Morgunblaðið - 17.11.1983, Blaðsíða 20

68
MORGUNBLAÐIÐ, FIMMTUDAGUR 17. NÓVEMBER 1983
VIÐSKIPTI
VIÐSKIPTI - EFNAHAGSMÁL - ATHAFNALÍF
— Umsjón Sighvatur Blöndal
Liðlega 10 milljónir
„Norðurlandabúa“ eru
í Bandaríkjunum
— 32.586 „íslendingar"
4. ársfjórðungur 1983:
Minnkandi hagnaður
Apple milli ára
HVER skyldi trúa því, að liðlega 10
milljónir manna í Bandaríkjunum eigi í
raun ættir sínar að rekja til Norður-
landanna. Eigi að síður staðreynd,
samkvæmt opinberum tölum í Banda-
ríkjunum.
1.518.273 eiga rætur sínar að rekja
til Danmerkur, 615.872 til Finnlands,
32.586 til íslands, 3.453.839 til Nor-
egs og 4.345.392 til Svíþjóðar.
— Um 55% söluaukning milli ára
HAGNAÐUR Apple-tölvufyrirtækisins bandaríska á 4. ársfjórðungi síðasta
reikningsárs var um 5,1 milljón dollara, sem er mun minni hagnaður en á
sama tíma í fyrra, þegar hann var um 18,7 milljónir dollara. John Scully,
aðalforstjóri Apple, sagði ástæðuna fyrir þessum minnkaða hagnaði vera
mikla fjárfestingu vegna framleiðslu LISA-tölvunnar, aukna samkeppni frá
IBM og síðan hefði ekki verið staðið rétt að markaðssetningu LISU, en
breytt heföi verið um stefnu í þeim málum.
„Við sjáum fyrir okkur erfiða
tima næstu mánuðina og reiknum
með minni hagnaði á 1. og 2. árs-
fjórðungi reikningsársins, sem er
að hefjast af framangreindum
orsökum. Við erum hins vegar
sannfærðir um að hlutirnir verða
komnir í eðlilegt horf eftir það.
Átak hefur verið gert í fyrirtæk-
inu til að draga úr kostnaði, auk
þess sem við sjáum þegar árangur
af breyttri markaðsstefnu í sam-
bandi við LISU. Hún var einfald-
lega verðlögð of hátt í upphafi,"
sagði John Scully ennfremur.
Það kom fram í máli John
Scully á blaðamannafundi á dög-
unum, að sala Apple hefði aukizt
um 55% á 4. ársfjórðungi síðasta
reikningsárs, þegar hún hefði
numið liðlega 273,2 milljónum
dollara, en til samanburðar var
heildarsala Apple á sama tíma í
fyrra um 175,8 milljónir dollara.
Söluaukningin er minni en á
fyrstu níu mánuðunum, þegar hún
var um 74% og sagði John Scully
aðalástæðuna vera aukna sam-
keppni frá IBM, sem hefði nú hasl-
að sér völl á einkatölvusviðinu, en
IBM hefði til þessa eingöngu verið
í framleiðslu á stærri tölvum og
tölvukerfum. „Markaðurinn þarf
að fá tíma til að aðlaga sig því,
þegar risi eins og IBM kemur inn í
myndina."
Heildarhagnaður Apple á árinu
1983 var um 76,7 milljónir dollara
borið saman við 61,3 milljónir
dollara á árinu 1982. Aukningin
rnilli ára er um 25%.
IBM kynnir PCJR
í Norður-Ameríku
Micro 11 ný tölva frá Digital kynnt hér á landi:
Hentar fyrir 2—6
notendur í einu
TÖLVUDEILD Kristjáns Ó. Skagfjöró kynnti á dögunum nýja tölvu frá Digital
Equipment Corp. en sú nefnist Micro 11, aó sögn Frosta Bergssonar, deildarstjóra
tölvudeildar fyrirtækisins, sem sagði vélina vera þá minnstu í hinni svokölluðu
PDP-II línu frá Digital.
„Það má segja, að Micro 11 sé
tölvukerfi, sem henti fyrirtækjum og
stofnunum, sem þurfa öfluga vél
fyrir a.m.k. 2—6 notendur á sama
tíma. Það má segja, að hönnun kerf-
isins sé nútímalegt, sem sést m.a. á
því, að grunnkerfið er ekki meira
umfangs en venjuleg ferðataska,
20—30 kg að þyngd,“ sagði Frosti.
