Morgunblaðið - 06.12.1983, Blaðsíða 12

MORGUNBLAÐIÐ, ÞRIÐJUDAGUR 6. DESEMBER 1983
12
Hér er Margrét Hallgrímsson, önnur tveggja núlifandi dætra Thors Jensen og MargréUr Þorbjargar, ásamt manni sínum Hallgrími
Fr. Hallgrímssyni.
Tómas Hallgrímsson, höfundur niðjatals Thors Jen-
sen og Margrétar Þorbjargar, áritar bók sína.
185 ættingjar Thors Jensen og
Margrétar Þorbjargar komu saman
AFKOMENDUR og ættingjar
Thors Jensen komu saman til
kaffidrykkju á Hótel Esju 3. des-
ember sl. til aó minnast þess aó þá
voru 120 ár liðin frá fæðingu hans.
Þar var margt um manninn og
sóttu um 185 manns hófið, enda
eru beinir ættingjar Thors Jensen
og konu hans Margrétar Þorbjarg-
ar nú 259 og makar þeirra 119.
Geta má þess að enn eru tvö af tólf
börnum þeirra hjóna á lífi, Mar-
grét og Kristjana. í tilefni afmælis-
ins kom út niðjatal Thors Jensen
og Margrétar Þorbjargar, sem
dóttursonur þeirra og elzta barna-
barn, Tómas Hallgrímsson, tók
saman.
Ættarmótið hófst með því að
Örn Johnson yngri þakkaði gest-
um komuna og mæltist til þess
að Margrét Thors yrði veislu-
stjóri, sem samþykkt var með
lófaklappi. Margrét þakkaði
heiðurinn og bauð Kristján Al-
bertsson sérstaklega velkominn,
en hann er systursonur Margrét-
ar Þorbjargar. Því næst bað
Margrét Thors, Tómas Hall-
grímsson að koma upp og halda
tölu í tilefni af útgáfu niðjatals-
ins. Tómas rakti hlýleg kynni sín
af þeim hjónum, Thor Jensen og
Margréti Þorbjörgu, auk þess
sem hann gerði grein fyrir niðja-
talinu, áður en kaffidrykkja
hófst.
Blm. Mbl. ræddi stuttiega við
Tómas um tildrög og samningu
niðjatalsins. „Segja má að
hugmyndinni hafi verið hreyft
fyrir þremur árum þegar ólafur
B. Thors fór þess á leit við mig
að semja niðjatal Thors Jensen
og Margrétar Þorbjargar, enda
höfðu margir bæst í hópinn frá
því að fyrri ættarskráin kom út
árið 1963,“ sagði Tómas. „Ég
hófst þegar handa við verkið og
tókst að ljúka því fyrir tilsettan
tíma, eða 3. desember, en þá
hefði Thor Jensen orðið 120 ára.
Og til gamans má geta þess að
síðasti ættinginn fæddist 29.
september sl. en ég skilaði hand-
riti af mér 15. október. Því er
ekki að neita að þetta er mikið
nákvæmnis- og þolinmæðisverk,
en mér fannst samt sem áður
afskaplega gaman að vinna að
því. Til marks um víðfeðmi
niðjatalsins þá sótti ég fanga til
6 landa auk íslands, þ.e. Banda-
ríkjanna, Svíþjóðar, Frakklands,
Þýskalands, Danmerkur og Lúx-
emborgar, þar sem ættingjar
Thors Jensen eru búsettir, en ég
fékk einnig leyfi til að byggj a á
fyrra niðjatalinu. En hefði ég
vitað fyrirfram að vinnan við
ættarskrána yrði eins mikil og
raun bar vitni þá efast ég um að
ég hefði lagt út í þetta í upp-
hafi,“ sagði Tómas Hallgrímsson
að lokum.
Það var glatt á hjalla á fyrsta Útsýnarkvöldi vetrarins og hér hafa gestir bnigðið sér í „Göngum við í kringum“, enda skammt til jóla. Ljósm. Mbl. RAX
Skoðanakönnun Útsýnar um ferðaval:
Yfirgnæfandi vinsældir sólarlandaferða
Sólarlandaferðir njóta yfirgnæf-
indi vinsælda meðal íslendinga og af
s'larlöndum er Spánn vinsælasta
fe>Vamannalandið, samkvæmt niður-
stön im skoðanakönnunar Útsýnar
um ferðaval í sumarleyfisferðum.
