Morgunblaðið - 22.09.1983, Blaðsíða 2

2 MORGUNBLAÐIÐ, FIMMTUDAGUR 22. SEPTEMBER 1983
Lélegar heimtur á gönguseiðum í Grímsá og Langá:
Ekki nægar rannsóknir
á afdrifum gönguseiða
— segir Þórir Dan, fiskifræðingur
MJÖG LÉLEGAR heimtur voru á gönguseiðum í Grímsá í Borgarflrði og
Langá á Mýrum í sumar og mun verri en búist hafði verið við. Samkvæmt
upplýsingum sem Morgunblaðið fékk hjá Þóri Dan, fiskifræðingi hjá
Veiðimálastofnun, sem aðsetur hefur í Borgarnesi, var 3.000 merktum
gönguseiðum sleppt í Grímsá í fyrra, en af þeim veiddust 4 laxar í sumar
eða 0,133%. í Langá var sleppt 4.000 merktum seiðum, en í sumar
veiddust í ánni 4 laxar merktir, en í sjó fengust 12 merktir laxar. Þá
fengust auk þessa 6 laxar sem virtust uggaklipptir, en án örmerkis.
Hvað Grímsá varðar er endur-
heimtan 0,133%, en að sögn Þór-
is væri hægt að ná henni upp í
0,4%, ef gert er ráð fyrir að
þriðjungur laxanna hafi veiðst í
Hvítá og þriðjungur hafi ekki
veiðst. Hins vegar væri vanda-
málið það að allar rannsóknir
vantaði, en miðað við þær stað-
reyndir sem fyrir iægju, væri
árangur gönguseiðasleppinga
mjög lélegur og miklu verri en
talið hefur verið.
Hins vegar gat Þórir þess að
eitthvað af laxi gæti skilað sér á
næsta ári, en yfirleitt væri
hlutfallið minna af tveggja ára
fiski í Borgarfjarðarám.
Ef vikið er að Langá er hlut-
fallið betra en í Grímsá, ef sjáv-
arveiðin, en veitt er í net við ósa
árinnar, er tekin með. Með sjáv-
arveiði er hlutfallið 0,4%, án
hennar er hlutfallið 0,1%, en séu
vafalaxarnir 6 teknir með er
hlutfallið 0,55%.
Þórir Dan sagði um heimturn-
ar á gönguseiðum í sumar, að
hann hefði átt von á litlum, en
ekki svona litlum heimtum. Hins
vegar kvaðst hann telja að veiði-
aukningin í Grímsá í sumar
hefði verið þökkuð gönguseiðun-
um, ef þau hefðu ekki verið
merkt og því ekki hægt að sýna
fram á litla hlutdeild þeirra í
aflanum.
Miðað við þann lélega árangur
sem slepping gönguseiða virðist
gefa, kvaðst Þórir telja að miklu
arðvænlegra væri að sleppa
sumaröldum seiðum í laxveiðiár,
þar sem slík slepping ætti við.
En varðandi þá stefnu að sleppa
gönguseiðum, sagði Þórir að hún
byggðist ekki á nægum rann-
sóknum.
Ólafsvík:
Dómsátt vegna sýn-
inga á myndinni ET
Ólafsvík, 21. september.
TEKIST hefur dómsátt með munn-
legu samkomulagi í máli framleið-
enda kvikmyndarinnar ET gegn
Villa vídeói í Ólafsvík vegna sýn-
ingar kvikmyndarinnar af mynd-
bandi um síðustu jól.
Fréttaritari sneri sér til Jónas-
ar Gestssonar, bankafulltrúa,
stjórnarmanns í Villa vídeói, en
Jónas hefur séð um málið fyrir fé-
lagið. Var Jónas spurður hvort
rétt væri að samið hefði verið um
kr. 30.000 til sættarinnar. Jónas
kvaðst hvorki vilja staðfesta þetta
né neita þessu, því hann hefði ekki
fengið í hendur skrifleg gögn hvað
þetta varðar, en Villa vídeó væri
sátt við málslok.
Eftir því sem fréttaritarinn
kemst næst er þetta það gjald sem
greiða þarf fyrir þessa óheimilu
sýningu.
