Morgunblaðið - 14.07.1983, Blaðsíða 23

MORGUNBLAÐIÐ, FIMMTUDAGUR 14. JÚLÍ 1983
23
Reikningshótun
sögð „fáránleg"
Varsjá, Póllandi, 13. júlí. AP.
TALSMAÐUR bandaríska sendiráðsins í Varsjá sagði í dag að hótun
pólsku stjórnarinnar um að senda Bandaríkjunum reikning vegna tjóns af
völdum refsiaðgerða Bandaríkjanna gagnvart Póllandi væri „fáránleg". —
Fulltrúi pólsku stjórnarinnar, Jerzy Urban, hafði á þriðjudag látið svo um
mælt að það væri Bandaríkjunum að kenna að herlögum hefði ekki verið
aflétt og væri pólska stjórnin að hugsa um að senda stjórnvöldum vestan-
hafs reikning.
A fundi með fréttamönnum
sagði Urban: „Pólland mun við
tækifæri afhenda Bandaríkjunum
reikninginn fyrir það tjón, sem
Pólverjar hafa orðið fyrir í kjöl-
farið af einhliða riftingu undirrit-
aðra samninga. Við munum krefj-
ast hæfilegra uppbóta í fyllingu
tímans." Þrátt fyrir að Urban
nefndi engar tölur, hafa aðrir
embættismenn talið að tapið af
völdum refsiaðgerða Bandaríkj-
anna nemi um tólf milljörðum
Bandaríkjadala. Sendiráðsstarfs-
maðurinn.sem ekki vildi láta
nafns síns getið, svaraði ummæl-
um Urbans með því að segja: „Það
jaðrar við fáránleika að láta hafa
eftir sér að þeir muni senda okkur
reikninginn." Talið er að athuga-
semdin kunni einnig að snerta
fund aðstoðarutanríkisráðherra
Bandaríkjanna Lawrence Eagleb-
urgers, og sendifulltrúa pólska
sendiráðsins í Washington, Zdzis-
law Ludwiczaks, í síðustu viku. í
frétt dagblaðsins New York Times
segir i dag að Eagleburger hafi
sagt Ludwiczak að Bandaríkin
myndu draga úr refsiaðgerðum ef
pólska stjórnin leysti úr haldi
pólitiska fanga.
í fréttum frá Páfagarði í dag
segir að að páfi hafi látið hjá líða
að ákalla meyna heilögu i Jasna
Gora í vikulegri bænagjörð sinni.
Páfi hefur ævinlega gætt þess að
biðja um tilstyrk meyjarinnar frá
því skömmu eftir að herlög voru
sett í Póllandi í janúar 1982. Frá-
vik páfans bendir til að annað
hvort þyki honum ástand hafa
batnað að undanförnu í Póllandi
eða þá að hann vilji með nýbreytni
sinni koma ögn til móts við pólsku
stjórnina eftir að látið var í það
skína að herlögum kynni að verða
aflétt.
Stórsprenging
Olíuhreinsunarstöð við höfn vestur-þýsku borgarinnar Hamborg sprakk
í loft upp síðasta laugardagskvöld og logaði glatt fram á sunnudag. Þrjú
hundruð slökkviliðsmenn reyndu að ráða niðurlögum eldsins, en án
árangurs. Tólf manns særðust í sprengingunni, sumir illa.
Veður
víða um heim
Akureyri 14 skýjað
Amsterdam 33 heióskfrt
Aþena 32 heióskfrt
Berlín 25 heióskfrt
Brussel 30 heióakfrt
Buenos Aires 15 heiðakfrt
Chicago 30 heióskfrt
Dublin 27 heióskfrt
Frankfurt 32 heióskírt
Genf 30 heióskírt
Havana 29 skýjað
Helsinki 29 heióskfrt
Jerúsalem 28 heióskfrt
Jóhannesarborg 19 heióskírt
Kaupmannahöfn 28 heióskfrt
Las Palmas 24 lóttskýjað
Líssabon 27 heióskýrt
London 32 heióskfrt
Lu» Angeles 29 heiðskírt
Madríd 35 heióskfrt
Malaga 25 heiðskirt
Mallorca 30 léttskýjaó
Miami 31 skýjaó
Moskva 27 heióskfrt
New York 35 heióskfrt
Osló 29 skýjað
Parfs 33 heióskfrt
Reykjavík 8 súld
Róm 31 heióskfrt
San Francisco 30 heióskirt
Stokkhólmur 30 rigning
Vancouver 18 skýjaó
Vln 30 heióskýrt
■■■ 1
\v/
ERLENT
Útgöngubanni í
Chile framfylgt
LÖGREGLA og hermenn voru á
varðbergi í tveimur af stærstu
borgum Chile í dag eftir að tíu ára
gömul stúlka var drepin og fimm
hundruð sextíu og fímm handtekn-
ir í ófriðlegum mótmælum gegn tíu
ára gamalli herstjórn landsins.
Pinochet forseti reyndi að bæla
niður mótmælin með útgöngu-
banni frá klukkan átta að kvöldi
til miðnættis í Santiego og Conc-
eption, en öryggisvörðum mis-
tókst þó að halda niðri hundruð-
um ungra stjórnarandstæðinga,
sem gerðu háreyst á götum úti í
verkamannahverfum borganna.
Mótmælin í dag eru hin þriðju
sem að kveður á þremur mánuð-
um.Var ókyrrðin mest við háskóla
og dómshús en þar vildu leiðtogar
kristilegra demókrata, sósíalista
og kommúnista mótmæla at-
vinnuleysi og þvingunaraðgerð-
um, sem komið hafa til leiðar að
allir helztu andstæðingar Pinoch-
ets úr röðum stjórnmálamanna
eða verkalýðsleiðtoga sitja nú
undir lás og slá.
