Morgunblaðið - 04.08.1983, Blaðsíða 14

14
MORGUNBLAÐIÐ, FIMMTUDAGUR 4. ÁGtJST 1983
Nýjung á Vindheimamelum:
Mótið greiddi 300 krónur
fyrir hvert hross sem
mætti á kappreiðarnar
ÞAÐ ORÐ hefur löngum farið af Skagfírðingum að þeir
standi framar öðrum í hestamótshaldi og nú um verslunar-
mannahelgina brydduðu þeir upp á merkri nýjung. í stað þess
að rukka eigendur kappreiðahrossa um þátttökugjald eins og
gert er víða, þá greiddu þeir 300 krónur fyrir hvert hross sem
mætti til leiks. Með þessu móti reyna þeir að örva menn til
þátttöku, en mikil óánægja hefur rfkt meðal kappreiðamanna
að þurfa að greiða þátttökugjald og aðgangseyri fyrir knapa
og á stærri mótum jafnvel beitargjaid.
En svo vikið sé að mótinu sjálfu
þá var þetta tveggja daga mót eins
og venja er til. Veður var vægast
sagt mjög óhagstætt. sjö stiga
hiti, rigning og rok. Á sunnudag
snjóaði í fjöll og setti veðrið óneit-
anlega svip sinn á mótið.
Gæðingarnir sem nú voru sýnd-
ir voru heldur í lakara lagi miðað
við undanfarin ár og trúlega eng-
inn mælikvarði á hestakost Skag-
firðinga. Einnig má geta þess að í
Skagafirði er sá siður í hávegum
hafður að sýna gæðingana ekki of
oft og helst ekki oftar en einu
sinni. Á þar af leiðandi sér stað
endurnýjun á hverju ári. I ungl-
ingakeppninni var keppt í einum
flokki og voru keppendur tíu.
Svo bregðast krosstré
sem önnur tré
Segja má að kappreiðarnar hafi
verið besti hluti mótsins eins og
svo oft áður og var árangur nokk-
uð góður miðað við aðstæður.
Virðist sama á hverju gengur
þarna á „melunum". Alltaf skilar
völlurinn góðum tímum. Það sem
helst bar til tíðinda var að örvar,
sem verið hefur ósigrandi í 800
metrunum í sumar, varð í fjórða
sæti bæði í undanrásum og úrslit-
um. Cesar, sem nú keppti í fyrsta
skipti í sumar við sunnanhestana,
varð í öðru sæti en sigurvegari
varð Snarfari sem verið hefur í
öðru, þriðja eða fjórða sæti á mót-
um í sumar. Spóla varð að lúta í
lægra haldi fyrir Sindra að þessu
sinni í 350 metrunum og Blakkur
hljóp á sama tíma og Spóla í úr-
slitunum, en var dæmdur sjónar-
mun á eftir. Villingur sigraði ör-
ugglega í 250 metra skeiði og
finnst manni nú tilfinnanlega far-
ið að vanta fleiri góða vekringa
sem hugsanlega gætu staðið í Vill-
ingi svo meiri spenna skapist í
þessari vinsælu grein.
Þokkaleg sala á uppboðinu
Að lokinni dagskrá á laugardag
var haldið uppboð á trippum og
folöldum og er þetta í annað skipt-
ið sem þetta er reynt eh eins og
ýmsa kann að reka minni til þá
var folald selt á metverði ’81 þegar
þetta var fyrst reynt. Að þessu
sinni voru tuttugu og þrjú trippi
og folöld boðin upp og seldust þau
öll. Dýrasta folaldið fór á 21.000
krónur og er það fimm hundruð
krónum hærra verð en folaldið
dýra frá ’81 fór á. Af trippunum
fékkst hæst verð fyrir þriggja
vetra gamlan óvanaðan fola und-
an Hrafni 802 frá Holtsmúla, fór
hann á 30.000 krónur. ódýrustu
folöldin fóru á 6.000 krónur. Þessi
uppboð eru greinilega góð búbót
fyrir stóðbændur og ágætur mark-
aður fyrir almenning því það vek-
ur athygli að flest öll trippin eru
undan góðum og þekktum stóð-
hestum og sum hver undan 1.
verðlauna hryssum. Af þessu má
ráða að á boðstólum eru yfirleitt
álitleg hestefni.
Það mí víst telja að Jói „vakri“ hafi faríð heim glaðnr ( bragði að keppni
lokinni. Hér situr hann hryssu sína, Kröflu, sem efst stóð í A-flokki og að
launum fengu þau vænan skammt af góðmálmum.
Rakkus á undanhaldi segja úthýst frá Vindheimamelum
Að síðustu má svo geta þess að meðan á mótinu stóð og á sunnu-
Bakkusi blessuðum var svo að dag sást ekki vín á einum einasta
Þórður Örn Stefánsson „Sælustaður psoriasis-sjúklinga" — Bláa lónið. í baksýn sést skúrinn sem
fluttur var frá Keflavfk.
„Böðunum fylgir bati"
GÍSLI Kristjánsson er einn þeírra
psoriasis-sjúklinga sem sækja Bláa
lónið sér til heilsubótar, og kvaðst
hann hafa gert það um þó nokkurt
skeið.
