum og göngum. Víðast hvar fór þó allt
fram með friði og spekt.
í mörgum borgum í Póllandi tóku tugir þúsunda þátt í kröfugöngum og
útifundum þrátt fyrir viðvaranir og bönn yfirvalda. Mikið og öflugt lið
lögreglu lét til skarar skríða og réðist að fólkinu með kylfum, táragasi og
háþrýstivatnsslöngum.
Þá kom til harðra átaka í Chile,
þar sem þúsundir manna tóku
þátt í mótmælagöngum og gagn-
rýndu þannig stjórn landsins.
Ginkum dró til tíðinda hjá 200
manna göngu námsmanna og at-
vinnuleysingja í Santiago. Riðlaði
lögreglan göngunni með táragasi,
en síðan réðust laganna verðir á
fólkið og börðu 25 manns sundur
og saman. Fimm voru svo illa
leiknir að leggja varð þá á sjúkra-
hús.
Þúsundir verkamanna fóru
fylktu liði um Rauða Torgið í
Moskvu og athygli vakti, að rétt
einu sinni var Konstantin Chern-
enko fjarverandi, en hann er tal-
inn helsti keppinautur Juri
Andropovs í stjórnmálaráðinu.
Hefur lítið sést til Chernenkos að
undanförnu og látið í veðri vaka
að hann eigi við þrálátt kvef að
stríða. Hátíðarhöldin á torginu
voru vel skipulögð og benda til
þess að lítið ógni veldi Andropovs
þessa stundina. Uppi hengu mynd-
ir hinna tólf stjórnmálaráðs-
manna, en myndin af Andropov
var greinilega stærri en hinar.
Páll páfi 2. hélt ræðu í tilefni
dagsins á Péturstorginu í Róm og
á ræðuna hlýddu 50.000 manns.
Ýmsir bjuggust við því að páfinn
myndi geta pólsku verkalýðs-
hreyfingarinnar Samstöðu í ræðu
sinni, en það gerði hann ekki.
Hann sagði hins vegar m.a.:
„Verkamenn um heim allan verða
að vera meðvitaðir um hvaða hlut-
verki þeir gegna. Aldrei skyldi
vinna þeirra vera notuð gegn
þeim, því vinna á að því að auka
frelsi, jafnrétti og bræðralag."
Víðast hvar fóru hátíðahöldin
og göngurnar friðsamlega fram og
í anda þess sem til þeirra var
stofnað. Undantekning var þó
Sýrland. Þá snérust fjöldagöng-
urnar um friðarstefnu Banda-
ríkjamanna í Miðausturlöndum.
Gerðu Sýrlendingar sér margir
dagamun með því að bera eld að
bandaríska fánanum og stjórn-
málamenn gerðu lítið úr friðar-
hlutverki Bandaríkjanna í ræðum
sínum. „Fjárkúgun og ekkert ann-
að“. Bandaríkjamenn ætla sér að
kúga arabalöndin, var vinsælt
inntak í ræðunum.
Símamynd-AP.
Sprautað á verkalýðinn
Pólska lögreglan dreifði vfða mótmæla- og kröfugöngum pólska verka-
lýðsins á hátíðisdegi verkamanna, 1. maí. Kom vfða til átaka með lög-
reglu og göngumönnum, svo sem í höfuðborginni Varsjá einsog sjá má á
meðfylgjandi mynd. Hún er tekin fyrir utan SL Johns kirkjuna þar sem
þúsundir manna komu saman. Á myndinni má sjá upplausn í röðum
göngumanna og vatnselg úr háþrýstislöngum lögreglumanna.
í tilefni 1. maí. Sovésku ráðamennirnir stilla sér upp á sviði sínu fyrir ofan Rauða torgið og fagna skrúðgöngunum. Þeir eru þarna allir mættir utan
Chemenko. F.v.: Epishev, Kulikov, Ogarkov, Ustinov, Andropov, Tikhonov, Grishin, Gromyko, Gorbachyou og Aliev. símamynd ap.
AÐAL-
FUNDUR
VINNUVEITENDASAMBANDS
ÍSLANDS 1983
veröur haldinn þriöjudaginn 3. maí
í Kristalsal Hótels Loftleiöa.
