Morgunblaðið - 20.07.1983, Blaðsíða 16

16
MORGUNBLAÐIÐ, MIÐVIKUDAGUR 20. JÚLÍ 1983
í stuttu máli
Enginn vildi
kaupa spaða
McEnroes
London, 19. júlí. AP.
Tennisspaðinn sem John
McEnroe notaði í úrslitaleik
Wimbledon-keppninnar, þar
sem hann fór með sigur af
hólmi, reyndist ekki eftirsótt-
ur á uppboði Sotheby’s og var
dregin til baka þegar ekki
fékkst einu sinni uppsett lág-
marksverð.
Búizt var við að spaðinn,
sem var áritaður, yrði sleginn
fyrir a.m.k. 3.000 sterlings-
pund, en iágmarksverðið var
öllu minna. Hæsta boð reynd-
ist aðeins 700 pund, og því var
hann dreginn til baka að
þessu sinni.
McEnroe gaf spaða sinn
Cynthiu nokkurri Tucker
sjúkraþjálfara, sem farið hef-
ur höndum um fætur tenn-
isstjörnunnar á undanförnum
árum, í þeirri von að hún gæti
notað hann í fjáröflunarskyni
vegna endurnýjunar og upp-
byggingar stofu sinnar, sem
sérhæfir sig í meðhöndlun
íþróttameiðsla.
Skaut veiði-
félaga með
fiskiskutli
Saloníku. 19. júlí. AP.
Franskur áhugakafari
særði félaga sinn til ólífis er
hann tók hann í misgripum
fyrir geirnef og skaut fiski-
skutli að honum.
Sá er varð fyrir skutlinum
var 44 ára kennari frá Mar-
seilles, en þeir félagarnir voru
að kafa eftir fiski í grýttri vík
við ferðamannasvæðið Halki-
dike , þar sem þeir eyddu
sumarleyfinu ásamt fjölskyld-
um sínum.
Mótefni við
malaríu
Melbourne, 19. júlí. AP.
Ástralskir vísindamenn
segja að skammt sé í að fram-
leitt verði mótefni gegn mal-
aríu, sem herjar á um 200
milljónir hitabeltisíbúa árlega
og dregur suma þeirra til
dauða.
Vísindamönnunum hefur í
samstarfi við kollega sína í
Nýju-Gíneu tekizt að rækta
bakteríu úr genum malaríu-
sníkils, sem síðan hefur verið
notuð til að framleiða antigen.
Antigen framleiða mótefni og
veita vörn við sjúkdómi. Telja
vísindamennirnir að á næstu
þremur árum verði hægt að
hefja tilraunir með mótefni á
öpum, en nú standa yfir til-
raunir með það í músum.
Hollands-
drottning
hætt komin
Pisa, 19. júlf. AP.
Beatrix Hollandsdrottning
var hætt komin en slapp þó
ómeidd er drottningarbifreið-
in lenti í árekstri skammt frá
flugvellinum í Pisa á ftalíu í
dag.
Að sögn lögreglu slösuðust
ítölsk hjón lítillega er Citr-
oen-bifreið þeirra og Ford
Granada-bifreið drottningar-
innar, sem hún ók sjálf, skullu
saman. Konstantín og synir
hennar og aðstoðarmaður
hennar sluppu einnig ómeidd-
ir, að sögn lögreglu.
Gemayel á Rívíerunni
Amin Gemayel Líbanonforseti og eiginkona hans, Joyce, yfirgefa
Negresco-hótelið í Nizza eftir blaöamannafund forsetans, sem hafði
skamma viðdvöl á frönsku Rívíerunni á leið sinni til Bandaríkjanna.
Sprengjuslysið í Hollandi:
Hermdarverk
ekki útilokað
Hue, Hollandi, 19. júlf. AP.
KOMIÐ hefur í Ijós, að í jarð-
sprengjupakka sem innihalda átti
einungis óvirkar sprengjur til
kennslu í herskóla í Hollandi voru
bæði óvirkar sprengjur og virkar.
Ein þeirra sprakk á mánudaginn er
kennslustofan var þéttskipuð ungum
foringjaefnum í hollenska hernum.
Létu sex þeirra lífið og tíu til viðbót-
ar særðust alvarlega.
Herlögreglumenn sem leituðu í
stofunni eftir slysið fundu
jarðsprengjukassann og kom þá í
ljós að í honum var ennþá ein virk
sprengja sem ekki hafði sprungið
þrátt fyrir sprenginguna. í kass-
anum voru einnig óvirkar sprengj-
ur eins og vera bar.
