Morgunblaðið - 04.08.1983, Blaðsíða 13
MORGUNBLAÐIÐ, FIMMTUDAGUR 4. ÁGÚST 1983
13
Ánægjuleg
Eddu-ferð
þessu. Mín trú er sú að sveitar- og
bæjarfélög eigi að taka meira á
þessm málum, en ekki alla tíð rík-
ið, enda er stefnan slík samkvæmt
þeim lögum um málefni fatlaðra
sem taka gildi eftir næstu áramót.
Nú í dag er fötluðum börnum boð-
ið upp á aðstöðu sem við mundum
aldrei bjóða heilbrigðum börnum
okkar upp á. Sum þurfa jafnvei að
vakna fyrir allar aldir á morgnana
og ferðast í tvo tíma í bíl til að
komast i nokkurra klukkustunda
dagskóla, af því að sveitarfélag
þeirra getur enga aðstöðu boðið.“
Happdrættismiði ekki nóg
„Þá verður einnig að veita al-
menningi meiri fræðslu um þessi
mál. Oft þegar ég fer með minn
dreng út í kerru hitti ég fólk sem
hreinlega fær áfall við að sjá
hann. Fólk sem ekki umgengst
fatlaða dags daglega veit varla
hvernig það á að hegða sér í návist
þeirra. Fyrstu viðbrögð eru i öll-
um tilfellum vorkunn. Það eru
kannski ekki þau viðbrögð sem
okkur forcldrum finnast æski-
legust, en hvernig er hægt að lá
fólki það? Auðvitað hljótum við
öll að finna til með þeim sem ekki
geta upplifað allt sem við sjálf
gerum. Samt trúi ég að sá tími
komi þegar fólk hættir að vera
sátt við að borga happdrættismiða
og láta þar með málið kyrrt liggja.
Á sama hátt og hinn fatlaði verð-
ur að sætta sig við sína fötlun og
eiga sér hamingjustundir þrátt
fyrir hana, þá verður almenningur
að sætta sig við fatlaða, þeirra til-
veru og tilverurétt. Þegar búið er
að kynna almenningi þessi mál og
litið er á þau sem eðlilegan hlut,
og komin af stað umræða, þá trúi
ég ekki öðru en að miklu sé hægt
að breyta og bæta“.
„Þetta eru okkar helstu baráttu-
mál,“ sagði Marlaug að lokum, „og
vil ég þakka þeim fjölmörgu aðil-
um sem hafa stutt okkur í þessum
efnum. Sérstaklega vil ég, sem
formaður samtakanna, þakka
Lionsmönnum þeirra stuðning
sem gert hefur samtökunum kleift
að reisa sumarbústað sem búin er
öllum þeim tækjum til að foreldr-
ar geti dvalið þar með fötluðum
börnum sínum.
— ve.
- eftir Vilhjálm H.
Vilhjálmsson
Þegar ég las grein Ágústar Ág-
ústssonar í Morgunblaðinu þriðju-
daginn 26. júlí, fór ég að hugleiða
hversu margt af því fólki sem ég
lýsti ánægjulegri ferð fyrir, hafði
neikvæðar hugmyndir um það,
hvernig raunverulega væri að
ferðast með MS Eddu.
Við lögðum úr höfn að miðnætti
þann 22. júní. öll þjónusta um
borð í skipinu var að mínu viti
eins góð og best verður á kosið og
vil ég þá sérstaklega geta þjónustu
í matsölum og vínstúkum, en þar
gekk um beina íslenskt fólk. Hið
sama var að segja um þrif á göng-
um og herbergjum, en þar voru að
verki mjög þægilegt pólskt starfs-
fólk.
Matur var framreiddur í mörg-
um klössum, allt frá sjálfsaf-
greiðslu á kaffiteríu og grillstað á
kaffiteríu. í betri matsalnum gat
maður fengið hlaðborð af morgun-
mat, kalt borð í hádeginu, þrírétt-
aðan mat á kvöldin og svo það
allra fínasta, a la carte, og fannst
mér verðið mjög sanngjarnt, t.d.
