Morgunblaðið - 20.07.1983, Blaðsíða 20

10 ár frá stofnun Flugleiða
MORGUNBLAÐIÐ, MIÐVIKUDAGUR 20. JÚLÍ 1983
Flugleidavélar á Keflavíkurflugvelli.
I
i
i
í
i
i
i
i
t
i
i
i
i
i
i
i
i
i
i
i
i
i
i
i
i
i
Someiningin var rétt
skref á sínum tíma
— segir Örn Ó. Johnson, stjórnarformaður Flugleiða
„AÐDRAGANDINN aö sameiningu félaganna á sínum
tíma var sá, aö í hönd fór vaxandi samkeppni þeirra upp úr
1970. Flugráð og ríkisstjórn töldu aö stefndi í óefni, ef
ekkert væri aö gert,“ sagöi Örn Ó. Johnson, stjórnarfor-
maöur Flugleiða, í samtali viö Mbl. í tilefni þess, að 20. júlí
eru liðin 10 ár frá stofnun Flugleiða.
Örn Ó. Johnson, stjórnarformaður Flugleiða.
„Haustið 1971 var síðan
gerð ályktun í flugráði, sem
send var samgönguráðuneyt-
inu, en þar var ítrekað að gera
þyrfti eitthvað í málinu. Sam-
gönguráðuneytið ritaði í
kjölfar þess bréf til beggja fé-
laganna, þar sem sagði að
ráðuneytið teldi tímabært, að
félögin tækju annaðhvort upp
mjög náið samstarf eða sam-
einuðust í eitt,“ sagði Örn
ennfremur.
Örn sagði að hafizt hefði
verið handa um viðræður fé-
laganna undir áramótin 1971
og áfram fram eftir vetri.
„Það slitnaði hins vegar upp
úr þeim snemma árs 1972 og
samkeppnin hélt áfram og fór
vaxandi. Ríkisstjórnin lagði
síðan aftur þrýsting á um að-
gerðir í málinu haustið 1972
og í því sambandi var sett á
laggirnar nefnd til að aðstoða
flugfélögin við vinnu að þessu
máli.
Það var síðan í aprílmánuði
1973 að samkomulagsgrund-
völlur náðist um sameiningu
og var hann borinn undir at-
kvæði aðalfunda félaganna í
lok júni og samþykktur þar,
enda hafði ríkisstjórnin, eða
samgönguráðuneytið, gefið fé-
laginu ákveðin fyrirheit um
starfsgrundvöll til frambúðar.
Formleg stofnun félagsins var
síðan 20. júlí 1973 og Flugleið-
ir tóku til starfa 1. ágúst það
ár,“ sagði Örn.
Örn sagði að ákveðið hefði
verið á aðalfundunum í júní,
að félagið myndi starfa næstu
þrjú árin án þess, að haldinn
yrði aðalfundur, en á þessu
tímabili var starfandi nefnd,
sem var skipuð af Lands-
banka íslands, til að meta
eignir félaganna. Hún skilaði
niðurstöðum sínum í ársbyrj-
un 1976.
„Hvað starfsemina undan-
farin 10 ár snertir, þá hefur
gengið á ýmsu. Fljótlega eftir
sameininguna hófst hin svo-
kallað olíukreppa með mjög
mikilli hækkun á eldsneyti.
Þessi mikla hækkun á elds-
neyti á þessum árum hefur
síðan valdið Flugleiðum, eins
og reyndar öllum öðrum flug-
félögum miklum erfiðleikum.
Annars varð sameiningin á
margan hátt erfiðari heldur
en ég hafði átt von á. Bæði á
það við um utan að komandi
áhrif og starfsemina inn á við,
þegar þessi tvö félög, sem átt
höfðu í harðri samkeppni um
áratugaskeið, þurftu að ná
samkomulagi um hin einstöku
atriði í starfseminni. Ég er
hins vegar þeirrar skoðunar,
að sameiningin hafi verið rétt
skref á þeim tíma. Það hafa
hins vegar gerzt ýmsir hlutir í
seinni tíð, sem ekki voru fyrir
séðir, eins og það að sam-
gönguráðherra hefur breytt
starfsgrundvelli félagsins,
með því að heimila öðrum
flugfélögum að stunda milli-
landaflug. Þau fyrirheit, sem
félaginu voru gefin á sinum
tima, hafa því verið svikin af
stjórnvöldum og munu breyta
stöðunni verulega í framtíð-
inni,“ sagði Örn.
Örn gat þess, að hann hefði
verið talsmaður þess á sínum
tíma, að ríkið kæmi inn í
Flugieiðir sem eignaraðili og
hefði lagt fram tillögu þess
efnis í stjórn félagsins. Það
væri hins vegar stór spurning
í dag hvort ekki væri ástæða
til að breyta því, ekki sízt með
hliðsjón af því, að ríkið hefur
nú breytt rekstrargrundvelli
félagsins.
„Félagið hefur ekki farið
varhluta af þeim erfiðleikum,
sem steðjað hafa að fluginu á
undanförnum árum og ég er
þeirrar skoðunar, að þeir erf-
iðleikar séu ekki að baki. Fé-
lagið mun eiga við ákveðna
erfiðleika að etja á næstu ár-
um, bæði vegna aðstæðna hér
innanlands og svo vegna
þeirrar stöðu, sem ríkir í
flugmálum almennt. Það hlýt-
ur hins vegar að vera von
allra, að okkur takist að yfir-
vinna þessa erfiðleika, en það
verður ekki gert nema með
miklu og samstilltu átaki
starfsmanna og allra þeirra,
sem eiga hlut að máli,“ sagði
Örn Ó. Johnson, stjórnarfor-
maður Flugleiða, að endingu.