Rannsókn hefur leitt í ljós, að
sprengja hefur sprungið er einn
hinna látnu lyfti henni úr kassan-
um, en aðrar kringumstæður eru
ókunnar. óvirkar sprengjur til
kennslu hafa jafnan verið málaðar
grábláar til að forðast rugling, en
hinar virku hafa verið dökkgræn-
ar. Hollenska hermálaráðuneyti
hefur ekki svarað spurningum um
hvernig sprengjurnar sem fundust
á staðnum hafi verið á litinn. Hef-
ur það heldur ekki svarað því
hvernig kassinn var merktur, en
þeir eru allir grænir á lit, hvort
sem innihaldið er virkt eða ekki.
Talsmaður ráðuneytisins, Bar-
end Van Tussenbroek, sagði í sam-
tali við fréttamenn í gær, að ekki
væri hægt að útiloka að um
hermdarverk hefði verið að ræða,
„okkur sýnist reyndar að líkurnar
á því séu litlar, en þær eru vissu-
lega fyrir hendi," sagði hann.
Þetta er versta slys sem orðið hef-
ur hjá hollenska hernum síðan ár-
ið 1955, er skriðdrekasprengja
sprakk í höndunum á flokki her-
manna sem voru við æfingar. Sex
þeirra létust.
Grænfriðungar laumast
á land í Sovétríkjunum
— 7 teknir fastir en aðrir komust undan á Rainbow Warrior
Noroe, Alaska, 19. júlf. AP.
Grænfriðungar halda því fram að
þeir hafi Ijósmyndað sovézka hval-
verksmiðju í Síberíu, þar sem hvalur
væri unninn í minkafóður, sem sé
brot á alþjóðasamþykktum. Alþjóða-
hvalveiðiráðið hefur heimilað að
hvalveiðar á þessum slóðum skuli að-
eins stundaðar af brýnni fæðuþörf
þjóðarinnar, sem byggir norðaust-
urhluta Síberíu, en ekki til fram-
leiðslu dýrafóðurs.
Sex grænfriðungar læddust á
land við Lorino á Tjúkta-skaga og
tóku myndir í hvalverksmiðjunni,
en voru síðar teknir fastir af sov-
ézkum hermönnum. Hins vegar
tókst félögum þeirra, sem tóku
myndir af verksmiðjunni og starf-
semi þar, úr hraðbáti, að komast
undan um borð í skip grænfrið-
unga, Rainbow Warrior.
Þá tókst Rainbow Warrior að
sigla út fyrir sovézka lögsögu, þrátt
fyrir eftirför sovézks kaupskips og
herþyrlu, og liggur nú við landfest-
ar í Nome.
Meðal þeirra sem Rússar kló-
festu er Chris Cook leiðtogi
grænfriðunga í Bandaríkjunum.
Talsmaður Greenpeace-samtak-
anna sagði að sexmenniiigarnir
hefðu laumast á land við Lorino til
að kanna hvalveiðiumsvif Sovét-
manna þar. Hefðu þeir leikið laus-
um hala nógu lengi til að komast
inn í verksmiðjuna og taka þar
myndir. Þegar ljóst var að sovézkir
hermenn væru komnir á vettvang
var Rainbow Warrior siglt á fullri
ferð út á Beringssundið í átt til
Kanada.
Þegar sovézka kaupskipið veitti
Rainbow Warrior eftirför fór einn
grænfriðunga, Jim Henry, um borð
í Zodiac-hraðbát í þeirri von að
komast undan með kvikmyndir
sem teknar voru úr bátnum og úr
Rainbow Warrior. En þá birtist
þyrlan og síðast sást til Henry er
hann var hífður um borð í þyrluna
rétt utan sovézkrar lögsögu, sem er
12 mílur.
Filmurnar skildi Henry hins veg-
ar eftir um borð í gúmbátnum, sem
hringsólaði mannlaus í sundinu, og
fótbrotnaði einn grænfriðunga,
Bruce Abraham, er hann stökk úr
Rainbow Warrior um borð í gúm-
bátinn til að ná aftur filmunum.