Dagskrá:
Kl. 10:30 — Fundarsetning.
— Ræöa: Páll Sigurjónsson,
formaður VSÍ.
— Erindi: Jón Sigurösson,
forstjóri Þjóöhagsstofnunar.
Kl. 12:00 — Hádegisveröur aöalfund-
arfulltrúa og gesta.
Kl. 13:15 — Skýrsla framkvæmda-
stjóra og reikningar lagöir
fram.
— Ályktanir aöalfundar, —
umræöa og afgreiösla.
— Tilnefning í sambands-
stjórn.
— Kjör formanns.
— Kjör 15 manna í fram-
kvæmdastjórn og endur-
skoðenda.
— Umræöur og atkvæöa-
greiösla um önnur mál.
Kl. 17:00 — Fundarslit.
Jón Sigurðooon
Víetnamar kalla tíu
þúsund hermann heim
Pnohm Pehn, 2. maí. AP.
MIKILL FÖGNUÐUR ríkti í Pnohm
Pehn í dag vegna þeirrar ákvörðun-
ar Víetnama að kalla hluta herliðs
síns í Kambódíu heim. Skólabörn
veifuðu fánum og talið er að um
35.000 Kambódíumenn hafi sungið
dýrðaróð á götum úti um eilífa sam-
vinnu Kambódíumanna og Víet-
nama um leið og skriðdrekar og aðr-
ir hervagnar óku í gegnum miðborg
Pnohm Pehn. Þá var efnt til ýmissa
annarra hátíðahalda í borginni af
þessu tilefni.
Vestrænir fréttamenn, sem boð-
ið var til borgarinnar til þess að
fylgjast með atburðum, sögðust
hafa talið 57 hervagna með um
1.000 víetnamska hermenn innan-
borðs, auk þess sem rúmur tugur
skriðdreka ók um göturnar og 15
fallbyssur voru dregnar í gegnum
miðborgina. Var fréttamönnunum
tjáð, að til stæði að kalla 10.000
hermenn Víetnama af 180.000 í
Kambódíu heim.
Alls var 37 fréttamönnunum
sérstaklega boðið til Pnohm Pehn
til þess að vera vitni að þessum
atburði, sem Thailendingar og
bandamenn þeirra efuðust mjög
um að yrði nokkru sinni af. Fengu
fréttamennirnir m.a. að fylgjast
með flutningunum úr þyrlum.
Fékk loks skilnað eftir 36 ára hjónaband:
Neitaði konu sinni
um brúðkaupsferð
Lundúnum, 29. apríl. AP.
BILL Broadhurst, múrari { Lund-
únum, stóð á því fastar en fótun-
um, að hann hefði alls ekki verið
vondur við konu sína eins og hún
hélt fram fyrir rétti. Konu hans var
veittur skilnaður í dómssalnum, en
skoðun Broadhurst verður ekki
haggað þrátt fyrir eftirfarandi
staðreyndir:
Hann þvertók fyrir að fara
með konu sinni í brúðkaupsferð
er þau giftu sig fyrir 36 árum.
Hann bauð henni aldrei út á
meðan hjónaband þeirra stóð og
krafði hana um greiðslu vegna
bensínkostnaðar er hann ók
henni til vinnu í úrhellisrign-
ingu. Hann krafði konu sína um
fimm sterlingspunda greiðslu
fyrir vinnu við að mála stofuloft-
ið og rukkaði dóttur þeirra hjóna
um greiðslu í hvert sinn, sem
hún kom við á heiir.ili foreldr-
anna til þess að fá að fara í
sturtu. Síðast en ekki síst krafði
hann fjölskylduna um fjármuni
til greiðslu á rafmagnskostnaði
vegna sjónvarpsnotkunar í viku
hverri.
„Þessi maður er ótrúlega eig-
ingjarn og gersneyddur öllum
mannlegum tilfinningum," sagði
hæstaréttardómarinn í úrskurði
sínum um leið og hann veitti eig-
inkonunni skilnað á grundvelli
ómannúðlegrar framkomu eig-
inmannsins. Sjálfur hafði
Broadhurst ítrekað neitað konu
sinni um skilnað til þess að
þurfa ekki að selja hús þeirra og
eftirláta henni helming andvirð-
isins.