Niðursiöður könnunarinnar voru
birtar á fyrsta Útsýnarkvöldi vetrar-
ins, sent haldið var í veitingahúsinu
Broadway á sunnudagskvöldið, en í
könnuninei komu fram ýmsar athygl-
isverðar uptlýsingar um ferðaval og
óskir landsn anna í þeim efnum.
I vetraráætlun Útsýnar, sem
kom út í haust, var efnt til áður-
nefndrar skoðanakönnunar um
ferðaval og óskir um ferðamáta
eða tilhögun ferðar, dvalarstað og
tímalengd ferðar í sambandi við
sumarleyfisferðir Islendinga. Alls
bárust 2.680 gild svör, þar sem les-
endur völdu um sólarlandaferð,
sumarhús, flug og bíl eða siglingu
með skipi. Þar kom í ljós að sólar-
landaferðirnar eru langvinsælasti
ferðamátinn og völdu nálægt 60%
þátttakenda sólarlandaferðir sem
fyrsta valkost, eða nærri þrefalt
vinsælli en sumarhúsadvöl í
N-Evrópu og nærri fjórfalt vin-
sælli en flug og bíll.
Af sólarlöndum er Spánn vin-
sælastur en Grikkland kemur
næst, og að sögn Ingólfs Guð-
brandssonar, forstjóra Útsýnar,
vekur sú niðurstaða athygli enda
liklegt að svarendur hafi ekki gert
sér grein fyrir muninum á kostn-
aði við Grikklandsferð í hlutfaili
við önnur lönd í Suður-Evrópu, en
ferð til Grikklands væri í flestum
tilfellum um þriðjungi dýrari en
ferð til Portúgals, Spánar eða ít-
alíu. Einnig vekur athygli hve
hlutfall Júgóslavíu er lágt, eða að-
eins 3,6%.
Ferðaskrifstofan Útsýn flutti
um 5.000 manns í leiguflugi til sól-
arlanda á sl. sumri, sem var nokk-
uð færra en áður, þar eð framboð
var minnkað í ársbyrjun, en sæt-
anýting var mjög góð, eða rúm
95% að meðaltali. Að auki hafa um
12.000 farþegar skipt við Útsýn í
ferðum sínum með áætlunarflugi.
Að sögn Ingólfs Guðbrandssonar
verður skoðanakönnunin höfð til
hliðsjónar við útgáfu næstu
sumaráætlunar, en þar er gert ráð
fyrir svipuðu framboði í sólar-
landaferðum og sl. sumar, en lögð
verður jafnframt aukin áhersla á
þjónustu við þá, sem velja flugferð
og bílaleigu eða sumarhús. Könn-
unin leiddi m.a. í Ijós mikinn
áhuga á sumarhúsum í Þýskalandi
og Utsýn undirbýr nú ferðir þang-
að á þeim grundvelli og með val-
inni aðstöðu við Rín-Mosel.
Steinar hf.
sendir frá
sér tvær
nýjar plötur
Steinar hf. sendu í mánaðarbyrjun
frá sér tvær nýjar plötur. Þetta er
annars vegar nýjasta plata Mezzo-
forte, Yfirsýn, og hins vegar tvöfijld
jólaplata, Jólagleði. í raun er hér því
um að ræða þrjár plötur. Jólagleði
verður auk þess seld á verði einnar
plötu.
Yfirsýn er fimmta hljóðvers-
plata strákanna í Mezzoforte. Á
henni eru níu lög og hefur Friðrik
Karlsson samið fimm þeirra. Þessi
nýjasta plata Mezzoforte var tekin
upp í tveimur af bestu hljóðverum
Bretlands, Mason Rouge og Power
Plant. Var allt kapp lagt á, að
hljóðritunin skilaði sem bestum
árangri, enda var platan dýr í
vinnslu. Lætur nærri að selja
hefði þurft 12.000 eintök hér
heima til þess að standa undir
kostnaði við gerð hennar.
Jólagleði er samheiti tveggja
hljómplatna, sem seldar eru á
verði einnar. Efnið á þessum plöt-
um kemur úr ýmsum áttum, en
skiptist í höfuðdráttum í tvennt.
Annars vegar hátíðlegt efni og
hins vegar barnaefni. Fyrri platan
inniheldur m.a. þekkt sálmalög,
lög við þjóðvísur og ýmis önnur
lög, sem öðlast hafa sess sem sí-
gild jólalög. Á síðari plötunni, sem
er helguð börnunum, er yfirbragð-
ið allt gáskafyllra. Alls eru 26 lög
á þessum tveimur plötum, en öll
hafa þau komið út áður.