Kaupskipið dró Rainbow Warr-
ior uppi, sem þá var komið út fyrir
sovézka lögsögu, og skipaði græn-
Rainbow Warrior á siglingu við íslandsstrendur. Við skipshlið er gúmbátur
sömu gerðar og skipverji notaði til að komast undan Rússum með
kvikmyndafilmu.
friðungum að snúa til baka. Viður-
kenndu skipverjar í talstöðvar-
samtali að grænfriðungar væru
komnir út á alþjóðasiglingaleið, en
skipuðu þeim engu síður að snúa
við og reyndu að sveigja skip þeirra
af leið með því að sigla fram með
Rainbow Warrior og í veg fyrir
skipið. Óskuðu grænfriðungar þá
eftir aðstoð bandarisku strand-
gæzlunnar en var synjað.
Þegar hér var komið sögu birtist
sovézkt herskip fyrir aftan Rain-
bow Warrior og skipaði grænfrið-
ungum enn á ný að snúa til Síberíu.
Eftir tveggja stunda eltingaleik
gáfust Rússar hins vegar upp og
sigldu til baka. Þetta er í fyrsta
sinn sem andstæðingar hvalveiða
ganga á land í Sovétríkjunum til að
kynna sér meint brot Rússa á veiði-
reglum.
Hætta leit við strendur Svíþjóðar:
Kafbáturinn reyndist
vera bogið plaströr
Enn leitað kafbáts við strendur Grænlands
Stokkbólmur, 19. júlí. AP.
KAFBÁTALEIT sænska sjóhersins
hefur yfír í sjö daga, var hætt í gær,
ræða. Kafbáturinn reyndist vera
hrekkjalómar höfðu sett í sjóinn. „
Bertil Lagerwall, talsmaður sænska
Þessi síðasta leit stóð sem sé
yfir í viku og síðast á laugardag-
inn sáu fjórir Svíar það sem þeir
töldu vera sjónpípu kafbáts
skammt frá Alnö-eyju. Maður á
árabát sá svipað fyrirbæri þar
skammt frá og aðgætti hvað var
á ferðinni. Fiskaði hann upp úr
vatninu tveggja metra langt
plaströr sem hafði verið beygt í
vinkil til þess að það liti út sem
sjónpípa. Hafði rörið verið mál-
að svart og hrekkjalómarnir
höfðu stíflað rörið með spýtu og
sett í sand til þess að það myndi
mara í kafi eins og sjónpípa. í
maí síðastliðnum, er 12 daga leit
stóð yfir að allt að sex óþekktum
kafbátum, náðist „sjónpípa" af
þessari gerð upp úr höfninni í
Sundsvall.
skammt frá Sundsvall, sem staðiö
eftir að í Ijós kom að um gabb var að
skolprör úr plasti sem einhverjir
Þetta er síður en svo fyndið,“ sagði
varnarmálaráðuneytisins í gær.
Sænski sjóherinn telur enga
ástæðu til að ætla að þá hafi
einnig verið um gabb að ræða.
Þá sáust beltaförin á hafsbotn-
inum, þá sáust bátarnir og síðast
en ekki síst fundu leitarskip
kafbátana með djúpleitartækj-
um sínum. Að þessu sinni sást
bara „sjónpípa", en enginn varð
neins vísari með djúpleitartækj-
um þrátt fyrir 7 daga leit. Hvað
varðar leitina sem nú hefur ver-
ið hætt, sagði Bertil Lagerwall,
að 20 manns, þ.á m. nokkrir her-
menn hefðu talið sig sjá kafbát-
inn. „Það er engin ástæða til að
gruna fólkið um græsku og við
hvetjum fólk einmitt til þess að
láta okkur vita ef það verður
vart við eitthvað óeðlilegt út af
ströndum landsins. í 90% af
þeim skiptum sem okkur berst
til eyrna að óþekktir kafbátar
séu að laumast við strendurnar,
er það eftir að óbreyttir borgar-
ar hafa talið sig sjá þá. Oft er
ekki um kafbáta að ræða og við
það verður ekkert ráðið, öll til-
fellin verður að rannsaka," sagði
Lagerwall.
Við Grænland heldur kafbáta-
leitin hins vegar áfram, en 13.
júlí sá lögmaður nokkur kafbát
sem ekki tilheyrði NATO skjót-
ast upp á yfirborðið í Diskó-flóa,
skammt frá árabát sínum og
nokkuð vestur af dansk-banda-
rískri herstöð sem þar er, en hér
er um vesturströnd Grænlands
að ræða. Kafbáturinn kafaði á
ný, en síðan hafa borist nokkrar
tilkynningar um óþekkta kaf-
báta á þessum slóðum. Leitað
hefur verið að kafbátum þessum,
en án árangurs og danska hern-
aðarmálaráðuneytið íhugar
hversu lengi halda beri áfram
leitinni.