Morgunblaðið - 10.02.1984, Blaðsíða 18

ÞARFTU AÐ BÆTA - ERTU AÐ BYGGJA - VILTU BREYTA
18 MORGUNBLAÐIÐ, FÖSTUDAGUR 10. FEBRÚAR 1984
Svipmyndir ár borginni
Eftir Ólaf Ormsson
„Elskan mfn,
sendu mér bíl að
stóru snjóhúsi
í neðra Breiðholti"
Kuldalegt er um þetta leyti
árs við tjörnina í miðborg
Reykjavíkur. Miðvikudagseft-
irmiödag i upphafi mánaðarins
var öll tjörnin næstum frosin, en
endurnar hímdu í vökinni ekki
fjarri Iðnó og höfðu sýnilega
ekki annað fyrir stafni en að
fylgjast með miðasölunni hjá
leikfélaginu. Nokkrir brauðmol-
ar voru á floti í vökinni og
endurnar litu ekki við þeim, þær
voru greinilega saddar og vel á
sig komnar og undu hag sínum
vel miðað við mannfólkið sem
var á leið um Vonarstræti, úlpu-
klætt eða í margs konar kulda-
flíkum og horfði þungbúið til
jarðar, enda var kominn skaf-
renningur í borginni og ofanbyl-
ur. Alþingi hafði komið saman
til fundar klukkan tvö og tveir
alþingismenn, hávaxnir og vel í
holdum, brugðu á leik á bíla-
stæði alþingis, hnoðuðu snjób-
olta og köstuðu hvor í annan um
stund uns þeir gengu brosandi
inn Templarasund fram hjá lík-
fylgd sem kom frá Dómkirkj-
unni. Þegar líkfylgdin var horfin
úr Templarasundi, skaust kunn-
ur fasteignasali út um dyr á húsi
við Kirkjustræti, nýkominn úr
snyrtingu hjá hárskera, klæddur
í dökkblá, teinótt spariföt, í
hvítri skyru og með svarta
slaufu og í lakkskóm eins og vera
ber í fljúgandi hálkunni og heils-
aði fólki á gangstéttum með til-
þrifum. Hann var með þunga
svarta stresstösku í hendi og
gekk rakleitt að bifreið við
Templarasund, með þykkan,
stóran vindil í munni, púaði
ákaft og var að mestu hulinn
vindlareyk. Áður en hann settist
undir stýri kom hann auga á
kunningja sem var á gangi ekki
langt frá Alþingishúsinu og fast-
eignasalinn kallaði til hans í
skafrenningi sem fór vaxandi:
— Nú þykir mér snjóa vinur
minn og nú er ráð að skoða eign-
ir og gera tilboð. Aldrei betra en
í svona góðu veðri. Það eru allir
heima vinur minn og mikil
hreyfing á fólki og bara þokka-
leg sala, maður, bara þokkaleg
sala.
Fasteignasalinn kastaði
stresstöskunni í aftursæti bif-
reiðarinnar, fleygði vindil-
stubbnum yfir í garð Alþingis-
hússins, teygði sig eftir þunnum
ljósum regnfrakka í framsæti
bifreiðarinnar og var rétt dott-
inn í hálkunni á lakkskónum
þegar hann gekk aftur fyrir bíl-
inn og strauk honum hátt og
lágt. Ég sá á eftir bifreið
fasteignasaians yfir að Iðnað-
arbankanum í Lækjargötu þar
sem ég tel víst að hann hafi lagt
inn á reikning töluverða upp-
hæð. Það er bjartsýni ríkjandi í
fasteignasölu og þessi kúgaða
stétt sem lengi hefur lapið dauð-
ann úr skel hefur loksins látið
verða af því að stofna félag til að
gæta hagsmuna sinna.
í porti Miðbæjarbarnaskólans
voru töluverð ærsl og læti þenn-
an miðvikudagseftirmiðdag í
upphafi mánaðarins. Nokkrir
ungir drengir grýttu snjóboltum
í allar áttir, aðallega þó að skól-
anum og sennilega eru þeir
haldnir námsleiða, enda ólíkt
skemmtilegra að leika sér í
snjónum en að rýna í námsbæk-
ur inni í skólastofu hjá kennur-
um sem eru misjafnlega
skemmtilegir. Innarlega við
Hverfisgötu var allt með ró og
spekt. Einstaka maður leit í sýn-
ingarglugga Regnbogans og svo-
lítil ös var í fornbókaverslun við
götuna. Þar voru konur og karlar
að handfjatla gamlar bækur og
nýjar og spá í verð og innihald.
