Morgunblaðið - 11.08.1983, Blaðsíða 21
MORGUNBLAÐIÐ, FIMMTUDAGUR 11. ÁGÚST 1983
21
Hafbeitarstöðin í Vogum:
Draga laxa í
land með netum
Vogum, 27. júlí.
ÞAÐ ER stór dagur hjá nýju fyrirtæki, þegar fyrsti árangurinn af starf-
semi þess birtist. Þaö var stór dagur hjá þeim sem eru aö gera tilraunir
meö nýja hafbeitarstöö fyrir lax í Yogum, þegar fyrsti laxinn kom á land
sl. þriöjudag. Þaö mun vera tæplega mánuöur síðan fyrst varð vart lax í
Vogavík í verulegum mæli. Á vegum Fjárfestingarféíags íslands hf. og
bandarískra aðila eru gerðar tilraunir með aö fá laxinn til að ganga í sjó
eftir rennu og í lón, þar sem laxinn yrði síðan háfaður upp og færður til
slátrunar. Laxinn hefur ekki viljað fara í lónið ennþá, hefur stoppað við
ósinn.
Forráðamenn stöðvarinnar
voru orðnir nokkuð þreyttir að
sjá laxinn stökkva í miklum
mæli alveg upp við land, en hann
gekk ekki upp eftir rennunni og í
lónið. Þá gripu þeir til þess ráðs,
að fá leyfi hjá Veiðimálastofnun
til að leggja net fyrir ósinn.
Fyrst á útfallinu að morgni
þriðjudagsins 26. júlí var gerð
tilraun með að leggja net á milli
tveggja skerja fyrir framan ós
rennunnar, og hvort hægt yrði
að draga netið eftir botninum og
í land. Gekk sú tilraun framar
öllum vonum, því það tókst að
króa 28 laxa í netinu. Áttu menn
ekki von á veiði því lítil hreyfing
var í sjónum þá stundina.
Um kl. 22.30 að kvöldi þriðju-
dagsins drógu starfsmenn við
laxeldisstöðina netin fyrir ósinn
i þriðja sinn þann daginn. Áður
voru 57 laxar komnir á land með
þessari aðferð. Nú skildi reyna
að fá fleiri. Frekar lítið var um
að lax sæist stökkva, en óvæntir
gestir voru komnir í heimsókn.
Tveir selir sáust fyrir utan.
Þóttu það ill tíðindi. Aðrir gestir
voru mættir á staðinn, voru það
70—80 manns sem vildu fylgjast
með viðureigninni. Voru þar á
ferðinni, fulltrúar frá Fjárfest-
ingarfélaginu, íbúar í Vogum og
aðrir aðilar sem hafa áhuga
fyrir laxeldinu.
Á aðfallinu eru netin lögð. Er
farið með þau út á litlum báti.
Eru netin lögð þannig að laxinn
getur synt fyrir endann hvoru
megin. Færi eru strengd úr net-
unum og í land. Síðan eru netin
dregin í land, þegar hæfilega
mikið er fjarað út, svo hægt sé
að draga netin sem mest eftir
sandbotni. Loks þegar sú lang-
þráða stund rann upp, að menn
byrjuðu að draga inn, kom í ljós
að annar endi netsins var fastur.
Þurfti að vaða út 1 sjóinn, upp
fyrir mitti, til að losa netið.
Starfsmenn stöðvarinnar drógu
netið mjög rólega, í fyrstu þann-
Laxinn tekinn úr netunum. Morgunbiaðið/Eyjóifur.
ig að það myndaði u og síðan var
netið dregið í átt að landi, eins
og um nót væri að ræða. Þegar
fyrstu hlutar netsins komu í
land, sást loks lax í þvi, var hann
umsvifalaust tekinn úr því og
settur í grind í sjónum, sem er
til að geyma laxana í á meðan
netið er dregið að fullu í land.
Áfram var haldið og kom nú
annar lax, sem meðhöndlaður
var á sama hátt og hinn fyrri.
Síðan kom sá þriðji. Fleiri urðu
laxarnir ekki að þessu sinni.
Getgátur voru uppi um að nær-
vera selanna hefði getað haft sín
áhrif.
Mikil spenna var ríkjandi
meðal áhorfenda, og vissu marg-
ir ekki af sér fyrr en þeir höfðu
vaðið sjóinn upp að hnjám, en
litu þá á fætur sér og uppgötv-
uðu að skóbúnaðurinn hentaði
betur við önnur tæifæri.
Að sögn Gunnars J. Friðriks-
sonar hjá Fjárfestingarfélaginu
er það mikilverðasti árangurinn
í tilraunastarfi þeirra, að vita til
þess að laxinn væri kominn, því
það hlyti að vera hægt að leysa
það, að fá laxinn til að ganga
upp í lónið. Þá sagði hann mörg
atriði könnuð, áður en ákveðið
yrði að reisa stöðina.
E.G.
Við flytjum...
og kynnum nýju Marabon
10 Linuna frá
NÓN HF.
Hverfisgötu 105 S. 26235-26234
XEROX
Tilboð:
25% afsláttur af eftirtöldum
tegundum gildir til 25.ágúst.
Takmarkaður fjöldi til afgreiðslu
XEROX IO-35
• 21 ljósrit A4 per. mínútu • A3
• 4 minnkunarmöguleikar
• 2 stækkunarmöguleikar ásamt fleiru
XEROX 10-20
• 11 ljósrit A4 per. mínútu • B4
• Lítil og létt
XEROX
Leiðands merki í Ijósritun