220 kr. fyrir kalda borðið og það
sama fyrir kvöldverðinn. Ég vil og
geta þess að i skipinu er barna-
herbergi, þar sem íslensk fóstra
gætti og lék við börnin, og í sér-
stöku herbergi með barnarúmum í
gátu börnin fengið að sofa til 12 á
kvöldin. Kom það sér vel fyrir
marga, sem vildu fylgjast með
skemmtiatriðum sem byrjuðu kl.
Á dekkinu
10 á kvöldin í svokölluðum reyksal
skipsins, og að sjálfsögðu var að-
gangur ókeypis. Einnig er aðgang-
ur að sundlaug og sauna ókeypis
og notuðu fjölmargir sér þá þjón-
ustu.
Til Newcastle komum við 26.
júní og kl. 10 um morguninn fór
hópurinn sem ég fylgdi upp í lang-
ferðabíl og ekið var áleiðis til
Edinborgar undir fararstjórn
Bryndísar Schram og ég vil geta
þess að fararstjórn hennar og lýs-
ing var alveg frábær, enda kom
það fram að hún hafði dvalið í
Edinborg um 3ja ára bil. Laugar-
dagseftirmiðdeginum eyddi fólkið
til þess að fara í búðir. Að því
loknu var okkur ekið upp á Royal
Scot Hotel, þar sem þríréttuð
máltíð beið okkar. Um morguninn
fengum við 1. flokks morgunverð,
einnig gat maður farið í sund,
nuddpott og sauna, og var þetta
allt innifalið í fargjaldinu. Eftir
að Edinborg hafði verið skoðuð,
var lagt af stað yfir hálendið,
áleiðis til Newcastle, og var komið
þangað síðla dags, og gist á nýju
Holliday Inn móteli og var allur
aðbúnaður mjög góður og innifal-
inn í verðinu. Kl. 9 um morguninn
mætti svo Páll, bílstjórinn okkar,
og ók okkur í verslunarmiðstöð, og
beið meðan fólkið verslaði. Síðan
skilaði hann okkur aftur um borð í
ms. Eddu, og hófst þá ánægjuleg
heimför í blíðskaparveðri, eins og
meðfylgjandi mynd sýnir. Ég vil
geta þess að miðað við að sam-
ferðafólk mitt kom flest úr sitt-
hvorri áttinni, þá virtust allir eiga
það sameiginlegt þegar í rútuna
var komið að ferðast með jákvæðu
hugarfari, enda tókst ferðin frá-
bærlega vel.
í lok ferðarinnar bauð Sæmund-
ur bóndi á Galtalæk (og skáld
ferðarinnar) og kona hans öllum
hópnum að koma í heimsókn á bæ
þeirra hjóna til að hittast og skoða
myndir úr ferðinni, og fór meiri-
hluti hópsins með Akraborginni
þann 8. júlí. Og vil ég nota tæki-
færið og þakka þeim hjónum fyrir
frábæra gestrisni og gistingu.
Að síðustu vil ég ráðleggja
ömmum og öfum, sem fara í svona
ferð, að taka með sér barnabarn.
Mér var það ómetanleg ánægja að
hafa sem ferðafélaga fjögurra ára
dótturdóttur mína.
Með þökk fyrir birtinguna,
Vilhjálmur H. Vilhjálmsson,
heildsali.
á Síndair Spectrum
Ef þú hefur áhuga á að kynnast tölvum, læra á þaer,
leika þér við þær, tefla við þær, læra af þeim, vinna
með þeim, láta þær vinna fyrir þig og fylgjast með
þeim ótrúlegu möguleikum sem felast í
tölvutækninni, ættirðu að byua a Sindair Spectrum.
Sinclair Spectrum er ótrúlega fullkomin, með 16K
eða48Kminni, allarnauðsynlegar skipanir
fyrir Basic fjöldi leikja-,kennslu- og viðskipta-
forrita, graftska útfærslu talna, tengimöguleika við
prentara og aðrar tölvur - og svo auðvitað litinn.
Þar að auki er diskettudrif væntanlegt innan tíðar.
Sinclair Spectrum er stórkostleg tölva
48K tölvan kr. 8.508.- 16K tölvan kr. 6.544.-
Heimilistæki hf
HAFNARSTRÆTI 3 - 20455- SÆTÚNI 8- 15655