„Lónsböðum fylgir hægfara
bati, en bati þó,“ sagði Gísli í
stuttu spjalli við Mbl. „Ég er nú
að framkvæma smá rannsókn
sjálfur, og flyt vatn úr lóninu á
brúsum inn í Reykjavfk og set í
sérstakt ker, sem er hitað upp
með vatnsspíral. Með þessu ætla
ég að athuga hvort sami bati fáist
úr leginum i heimahúsi, eins og
hér.“ Gísli sagði að böðin hefðu
mismunandi áhrif á fólk, en flest-
ir þyrftu að sækja það í allt að
þrjá mánuði til að fá bata.
Við lónið er vinnuskúr þar sem
notendum lónsins hefur verið
sköpuð aðstaða. Þar inni er sol-
arium-Iampi sem psoriasis-sjúkl-
ingar nota gjarnan eftir böð. Gísli
kvaðst ekki nota lampann sjálfur,
þar sem hann væri að fram-
kvæma þessa rannsókn á lækn-
ingamætti vatnsins úr lóninu ein-
göngu. Hann sagði þó að margir
teldu batann stafa meira eða
minna af notkun lampa af þessari
gerð, en ennþá væri ekki búið að
fullkanna það.
Gísli á sæti í stjórn Samtaka
psoriasis-sjúklinga, og sagði að nú
í ár væri ætlunin að framkvæma
rannsóknir á lækningamætti
lónsins á vegum landlæknis, og
myndi hópur sjúklinga þá stunda
böð i lóninu i ákveðinn tfma.
Hann vonaðist til þess að rann-
sóknir þessar yrðu jákvæðar fyrir
psoriasis-sjúklinga, þvi enn hafa
ekki fundist aðrar lækningar á
þessum sjúkdómi en sól, sjór og
tjara, auk nokkurra lyfja sem
verka misjafnlega á fólk. Því væri
Bláa lónið mikil bót fyrir fólk með
þennan sjúkdóm.
Gistihús við
Bláa lónið
Gistihús fyrir notendur Bláa Iónsins við Svartsengi verður
væntanlega tekið í notkun í október á þessu ári. Það er
einkaaðili, Þórður Örn Stefánsson, framreiðslumaður, sem
stendur fyrir byggingu gistihússins, og verður húsið rúmlega
400 metrar að stærð með 11 tveggja manna herbergjum.
Bláa lónið við Svartsengi
hefur undanfarið verið tölu-
vert vinsæll baðstaður, og þá
sérlega notaður af psoriasis-
sjúklingum, sem telja lónið
hafa bætandi áhrif á sjúkdóm-
inn. Nú hefur verið unnið að
því að bæta aðstöðu baðgesta,
og í því skyni hefur lítið hús
verið flutt frá Keflavík og
verður þar komið fyrir sturt-
um og annari hreinlætisað-
stöðu fyrir notendur lónsins.
En fleira er á döfinni við
Bláa lónið. Brátt mun þar rísa
gistihús með 11 tveggja
manna herbergjum og matsal.
Þórður Örn Stefánsson, fram-
reiðslumaður, stendur fyrir
byggingu gistihússins og í
samtali við Mbl. sagði hann að
Bláa lónið væri betri baðstað-
ur en erlendar sólarstrendur,
og að þar væri jafnan hægt að
baða sig í hvaða veðri sem
væri. Þórður sagðist hafa
fengið hugmyndina að gisti-
húsinu fyrir mörgum árum er
hann nam hótelrekstur er-
lendis. Hann kvað íslendinga
ekki þurfa að leita langt yfir
skammt að heilsubótarlindum,
og því hefði hann ákveðið að
koma upp aðstöðu fyrir not-
endur lónsins, jafnt utan af
landi sem erlendis frá.
Þórður sagðist standa einn í
byggingu gistihússins við Bláa
lónið, en þó í nánu samráði við
Samtök psoriasis- og exem-
sjúklinga. Hann kvað gisti-
heimilið verða hið nýtísku-
legasta, m.a. yrðu sjónvarps-
tæki og video-þjónusta í
hverju herbergi, og húsgögn
færanleg. Fyrirmyndin væri
blanda af því besta úr evr-
ópskum og bandarískum gisti-
húsum. Maturinn sem verður
á boðstólum, sagði hann að
yrði góður heimilismatur, en
ekki sérstakt heilsufæði.
Varðandi aðsókn og bókanir
á gistihúsið kvaðst Þórður
ekki vita um hvernig yrði, en
gistihúsið Bláa lónið verður
opið allt árið um kring. Hann
sagðist vita um nokkra útlend-
inga, sem sýnt hefðu gistingu
við lónið áhuga, en annars
sagðist hann treysta á Guð og
lukkuna. Þórður sagðist hafa
lagt allar sínar eignir í þetta
fyrirtæki, og hefði hann auk
þess notið fyrirgreiðslu hjá
lánastofnunum á Suðurnesj-
um og aðrir hefðu sýnt honum
velvilja, nema Ferðamálaráð,
sem Þórður sagðist hafa feng-
ið neikvæð svör frá, þar sem
ráðið teldi ekki tímabært að
reisa gistihús á Reykjanesi,
þegar nóg væri um slíka að-
stöðu í höfuðborginni.