Hér vestra er talið, að framleið-
andi myndarinnar geti líka unað
vel við sinn hlut, því hann hefði
fengið í sárabætur mikla hlát-
urskviðu þegar hann komst að því
að þessi óheimila sýning hefði get-
að náð til allt að 1200 manns og
greinilegt að hér hafi menn gert
sér langan skó á lítinn fót.
- Helgi
Tunnusamsetning á Seyðisfirði.
MarxunblaðiA/ Kjartan
„Tjái mig allra síst í
Morgunblaðinu fyrst“
— segir Kjartan Ólafsson um framboð
til varaformanns Alþýðubandalagsins
„ÞAÐ HEFUR ekki verið gefin út
nein yfirlýsing af minni hálfu í þeim
efnum og allra síst er við því aö
búast að ég fari að tjá mig um slíkt í
Morgunblaðinu fyrst,“ sagði Kjart-
an Ólafsson, ritstjóri og varaformað-
ur Alþýðubandalagsins, er Mbl.
spurði hann hvort hann ætlaði að
gefa kost á sér til kjörs sem varafor-
maður Alþýðubandalagsins á lands-
fundi flokksins sem haldinn verður
um miðjan nóvembermánuð nk.
Kjartan dvelur nú í fræði-
mannsíbúð Húss Jóns Sigurðsson-
ar í Kaupmannahöfn og hefur
íbúðina til umráða frá 1. septem-
ber sl. til 1. desember nk. Hann
var spurður, hvort hann myndi
sækja landsfundinn, sem haldinn
verður upp úr miðjum nóvember.
Hann svaraði: „Það gæti orðið. Ég
hef húsnæðið að vísu til nóvem-
berloka, þannig að ég er að velta
því fyrir mér.
Ef ég hef eitthvað um þessi efni
að segja þá læt ég það koma fram
á flokksvettvangi mínum að
sjálfsögðu," sagði Kjartan að lok-
um.
Bruninn í fiskiðjunni Freyju á Suðureyri:
Skemmdir minni
en óttast var
Suóureyri, 21. september.
SkEMMDIR í fiskiöjunni Freyju hf.
á Suðureyri af völdum bruna sem
þar varð á mánudagskvöld voru
minni en óttast hafði verið, en tjónið
er metið á um 900 þús. kr., og er þar
bæði um að ræða tjón á fasteignum
og lausafé.
Skemmdir á umbúðum reyndust
ekki eins miklar og haldið var og
verður hægt að nota mestan hluta
umbúðanna. Einnig kom í Ijós að
fiskur í frystiklefum var
óskemmdur og ekki þarf að skipta
um umbúðir á neinu því sem í
frystigeymslu var, en þangað
komst dálítill reykur.
Útlit er fyrir að hér komist
framleiðslan í eðlilegt horf á
mánudagsmorgun. Nú eru allir að
vinna hjá frystihúsinu og tekið er
á móti fiski og eru allir bátar á
sjó, stórir og smáir. Verður tekið á
móti afla heimabáta út vikuna, en
togarinn er væntanlegur í land um
helgina.
Þegar kviknaði í frystihúsinu
voru á milli 30 og 40 tonn af óunn-
um karfa þar og þegar er búið að
flytja þann fisk til Þingeyrar til
vinnslu og því liggur enginn fiskur
undir skemmdum.
— Fréttaritari
Innflutningur
á ósamsettum
sfldartunnum
Gæti orðið til að tryggja öruggan atvinnu,
segir Jón Reynir Magnússon, framkvæmdastjóri SR
INNFLUTNINGUR á ósamsettum
sfldartunnum er nú hafínn í til-
raunaskyni á vegum Sfldarverk-
smiðja ríkisins. Er hér um að ræða
efni i um 20.000 tunnur og verða
þær settar saman á þeim stöðum,
sem talið er að þeirra verði helst
þörf við söltun. Að sögn Jóns
Reynis Magnússonar, fram-
kvæmdastjóra SR, er þetta meðal
annars gert í því skyni að reyna að
tryggja öruggari atvinnu hjá verk-
smiðjunum.