Víkingar fá ekki
vegabréfsáritun
SOVÉTMENN hafa gert nokkuð
sem engum öðrum hefur áður tek-
izt. Þeir hafa stöðvað framrás vík-
inganna.
Áhöfn skips, sem byggt var að
fyrirmynd víkingaskipanna
fornu, hefur verið neitað um
leyfi til sigla gegnum Sovétríkin
í átt til Svartahafs. Hinir nú-
tímalegu víkingar eru tólf
sænskir fornleifafræðingar frá
eynni Gotland í Eystrasalti.
Skipið hefur nú verið dregið að
landi á stöðuvatninu Zegrze í
Póllandi, en hugmyndin var að
halda áfram þaðan eftir ánni
Bug til Rússlands.
Tilgangur ferðarinnar mun
hafa verið að sanna að víkingar
gátu ferðast langar vegalengdir
innanlands fyrir þúsund árum
með því að sigla eftir ám og nota
trjáboli til að toga skipin yfir
þurrt land frá einni ár til ann-
arrar.
Leiðangursmenn hófu för sína
fyrir fjórum vikum frá höfuð-
borginni Visby í Gotlandi. Eftir
að hafa siglt yfir Eystrasalt hélt
skipið áfram upp ána Wisla í
Póllandi til vatnsins Zegrze með-
an bændur fylgdust forviða með
af árbökkunum.
Foringi leiðangursmanna,
prófessor Erik Nylen, skipulagði
'eiðangurinn eftir að norskui
sagnfræðingur fullyrti að það
hefðu verið víkingar frá megin-
landi Sviþjóðar en ekki frá Got-
land, sem náðu til Svartahafs.
„Það kom mér algerlega úr jafn-
vægi," sagði Nylen.
Beiðni Svíanna var neitað
þrátt fyrir að Konunglega
sænska vísindaakademían ítrek-
aði hana. Víkingaskipið verður
varðveitt í bænum Drohiczyn f
Ferðin, sem ráðgerð var.
Póllandi til vorsins 1984, en þeg-
ar þar að kemur vona Svíarnir
að Sovétmenn hafi séð ljóð á ráði
sinu.
Stuttfréttir
Seldu smábörn
til fórnar
Nýja Delhí, 13. júlí. AP.
LÖGREGLAN í Indlandi hafði í
gær hendur í hári flokks manna
sem hefur haft það að atvinnu, að
ræna smábörnum og selja þau trú-
arhópum sem fórna þeim til dýrð-
ar guðum sínum. Náðist flokkur-
inn eftir að lögreglan stöðvaði
ofsatrúarmann sem var á leið í
helli sinn í fjallahéruðum Norð-
vestur-Indlands með smábarn í
pokaskjatta sínum. Ætlaði hann
að fórna barninu. Hann leysti frá
skjóðunni og sagði hvar hann
hefði keypt barnið. Kom í ljós að
um umfangsmikla starfsemi var
að ræða, sum hinna rændu barna
seld til fórnar, en önnur þjálfuð til
að betla. Ræningjarnir náðu þeim
öllum með því að gefa þeim súkku-
laðihúaðar svefntöflur. Gangverð-
ið: 5 dollarar hvert barn.
Barnamorð-
ingi hengdur
Búdapest, 13. júlí. AP.
UNGVERSKUR barnamorðingi
var hengdur í gær. Barnið sem um
ræðir var 9 ára gamall drengur
sem sá til mannsins er hann var
að stela úr íbúð. Barði ræninginn
drenginn til óbóta, hellti yfir hann
bensíni og bar eld að.
Sannkall-
aður maðkur
Chicago, 13. júlí. AP.
RÉTTVÍSIN i Bandaríkjunum
dæmdi svikahrapp nokkurn að
nafni Loyi Sims til þriggja ára
fangelsis i gær og gerði honum að
greiða 2000 dollara sekt, auk þess
sem honum var gert að endur-
greiða saklausum fórnarlömbum
sínum 243.000 dollara. Sims hafði
auglýst mikið í blöðum hvernig
menn gætu orðið ríkir á því að
rækta ánamaðka. Hvatti hann
alla þá sem vildu verða ríkir til að
senda sér línu og tiltekna peninga-
upphæð. Þeir voru margir sem
vildu verða ríkir og Sims græddi
vel. En upplýsingarnar sem hann
sendi frá sér voru ýmis engar, eða
tóm vitleysa.
Sprenging
hjá Grundig
Fucrth, V-Þýskalandi, 13. júlí. AP.
SPRENGING varð í Grundig út-
varps- og sjónvarpsverksmiðjun-
um í borginni Fuerth í Bæjara-
landi í gær. Þurrkunarvél sprakk í
loft upp og Tyrki nokkur sem stóð
við hana lést samstundis. Sex
aðrir sem stóðu álengdar slösuð-
ust meira og minna.
Músin og
myrkrið
Tókýó, 13. júlí. AP.
SMÁ húsamús fór mikla helför
inn í rafmagnstöflu ráðuneytisins
í Tókýó í gær. Kom mikið
skammhlaup og lést músin sam-
stundis, en ráðuneytið myrkvaðist
i nær fimmtíu minútur. öryggis-
verðir fóru strax á stúfana, en
fregnir herma að forsætisráðherr-
ann, Nakasone, hafi ekki kippt sér
upp við músaganginn. Sat hann á
skrifstofu sinni, snæddi morgun-
verð og las dagblað. Hann varð að
leggja blaðið frá sér, en hann
hætti ekki að borða. Eftir á kast-
aði hann fram japönskum máls-
hætti sem á við um alla menn:
„Myrkrið nálgast alla hraðbyri".