Fornbókasalinn sem er með
skemmtilegri mönnum í borg-
inni og hefur sérstakt lag á að fá
viðskiptavini til að koma auga á
húmorinn í tilverunni, sagði
brandara við góðar undirtektir
tveggja miðaldra skálda, sem
þáðu neftóbakskorn hjá honum
og hnerruðu síðan þessi ósköp.
Ánægjulegustu dagana kvað
fornbókasalinn vera laugardags-
eftirmiðdaga, þá færi hann í sín
bestu föt, ljósgráan smóking,
hvíta skyrtu og setti upp dökk-
rauða slaufu og síðan bankaði
hann uppá hjá rosknu kvenfólki
sem vildi stundum selja heilu
bókasöfnin. Eru það einkum
ekkjur og fráskildar konur og er
þá boðið upp á sérríglas í stofu
og huggulegheit — eins og vera
ber.
Það kyngir niður snjó í borg-
inni svo til daglega nú í febrú-
armánuði. Snjóruðningstæki
hafa ekki iengur undan að
hreinsa götur og gangstíga.
Fjölda einkabíla hefur verið lagt
og eigendur breiða yfir suma
stórar ábreiður, líkt og yfir
heysátur og reikna ekki með að
geta vitjað þeirra næstu vikur. í
ófærð eins og þeirri sem verið
hefur í borginni undanfarið er
mikill fjörkippur í leigubifreiða-
akstri og um daginn var hringt á
eina stöðina og hás rödd í síman-
um stundi upp erindinu:
— Elskan mín! Sendu mér bíl
að stóru snjóhúsi í Neðra Breið-
holti. Við erum hér sex manna
fjölskylda í einbýlishúsi og að-
eins skorsteinninn stendur upp-
úr. Bíllinn minn er einhvers
staðar hér á lóðinni hulinn snjó
og ég kem bara alls ekki auga á
hann. Er það stjórnarandstaðan
sem stendur fyrir þessum and-
skota eða hvað? Ég bara spyr.
Ég trúi öllu upp á það lið eins og
það getur nú látið.
Kostnaður við snjómokstur í
borginni síðan um áramót er nú
kominn yfir tíu milljónir og er
líklega meiri en dæmi eru til
fyrr og síðar. Haldi áfram að
snjóa og geri t.d. mikinn skaf-
renning, þá er til á borði gatna-
málastjóra eins konar neyðar-
áætlun þar sem gert er ráð fyrir
að aðeins verði reynt að halda
opnum strætisvagnaleiðum í
borginni. Vonandi kemur ekki til
þess að allt snjói meira eða
minna í kaf, ástandið er líka
nógu slæmt nú þegar. Til eru
þeir sem hafa bara gaman af
öllu, t.d. krakkarnir í borginni,
sem hlaða volduga snjókarla og
snjóhús og láta sig jafnvel
dreyma um enn meiri snjó.
ERTU AÐ BYGGJA - VILTU BREYTA - ÞARFTU AÐ BÆTA - ERTU AÐ BYGGJA - VILTU BREYTA -
AD BYGGJA - VILTU BREYTA - ÞARFTU AD BÆTA - ERTU AÐ BYGGJA - VILTU BREYTA •
Hvarf bandarísku
gervihnattanna:
Trygginga-
félög borga
brúsann
London, 8. feb. AP.
TRYGGINGAAÐILAR í London
munu bera mcstan kostnað af því aö
tveir bandarískir gervihnettir töpuð-
ust í ferð geimferjunnar Challenger.
Samtals munu þeir þurfa að greiða
70 milljónir dollara, eða rúma 2
milljarða ísl. króna.
Talsmaður Lloyd’s sagði að áður
en gervihnettir yrðu tryggðir á ný
yrðu iðgjöld hækkuð verulega.
Hann neitaði að nefna tölur í því
sambandi, og sagði að upphæðin
réðist af því hvaða ráðstafanir
yrðu gerðar til að hindra að sams
konar atburður endurtæki sig.
West Star Vl-gervihnötturinn,
sem tapaðist á föstudag, var
tryggður fyrir 105 milljónir doll-
ara, og Palapa B2, sem tapaðist á
mánudag, var tryggður fyrir 75
milljónir dollara. Lloyd’s borgar
mest, en hefur síðan endurtryggt
gervihnettina hjá nokkrum trygg-
ingafélögum í Bandaríkjunum og
Evrópu, svo skaðinn dreifist víða.