Auk þessa verða fluttar inn
um 175.000 tunnur á vegum Síld-
arútvegsnefndar, en tilrauna-
innflutningurinn er í samráði
við SÚN. Nokkuð skiptar skoð-
anir eru um það, hvort innflutn-
ingur þessi borgi sig og taldi
einn viðmælenda blaðsins ódýr-
ara að flytja samsettar tunnur
inn frá Noregi en ósamsettar frá
Finnlandi, eins og nú er verið að
gera tilraunir með. Mun þar
mestu skipta fjarlægðarmunur
milli landanna og möguleikar á
hagkvæmum flutningum frá
Noregi.
Að sögn Jóns Reynis hafa
tunnur verið settar saman í
Siglufirði, 5.000, og Raufarhöfn,
1.700, og samsetning er hafin á
Seyðisfirði, 5.400 og að hefjast á
Reyðarfirði, 3.500. Eru vélar til
samsetningarinnar fluttar á
milli staða. Sagði hann þetta til-
raun til að brúa bilið milli loðnu-
vertíða, svo fremi sem af þeim
yrði. Gæti það orðið til að
tryggja öruggari atvinnu. Þá
væri einnig heppilegt að nota
húsnæði Síldarverksmiðjanna,
sem að miklu leyti væri autt
mikinn hluta ársins. Sagðist
hann ekki geta sagt til um það
að svo stöddu, hvort þetta væri
hagkvæmt, en ástæða hefði þótt
til að reyna þetta, meðal annars
til að við værum ekki um of háð
fáum aðilum í Noregi með
tunnukaup.
Biðskák hjá Jóni L,
JÓN L Arnason tefídi við alþjóðlega
meistarann Daniel Roos í elleftu
umferð alþjóðalega mótsins í Zug í
Sviss. Skákin fór í bið og er staðan
tvísýn að sögn Jóns, en að miklu
leyti ótefld.
Svisslendingurinn Beat Zuger
sem er efstur á mótinu, gerði jafn-
tefli við Svíann Dan Cramling og
er því staða efstu manna líti
breytt, en hún er þannig: 1. Zúge
8 v. af 11 mögulegum, 2.—!
Cramling og Bischoff, V-Þýskal
með 7 v., 4.-5. Jón L. Árnason o
Trepp, Sviss, 6'A v. og biðskák.
Tólfta umferð mótsins verðu
tefld í dag og sú þrettánda og síð
Lyf og
læknaþjón-
usta hækkar
á bilinu
30—90%
LYF OG lækniþjónusta mun hækka
á bilinu 30—90% um næstu mánaða-
mót samkvæmt upplýsingum sem
Morgunblaðið fékk hjá Páli Sigurðs-
syni, ráðuneytisstjóra
heilbrigðisráðuneytisins.
Er hér um að ræða hækkun á
greiðsluhlut fólks fyrir fyrr-
greinda þjónustu og sagði Páll að
við það væri miðað að greiðslurn-
ar væru hlutfallslega jafn háar og
var árið 1979, en síðustu ár hefur
hlutfallið farið lækkandi, þar sem
hækkanir á lyfjum og læknisþjón-
ustu hafa ekki fylgt verðlagi að
sögn Páls.
Lyf kvað Páll hafa hækkað um á
annað hundrað prósent á milli ára
og því hefði þurft að hækka hlut-
deild fólks í þeim kostnaði.
Sú læknisþjónusta sem hækkar
er þjónusta heimilislækna, sér-
fræðinga og þjónusta röntgen-
deilda og rannsóknastofa.
Hækkun láns-
kjaravísi-
tölunnar 1,4%
SEÐLABANKI íslands hefur reikn-
að út lánskjaravísitölu fyrir októ-
bermánuð og reyndist hún vera 797
stig. Hafði hún hækkað um 1,4% frá
síðasta mánuði, þegar hún var 786
stig.
Verðbólguhraðinn miðað við
umrædda mánaðarhækkun er því
liðlega 18,15%. Hækkun láns-
kjaravísitölunnar milli ágúst og
september var hins vegar um
8,12% og var verðbólguhraðinn þá
um 155,2%.
Árnasyni
asta á morgun, föstudag. J6n
hyggst að mótinu loknu halda
áfram taflmennsku í Mið-Evrópu
og mun annaðhvort tefla á opnu
skákmóti í Balatonbereny við Bal-
atonvatn í Ungverjalandi, eða á
lokuðu móti í Stara Palanka, rétt
hjá Belgrad í Júgóslaviu.