Það kom fram í samtalinu við
Frosta, að starfsemi tölvudeildar-
innar hefur farið vaxandi frá stofn-
un hennar á árinu 1975, en í dag
starfa í henni 17 starfsmenn. Deildin
byggist að mestu upp i kringum sölu
á tölvum og tölvukerfum frá Digital,
en auk þess er fyrirtækið með umboð
fyrir sænska fyrirtækið Ericsson In-
formationa System og fyrirtækið
Tektronix Ltd.
Frosti sagði að Digital Equipment
Corp. hefði verið stofnað 1957 og
væri í dag annar stærsti tölvufram-
leiðandi í heimi. „Síðan 1975 höfum
við sett upp liðlega 100 tölvukerfi frá
fyrirtækinu, þar af 12 svokölluð
VAX-kerfi, sem eru mjög umfangs-
mikil tölvukerfi. VAX-vélarnar eru í
mjög afkastamiklar fjölnotenda-
tölvur og má í því sambandi nefna,
að Reiknistofa háskólans hefur eina
slíka með um 100 útstöðvum".
Þá kom það fram í samtalinu við
Frosta, að námskeiðahald væri vax-
andi þáttur í starfsemi tölvudeildar-
innar. „Leiðbeinendur hafa bæði
verið eigin starfsmenn og sérfræð-
ingar erlendis frá. Það er alveg ljóst,
að meðal viðskiptavina okkar er al-
mennt þörf á aukinni fræðslu á
tölvusviðinu.
Varðandi hugbúnaðarpakka höf-
um við haft náið samstarf við ýmis
hugbúnaðarfyrirtæki, sem hafa
sérhæft sig hvert á sínu sviði. Að
okkar mati henta sérhönnuð íslensk
forrit betur fyrir fyrirtæki, en er-
lendir forritapakkar," sagði Frosti.
Að síðustu kom það fram í samtal-
inu við Frosta Bergsson, deildar-
stjóra tölvudeildar Kristjáns ó.
Skagfjörð, að stefna fyrirtækisins
væri að bjóða tölvulausnir fyrir sem
flesta aðila, eða allt frá tölvum fyrir
einn notanda og upp í tölvur fyrir
tugi eða jafnvel hundruð notenda.
„Annars má segja um kerfin frá
Digital, að hægt er að byrja smátt og
stækka síðan eftir þörfum hvers og
eins og nota áfram sama hugbúnað-
inn.“
IBM kynnti i vikunni nýjustu fram-
leiöslu sína, sem er svokölluö
PCJR-tölva, eöa Personal Computer
Junior, en hún er ætluö til nota á
heimilum, í skólum og í fyrirtækjum.
Tölvan verður fyrst um sinn aöeins
fáanleg í Bandaríkjunum og Kan-
ada, að sögn Guðmundar Hannes-
sonar, sölustjóra IBM á fslandi.
Guðmundur sagði aðspurður, að
væntanlega yrði PCJR-tölvan
kynnt á Evrópumarkaði áður en
langt um líður, en þessi sami hátt-
ur var hafður á þegar IBM kynnti
nýja einkatölvu fyrirtækisins, PC,
eða Personal Computer, fyrr á
þessu ári.
í frétt IBM segir, að með nýju
tövlunni verði ýmis konar ný for-
rit fáanleg, eins og í sambandi við
við heimilishald, kennslu, við-
skipti og skemmtun.
PCJR-tölvan verður boðin í
tveimur mismunandi útfærslum,
annars vegar vél með 64k-minni,
en sú vél kostar í Bandaríkjunum
699 dollara og síðan vél með tvö-
falt stærra minni, eða 128k, en sú
vél kostar 1.269 dollara.
Nýju vélarnar geta nýtt 30 for-
rit, sem IBM er þegar með á mark-
aði, auk nokkurra hundraða for-
rita, sem framleidd eru af öðrum
framleiðendum.
PCJR-tölvan var kynnt í vik-
unni, en gert er ráð fyrir að hún
verði formlega til sölu í desember
og verði síðan til á lager þegar í
ársbyrjun 1984.
Fjalla um um-
búðatækni í dag
FÉLAG íslenzkra iönrekenda og Iðntæknistofnun hafa ákveðið aö gangast
fyrir ráöstefnu um umbúðamál, aö sögn Þórarins Gunnarssonar, skrifstofu-
stjóra Félags íslenzkra iðnrekenda.
