Morgunblaðið - 11.03.1984, Side 31

MORGUNBLAÐIÐ, SUNNUDAGUR 11. MARZ 1984
79
Sigurvegarinn, Óli Laxdal, en hann fór hringinn á 29 höggum.
Morgunblafti9/Fri6þj6fur
Nokkrir stjórnendur mótsins. Lengst til vinstri er Ottó Pétursson keppn-
isstjóri, sitjandi er Jóhann Einarsson ritari, þá María Fjóla Pétursdóttir
féhirðir og standandi er Gunnlaugur Jóhannsson.
Broadway
Óvenjuleg golfkeppni fór fram í Broadway sunnudaginn fyrir hálfum
mánuði, 117 kylfingar þreyttu keppni í innanhúspoti, eöa mini-golfi,
sem Golfklúbbur Ness (Nesklúbburinn) stóð fyrir í tilefni af því að 20
ár eru liðin frá stofnun klúbbsins. Þetta var 18 holu keppni og tókst
með afbrigðum vel, að sögn formanns NK, Sigurðar Runólfssonar.
Sigurvegari mótsins var Óli Laxdal í GR, sem ekki hefur snert á kvlfu
í áraraðir, að eigin sögn. Óli fór hringinn á 29 höggum, eða 7 undir
pari, sem var 36. Fyrir vikið vann hann til utanlandsferðar á vegum
Samvinnuferða-Landsýnar.
„Það er greinilegt að golfarar
eru í góðu forrhi um þessar
mundir, því fjöldinn allur fór
hringinn undir pari," sagði Sig-
urður Runólfsson. „í öðru sæti
var Pétur Orri Þórðarson frá
NK, en hann fór hringinn á 30
höggum. Jón Ögmundsson var
þriðji, með 32 högg. Þeir félagar
fengu önnur og þriðju verðlaun,
djúpsteikingarpott og hrærivél."
Þrautirnar voru, eins og geng-
ur, margar og mismunandi.
Beinar brautir með torfærum,
gervigras og plastbretti sem lá í
mildum sveig upp að tunnu og
þurftu menn að sýna nákvæmni
mikla til að slá kúluna alla leið á
tindinn án þess að hún endasent-
ist yfir tunnuna og út í hrjóstur.
Sagði Sigurður að þessi hola
hefði reynst mörgum kappanum
ofraun.
Fjöldi kvenna tók þátt í mót-
inu, og virtust þær fóta sig einna
best á gervigrasinu, hvernig sem
á því stóð. Sigurður sagði að þess
hefði verið stranglega gætt að
enginn færi æfingaferð áður en
sjálf keppnin hæfist, en þó var
mönnum frjálst að fara eins
margar umferðir og þeir komust
yfir. Mjög margir fóru 36 holur,
og þó nokkrir 72.
Ólafur A. Ólafsson býr sig undir
erfitt högg.
Guðmundur Á. Geirsson, þjónn á Björgvin Þorsteinsson reynir við áttundu holuna, sem margir sprungu á.
Esju, sprcytir sig á plastbrettinu. Jóhann Reynisson, Gunnar Hjartarson og tveir ungir sveinar fylgjast
með.
r
Afmælisbarnið, Ási í Bæ, í hörkuformi á sjötíu ára afmæliskvöldvökunni 27.
febrúar sl. Ljósmyndir Mbl. KÖE.
Húsfyllir var í Norræna húsinu á
afmæliskvöldvöku með Ása í Bæ
27. febrúar sl. en þar komu fram
fjölmargir listamenn sem sungu lög
og Ijóð Asa í Bæ, en mörg laga hans
og Ijóða hafa lifað góðu lífi með
þjóðinni í áratugi. Alls voru 24 lög
fiutt á kvöldvökunni sem nær 200
manns sóttu og var feikileg
stemmning í húsinu, enda tóku
kvöldvökugestir lagið með fiytjend-
um svo undir tók.
Árni Johnsen stjórnaði kvöld-
vökunni, en auk afmælisbarnsins
sungu Árni, Halldór Kristinsson,
Haukur Mortens, Svanhildur og
Ólafur Gaukur, Páll Steingríms-
son, Guðrún Ölgeirsdóttir og
meðal hljómlistarmanna sem
léku í Bæjarsveitinni þetta kvöld
voru Gísli Helgason, Ingi Gunnar
Aðalsteinsson, Arnþór Helgason
og Grettir Björnsson. Auk söngs
las Ási í Bæ upp úr verkum sín-
um. Afmælisbarninu barst fjöldi
gjafa og heillaskeyta og m.a. kom
blómakarfa frá bæjarstjórn Vest-
mannaeyja og Guðjón ólafsson
listmálari og Þorsteinn Sigurðs-
son frá Blátindi færðu Ása mál-
verk frá Eyjum.
Hörkustuð á afmæliskvöldvöku Asa í Bæ
Kvöldvökugestir sungu með af hjartans list eins og sjá má.
Sungið og leikið á gítar, fiðlu (veggmynd), flautu, bassa og píanó.