Morgunblaðið - 20.07.1983, Blaðsíða 26

MORGUNBLAÐIÐ, MIÐVIKUDAGUR 20. JÚLÍ 1983
26______________
Rósa B. Blöndals
— Afmæliskveðja
Ég var að leggja á borðið,
en gðfflunum ég gleymi.
í Asíu gnæfa hæstu tindar
fegurstu fjalla í heimi.
Fyrsta mjöllin er fallin í dalnum
og fannkomu bráðum er von.
En sál mín dvelur hjá sedrustrjánum
suður í Líbanon.
Kaffið ilmar og kveikt eru ljósin,
þá kemur í hug mér torg:
Skyldi ég aldrei, aldrei sjá þig,
Jerúsalemsborg?
í þessu stutta ljóði bregður frú
Rósa B. Blöndals upp mynd af há-
tíðlegu hugarflugi skáldsins, sem
þrátt fyrir hversdagsleg viðfangs-
efni hlýtur í huga sínum að dvelja
við hið háa og tilkomumikla. Þeir
sem hirt hafa um að lesa ljóða-
bækur frú Rósu, vita að hún er
skáld. Aðrir, sem ekki hafa lesið
ljóðin en kynnst henni í lífi og
starfi, vita einnig að hún er skáld.
Hún er engri manneskju lík, og
fátt er hversdagslegt í fari henn-
ar. Athöfn hennar og iðja minnir
gjarnan á ljóð. Ekki er alltaf jafi.
auðvelt að ráða í þann óð, eða
nema samstundis ljóðstafi atvik-
anna. Oft hefur þessi mikilhæfa
kona vakið með mér spurningar,
en eftir að hafa þekkt hana frá
æskudögum mínum, álít ég að
aldrei geri hún eða segi neitt,
nema að gild merking búi að baki.
Þannig tel ég að enginn geti orðið,
nema sá sem er raunverulega
skáld eða þá helgur maður.
Frú Rósa B. Blöndals, sem hinn
20. júlí á sjötugsafmæli, er kenn-
ari að mennt. Kennslu stundaði
hún lengi við góðan orðstír. Hún
er gift séra Ingólfi Ástmarssyni,
en þau hjón sátu lengst af Mosfelí
Rósa B. Blöndals
í Grímsnesi. Verkahringur frú
Rósu var ávallt stór. Alla tíð hefur
hún verið önnum kafin og oft tek-
izt á við vandasöm og viðkvæm
verkefni. Aldrei hefur hún fengið
á sig sérstakt orð fyrir að vera
fyrirhyggjumanneskja, og sjálf
telur hún það eitt hið mesta lán að
kunna ekki að reikna. Skyldi þetta
standa í nokkru sambandi við það,
að þegar erfiðleikar mæta er hún
æðrulaus? Hvað sem því líður, þá
vita allir, sem til þekkja, að frú
Rósa er stórhuga eljumanneskja.
Krafta sína hefur hún aldrei spar-
að og atgervismaður er hún til lík-
ama og sálar. Hið mikla starf
hennar í stöðu kennara og hús-
móður hefur allt verið innt af
hendi af miklum fúsleik og fórn-
fýsi. Vegna einlægrar trúar og
vonar hefur það verið kærleiks-
þjónusta, þjónusta við Guð og
náungann og allt sem lifir. Frú
Rósa hefur aldrei þurft að reikna
lengi, til þess að vita hvað næst
skyldi gert, því að aldrei hefur
hana skort brennandi köllun til
starfa sinna.
Eins og ég áður gat um, hefur
frú Rósa ort og gefið út bækur.
Fyrsta bók hennar er skáldsagan,
Lífið er leikur. Seinna komu út
ljóðabækurnar Þakkir og Fjalla-
glóð. Auk þessa hefur hún ritað
fjölda blaðagreina og flutt erindi í
útvarp. Hefur hún í þeim skrifum
víða komið við, en oft hafa þau
snúizt um málvernd, dýravernd og
náttúruvernd. Til dæmis hóf hún
baráttu fyrir friðun hvala, þegar
slíkt þótti ennþá fjarstæða. Nátt-
úru Islands vill hún varðveita
óspillta. Skyldur okkar við landið
sjálft hafa alltaf verið henni
ofarlega í huga, eins og raunar
skyldur okkar við allan íslenzkan
arf. Næst hinum trúarlega arfi er
tungan henni dýrust. Sjálf hefur
hún yfirburða vald á íslenzku
máli. í kennslu sinni náði hún
óvenjulegum árangri í því að opna
heim íslenzkra bókmennta fyrir
börnum.
Lengi mætti halda áfram að
benda á hið athyglisverða í fari
frú Rósu, og margar merkilegar
minningar mætti rekja um stór-
mannleg viðbrögð hennar í atvik-
um lífsins. Ekki ætla ég að gera
það frekar, enda er hún skáld, og
ég sem ekki er skáld er hikandi við
að fjalla nánar um þetta efni. En
þó að ég sé ekki skáld, þá get ég
numið, skilið og metið hvers virði
það er að eignast vináttu og
tryggð svo einlægrar og mikil-
hæfrar konu, sem frú Rósa er.
Þetta vil ég þakka, mín vegna og
fjölskyldu minnar.
Er þá komið að eiginlegu erindi
þessa skrifs, en það er að óska frú
Rósu, séra Ingólfi, syni þeirra Sig-
urði Erni og afkomendum innilega
til hamingju með merkisdaginn
20. júlí 1983.