Á ráðstefnunni verður fjallað
um stöðu umbúðatækni í dag,
notkun staðlaðra umbúðaeininga
og væntanlega þróun á þessu sviði
á næstu árum.
Á ráðstefnunni munu innlendir
framleiðendur og notendur um-
búða flytja erindi um stöðu inn-
lendrar umbúðaframleiðslu og
notkun umbúða í íslenzku at-
vinnulífi. Ennfremur mun Terje
Lunde, framkvæmdastjóri Den
Norske Emballasjeforening, flytja
erindi um væntanlega þróun í um-
búðatækni á næstu árum.
Ráðstefnan verður haldin laug-
ardaginn 26. nóvember nk., og
mun standa frá kl. 13.00 til 17.00.
Framleiðslan hefur þre-
faldast á síðustu 10 árum
— segir Sakea Ohara, aðalforstjóri Daihatsu Motor Corporation
„VIÐ höfum óneitanlega átt miklu gengi aö fagna undanfarin misseri, bæöi
hvaö varöar heimamarkaö og markaöi erlendis. Reyndar má segja, að þessi
velgengni endurspeglist mjög vel hér á íslandi,“ sagði Sakea Ohara, aöalfor-
stjóri Daihatsu Motor Co., í samtali við Morgunblaöiö. Sakea Ohara kom
hingaö til lands á dögunum, ásamt tveimur Daihatsu-mönnum til þess aö
afhenda Daihatsu-bfl númer 3.000 hér á landi, en aðeins eru liðin liölega sex
ár frá því aö fyrstu Daihatsu-bflarnir komu hér á göturnar.
Sakea Ohara sagðist eiga von á
umtalsverðri söluaukningu á
heimamarkaði, sérstaklega hefði
Daihatsu gengið vel með lítinn
dísilbíl, sem kynntur var á liðnum
vetri. „Salan á þessum bíl fór svo
fram úr öllum áætlunum, að við
önnum vart eftirspurn, enda gerð-
ist það í fyrsta sinn í sögu fyrir-
tækisins, að það komst i 4. sæti
listans yfir söluhæstu bílana í
Japan, sem við erum ákaflega
ánægðir með.
Reyndar er uppgangur fyrir-
tækisins í sjálfu sér ekki síðri á
erlendum mörkuðum, að við ger-
um ráð fyrir um 10% söluaukn-
ingu á þessu ári og enn frekari
aukningu á því næsta. Það sem
hefur hins vegar valdið okkur eins
og öðrum japönskum framleiðend-
um vandræðum eru hin miklu inn-
flutningshöft, sem verið hafa við
lýði, m.a. í Bandaríkjunum og í
Evrópu. Við myndum án efa selja
þó nokkuð meira, ef þau væru af-
nurnin," sagði Sakea Ohara.
„Heildarframleiðsla og sala
Daihatsu á þessu ári er í námunda
við 600.000 bíla og hefur fram-
leiðsla fyrirtækisins liðlega þre-
faldast á síðustu tíu árum, en árið
1973 lætur nærri, að við höfum
framleitt í námunda við 200.000
bíla. Af þessu er ljóst, að okkar
aukning er með því mesta sem
þekkist," sagði Sakea Ohara.
Aðspurður hvers vegna Dai-
hatsu hefði eingöngu fengizt við
framleiðslu á litlum bílum, sagði
Sakea Ohara, að það væri einfald-
lega vegna markaðarins. „Eftir-
spurn eftir litlum bilum og milli-
stórum hefur stöðugt verið að
vaxa á undanförnum árum og því
höfum við lagt höfuðáherzluna á
þá framleiðslu. í því sambandi
hefur okkur gengið einstaklega vel
með Daihatsu Charade-bílinn,
sem hefur staðið sig mjög vel. I
sambandi við Charade-inn má
reyndar skjóta því að, að kominn
er á markaðinn nýr bíll, sem hefur
verið hannaður frá grunni. Hann
er væntanlegur hingað til íslands
í nóvembermánuði."
Morgunblaðið/Ól.K.M.
Sakea Ohara, aöalforstjóri Daihat.su
Motor Corp.
Það kom fram i samtalinu við
Sakea Ohara, að útflutningur
fyrirtækisins nemur á bilinu
25—30% af heildinni. „Það er hins
vegar ekkert launungarmál, að við
stefnum að þvi að auka þennan
hluta verulega í framtíðinni. Sér-
staklega gerum við okkur vonir
um að geta náð umtalsverðri
aukningu í Bandaríkjunum og í