Sigurður Sigurðsson, Selfossi.
atvinna — atvinna — atvinna — atvinna — atvinna — atvinna
•.attSL
Njarðvíkurbær
áhaldahús
Tveir verkamenn óskast til starfa nú þegar.
Þurfa aö geta stjórnað dráttarvélum með
ýmsum fylgiverkfærum.
Upplýsingar hjá verkstjóra áhaldahússins.
Vinnusími 1696. Heimasími 1786.
Verslunar- og
afgreiðslustörf
Viljum ráða áhugasamt og duglegt starfsfólk
til afgreiðslu og lagerstarfa í stórverslun
okkar við Holtaveg/Elliðavog sem mun opna
í október nk. Ráðningartími mun verða frá
september.
Umsóknum meö upplýsingum um reynslu og
fyrri störf skal skilað á serstökum umsóknar-
eyðublöðum til skrifstofu okkar í Holtagörð-
um við Holtaveg fyrir 25. þ.m.
Holtagaröar sf.
Starfsfók
óskast til sumarafleysinga (ekki yngra en 18
ára) í kjötvinnslu okkar viö Borgarholtsbraut,
Kópavogi. Frekari uppl. hjá starfsmannahaldi
í síma 74003.
HAGKAUP
Starfsmannahald
Gröfumaður —
Bílstjóri
Gröfumaöur og bílstjóri óskast aö Áhalda-
húsi Seltjarnarnesbæjar.
Uppl. í síma 21180.
Bæjartæknifræöingur.
Bæjarritari
Staða bæjarritara á Sauðárkróki er laus til
umsóknar. Áður auglýstur umsóknarfrestur
framlengist til 31. júlí. Allar nánari uppl. gefur
bæjarstjóri í síma 95-5133. Umsækjandi þarf
að geta hafið störf 20. ágúst.
Bæjarstjóri.
Aðstoð óskast á
tannlæknastofu
í miðborginni. Umsóknir með uppl. um aldur,
menntun og fyrri störf sendist augl.deild Mbl.
fyrir 23.7. nk. merkt: „H — 246“.
Deildarstjóri
Viljum ráða mann til þess aö hafa umsjón
með glervörudeild apóteksins. Æskilegt að
viðkomandi hafi undirstööumenntun í efna-
fræði og nokkra þekkingu á rannsóknar-
stofustörfum.
Skriflegar umsóknir sendist í pósthólf 869,
121 Reykjavík.
Ingólfs Apótek.
raöauglýsingar — raöauglýsingar — raöauglýsingar
húsnæöi óskast
Hjón meö 2 börn
óska að leigja 3ja—4ra herb. íbúö sem næst
Kennaraháskólanum. Reglusemi og áreiöan-
leiki. Sími 83069.
íbúð búin
húsgögnum
Tveggja til þriggja herbergja íbúö, búin hús-
gögnum, óskast til leigu fyrir erlendan
starfsmann í einn til þrjá mánuði frá ágúst
byrjun til og með október nk.
Verðlagsstofnun,
Borgartúni 7, sími 27422.
tiikynningar
Styrkur til háskólanáms
Japönsk stjórnvöld bjóða fram styrk handa
íslendingi til háskólanáms í Japan námsárið
1984—85, en til greina kemur að styrktímabil
veröi framlengt til 1986. Ætlast er til að styrk-
þegi hafi lokið háskólaprófi eða sé kominn
nokkuö áleiðis í háskólanámi. Þar sem
kennsla við japanska háskóla fer fram á jap-
önsku er til þess ætlast að styrkþegi leggi
stund á japanska tungu um a.m.k. sex mán-
aða skeiö. Umsækjendur skulu ekki vera
eldri en 35 ára.
Umsóknir um styrkinn, ásamt staðfestum af-
ritum prófskírteina, meömælum og heilbrigð-
isvottorði, skulu sendar menntamálaráðu-
neytinu, Hverfisgötu 6, 101 Reykjavík, fyrir
15. ágúst nk. — Sérstök umsóknareyöublöö
fást i ráðuneytinu. Menntamálaráöuneytiö,
13. júlí 1983.
XXVII þing SUS
veröur haldiö í Reykjavík 23.-25. september næstkomandi. Stjórn
SUS hefur ákveöiö aö setja á fót eftirfarandi vinnuhópa til undirbún-
ings þinginu:
Örtölvubylting og atvinnuþróun. Umsjón Anna K. Jónsdóttir.
Aimenn stjórnmálaályktun: Umsjón Geir H. Haarde.
Efnahags- og viöskiptamál: Umsjón Ólafur Isleifsson.
Menntamál: Umsjón Ólafur Helgl Kjartansson.
Heilbrigöis- og tryggingamál: Umsjón Auöun Svavar Sigurösson.
Húsnæöismál: Umsjón Erlendur Kristjánsson.
Utanríkismál: Umsjón Einar K. Guöfinnsson.
Samgöngumál: Umsjón Erlendur Kristjánsson.
lönaöarmál: Umsjón Kjartan Rafnsson.
Stjórnarskrármál: Umsjón Ingibjörg Rafnar.
Skipulagsmál SUS: Umsjón Hrelnn Loftsson.
Hóparnir munu á næstu víkum undirbúa drög aö ályktunum fyrlr
þinglö. Þeir sem áhuga hafa á aö starfa í einhverjum hópanna hafi
samband viö framkvæmdastjóra SUS, Geröi Thoroddsen í síma
82900 og 86216.
Nánari upplýsingar um þlnglö veröa sendar aöildarfélögum SUS Inn-
an skamms.
Stjórn SUS